Connect with us

تازه خبرونه

د کورنیو چارو وزارت ټول قراردادونه دې وارزول شي

Ariana News

خپور شوی

 په

(Last Updated On: زمری ۱۵, ۱۳۹۷)

ولسمشرۍ په ډاګه کړې، چې پرون ماښام په ارګ کې د ولسمشر اشرف غني په مشرۍ د ملي تدارکاتو غونډه جوړه شوه او ولسمشر غني د کورنیو چارو وزارت د اړتیا وړ دوه قلمه غوښې د تدارک قرارداد د ارزولو پر مهال ټینګار وکړ، چې د دغه وزارت ټول قراردادونه دې وارزول شي او د ټولو قراردادونو فهرست دې له مشخصو ادرسونو سره یوځای له ولسمشرۍ سره شریک شي.

 هغه زیاته کړې؛ والیان او امنیه قومندانان دې قراردادونه او قراردادیان وڅاري.

دغه راز سربېره پر دې امنیتي ځواکونو ته لارښوونه شوې، چې د سروې د موندنو پر بنسټ له سرغړونکیو قراردادیانو سره قانوني چلند وکړي.

په دې غونډه کې ۱۶ تدارکاتي مورد هم ارزول شوي دي.

د ارګ په خبرپاڼه کې راغلي؛ د ۲،۱ میلیارد افغانیو پر ارزښت د ۱۰ نویو پروژ د قراردادونو د ورکړې غوښتنه، چې لاندې موارد په کې شته هم منظور شوه.

د هېواد د ۱۱ ولایتونو ټاکلیو زیرمو او د کرنې، اوبولګولو او مالدارۍ وزارت اړوند د مرکزي سیلو زیرمو ته د تورخم بندر له لارې د ۴۰ زره متریک ټنه غنمو د لېږد پروژې قرارداد، د ټولګټو وزارت اړوند له هجرت کلي څخه تر جلال آباد پورې د ۱۲،۵۰۹ کیلومتر اوږد سړک د پروژې قرارداد، دټولګټو وزارت اړوند د شورابک- سپین بولدک سړک جوړولو د دوه یمې برخې قرارداد، د کابل ښاروالۍ اړوند د ۳۰ متر پلن او د ۲،۷۶۰ کیلومتر اوږد د بډولې سړک د جوړولو قرارداد، د کورنیو چارو وزارت اړوند د چوکاتي قرارداد پر بنسټ د ۲۰۲ شمشاد زون اړوند د ولایتونو د امنیه قومندانیو او قرارګاو د اړتیا وړ دوه قلمه(پسه او غوايي) غوښې د تدارک قرارداد، د پوهنې وزارت اړوند د هېواد د مرکز او ولایتونو د لیلیو د ۱۵ قلمه اعاشوي توکو تهیه او تدارک، د کلیو پراختیا وزارت اړوند د بدخشان ولایت د خاش ولسوالۍ د زیرمو د ترمیم او عایق کارۍ پروژې قرارداد، د بغلان ولایت له چوکک کلي څخه تر پل فرشته ګان پورې د (۹+۹۳۰،۲۳) کیلومترو پر اوږدوالي د شمالي سالنګ لویې لارې سړک د ترمیماتي پروژې قرارداد، د مخابراتو او معلوماتي تکنالوژۍ وزارت اړوند د (G2G) دولت په دولت قرارداد پر بنسټ له (بروغیل نه د چین ترسرحده) د واخان دهلیز نوري فایبر د سروې پروژې د تمدید قرارداد او د ښار او کور جوړولو وزارت اړوند د مخکې جوړو قطعاتو له تکنالوژۍ(د څلور برخو لرونکي) څخه په ګټه اخیستنې د څلور ښوونځیو د جوړولو پروژې قرارداد.

دغه راز سربېره پر دې د کجکي برېښنا بند دوه یم فاز د جوړولو قرارداد د تعدیلي طرحې وړاندیز، چې د عامه او خصوصي مشارکت له ډلې څخه دی، ملي تدارکاتو کمیسیون منظور کړ.

خبرپاڼې دا هم په ډاګه کړې، چې د پوهنې وزارت اړوند د هېواد د مرکز او ولایتونو د لیلیو د ۱۵ اعاشوي توکو د تهیې او تدارک پروژې د بحث پر مهال ولسمشر غني ټینګار وکړ؛ یادې پروژې باید کره او هراړخیزې وارزول او وڅارل شي، چې د پوهنې زدکوونکیو ته کافي خواړه ورسېږي. په هغه صورت کې که قراردادایان د قرارداد له مواردو سرغړونه کوي، باید قانوني چلند ورسره وشي.

 همدا رنګه د اجنډا له مخې؛ د انرژۍ او اوبو وزارت د فاریاب ولایت د المار بند د دیزاین او جوړولو قرارداد د ورکړې وړانديز وکړ، چې ملي تدارکاتو کمیسیون منظور کړ او دغه وزارت ته یې د یادې پروژې د هراړخېزې ارزونې او د دیزاین د طرحې په خاطر له ټولو لاروچارو څخه د استفادې دنده وسپارله.

 همدارنګه د افغانستان برښنا شرکت د هرات ولایت د برښنا د تامین په موخه د ایران په وارداتي لین کې د پرچاوۍ د تطبیق ستونزو ته په پام له واحدې منبع څخه په استثنایي ډول د دې شرکت د اړتیا وړ توکو د تهیې او تدارک په برخه کې د ملي تدراکاتو کمیسیون د لازمو پرېکړو غوښتنه وکړه.

 ملي تدارکاتو کمیسیون له هراړخیزو بحثونو وروسته دغه طرحه ومنله او د افغانستان برښنا شرکت ته یې لارښوونه وکړه، چې د داخلي تولیداتو د ملاتړ په موخه دې د دغې پروژې د اړتیا وړ مواد له کورنیو تولیداتو څخه وپېري.

ملي تدارکاتو کمیسیون له واحدې ملي منبع څخه د ستر درستیز د صحي قومندانۍ د ۳۸۷ قلمه درملو، طبي لوازمو او اړتیا وړ لابراتواري ریجنتونو د تدارک قرارداد د تعدیل د منظورۍ وړاندیز(د بیې له لوړوالي پرته د نېټې غزیدل) هم له غور او ارزونې وروسته منظور کړ.

 دغه راز ټولګټو وزارت ملي تدارکاتو کمیسیون ته د تخار ولایت له خواجه بهاوالدین ولسوالۍ څخه تر ینګي قلعه پورې د ۶۱۵+۲۸ کیلومتره پر اوږدوالي د ماورای کوکچه دوه یمې برخې سړک جوړولو پروژې قرارداد د منظورۍ غوښتنه وکړه، چې کمیسیون منظور کړه.

 ولسمشر پر یاده پروژه د بحث پرمهال ټولګټو وزارت ته لارښوونه وکړه، چې په قراردادونو کې د نورې سیالۍ په خاطر باید د کورنیو کوچنیو او متوسطو شرکتونو ملاتړ وکړي.

هغه ټینګار وکړ؛ له شرکتونو څخه دې پر مسلکي وړتیاوو د کار غوښتنه وشي، چې په راتلونکي کې سترې پروژې تطبیق کړي.

ولسمشر اشرف غني د سړکونو جوړولو پر جدي او دقیقې څارنې ټینګار کړی او وایي؛ سړکونه باید پر معیارونو برابر جوړ شي، چې په عمل کې د ژر خرابیدو مخه یې ونیول شي.

 له بلې خوا د قرارداد د تعدیل منظورۍ غوښتنه د بیې زیاتوالی او له لومړني قرارداد څخه د DBST برخې حذف او په مزار شریف ښار کې د ۱۵ کیلو متره داخلي سرکونو د جوړولو په پروژه کې د واحدې منبع په قرارداد کې د هغه زیاتوالی؛ ټولګټو وزارت او د ملي تدارکاتو کمیسیون منظور کړ.

په دې غونډه کې د ولسي جرګې د مالي او بودجې او ملي اقتصاد کمسیونونو، د افغانستان د شفافیت څار بنسټ، د افغانستان د بیارغاونې لپاره د امریکا متحده ایالتونو د څارنې ځانګړي استازي(سیګر) او د غوڅ ملاتړ سیستیکا ملي او بین المللي څارونکیو هم حضور درلود.

تازه خبرونه

په افغانستان کې د کرونا ویروس تازه ۱۳۵ مثبتې پېښې لرو

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د عامې روغتیا وزارت مسوولینو ویلي، چې په وروستیو څلیریشت ګړیو کې ۱۳۵ کسان پر کرونا ویروس اخته شوي، چې ۵۱ یې په کابل کې مثبت پېژندل شوي دي.

د عامې روغتیا وزارت مسوولینو ډاډ څرګند کړی، چې په افغانستان کې پر کرونا ویروس د اخته وېره اوس مخ پر کمیدو ده او د  په تېرو ۲۴ ګړیو کې یو سل و پېنځه دېرش کسان پرې اخته شوي، ۱۵ یې په کابل، ۳۷ په هرات، ۱۶ په غور، ۹ په لوګر، ۹ په بلخ، ۴ په کندوز، ۳ په بغلان، ۳ په لغمان، ۲ په تخار او ۱ کس په کونړ کې اخته شوي دي.

د یاد وزارت د څرګندونو له مخې؛ په همدومره وخت ۲۴ ناروغان مړه شوي، چې د ټولو مړو شویو ناروغانو شمېر۱۰۶۲ ته لوړ شوی دی.

د عامې روغتیا وزارت ویلي؛ په تېرو څلیریشت ګړیو کې د کرونا ویروس دوه سوه نهه اویا کسان بېرته روغ شوي، چې له دې سره د ټولو روغو شویو کسانو شمېر یوویشت زره څلور سوه څلور پنځوسو ته رسیدلې دی.

Continue Reading

تازه خبرونه

په تېرو شپږ میاشتو کې نږدې ۳۰۰۰ ولسي وګړیو ته مرګ و ژوبله اوښتې – د بشري حقونو راپور

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د بشري حقونو خپلواک کمیسیون په خپل شپږ میاشتني راپور کې څرګنده کړې، چې د روان میلادي کال په ۶ میاشتو کې له ۸۸۰ جګړه ییزو پېښو څخه ۱۲۱۳ ولسي وګړي وژل شوي او ۱۷۴۴ ټپیان دي.

د افغانستان د بشري حقونو خپلواک کمیسیون په افغانستان کې د ملکي مرګ و ژوبلې په اړه  د دوه زره شلم میلادي کال د لومړیو شپږ میاشتو راپور وړاندې او خپور کړ، چې په کې راغلي؛ په دغه موده کې په اته سوه اتیا پېښو کې یو زر و دوه سوه دیارلس ولسي وګړي وژل شوي او یو زر و اووه سوه څلور څلوېښت ټپیان شوي دي.

د یاد بنسټ د څرګندونو له مخې؛  یو دېرش په سلو کې تلفات په هدفي بریدونو کې رامنځته شوي، ۳۶ دېرش په سلو کې په ماینونو او موټر بم بریدونو کې وژل شوي، ۱۱،۷ سلنه په ځانمرګو بریدونو او ۱۱،۵ سلنه په نورو نښتو، هوايي بریدونو او شپنیو عملیاتو کې وژل شوي دي. په ټولیزه توګه ۵۳۳ ولسي وګړي په هدفي بریدونو کې وژل شوي او ۴۱۲  ټپیان دي. ۲۵۹ کسان د ماین په چاودنو او موټر بم بریدونو کې وژل شوي او ۵۰۷ نور ټپیان شوي دي. د تېر کال د همدې مودې په پرتله د ولسي وګړیو ځاني زیان ۱۹ په سلو کې ډېر شوي او د ښځو تلفات بیا د همدې مودې په پرتله پنځوس په سلو کې کم شوي دي.

د بشري حقونو د راپور له مخې؛ د تېر کال د همدې مودې په پرتله په روان کال کې ولسي تلفات نولس په سلو کې لوړ شوي دي. اته څلوېښت په سلو کې وسلوال طالبان، پېنځلس په سلو کې افغان ځواکونه او او شپږ ویشت په سلو کې نامعلوم وسلوال او د پاتې نورې مرګ و ژوبلې مسوول داعشیان او بهرني سرتېري نومول شوي دي.

 د بشري حقونو خپلواک کمیسیون مرستیال نعیم نظري ویلي؛ پر ۲۰۲۰ کال په توغندیزو بریدونو کې ۳۷۸ عام وګړي ځاني زیانمن شوی، چې ۱۱۷ یې وژل شوي ۲۶۱ یې ټپیان دي.

دوی دا هم په ډاګه کړې، چې د ټولې مرګ و ژوبلې ۴۸،۵ په سلو کې وسلوال طالبان او ۲۶،۷ په سلو کې نا معلوم وسلوال بلل شوي. د ۱۵،۵ په سلو کې د مرګ و ژوبلې عاملان دولتي ځواکونه ۶،۳ په سلو کې داعشیان او ۲،۳ په سلو کې نړیوال سرتېري په دې مرګ و ژوبله کې ګرم پېژندل شوي. پاتې نور پر کونړ، کندهار، پکتیا او خوست د پاکستان پر توعندیزو بریدونو یا وژل شوي او یاهم ټپیان دي.

د کورنیو چارو وزارت امنیتي مرستیال  عبدالبصیر قانع هم مني، چې په ځينو مواردو کې د دوی لخوا ملکیانو ته مرګ و ژوبله اوښتې؛ خو ټينګار کوي، چې په جګړه کې تر خپل توان پورې د ملکیانو ژوند ته پام کوي.

د افغانستان د بشري حقونو خپلواک کمیسیون د جګړې پر ښکېلو غاړیو غږ کوي، چې د بشري حقونو نړیوال میثاقونه په پام کې ونیسي او د جګړې پر وخت د ملکیانو ژوند ته درناوی وکړي.

Continue Reading

تازه خبرونه

هر کال د افغانستان په ګمرکونو کې د یو میلیارد دالرو مالي فساد کیږي

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د افغانستان د روڼتیا څار بنسټ مسوولین وايي، چې د هېواد د ګمرکونو په میلیونونو افغانۍ د زورواکو جیبونو ته ځي او چارواکي یې په اړه له پرېکړې بې وسه دي.

د هرات په اسلام کلا بندر او ګمرک کې د لس کلونو په بهیر کې د راټولو شويو کلونو عواید ښيي، چې هر کال د میلیاردونو افغانیو توپیر په کې لیدل کیږي؛ په ۱۳۹۰ کې د ګمرک عواید ۱۶ میلیارده افغانۍ ول، د ۹۱ کال په څلور میاشتو کې پېنځه میلیارد ښودل شوي وه؛ خو په ۹۲ کال کې بیا عواید دیارلس میلیارد شول، په ۱۳۹۳ کې څلور میلیارده نور هم راکم شول( نهه میلیارده راټول شول) په ۹۴ کې بېرته دولس میلیاردو ته لوړ شول، په ۹۶ او ۹۷ کې شلو میلیاردو ته وختل، په ۹۸ کې بېرته شپاړس میلیارده شول او په  روان کال کې د همدغه ګمرک لومړۍ درجه مسوول په خپل فیسبوک او تویتر کې ولیکل، چې د مارچ پر څوارلسمه په دې ګمرک کې ۱۳۷ میلیون افغانۍ عواید راټول شول. د مارچ  پر څوارلسمه یې ولیکل، چې ۱۱۹ میلیون افغانۍ راټولې شوې او د جولای پر نهمه یې د ۱۲۲ میلیون افغانیو له راټولولو خبر ورکړ. دغو معلوماتو او کرونايي حالت ته په کتو په نسبي ډول د دغه ګمرک عواید په کال کې ۳۳ میلیارد افغانیو ته رسیدای شي.

د روڼتیا څار بنسټ څېړونکي ناصر تیکوری د څرګندونو له مخې؛  یوازې د اسلام کلا د ګمرک میلیونونه افغانۍ عواید د دولتي زورواکو جیبونو ته لویږي.

د اسلام کلا د ګمرک مسوولینو لخوا د خپرو شویو معلوماتو له مخې؛ اټکل کیږي، چې هر کال په دې ګمرک کې باید دېرش میلیارده افغانۍ عواید راټول شي؛ خو ښکاري، چې یوازې تر شل میلیارد افغانیو دولتي خزانې ته لویږي.

د دغو معلوماتو له مخې؛ ښکاري، چې هر کال د هرات په ګمرک کې په منځنۍ توګه لس میلیارده افغانۍ راټول شوي؛ خو ویل کیږي، چې دا رښتیني ندي.

د مالیې وزارت مسوولین وايي، چې د وارداتو حجم ته په کتو هلته عواید کښته او پورته کیږي.

د مالیې وزارت ویاند  شمروز خان مسجدي وايي، چې د هرات پر ګمرک سربېره د ټولو ګمرکونو کلني عواید واردتو ته په کتو توپير کوي.

دا په داسې حال کې ده، چې د هرات والي څه موده مخکې رسنیو ته څرګنده کړې وه، چې هلته د ګمرک میلیونونه افغانۍ د زورواکو جیبونو ته لویږي.

Continue Reading

Trending