Connect with us

تازه خبرونه

د هېواد په ۴ ولایتونو کې د سړک جوړونې چارې پیلیږي

خپور شوی

 په

(Last Updated On: غویی ۲, ۱۳۹۸)

د ترانسپورت وزارت لخوا د هېواد په څلورو ولایتونو کې د اته سوه اته میلیون افغانیو پر ارزښت د سړک جوړونې د پروژو تړونونه لاسلیک شول.

د دغه وزارت مسوولینو په کاپیسا، پنجشیر، نیمروز او بامیان ولایتونو کې له ۸ سوه میلیون څخه د ډېرو افغانیو پر لګښت په سلګونه کیلومتره سړکونو د جوړولو تړونونه لاسلیک کړل.

د ترانسپورت وزارت وايي، د وروستیو سیلابونو له کبله په اتلس ولایتونو کې ترانسپورتي بنسټونه زیامن شوي؛ خو اوس هم د مالي زیانونو په اړه دقیق ارقام ندي راټول شوي.

د ترانسپورت وزیر یما یاري ویلي؛ مونږ پبه په دغو ولایتونو کې د سړکو نو او پل چکونو د رغولو او بیا جوړولو چاري پیل کړو. د دغو پروژو د مالي لګښت یوه برخه د نړیوال بانک لخوا ورکول کیږي.

د ملي شورا ځینې غړي بیا وايي، چې د ترانسپورت وزارت باید د ترانسپورتي بنسټونو د جوړولو له بهیره څارنه ډېره کړي؛ ځکه په هېواد کې د ځینو ساختماني شرکتونو لخوا پروژې بی کیفیته پلي کیږي.

د ولسي جرګې غړې فریده احمدي وایي، مونږ په ځلونو د دا سې کارونو شاهدان یو، چې د پروژې له بشپړیدو مخکې یې تخریب پیل شوی دی.

د ولسي جرګي غړی میرداد نجرابی له وزارت څخه د قرادادونو د ورکولو غوښتنه کړې، چې مونږ ترې بښپړه څارنه وکړو ځکه شرکتونه کم کاري دي.

دوی زیاتوي؛ هڅه کوي، چې د هېواد ترانسپورتي بنسټونه جوړ او خلکو ته معیاري ترانسپورتي خدمات وړاندې کړي.

د ترانسوپورت وزارت مسوولین وايي، د دغو پروژو له پیلیدو سره به په زرګونه هېوادوالو ته د کار زمینه برابره شي.

خبریال: اسلم حجاب

تازه خبرونه

پر افغانستان د نړیوالې ټولنې بندیزونه به داعش پیاوړی کړي – سهیل شاهین

خپور شوی

په

توسط

(Last Updated On: ليندۍ ۶, ۱۴۰۰)

اسلامي امارت خبرداری ورکوي، چې پر افغانستان د نړیوالې ټولنې د بندیزونو دوام به داعش پیاوړی کړي.

په افغانستان کې د داعش د فعالیت پراخیدو په اړه له اندېښنو وروسته سهیل شاهین یورو نیوز ته خپله اندېښنه په ډاګه کړې او خبرداری ورکوي، چې که پر افغانستان د نړیوالې ټولنې بندیزونه روان وساتل شي؛ نو ورسره به داعش پیاوړی شي.

سهیل شاهین، چې اسلامي امارت ملګرو ملتونو ته د افغانستان د استازي په توګه ټاکلي له یورونیوز سره په مرکه کې زیاته کړې، چې د امریکا لخوا د افغانستان د شتمنیو کنګل کولو فقر ډېر او اقتصاد زیانمن کړی او د داعش د جلب او جذب لپاره یې زمینه برابره کړې ده.

نوموړی وایي: بندیزونه د بېوزلۍ د رامنځته کېدو او په هېواد کې د اوسني بشري ناورین د زیاتېدو لامل کېږي، چې د داعش د ځواکونو د استخدام لپاره زمینه برابروي او له دې وضعیت څخه دوی ګټه پورته کوي.

په هېواد کې وروستیو پرمختګونو او په افغانستان کې د داعش خراسانۍ څانګې د پراخېدو آوازو روسیه او د منځنۍ آسیا هېوادونه په ځانګړي توګه تاجکستان اړ کړي، چې له افغانستان سره په سرحدي سیمو کې ګډې پوځي روزنیزې هڅې وکړي. ازبکستان او قزاقستان هم په دې وروستیو کې د بریک په سرحدي ښارګوټي کې ګډ پېنځه ورځني پوځي روزنه ترسره کړې ده.

د ازبکستان د دفاع وزارت ډاګه کړې؛ د دواړو هېوادونو په سرحدي سیمو کې د وسلوالو ډلو د کشف او شنډ لپاره له سل ډېرو پوځیانو په ګډه پوځي روزنه ولیدله. په دې پوځي روزنه کې پر زغره والو موټرو او پوځي تجهیزاتو سربېره، جنګي الوتکې او پوځي چورلکې هم وکارول شوې.

پوځي شنونکي جنرال ثمر سادات ویلي؛ په افغانستان کې د تروریستي پروژو ایجنټان د ګاونډ هېوادونو او نړۍ د استخباراتو لخوا لوی ښودل کیږي، چې پر پښو ودرېږي او هڅې ترسره کړي.

د افغانستان اسلامي امارت دفاع وزارت لوی درستیز له الجزیرې سره په مرکه کې ټینګار کړی، چې نوی افغان پوځ به په هېواد کې ثبات ټينګ کړي او دا پوځ به پر بهرنیو مرستو تکیه نکوي.

د ملي دفاع وزارت لوی درستیز قاري فصیح الدین بدخشانی وایي: زمونږ تازه دمي ځواکونه د خلکو، جریانونو او ګوندونو دي او د اسلامي عقیدې له مخې د افغانستان د ساتنې لپاره چمتو شوي دي.

په همدې حال کې د اسلامي امارت او امریکا استازیو نن د قطر په پلازمېنه دوحه کې د خبرو نوی پړاو پیل کړی، چې له افغانستان څخه د تروریستي ګواښونو د له منځه وړلو په اړه خبرې اترې یې د اجنډا یوه برخه ده.

Continue Reading

تازه خبرونه

افغان پلاوي له قطري استازیو سره پر ګډو همکاریو خبرې وکړې

خپور شوی

په

توسط

(Last Updated On: ليندۍ ۶, ۱۴۰۰)

د افغانستان اسلامي امارت د بهرنيو چارو وزارت چارسمبالي مولوي امير خان متقي په مشرۍ یو لوړ پوړي پلاوي تېره شپه د قطر په بهرنیو چارو وزارت کې د بېلا بېلو وزارتونو او ادارو له استازیو او مشرانو سره ګډه ناسته ترسره کړې ده.

له مولوي متقي سره په دې پلاوي کې د پوهنې، روغتیا، مالیې، امنیت او د افغانستان بانک استازي مل دي.

د بهرنيو چارو وزارت وياند عبدالقادر بلخي څرګنده کړې؛ په دې ناسته کې پر سیاسي، بشري، اقتصادي او ښوونیزو او روزنیزو موضوعاتو پراخې ‏خبرې شوي دي.

په دې غونډه کې د قطر هېواد استازیو ويلي، چې د افغانستان د خلکو تر څنګ ولاړ دي او مرستې به ورسره وکړي.

افغان پلاوي د قطر هېواد له مرستو او په تېرو مذاکراتو کې د دوی له مثبت رول څخه مننه کړې.

دا په داسې حال کې ده، چې نن به د قطر پر کوربتوب د افغان او امریکایانو تر منځ پر سیاسي او ټولنیزو مسایلو پرخې خبرې تر سره شي.

Continue Reading

تازه خبرونه

له افغانستان څخه اخیستل شوی درس مو د راروانې ناستې موضوع ده – ناټو

خپور شوی

په

توسط

(Last Updated On: ليندۍ ۶, ۱۴۰۰)

د ناټو سرمنشي ینس سټولټنبرګ پرون (جمعه د لیندۍ ۵ ) څرګنده کړې، چې د دې ټولنې د بهرنیو چارو وزیران به راتلونکې اوونۍ په افغانستان کې د دې سازمان پر فعالیتونو او اخیستل شویو درسونو خبرې وکړي.

د ناټو عمومي منشي ینس سټولټنبرګ ویلي، چې د افغانستان د تېر حکومت او پوځي ځواکونو له چټک سقوط وروسته ما د خپل تعامل هر اړخیزه ارزونه پیل کړې ده.

سټولټنبرګ زیاته کړې، چې ناټو د ترهګریزو بریدونو د مخنیوي لپاره افغانستان ته تللې وه.

نوموړی وایي؛ د سپټمبر له یوولسمې وروسته زمونږ پر وړاندې له افغانستان څخه ترهګریز برید نه دی شوی؛ خو مونږ باید پوه شو، چې په وروستیو کلونو کې نړیوالې ټولنې له ترهګرۍ سره د مبارزې له بنسټیزې موخې څخه لوړې غوښتنې په نظر کې نیولې وې، چې مونږ له تلفاتو او پانګونې سره سره و نشو کولی هغهه ترلاسه کړو.

د ناټو عمومي منشي په افغانستان کې د بشري وضعیت په اړه هم اندېښنه څرګنده کړې ده.

هغه وایي: په افغانستان کې بشري وضعيت ډېر خراب، کړکېچن او ډېر ستونزمن دی او له شک پرته دا د ټولو لپاره د ډېرې اندېښنې وړ او ژمی هم په رارسېدو دی. مونږ پوهېږو، چې ډېر خلک په ژمي کې له کړاوونو سره مخ دي.

سټولټنبرګ له افغانستان سره د ناټو د غړیو هېوادونو له روانو بشري مرستو هرکلی کړی او دا یې د افغانستان له خلکو سره د ناټو د غړیو هېوادونو ژمنتیا نومولې ده.

د ناټو عمومي منشي زیاته کړه، چې د افغانستان پر راتلونکي به له پاکستان سره خبرې وکړي.

هغه وایي: ناټو له کلونو راپدیخوا له پاکستان سره منظمې اړیکې لري؛ نه یوازې د افغانستان د وضعیت په اړه، بلکې ورسره سیاسي اړیکې او منظمې پوځي اړیکې او خبرې اترې هم لرو، چې باید روانې وساتل شي؛ ځکه، چې په سیمه کې، په ځانګړې توګه د افغانستان د راتلونکي په اړه ډېرې ننګونې اوس هم شته.

سټولټنبرګ وايي، د ناټو د بهرنیو چارو وزیران به د اوکراین په پولو کې د روسي ځواکونو د زیاتوالي په اړه هم خبرې وکړي.

هغه ویلي: په دې اړه هڅې کړکیچ زیاتوي او د غلطې محاسبې خطر لري. روسیه باید شفافه وي، تاوتریخوالی کم کړي. د روسیې پر وړاندې د ناټو چلند بدل شوی ندی. مونږ خپله دفاع پیاوړی کوو او په دې اړه له روسیې سره خبرو ته چمتو یو.

هغه وایي، چې د ناټو د بهرنیو چارو وزیران به په بېلاروس کې له کډوالو سره د ناوړه چلند په اړه هم خبرې وکړي.

سټولټنبرګ زیاته کړه، چې په دې غونډه کې به د روسیې د تېري، د چین د اقداماتو او د اقلیم د بدلون په ګډون پر نورو مسایلو هم خبرې وشي.

ټاکل شوې، چې دغه غونډه راتلونکې سې شنبه د لاتویا په پلازمېنه ریګا کې ترسره شي.

Continue Reading

Trending

آریانا نیوز: ټول حقونه خوندي دي