Connect with us

تازه خبرونه

د ملګرو ملتونو امنیت شورا د افغانستان وضعیت ماتیدونکی بولي

Ariana News

خپور شوی

 په

(Last Updated On: مرغومی ۳۰, ۱۳۹۶)

د ملګرو ملتونو د امنیت شورا په فوق العاده ناسته کې د ملګرو ملتونو سرمنشي په افغانستان کې د ترهګرو په ځانګړي توګه د داعش هڅې د اندېښنې وړ بولي او وایي؛ داعش د مرکزي آسیا هېوادونو ته څرګند ګواښ دی.

د ملګرو ملتونو سرمنشي انتونیوګوترش په ډاګه کړې؛ مونږ یوازې کولی شو ثبات ته د رسیدو لپاره د کړکیچ ریښو ته ځانونه ورسوو؛ نابرابريتوب ته باید پام وشي، د نورو په منزوي کولو او تبعیض، کولی شو سوله ییزې ټولنې ولرو، چې د ترهګرو او بنسټ پالو په وړاندې مقاومت وکړي!

د روسیې د بهرنیو چارو وزیر اندېښمن دی، چې افغانستان د ترهګرو پر مرکز بدل نه شي.

د روسیې د بهرنیو چارو وزیر سرګي لاوروف ویلي؛ د دې وېره شته، چې افغانستان د ترهګرو پر مرکز بدل شي، ځکه سلګونه ترهګر د سیمې او نورو هېوادونو په ملاتړ سیمې ته رسیدلي او له دې ډول یوې سناریو سره مبارزه د نړیوالې ټولنې له پرېکنده کړنو سره تړاو لري. روسیې د سیمې د امنیت او د ترهګرۍ د ګواښونو په وړاندې د مقابلې لپاره څه باندې شل میلیارد دالر پانګونه کړې ده.

د امریکا د بهرنیو چارو وزارت مرستیال د هغو هېوادونو په دې چلند نیوکه کوي، چې د داعش په وړاندې د مبارزې لپاره له طالبانو ملاتړ کوي.

د امریکا د بهرنیو چارو وزارت مرستیال جان سالیون څرګنده کړې؛ له بده مرغه ځینو هېوادونو زیان اړونکې تګلارې  جوړې کړي او له طالبانو په دې خاطر ملاتړ کوي، چې له داعش سره مبارزه وشي. دا تګلاره انحرافي ده. مونږ له خپلو افغان همکارانو سره د افغانستان په ختیځ کې پام وړ پرمختګونه د داعش په وړاندې مبارزه کې تر لاسه کړي. مونږ په ګډه پر داعش فشار راوستی، د هغوی د واک سیمه مو محدوده کړې او د جنګالیو یو په درېیمه برخه مو ورته له منځه وړې ده. له طالبانو ملاتړ به د جګړې د دوام سبب شي او یو ناامنه او بې ثبات چاپېریال به را منځته کړي، چې داعش به د سیمې او افغانستان د ګواښلو لپاره ترې ګټه پورته کړي.

د ملګرو ملتونو د امنیت شورا پړاوییز رییس، چې  څو ورځې مخکې  افغانستان ته راغلی و او په کابل کې یې له ولسمشر غني او اجرائیه رییس سره لیدلي؛ وایي، چې له افغانستان سره د بې ثباتۍ غوټه کول تېروتنه ده.

د ملګرو ملتونو د امنیت شورا رییس غیرات عمروف وایي، تېروتنه به وي، چې افغانستان یوازې د ناامنیو او بې ثباتیو مرکز وګڼل شي، افغانستان له جغرافیوي او بشري اړخه ښه موقعیت لري کولی شي په ګډو اقتصادي پروژو کې ځواکمن شریک وي.

د افغانستان استازی د بهرنیو چارو وزارت سیاسي مرستیال حکمت خلیل کرزی د امنیت شورا پر دې ناستې خوښ ښکاري او وایي؛ یادونه کوو، چې د  ترهګرو د پټو مرکزونو په اړه  د تېر په پرتله اوس نظرونه یو شوي دي. تجربې ښیي، چې ترهګري مونږ ټولو ته ګوزار راکوي او یو هېواد نه شي کولی هغه له منځه یوسي؛ ځکه، چې ورسره هر اړخیزو هڅو ته اړتیا ده.

پاکستان په دې ناسته کې افغانستان او پوځي شریکان یې د ترهګرۍ په وړاندې مبارزه کې ناکام بولي.

په ملګرو ملتونو کې د پاکستان سفیره ملیحه لودي ویلي؛ له اووه لس کلونو جګړې وروسته دا ډېره روښانه ده، چې نه افغان حکومت او نه هم پوځي شریکان او نه هم افغان طالبان په دې دریځ کې نه دي، چې له پوځي لارې خپلې موخې ته ورسيږي. مونږ له طالبانو غواړو، چې تاوتریخوالی پریږدي او  د سولې خبرو ته غاړه کیږدي.

د ملګرو ملتونو د امنیت شورا دغه فوق العاده ناسته  په داسې حال کې جوړیږي، چې په افغانستان کې اوس هم د هرې ورځې په تېرېدو ناامني پراختیا مومي او وسلوال حتا په ښارونو کې خلک په ډله ییز ډول وژني.

خبریاله سمیرا ظفري

Continue Reading
Advertisement

تازه خبرونه

افغانستان او ترکمنستان د اقتصادي همکاریو تړونونه لاسلیک کړل

Ariana News

خپور شوی

په

توسط

(Last Updated On: تله ۹, ۱۳۹۹)

افغانستان او ترکمنستان د چارشنبې پر ورځ ( د تلې ۹) په کابل کې د برښنا او نوري فایبر په اړه د تفاهم درې هوکړه لیکونه او د اقتصادي همکاریو یو تړون لاسلیک کړ.

د دغو هوکړه لیکونو د لاسلیک په مراسمو کې د افغانستان ولسمشر اشرف غني له بیات ګروپ او د ترکمنستان له چالک شرکت څخه هېواد ته د  ۵۰۰ میګاوات برښنا لیږد او نوري فایبر نښلولو تړونونو لاسلیک مننه کړې ده.

احسان الله بیات او د چالک شرکت مشر حکمت سیزار؛ د افغان ولسمشر اشرف غني، د ترکمنستان د بهرنیو چارو وزیر رشید میردوف، د ترکمنستان سفیر اویزوف خواجه سفرګیدویچ، د کانونو او پترولیم وزارت چارسمبالي محمد هارون چخانسوري په حضور کې د ۵۰۰ میګاوات برښنا او نوري فایبر نښلولو تړونونه لاسلیک کړل.

د ولسمشرۍ د څرګندونو له مخې؛ د دغه هوکړه لیک د لاسلیک په مراسمو کې ولسمشر غني ویلي: نن مونږ خپل  پخوانی ښه تاریخ ژوندی کوو او د وروستیو کلونو بد تاریخ جبرانوو.

هغه زیاته کړې؛ د بیات ګروپ او چالک خصوصي شرکت له حضور څخه مننه او دا د دې څرګندوی دي، چې د افغانستان او نړیوالو خصوصي شرکتونو یو بل ته لاس ورکړی او ۵۰۰ میګاواته برښنا تامینوي. ترکمنستان نه یوازې افغانستان، بلکې خپلو ټولو ګاونډ هېوادونو ته ښه ګاونډ دی او مونږ بېرته خپلو لرغونو رېښو ته ورګرځو.

تاپ پروژه ( د ترکمنستان څخه افغانستان او پاکستان ته د برښنا لیږد) یوه له مهمو پروژو څخه ده، چې د دې پروژې د لومړي پړاو د جوړیدو تړون دوه اوونۍ وړاندې د افغانستان برښنا شرکت له چالک شرکت سره لاسلیک کړی دی.

د ترکمنستان د بهرنیو چارو وزیر د افغانستان او ترکمنستان دوه اړخیزو همکاریو ته په انغوته او شاره کې ویلي، هېواد یې غواړي، چې د دې لویو پروژو له تطبیق سره د انرژۍ د تامین ترڅنګ د دواړو هېوادونو ولسونو ته یې ګټه ورسېږي او زموږ اقتصادي همکارۍ به د ټولو لپاره موثرې وي.

هغه زیاته کړه چې په دې برخه کې د همکارۍ لپاره زیات فرصتونه شته او ددې اوږدمهالې پروژې ګټې ټولو ته رسیږي.

په پام کې ده چې د دې پروژې د لومړي پړاو په بشپړیدو سره په لومړي قدم کې ۳۰۰ میګاواټه برښنا د هرات او فراه ولایتونو اوسیدونکو ته ووېشل شي.

د افغانستان برښنا شرکت او چالک شرکت ترمنځ د شوې هوکړي پر بنسټ به د دې پروژې لومړی پړاو د یو کال په لړ کې بشپړ شي.

د یادونې وړ ده چې افغانستان به د دې پروژې له ترانزیټي لارې څخه د کال ۵۰ میلیون دالر د ترانزیت حق ترلاسه کړي.

Continue Reading

تازه خبرونه

په افغانستان کې سوله د پاکستان په ګټه ده – عارف علوي

Ariana News

خپور شوی

په

توسط

(Last Updated On: تله ۹, ۱۳۹۹)

د ملي پخلاینې عالي شورا مشر داکتر عبدالله عبدالله نن (چهارشنبه د تلې ۹) د پاکستان له ولسمشر عارف علوي سره په دوحه کې د روانو خپلمنځي خبرو اترو په اړه ولیدل.

د پاکستان ولسمشر عارف علوي په دې لیدنه کې ویلي؛ د پاکستان حکومت او مشرتابه په افغانستان کې د سولې له هڅو بشپړ ملاتړ کوي. مونږ په افغانستان کې جګړې پای او له سولې او ثبات ته ملاتړ کوو.

هغه ویلي: پاکستان د افغانستان په جګړه کې ځپل کیږي؛ خو له سولې ګټه پورته کوي.

ښاغلي علوي زیاته کړې، چې پاکستان غواړي له افغانستان سره د ښوونې او روزنې، لوړو زدکړو، معلوماتي تکنالوژۍ او عامې روغتیا په برخو کې همکاري زیاته کړي.

دغه راز هغه د دواړو لوریو تر منځ د سوداګرۍ پر پراختیا ټینګار کړی او وایي، چې د سولې له راتګ سره مونږ غواړو سویلي آسیا له مرکزي آسیا سره ونشلوو.

هغه دا هم ویلي، چې د سولې راتګ به د درنو مهاجرو ستنېدو ته هم زمینه برابره کړي.

د ملي پخلاینې عالی شورا مشر عبدالله ویلي؛ په دې پړاو کې د سولې لاسته راوړنه د افغانستان د خلکو او حکومت یو له لومړیتوبونو څخه ده او د دې بهیر په بریا کې د پاکستان او نورو هیوادونو همکاریو اړتیا ده.

عبدالله عبدالله زیاته کړې؛ افغانستان له خپلو ټولو ګاونډ هېوادونو په ځانګړي توګه له پاکستان سره ښې اړیکې غواړي او په افغانستان کې سوله او ثبات به د دواړو هېوادونو او سیمې تر منځ د همکارۍ، سوداګریزې ودې او پرمختګ لپاره لار اواره کړي.

عبدالله  دغه راز ټینګار کړی، چې مونږ له ستونزو څخه لرې او د جګړې پای ته رسولو لپاره یو استثنایي او رښتینی فرصت لرو او هیله لرو، چې دا ځل به له کورني، سیمه ییز او نړیوال ملاتړ سره د تلپاتې سولې او ثبات لرونکي شو.

Continue Reading

تازه خبرونه

فرانسې په نګورنو قره باغ کې د ترکیې پر لاسوهنه نیوکه کړې

Ariana News

خپور شوی

په

توسط

(Last Updated On: تله ۹, ۱۳۹۹)

فرانسې د آرمنستان او آذربایجان په شخړه کې له آذربایجان څخه د ترکیې پر ملاتړ کلکه نیوکه کړې او هغه یې جنګ غوښتنه ګنلې ده.

د آذربایجان او آرمنیا تر منځ د یکشنبې پر ورځ په نګورنو قره باغ سیمه کې نښتو زور واخیست، چې په کې د دواړو خواو کې سلګونه کسان وژل شوي او ژوبل دي.

د دواړو هېوادونو نښتو د سویلي قفقاز د بې ثباتۍ په اړه اندېښنې راپورته کړي، چې له دې لارې د تېلو پایپ لاینونه د نړۍ بازار ته تېریږي او دا وېره یې رامنځته کړې، چې سیمه ییز قدرتونه لکه روسیه او ترکیه به په کې راښکېل شي.

په ناتو کې د ترکیې ځینو متحدینو د انقرې له دریځه ملاتړ کړی، چې د آذربایجان په خاوره نګورنو قره باغ کې ارمني لږکي واکمني چلوي.

د ترکيې د بهرنيو چارو وزير مولود چاووش اوغلو د چارشنبې پر ورځ ویلي، چې ترکیه هر هغه څه ته، چې اړتیا وي؛ کوي.

اوغلو زیاته کړې، چې له آرمنستان سره د فرانسې پيوستون د آذربایجان جمهوریت له نیولو ښکاره ملاتړ دی.

لتویا ته د سفر پر مهال د فرانسې ولسمشر امانویل ماکرون ویلي، چې په نګورنو قره باغ کې د شخړې په اړه د ترکیې څرګندونې خطرناکې او جنګ غوښتنه ده، چې مونږ ته د منلو وړ ندي.

Continue Reading
Advertisement

Trending