Connect with us

تازه خبرونه

د ملګرو ملتونو امنیت شورا د رڼو ټاکنو غوښتونکې شوه

خپور شوی

د

(Last Updated On: لړم ۲, ۱۴۰۱)

د م.م امنیت شورا ناسته، چې پرون ترسره شوې په کې د افغانستان د ټاکنو او سولې پر بهیر خبرې وشوې؛ د نږدې ۹ میلیون رای ورکوونکیو له نوملیکني یې خوښي څرګنده کړه او د دغه هېواد له حکومت او سیاستمدارانو یې غوښتل، چې د مسوولیتونو له مخې د رڼو ټاکنو تر سره کولو ته زمینه برابره کړي.

دغه راز دې شورا له سیاسي ګوندونو وغوښتل، چې د خلکو د غوښتنو او ټاکنیزو قوانینو ملاتړ ته ژمن پاتې شي.

دا شورا د ۸ اعشاریه ۹ میلیون افغانانو نوملیکنه، چې ۳ میلیون یې ښځې دي؛ دیموکراسۍ او رڼو ټاکنو ته د تګ یو ښه زیری بولي؛ خو د یوشمېر سیاسي بهیرونو، طالبانو او داعش له هڅو، چې دا بهیر به له خنډ او ځنډ سره مخ کړي، اندېښنه ښيي.

د ملګرو ملتونو د امنیت شورا رییس ویلي، چې: دا شورا غواړي ټاکنې له بشپړ امنیتي ډاډ سره تر سره شي؛ د هغو کسانو، چې د ټاکنو خنډ ګرزي په ځانګړي توګه د طالبانو او داعش پر وړاندې باید مبارزه وشي. مونږ دغه راز د ټولو سیاسي ډلو تخریبي هڅې، چې د ټاکنو بهیر پرلته وهي هم محکوموو.  

یاده شورا له حکومت او ټاکنیزو بنسټونو غواړي، چې تش بستونه ډک او د نوملیکنې د معلوماتي مرکز د کارونو وروستي کول چټک کړي.

که څه هم یو شمېر سیاسي بهیرونه د ټاکنو د روان بهیر د لغو کیدو غوښتونکي شوي؛ خو دا شورا له ټولو سیاسي بهیرونو غواړي، چې د ټاکنو قوانیو ته درناوی وکړي.

 د ملګرو ملتونو امنیت شورا د افغانستان له خلکو وغوښتل، چې خپل سیاسي حق وکاروي او دا شورا به د دیموکراتیکې ټولنې تر جوړیدو له خلکو او حکومته ملاتړ روان ساتي.

په ملګرو ملتونو کې د افغانستان دایمي استازی محمود صیقل د یوشمېر ډلو پر هغو هڅو خبرې کوي، چې غواړي ټاکنې له ننګونې سره مخ کړي.

نوموړي ویلي، چې: اوس د خلکو، حکومت، ټاکنیزو بنسټونو او ټولو سیاسي ګوندونو مسوولیت دی، چې د رڼو ټاکنو تر سره کولو ته زمینه برابره او ټاکنې تر سره شي. دغه راز داسې ډلې هم شته، چې غواړي ټاکنې وځنډوي؛ خو د افغانستان د خلکو اراده ترې غوره ده او غواړي رڼې ټاکنې پخپل وخت تر سره شي.

د افغانستان د ټاکنو خپلواک کمیسیون هم له ګوندونو سره له نږدې کیدو خبرې کوي او دا حرکت له ننګونې څخه د ټاکنو ژغورل بولي.

د ټاکنو خپلواک کمیبسیون غړی سید حفیظ الله هاشمي زیاته کړې، چې له ګوندونو سره به خبرې وشي او قناعت به یې هم تر لاسه کړي؛ ځکه د ګوندونو ټینګار به د ټاکنو د تر سره کیدو نېټه زیانمنه کړي، چې دا د خلکو په ګټه کار ندی.

د م.م د امنیت شورا دغه راز په ډاګه کړې، چې د نوماندانو پر وړاندې جنسیتي تاوتریخوالی او د ښځینه رای ورکوونکیو رایې باید حکومت ته د پاملرنې وړ وي او لږکیو ته هم باید د برخې زمینه برابره شي.

دې شورا دا ټینګار هم څرګند کړی، چې د ټاکنو بهیر به تر پایه څاري او له یوناما هم غواړي، چې تر یوې بلې میاشتې د ټاکنو په اړه دې شوراته تازه معلومات وړاندې کړي.

قتیل زوی

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!