Connect with us

تازه خبرونه

د هېواد کرنیز تولیدات به له ځانګړې نښې او هویت برخمن شي

Avatar

خپور شوی

 په

(Last Updated On: غویی ۱۹, ۱۳۹۸)

د کرنې او مالدارۍ وزیر وايي؛ د کورنیو تولیداتو په نښه کولو لړۍ په  درې راتلونکیو کلونو کې بشپړیدونکې ده او  لدې وروسته به صادریدونکي افغان توکي ځانګړې نښه او مارک ولري.

د افغانستان پر تولیداتو د مارک لګولو دا پروژه د کرنې وزارت او د ملګرو ملتونو د سازمان د کرنې سازمان لخوا رهبري کیږي. دا پروژه به په دوه برخو کې پلې شي؛ یو د سیستم پر جوړولو او د قوانینو پر جوړښت او دوه یم د کورنیو محصولاتو په نښه کول او په سیستم کې یې ثبتول دي.

د کرنې او مالدارۍ وزیر نصیراحمددراني ویلي؛  انار، جلغوزي او زعفران او نور تولیدات ، چې د هېواد مشهور صادراتي توکي دي، لدې سیستم به برخمن شي.

د ټولنیزي پراختیا په برخه کې د اروپايي ټولنې رییس وايي، د نړیوالو بازارونو د اړتیا پر بنسټ مهمه ده، چې په بنسټونو کې ظرفیتونه لوړ شي.

په افغانستان کې د اروپايي ټولنې د پراختیا برخي مسوول نیکولاس ټیلر وایي؛ افغانستان یو له هغو هېوادونو دی، چې خورا زیاتې میوې لري. اړ تیا ده، چې دا میوي پر نښه شي او بیا نړیوالو بازارونو ته واستول شي؛ دا پروژه اوږد مهاله ده، خو باید ظرفیتونه رامنځته او نړيوالو بازارونو ته وروپېژندل شي.

په افغانستان کې د ملګرو ملتونو سازمان د کرنې برخي رییس راجندرااریال وایي؛ دا منو، چې  له اروپايي هېوادونو یوه تجربه راوړل شوې؛  خو له بشپړیدو سره به يي د افغانستان تازه میوې ته خورا ښه بازار پیدا شي.

د خصوصی سکتور سوداګر جلال الدین سعید ويلي، د دغه پروګرام له پلي کیدو سره دوی اړتیا نلري، چې خپلو محصولاتوته جوازونه واخلي.

غالۍ، قیمتي ډبرې، زعفران، وچې او تازه میوې له هغو افغان محصولاتو دي، چې کروندګر یې د بازار د نشتون له کبله له ګڼو ستونزو سره مخ دي. د معیاري بسته بندۍ د نشتون له کبله د ګاونډ هېوادونو په نوم او نښه صادریږي.

خبریال: اسلم حجاب

تازه خبرونه

په افغانستان کې پر کرونا اخته کسان ۱۷۲۶۷ ته رسیدلی؛ خو نن ترې دوه چارواکي مړه شوي

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

په کندوز ولایت کې پر کرونا اخته دوه سیمه ییز چارواکي په داسې حال کې مړه شوي، چې د هېواد د رسمي څرګندونو له مخې د دې ویروس ټول شمېر ۱۷۲۶۷ ته رسیدلی دی.

د کندوز ولایت ویاند ویلي؛ د قلعه ذال ولسوال فهیم قرلق او د دې ولایت امنیه قومندان جنرال رشید بشیر، چې له څو ورځو راپدیخوا پر کرونا اخته ول؛ نن سهار ترې مړه شوي دي.

د کندوز والي ویاند عصمت مرادي ویلي، چې د دې ولایت د پولیسو مشر رشید بشیر نن سهار د کابل په یوه روغتون او د قلعه ذال ولسوال فهیم قرلق د کندوز په کوویډ – ۱۹ روغتون کې مړه شوي دي.

دا په داسې حال کې ده، چې له تېرو ۲۴ ګړیو راپديخوا په ټول هېواد کې د کرونا ویروس له ۱۳۲۳ شکمنو بېلګو ۷۵۸ مثبتې ثبت شوې دي.

د یاد وزارت د څرګندونو له مخې؛ په تېرو ۲۴ ګړیو کې ۲۴ کسان له کرونا ویروسه مړه شوي او ۷۸ نور له رغیدو وروسته کورونو ته رخصت شوي دي.

دغه راز د  عامې روغتیا وزارت د څرګندونو له مخې په ټول هېواد کې د کرونا ویروس پر ناروغۍ د اخته کسانو شمېر۱۷۲۶۷ ته رسیدلی؛ ۱۵۲۲ ترې روغ شوي او ۲۹۴ نور مړه دي.

د عامې روغتیا وزارت مرستیال وحیدالله مایار په ډاګه کړې؛ د روغتیا نړیوال سازمان د کرونا ویروس معلومولو لپاره له افغانستان سره د ۱۰ دستګاوو مرسته کړې، چې تر دوه اوونیو به هېواد ته راورسیږي.

دا په داسې حال کې ده، چې د اطلاعاتو او فرهنګ وزارت هم د عامې روغتیا وزارت په همکارۍ کابینې ته یوه طرحه وړاندیز کړې، چې د هېواد په ګوټ ګوټ کې د څه باندې سل تلویزیونونو او دوه سوه ۳۱ راډیوګانو له لارې د کرونا ویروس په اړه د عامه پوهاوي د لوړولو لپاره بېلابېل  پیغامونه خپاره کړي.

Continue Reading

تازه خبرونه

د پکتيا د سیدکرام ولسوالۍ امنيه قومندان ووژل شو

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د پکتیا سیمه ییزو چارواکو منلې، چې د دې ولایت د سید کرم ولسوالۍ امنیه قومندان له خپلو درې پولیسو سره وژل شوی دی.

د سیدکرم ولسوالۍ ولسوال شریف کلیوال آریانا نیوز ته ویلي، چې تېره شپه د دې ولسوالۍ د امنیه قومندان همایون همت پر موټر د سړک غاړې ماین چاودنه رامڼخته شوې ده.

ښاغلي کلیوال زیاته کړې؛ پېښه هغه مهال رامینځته شوه، چې د پولیسو قومندان تر برید لاندې پوستې مرستې ته روان شو.

سیمه ییزو چارواکو منلې، چې د سید کرم ولسوالۍ امنیه قومندان او درې پولیس وژل شوي او څلور نور سرتېري ټپیان دي.

ښاغلي کالوال دا هم ویلي، چې طالبانو ته ځاني زیان اوښتی؛ خو د جزئیاتو له وړاندې کولو یې ډډه کړې ده.

طالبانو تر دې دمه په دې اړه څه ندي ویلي.

پکتيا د هېواد په جنوب ختيځ کې يو له ناامنو ولايتونو څخه دی، چې په يو شمېر ولسواليو کې يې طالبان پراخې هڅې تر سره کوي.

 

Continue Reading

تازه خبرونه

په فراه کې د هندواڼو حاصلات په بې ساري توګه ډېر شوي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د افغانستان کرنې او مالداارۍ وزارت ویلي، چې سږکال به د فراه د هندواڼو حاصلات ۷۸۹ زره ټنو ته ورسېږي، چې دا د تېر کال په پرتله شپږ سلنه ډېروالی  ښیي.

د کرنې او مالدارۍ وزارت ویاند اکبر رستمي ویلي، سږکال به د فراه ولایت د هندواڼو حاصلات تر ۷۸۹ زره او ۴۰۰ مټریک ټنو پورې ورسېږي.

د نوموړي د څرګندونو له مخې؛ په روان کال کې د دې ولایت پر نږدې ۱۹ زره او ۱۵۰ هکتاره ځمکه هندواڼې کرل شوې دي.

د فراه ولایت کروندګرو هم د هندواڼو په حاصلاتو کې د زیاتوالي خبره کړې؛ خو د مارکیټ نشتوالی لویه ستونزه بولي.

د سوداګرۍ اوپانګونې خونې مسوولینو ویلي، تر اوسه د هېوادنیو صادراتو لپاره د صنعت او سوداګرۍ وزارت هیڅ  بازار موندنه نده کړې.

د سوداګرۍ او پانګونې خونې غړی خانجان الکوزي د صنعت او سوداګرۍ پر وزارت نیوکه کړې او وایي، د سوداګرۍ وزارت باید د کورنیو محصولاتو لپاره د بازار موندنې او لیږدولو زمینه برابره کړې وای.

دوی وایي، چې د افغانستان هندواڼو ته ترټولو ښه بازار د سویلي آسیا هېوادونه دي؛ خو له بده مرغه پاکستان د تل په څېر افغان صادراتو ته اجازه  نه ورکوي.

د یادونې ده، چې د صنعت او سوداګرۍ وزارت تر دې دمه په دې اړه څه ندي ویلي.

Continue Reading

Trending