Connect with us

تازه خبرونه

د ولسمشرۍ د لوړې مراسم نیمه ورځ وځنډول شول

خپور شوی

 په

(Last Updated On: کب ۱۹, ۱۳۹۸)

د ولسمشرۍ د لوړې مراسم، چې ټاکل شوې وه نن سهار اته بجې د کب ۱۹ د اشرف غني لخوا په ارګ کې او د عبدالله عبدالله لخوا په سپیدار ماڼۍ کې تر سره شوي وای؛ له ځنډ سره مخ شوي دي.

د آریانا نیوز د خبریالانو د څرګندونو له مخې؛ په ارګ او سپیدار ماڼيو کې چمتووالی نیول شوی؛ وګورو، چې د ورځې په اوږدو کې به تر سره شي او که نه!

د ولسمشرۍ ویاند صدیق صدیقي په ډاګه کړې، چې د غوره شوي ولسمشر اشرف غني د لوړې مراسم به نن د کب پر ۱۹ له غرمې وروسته تر سره شي.

ولسمشرۍ دا هم ویلي، چې دې مراسمو ته ۴۰۰۰ استازي راغوښتل شوي دي. ملي تلویزیون خپلې پروګرامونه اشرف غني ته ځانګړي کړي دي.

همدارنګه د عبدالله عبدالله د لوړې مراسم هم ځنډیدلي دي.

د اجرائیه ریاست ویاند امید میثم آریانا نیوز خبریال ته ویلي، چې د بهرنیو هېوادونو د دیپلوماتانو هڅې روانې دي، چې د غني او عبدالله تر منځ رامنځته شوی اختلاف حل شي.

د نوموړي د څرګندونو له مخې؛ که د دواړو خواوو اختلاف ته د حل لار ونه موندل شي، د داکتر عبدالله د لوړې مراسم به ژر تر سره شي.

ویل کیږي، چې د زلمي خلیلزاد او نورو لوړپوړیو امریکايي او غربي دیپلوماتانو هڅې روانې دي، چې د موازي حکومت د اعلان مخنیوی وشي او له همدې کبله د لوړې مراسم ځنډیدلي دي.

د اشرف غني او عبدالله عبدالله تر منځ ناندرې هغه مهال نورې هم پراخې شوې، چې د ټاکنو خپلواک کمیسیون اشرف غني ګټونکی اعلان کړ.

ټاکل شوې، چې سبا ته خپلمنځي خبرې پیل شي. په داسې حال کې، چې عبدالله عبدالله د ټولشموله حکومت د اعلام ګواښ کړی؛ خو په ډېر شمېر هېوادونه د رامنځته شوي بحران حل غواړي.

تازه خبرونه

 پاکستان د بهرنیو چارو وزیر د یوه لوړ پوړي پلاوي په مشرۍ کابل ته راغلی

خپور شوی

په

توسط

(Last Updated On: تله ۲۹, ۱۴۰۰)

د پاکستان د بهرنیو چارو وزیر شاه محمود قریشي نن (پنجشنبه د تلې ۲۹) له افغان چارواکو سره د خبرو لپاره د یوه لوړ پوړي دولتي پلاوي په مشرۍ کابل ته راورسید.

د پاکستان د بهرنیو چارو وزارت په څرګندونه کې راغلي، چې قریشي به د افغانستان د بهرنیو چارو وزارت له چارسمبالي وزیر امیر خان متقي او نورو افغان چارواکو سره وویني.

د یادې سرچینې په خبرپاڼه کې راغلي، چې د ناستې پر مهال به پر دوه اړخیزو اړیکو سربېره د بېلابېلو برخو د همکاریو پر پراختیا خبرې وشي.

دغه راز څرګنده شوې: د بهرنیو چارو وزیر به له دې رامنځته فرصت څخه په سیمه کې د سولې او ثبات په اړوند مسلو کې د پاکستان د اندونو د شریکولو لپاره ګټه پورته کوي. پاکستان، د یوه ورور ګاونډ په توګه تل د افغانستان تر څنګ ولاړ دی.

د پاکستان د بهرنیو چارو وزارت زیاته کړې، چې د کرونا ویروس تر پروتوکول لاندې د دواړو هېوادونو ترمنځ سوداګرۍ او ټرانزیټ لپاره لارې خلاصې دي.

دغه وزارت وايي، چې د افغانانو او سوداګریزو چارو د تګ او راتګ لپاره ترتیبات نیول شوي دي.

پاکستان څرګنده کړې: په وروستیو میاشتو کې پاکستان د خواړو او درملو بشري او نورې مرستې کړې دي.

دغه راز ویل شوي، چې د بهرنیو چارو د وزیر سفر د ورور افغانستان له خلکو څخه د پاکستان د ثابت سیاست او ملاتړ ښکارندوي، دوه اړخیزې سوداګرۍ او اقتصادي اړیکو پیاوړي کولو او د خلکو ترمنځ نږدې اړیکو آسانولو لپاره تر سره کیږي.

خپاره شوي انځورونه ښيي، چې د افغانستان د بهرنیو چارو وزارت چارسمبالی د قریشي پر مشرۍ راغلي پلاوي ته ښه راغلاست وایي او دغه راز له پاکستان څخه په راغلي پلاوي کې د استخباراتو پخوانی مشر جنرال فیض حمید هم لیدل کیږي.

Continue Reading

تازه خبرونه

د مسکو ناستې ګډونوالو له افغانستان سره خپلې ژمنې بیا تایید کړې

خپور شوی

په

توسط

(Last Updated On: تله ۲۹, ۱۴۰۰)

د افغانستان په اړه د مسکو مشورتي غونډې ګډونوالو د پنجشنبې پر ورځ په یوه اعلامیه کې په ډاګه کړې، چې دوی د افغانستان حاکمیت، خپلواکۍ او ځمکنۍ بشپړتیا ته پوره درناوی لري او له دې هېواد سره پر ډېرو نورو عملي همکاریو ټینګار کوي.

د روسیې، چین، پاکستان، ایران، هند، قزاقستان، قرغزستان، تاجکستان، ترکمنستان او ازبکستان د ځانګړیو استازیو لخوا په یوه ګډه اعلامیه کې ویل شوي، چې ټولو خواوو له افغانستان سره د یوه سوله ییز، نه وېشل کېدونکي، خپلواک او له اقتصادي پلوه مخ پر ودې حکومت په توګه ټینګار ټینګار څرګند کړ او غواړي، چې دا هېواد باید له ترهګرۍ او مخدره توکو پاک او د بشري حقونو درناوي ته په کې زمینه برابره شي.

دا غونډه د چارشنبې پر ورځ  د تلي پر ۲۸ په مسکو کې جوړه شوه د افغانستان د اسلامي امارت د لومړي وزیر د مرستیال عبدالسلام حنفي او ورسره د مل پلاوي په ګډون د ۱۰ نورو هېوادونو استازیو ونډه لرله.

په خبرپاڼه کې راغلي، چې په روان نوي څپرکي کې له افغانستان سره عملي همکارۍ ته اړتیا ده.

د غونډې ګډون کوونکیو هېوادونو د اسلامي امارت له مشرانو وغوښتل، چې د حکومت ښه کولو لپاره نور ګامونه هم پورته او یو رښتینی ټولمنلی حکومت رامنځته کړي، چې په هېواد کې د ټولو سترو قومي-سیاسي ځواکونو ګټې په مناسبه بڼه وځلوي.

په اعلامیه کې راغلي: دا کار به په افغانستان کې د ملي پخلاینې د بشپړیدو لپاره یو بنسټیز شرط وي.

د مسکو د غونډې ګډونوالو د افغانستان له اسلامي امارته غوښتي، چې معتدل، سالم داخلي او بهرني سیاستونه پلي او د ګاونډ هېوادونو پر وړاندې دوستانه پالیسي غوره کړي، د تلپاتې سولې، امنیت، خوندیتوب او اوږدمهاله سوکالۍ ګډ اهداف ترلاسه کړي او د قومي ډلو، ښځو او ماشومانو حقونو ته درناوی وکړي.

دغه راز څرګنده شوې، چې په افغانستان کې د ترهګرو سازمانونو د فعالیتونو په اړه د رامنځته شویو  اندېښنو د مخنیوي لپاره باید په افغانستان کې د امنیت او ثبات د ودې لپاره لیوالتیا او ژمنې یو ځل بیا ډاډمنې شي.

په اعلامیه کې راغلي: د غونډې برخوال خوښ دي، چې د افغانستان د سرپرست حکومت لخوا نورو هېوادونو ته د ګواښ نه پېښودو ډاډ رامنځته شوی دی.

په افغانستان کې له تېر حکومته پاتې اقتصادي او بشري ناورین اوسني حکومت ته اداري ستونزې رامنځته کړي، چې نړیواله ټولنه باید له افغان ولس سره بیړنیو بشري او اقتصادي مرستو ته زمینه برابره او هراړخیزې عملي هڅې ګړندۍ کړي.

Continue Reading

تازه خبرونه

په هرات کې يو ډاکټر د انسان تښتوونکیو له منګولو آزاد شو

خپور شوی

په

توسط

(Last Updated On: تله ۲۹, ۱۴۰۰)

د افغانستان اسلامي امارت وايي، چې په هرات ولایت کې استخباراتي ادارو یو ډاکټر د تښتوونکیو له منګولو آزاد کړی دی.

د هرات والي عبدالقیوم روحاني ویلي، چې دغه ډاکټر شرف الدینه یوه اوونۍ مخکې د هرات له ښاره تښتول شوی و او د دغه ولایت په ګوزره ولسوالۍ کې د سړي تښتوونکیو له خوا ساتل کېده.

د نوموړي د څرګندونو له مخې؛ د دې پېښې په تړاو څلور کسان نيول شوي، چې تر پلټنو لاندې دي.

د هرات والي ټینګار کوي، چې د اسلامي امارت ځواکونه د دغه راز پېښو د له منځه وړلو لپاره کار کوي.

Continue Reading

Trending

آریانا نیوز: ټول حقونه خوندي دي