لوبی
د هېواد لامبووهنې سیالۍ د کابل لامبووهنې لوبډلې پر بریا پای ته ورسیدې

د لامبووهنې سیالۍ درې ورځې مخکې د لومړی ځل لپاره د هېواد لامبووهنې ملي فدراسیون لخوا د شپږ ولایتونو څخه د ۲۱۰ لوبغاړیو ترمنځ په کابل کې پيل شوې وې، چي د کابل، هرات او دایکندي لوبډلو په ترتیب لومړی، دوه یم او درېیم مقامونه ترلاسه کړل.
د هېواد د ورزش مسوولین د دا ډول سیالیو موخه د غوره څېرو د پېژندلو لپاره ګټوره بولي.
د دې سیالیو په پای کې څلویښت غوره څېرو په څلور برخو کې( ځوانانو، نویو ځوانانو، تنکیو ځوانانو او لویانو) وکولی شول، چي د هېواد په لامبووهنې ملي لوبډله کې د حضور جواز ترلاسه کړي.

لوبی
فیفا پر پاکستان فوټبال لګېدلي بندیزونه لرې کړل
د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

د فوټبال نړیوال فډراسیون (فیفا) د اساسنامې له تعدیل او تصویب وروسته پر پاکستان فوټبال فډراسیون لګول شوي بندیزونه لرې کړل.
د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.
د فیفا شورا دفتر په تېره فبرورۍ کې د پاکستان فوټبال فډراسیون او کانګو فوټبال فډراسیون فعالیتونه له مقرراتو څخه د سرغړونو له کبله ځنډولي وه.
پر پاکستان فوټبال فډراسیون لګول شوي بندیزونه؛ د فیفا شورا د اساسنامې د تعدیل شوې نسخې په تصویبولو کې د پاتې راتلو له کبله ول، چې د عادلانه او ډیموکراټیکو ټاکنو ترسره کول او د دې بهیر د یوې برخې په توګه پر فډراسیون د لګول شويو مکلفیتونو پلي کول تضمینوي.
د فیفا په خبرپاڼه کې ویل شوي، چې د پاکستان فوټبال فډراسیون د قوانینو د تعدیل شوې نسخې له تصویب سره د فیفا ټولې غوښتنې پوره کړې دي.
لوبی
د افغانستان او اسټرالیا ترمنځ کرکټ لوبه بې پایلې پای ته ورسېده
د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.

د جمعې پر ورځ په لاهور کې د افغانستان او اسټرالیا ترمنځ د کرکټ لوبه د باران له کبله بې پلیلې پای ته ورسېده، چې له مکبله یې اسټرالیا د اتلانو جام نیمه پای لوبې ته لاره پیدا کړه.
د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.
د آسټرالیا لوبډله د اتلانو جام دوهیم پړاو ته له څلورو نمرو سره ورسېده، چې دوه یې له دوه لغوه شویو لوبو څخه تر لاسه کړې وې.
د آسټرالیا لوبډلمشر سټیو سمیت ویلي: “دا یوه ښه پایله ده.” دا هغه څه دي، چې مونږ یې د سیالۍ په پیل کې په لټه کې وو. “تر اوسه پورې په دوه غوره لوبډلو کې شتون او نیمه پای لوبې ته تلل د قناعت وړ دي.”
هغه زیاته کړې: “زه فکر کوم، چې لوبغاړو ډېر ښه کار وکړ او دوی (د افغانستان لوبډله) تر ۲۷۳ منډو پورې محدوده کړه او ما فکر کاوه، چې کله لوبه لغوه شوه؛ نو مونږ په ډېر ښه حالت کې وو.”
افغانستان، چې انګلستان ته یې ماتې ورکړه او درې نمرې لري؛ اوس هم نیمه پای لوبې ته د تګ چانس لري. که انګلستان د نن ورځې په لوبه (شنبه) کې سویلي افریقا ته پر لوی توپیر ماتې ورکړي؛ نو افغانستان به نیمه پای لوبې ته لاړ شي، که نه، نو سویلي افریقا به دې مرحلې ته لاړه شي.
د افغانستان لړبډلمشر حشمت الله شهیدي ویلي: “کله، چې د لوبو خبره راځي؛ تاسې هیڅکله وړاندوینه نشئ کولی، چې څه به پیښ شي.” مونږ اوس هم هیله لرو. “مونږ راتلونکې لوبې ته سترګې پر لار یوو، زه هیله لرم، چې انګلستان یې پر لوی توپیر وګټي.”
هند او نیوزیلینډ د الف ګروپ څخه د څلورو غوره لوبډلو لپاره څلورم پړاو ته لارموندلې.
د جمعې پر ورځ د لاهور په لوبه کې، صدیق الله اتل ۸۵ منډې او عظمت الله عمرزي ۶۷ منډې وکړې.
د هېواد په ګوټ ګوټ کې د کرکټ مینهوال کولی شي د اتلانو جام ټولې لوبې پر ژوندۍ بڼه له آریانا ټلویزیون ATN څخه وګوري.
د دې سیالیو په اړه د معلوماتو لپاره د آریانا ټلویزیون او آریانا نیوز ATNN ټولنیزو رسنیو پاڼې وګورئ.
لوبی
د افغانستان کرکټ لوبډله به نوره بې ارزښته ونهګڼل شي – ټراټ
افغان لوبډلې له دې مخکې هم د کرکټ نړیوالې شورا په سیالیو کې پیاوړو لوبډلو ته ماتې ورکړې وې؛ په ۲۰۲۴ کال کې افغانستان د شل اوریزو کرکټ نړیوال جام نیمه پای لوبې ته د رسېدو لپاره نیوزیلینډ او اسټرالیا ته ماتې ورکړې او د ۲۰۲۳ کال په شل اوریز کرکټ نړیوال جام کې یې انګلستان او پاکستان ته ماتې ورکړې دي.

د افغانستان کرکټ ملي لوبډلې مشر روزونکي جاناټن ټراټ د چارشنبې پر ورځ په اتلانو جام کې د انګلستان له ماتې وروسته ویلي؛ هیڅ لوبډله به افغان لوبډله بې ارزښته ونهګڼي.
افغانستان په لاهور کې د اتلانو جام په دوهیمه لوبه کې د انګلستان پر وړاندې ۳۲۵ منډې جوړې کړې او لوبه یې د ۸ منډو پر توپیر وګټله.
افغان لوبډلې له دې مخکې هم د کرکټ نړیوالې شورا په سیالیو کې پیاوړو لوبډلو ته ماتې ورکړې وې؛ په ۲۰۲۴ کال کې افغانستان د شل اوریزو کرکټ نړیوال جام نیمه پای لوبې ته د رسېدو لپاره نیوزیلینډ او اسټرالیا ته ماتې ورکړې او د ۲۰۲۳ کال په شل اوریز کرکټ نړیوال جام کې یې انګلستان او پاکستان ته ماتې ورکړې دي.
ټراټ په دې باور دی، چې د افغانستان کرکټ لوبډلې په اړه د نورو لوبډلو نظرونه بدل شوي دي.
هغه ویلي: “په ۵۰ اوریزه نړیوال جام او ۲۰ اوریزه نړیوال جام کې څه پېښ شول؟ او [اوس] زه لوبغاړو ته دا وایم: افغانستان به بیا هیڅکله کم ارزښته ونهګڼل شي.”
هغه زیاته کړې: “په تېرو وختونو کې شاید خلکو [د افغانستان پر وړاندې] لوبې ته کتل او فکر یې کاوه، چې د دې لوبډلې ګټل د هغه بل هېواد پر وړاندې د سیالۍ لپاره لږ څه اسانه دي؛ ځکه، چې هغو د خپل تاریخ په اوږدو کې ټیسټ لوبې کړې دي؛ خو په دې بڼه کې د شرایطو له مخې زه داسې څه نه وینم. زه هره لوبه، چې مونږ یې کوو د سیالۍ په توګه ګورم او ترې د ګټلو تمه لرم. آسټرالیا به مونږ بې ارزښته ونهګڼي.”
د چارشنبې د ورځې لوبه ډېره مهمه وه؛ ځکه، چې بایلونکې لوبډله له سیالۍ وتله؛ خو ګټونکې لوبډله به په مستقیم ډول نیمه پای لوبې ته ونهرسیږي، له همدې کبله د جمعې ورځې لوبه هم د افغانستان لپاره ډېره مهمه ده.
ټراټ وایي: “له هغه وخته، چې زه روزونکی یم؛ مونږ درې ځله له آسټرالیا سره لوبه کړې او په دې ټولو لوبو کې مو برخه اخیستې ده. زه لوبغاړو ته وایم، چې له نن شپې خوند واخلئ. زه غواړم ډاډ ترلاسه کړم، چې کله دوی سبا له خوبه راویښیږي؛ سمدلاسه به له آسټرالیا سره لوبې ته چمتو وي. له آسټرالیا سره پر لوبې راوڅرخئ. لوبغاړي به داسې وي او دا هغه څه دي، چې زه به یې مینهوالو ته ووایم.”
د هېواد کرکټ ملي لوبډلې مشر روزونکي هیله څرګنده کړې؛ ابراهیم ځدران، چې په ۱۴۶ توپونو یې ۱۷۷ منډې جوړې کړې؛ کولی شي د جمعې پر ورځ خپل “تلپاتې” هڅې تکرار کړي.
ټراټ دا هم ویلي، چې په سوداګریزو لیګونو کې د افغان لوبغاړو ګډون له افغان لوبډلې سره مرسته کړې ده.
د هېواد په ګوټ ګوټ کې د کرکټ مینهوال کولی شي د اتلانو جام ټولې لوبې پر ژوندۍ بڼه له آریانا ټلویزیون څخه وګوري.
د دې لوبو په اړه د معلوماتو ترلاسه کولو لپاره د آریانا ټلویزیون او آریانا نیوز ټولنیزو رسنیو پاڼې تعقیب کړئ.
-
سیمه ییز خبرونه5 days ago
په پاکستان کې له موټر بم چاودنو لږ تر لږه ۶۴ کسانو ته مرګ او ژوبله اوښتې
-
نړۍ1 day ago
مارک کارني کاناډا د راتلونکي لومړي وزیر په توګه وټاکل شو
-
سیمه ییز خبرونه2 days ago
ایران به د امریکا د ځورونې تر فشار لاندې خبرې اترې ونکړي – علي خامنهیي
-
تازه خبرونه22 hours ago
د افغان کډوالو ۶ کټګورۍ به په ایران کې د اوسېدو اجازه ولري
-
تازه خبرونه21 hours ago
په تورخم کې د افغان او پاکستانيو سرحدي ځواکونو ترمنځ لنډمهاله اوربند وشو
-
تازه خبرونه2 days ago
په پاکستان کې د افغان کمپ د چت د نړېدو له کبله ۱۰ کسانو ته مرګ او ژوبله اوښتې
-
نړۍ5 days ago
الکساندر دارچیف په واشنګټن کې د روسیې د نوي سفیر په توګه وټاکل شو
-
International Sports23 hours ago
هند د ۲۰۲۵ کال کرکټ اتلانو جام اتلولي وګټله