تازه خبرونه
د ولسمشریزو ټاکنو د نوماندانو د نوملیکنې بهیر پیل شو
د ولسمشریزو ټاکنو د نوماندانو د نوملیکنې بهیر د ټاکلي مهالوېش له مخې نن( شنبه د مرغومي لومړۍ) پیل شو.
په لومړۍ ورځ هیڅوک ټاکنو خپلواک کمیسیون ته ندي ورغلي؛ دا لړۍ به یوولس نورې ورځې هم روانه وي.
د ولسمشرۍ د ټاکنیز مهالوېش له مخې؛ د نوماندانو وروستی نوملړ د سلواغې پر ۲۶ اعلامیږي؛ ټاکنیزې هڅې ورته د روان کال د مرغومي له ۲۸ پیل او د ۱۳۹۸ ل کال د وري پر ۲۸ پای ته رسیږي.
ویل کیږي، چې محمد حنیف اتمر ولسمشریزو ټاکنو ته احتمالي نوماند دی؛ محمد یونس قانوني او محمد محقق به یې د لومړي او دوه یم مرستیال په توګه ټاکنیزې مبارزې ته ورودانګي.
د ټاکنو خپلواک کمیسسیون کمیشنر رفیع الله بیدار وایي، تر اوسه پورې د حنیف اتمر، زلمي رسول، رحمت الله نبیل او احمد ولي په ګډون دوه ویشت کسانو له دوی څخه د نوماندۍ معلوماتي کڅوړې تر لاسه کړې دي.
نوموړي ویلي، چې هر نوماند باید له شل ولایتونو څخه یولک یا سل زره ملاتړ کوونکي ولري. که په دې شرایطو برابر کسان پر وروستۍ ورځ هم راشي؛ نوماند پېژندل کیدی شي.
د ټاکنو خپلواک کمیسیون د ویاند مرستیال عبدالعزیز ابراهیمي وایي: د ټاکنو کمیسیون د ولسمشریزو ټاکنو تر سره کولو ته بشپړ چمتوالی لري
د ټاکنو خپلواک کمیسیون د دارالانشا پخوانی رییس داوود علي نجفي وایي: تېره ورځ بیا ولسمشر د ټاکنو خپلواک کمیسیون غړي غوښتي وه، چې مونږ له تاسو څلور ټاکنې غواړو. دا حکومتي کمیسیون دی او هر څه، چې حکومت غواړي دوی یې تر سره کوي.
بلخوا د ولسمشر دوه یم مرستیال د ټاکنو خپلواک کمیسیون په دې خاطر، چې د ولایتي شوراګانو او ولسوالیو شوراګانو ټاکنو ته یې چمتووالی ندی نیولی، له قانون څخه پر سرغړونه او کمزورتیا تورنوي.
سرور دانش په دې اړه لیکلي: ځنې تخینکي ستونزې د ټیټ ظرفیت په خاطر دي؛ خو خپلواکي پدې معنا نده، چې د اساسي قانون حکمونه عملي نشي یا د دولت او کمیسیون مسوولیتونه او ژمنې بابېزه وګڼي. کمیسیون اړ دی، چې په خپل جوړښت کې لازم سمونونه راولي او خپل طرفیت لوړ کړي؛ نه دا، چې د خپلې کمزورتیا له کبله له قانون سرغړونه وکړي.
همدارنګه د اجرئیه ریاست د ویاند مرستیال فریدون خوځون آریانا نیوز ته څرګنده کړې، چې د اجرائیه رییس عبدالله عبدالله د نوماندۍ په اړه اوس څه نه وایو؛ خو څه، چې ډېر مهم ښکاري هغه پخپل وخت د ولسمشریزو ټاکنو تر سره کیدل دي.
د ټاکنیز مهالوېش له مخې؛ ولسمشریزې ټاکنې د نوي کال د وري پر ۳۱ تر سره کیږي او لومړنۍ پایلې یې د غویی پر ۲۱ او وروستۍ پایلې به یې د غبرګولې پر ۲۵ اعلام شي.
ویل کیږي، چې تر اوسه یو شمېر ګوندونه، بهیرونه ، سیاسي څېرې ولسمشر او اجرئیه رییس ندي توانیدلي، چې خپلې ټاکنیزې ډلې جوړې کړي.
خبریال: باعث حیات
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ