Connect with us

تازه خبرونه

د هېواد ولسمشر محمد اشرف غني د وفادارۍ لوړه پرځای کړه

Avatar

خپور شوی

 په

(Last Updated On: کب ۱۹, ۱۳۹۸)

ولسمشر اشرف غني د دوشنبې پر ورځ د ولسمشرۍ له لوړې وروسته ویلي، چې له ارګه به سیاسي مرکز نه جوړوي او ټول سیاسیون باید د هېواد جوړونې لپاره سره نږدې شي.

داکتر اشرف غني له سیالانو سره له پېنځلس ورځني ځنډ  او ناندرو وروسته  په ارګ کې د خپلو سلګونو پلویانو، حکومتي چارواکو، د افغانستان د سولې لپاره د امریکا ځانګړي استازي، د امریکا سفارت سرپرست، د امریکايي او ناټو ځواکونو عمومي قومندان، د ناټو ملکي سفیر، د اروپايي اتحادیې سفیر، د خلیج او نورو بهرنیو هېوادونو استازیو او ديپلوماتانو په شتون کې د لوړې مراسم پر ځای کړل.

ولسمشر غني ټاکنیز بهیر پای ته رسیدلی بولي او له خپلو ټولو سیاسي سیالانو یې وغوښتل، چې د هېواد د آبادۍ او سولې لپاره مټې راونغاړي او په څنګ کې یې ودریږي.

ولسمشر غني د خپلې وینا په ترڅ کې یادونه وکړه، چې سبا به د سولې بهیر او خپلمنځي خبرو په اړه خپل ځانګړی فرمان صادر کړي؛ خو ټینګار کوي، چې له طالبانو سره جوړجاړی باید د داعش د ختمیدو په معنا وي او نباید دغه بې ریښې ډله د خلکو د عام وژنې لامل شي.

ولسمشر غني دغه راز څرګنده کړې، چې تر راتلونکیو دوه اوونیو به د ملي وحدت حکومت کابینه چارې تر سره کوي او له هغې وروسته به په همه شموله حکومت کې نوې کابینه جوړیږي.

د یادونې ده، چې ولسمشر غني د لوړې له مراسمو وروسته د خپل لومړي فرمان په ترڅ کې خپل پیاوړي ټاکنیز ملاتړی محمد یوسف غضنفر د اقتصادي پراختیا او بېوزلۍ له منځه وړلو په چارو کې ځانګړی استازی وټاکه.

تازه خبرونه

په افغانستان کې د رسنیو ډېر کارکوونکي پر کرونا اخته دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د بې سرحده  خبریالانو ټولنې په ډاګه کړې، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته شوی دي.

یادې ټولنې د رسنیو مسلکي کارکوونکي ( د مړینې نوملړ ته څه له بریدونو او څه هم د کرونا له ډګره ورزیاتیږي ) تر سرلیک لاندې ګزارش خپور کړی، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته ښودل شوي دي.

دې راپور دا هم په ډاګه کړې، چې په افغانستان کې تر دې دمه پر کرونا اخته د رسنیو دوه کارکوونکيو خپل خوږ ژوند له لاسه ورکړی دی.

د خبریالانو دې ټولنې ویلي، چې د آریانا نیوز او آریانا تلویزیونونو ډریور سلیمان یوسفي او د ننګرهار ملي رادیو ټلویزیون خبریال نصیر احمد ساپی د رسنیو هغه کارکوونکی دي، چې له دې ویروسه یې خپل خواږه ځانونه له لاسه ورکړی دي.

دغه راز د بې سرحده خبریالانو ټولنې ویلي، چې په افغانستان کې پر کرونا اخته خبریالان نه د درملنې او نه هم له مالي امکاناتو برخمن دي.

Continue Reading

تازه خبرونه

خلک د سولې په بهیر کې د روڼتیا غوښتونکي دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

خلکو د پخلاینې له ملي شورا غوښتي، چې د سولې په اړه راڼه او عملي ګامونه واخلي؛ ولس له مبهمو هڅو نه یوازې راوباسي، بلکې له حکومت سره په ګډه یې په دې اړه له پرمختګونو هم خبر کړي.

د کابل اوسیدونکيو له حکومته غوښتي، چې د سولې بهیر باید روڼ اوروان وساتل شي.

دوی دا هم په ډاګه کړې، چې خلک د سولې له هڅو پوره خبر ندي او د افغانانو خپلمنځي خبرو پیل هم د ۶۰۰۰ طالب او حکومتي بندیانو له خلاصون سره تړاو لري. په داسې حال کې، چې په تېرو څلور ورځو کې د دواړو خواوو لخوا دا بهیر درول شوی او د طالب بندیانو تخنیکي پلاوی، چې له تېرو څو اوونیو راپدیخوا کابل ته د بندیانو د پېژندنې لپاره راغلی؛ اوس هم په کابل کې دی.

پخوانی طالب سید اکبر آغا په دې اړه ویلي؛ تر هغې، چې ۵۰۰۰ طالب بندیان خوشې نشي؛ خپلمنځي خبرې هم نه کیږي.

د افغانستان د ملي امنیت شورا د څرګندونو له مخې؛ تر اوسه نږدې ۳ زره طالب او څلور سوه حکومتي بندیان له زندانونو خوشې شوي دي.

دغه راز د چین او روسیې استازیو هم د بندیانو په خلاصون کې د چټکو ګامونو پورته کولو غوښتنه کړې ده.

د افغانستان د بشر حقونو خپلواک کمیسیون د ملي پخلاینې عالي شورا  مشر ته د خپلو وړاندیزونو نوملړ وړاندې کړی، چې د افغانانو په خپلمنځي خبرو کې ځای ورکړشي.

د بشر حقونو خپلواک کمیسیون مرستیال نعیم نظري ویلي؛ د سولې په خپلمنځي خبرو کې باید د ماشومانو ، ښځو، لږکیو او د جګړې د قربانیانو حقونه په پام کې ونیول شي.

د سولې مرکچي پلاوي غړې فوزیه کوفي ویلي: د سولې په بهیرونو کې باید ښځې له پوره ونډې برخمنې وي.

 همدارنګه د ناروې د بهرنیو چارو وزیر د هېواد د بهرنیو چارو وزارت له چارسمبالي حنیف اتمر سره غږېیلی او ورته یې ویلي؛ هڅه کوي، چې هېواد یې د افغانانو خپلمنځي خبرو لپاره زمینه برابره کړي.

له دې مخکې یو شمېر سرچینو په ډاګه کړې وه، چې د جون ۱۵ د افغانانو خپلمنځي خبرو لپاره ټاکل شوې او اوس دواړه لوري هڅه کوي، چې له قطر، آلمان، ناروې او ازبکستان څخه یو یې د دې خبرو د تر سره کولو لپاره وټاکي.

Continue Reading

تازه خبرونه

د ټینس نومیالی لوبغاړی خپلې پخوانۍ میرمنې پر زور زیاتي تورن کړ

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

سي این این په ډاګه کړې، چې  د نړۍ د نومیالي ټینس لوبغاړي نیکولوز باسیلاشویلي پخوانۍ میرمنې له محکمې غوښتي، چې د هغه لخوا پرې زورزیاتي شوی دی.

د جورجیا لویې څارنوالۍ څرګنده کړې؛ نیکولوز باسیلاشویلي، چې د نړۍ په ټینس لوبغاړیو کې ۲۷ ځای لري د خپلې پخوانۍ میرمنې نیلي دوروکاشویلي لخوا پرې د زورزیاتي تور پورې شوی دی.

که څه هم د قضیې په اړه څېړنې اوس هم روانې دي؛ خو باسیلاشویلي د ۳۱۳۰۰ ډالرو په ضمانت خوشې شوې او ټاکل شوې، چې د جولای پر ۱۶ بیا محکمې ته حاضر شي.

 د نوموړي وکیلانو او استازیو د باسیلاشویلي په فیسبوک پاڼه کې، چې له تضمین وروسته خوشې شوې شوی؛ څرګندوي، چې دغه تورونه “دروغ او بشپړ بې بنسټه دي.”

د هغه وکیلانو ویلي: مونږ د نیکولاس باسیلاشویلي پلویانو ته ډاډ ورګوو، چې له دې مخکې محکمې ته سپارل شوې ویډیوګانې زمونږ د مؤکل دریځ ښیې او هغه د پورته ذکر شويو ناقانونه تورونو څخه پاکوي.

له بلې خوا، د دوروکاشکا وکیل هم ویلي؛ داسې اسناد او شواهد شته، چې د دې ښځې ادعاګانې ثابتولی شي.

د هغې وکیل ویلي داسې خلک شته، چې د دوی د اړیکو شاهدان دي او وايي، چې د قضیې په اړه ویډیوګانې او آډیو ریکارډونه شته او دغه رازد ټیلیفون غږیز پیغامونه هم ثبته شوي دي.

د یادونې ده، چې د دې جوړې د واده پایله پېنځه کلن زوی دی او تېرکال سره بېل شوي دي.

Continue Reading

Trending