Connect with us

تازه خبرونه

د ولسمشریزو ټاکنو لومړنۍ پایلې ممکن سبا اعلان شي

Ariana News

خپور شوی

 په

(Last Updated On: December 10, 2019)

د ټاکنو خپلواک کمیسیون یوغړی ویلي، د دوه پرېکړو له وروستي کولو وروسته به تر دوولس ساعتونو د ولسمشریزو ټاکنو لومړنۍ پایلې اعلان شي.

داسې ښکاري، چې د ټاکنو خپلواک کمیسیون غواړي په ډېرو سختو شرایطو کې د ولسمشریزو ټاکنو لومړنۍ پایلې اعلان کړي.

د ۲۷ ولایتونو د رایو بیا شمېرلو لړۍ پاي ته رسیدلې؛ خو د اووه  ولایتونو د رایو بیا شمېرنه د ځینو ټاکنیزو ډلو په ځانکړي توګه ثبات او همپالنې ډلې د مخالفت له کبله پاتې شوه.

د ټاکنو خپلواک کمیسیون غړی اورنګزیب ویلي، چې د سې شنبې پر ورځ( د لیندۍ ۱۹) دوه پاتې پرېکړو له بشپړیدو سره به د قانون له مخې د ټاکنو لومړنۍ پایلې په ۱۲ ساعتونو کې اعلان شي. 

د ثبات او همپالنې ټاکنډلې خبرداری ورکړی، چې که د ولسمشریزو ټاکنو لومړنۍ پایله اعلان شي؛ دا ډله به د اعتراضونو دوه یم پړاو پیل کړي.

د ثبات او همپالنې ټاکنیزې دلي غړی فضل احمد معنوي، چې تراوسه یې د رایو د بیا شمېرلو پر وړاندې د مخالفت غږ پورته کړی وایي، ترهغې چې پاکې او ناپاکې رایې بېلې نشي د ټاکنو لومړنۍ پایلې نه مني. د نوموړي د څرګندونو له مخې؛ که دا پایلې په همدې ډول اعلان شي دوی به اعتراضونه وغزوي.

د افغانستان د رڼو ټاکنو بنسټ غړی حبیب الله شینواری وایي کمیسېون نباید د ټاکنو پایلي وځنډوي او باید ژر تر ژره اعلان شي.

کارپوهان وایي، د نوماندانو د نظر په پام کې نه نیولو سره د کمیسیون لخوا د ولسمشریزو ټاکنو د پایلو اعلان کولی شي ټاکنې له ستونزو سره مخ کړې.

تازه خبرونه

امریکا له طالبانو سره پر لاسلیک شوي تړون بیاکتنه کوي – بلینکن

Ariana News

خپور شوی

په

توسط

(Last Updated On: January 20, 2021)

د جوبایډن لخوا بهرنیو چارو وزارت ته نومول شوی انټوني بلینکن پرون (سې شنبه د مرغومي ۳۰) د خبرو پر مهال په ډاګه کړه،  چې د امریکا نوې اداره به له طالبانو سره پر لاسلیک شوي تړون بیاکتنه وکړي.

نوموړي دا هم وړیلي، چې دی به د امریکا د بهرني سیاست د بدلولو هڅه هم وکړي.

هغه په دې اړه څرګنده کړې: مونږ باید وګورو، چې د څه په اړه خبرې شوي. زه اوس هم پر جزئیاتو نه پوهیږم.

بلینکن زیاته کړې: زه باور نه لرم، چې کوم تړون به په تېرو ۲۰ کلونو کې د ښځو او نجونو حقونو ته له پاملرنې پرته پخپل حال پاتې شي.

هغه له افغانستان څخه د امریکايي ځواکونو د وتل په اړه ویلي، چې د بایډن اداره له افغانستان څخه خپل ټول سرتېري وباسي.

غوره شوی ولسمشر جوبایډن غواړي ډاډ ترلاسه کړي، چې د ځواکونو له ویستو وروسته هم امریکا له ترهګرۍ سره د بیا مبارزې ظرفیت ولري.

د ایران په اړه د امریکا د بهرني سیاست په اړه  بلینکن وویل، چې دغه هېواد باید اټومي وسلو ته لاسرسی ونلري.

هغه وایي؛ غوره شوي ولسمشر بایډن هغه وړاندیز ته ژمن دی، چې ایران به اټومي وسله نه ترلاسه کوي.

نوموړي دا خبرداری هم ورکړ، چې که ایران اټومي وسلې ترلاسه کړي دا به ورته نور هم خطرناک شي.

Continue Reading

تازه خبرونه

د امریکا نوی حکومت دې په افغانستان کې پر مناسب سیاست غور وکړي

Ariana News

خپور شوی

په

توسط

(Last Updated On: January 19, 2021)

د افغانستان د مشرانو جرګې یو شمېر غړیو د امریکا له نوي حکومته غوښتي، چې د افغانستان د ثبات لپاره مناسب سیاست غوره او روان  دوګوني حالت پریږدي.

ټاکل شوې، چې د چارشنبې پر ورځ به د امریکا نوی ولسمشر جوبایډن د لوړې مراسم پر ځای کړي.

دوی په ډاګه کړې؛ د امریکا غوره شوي ولسمشر جوبایډن ته په کار ده، چې له افغانستان سره د امریکا ستراتژیک او امنیتي تړونونو ته ژمن پاتې شي او ثبات ته تر رسیدو پورې د افغانانو لاس نیوی وکړي.

د مشرانو جرګې غړی کامل بیک حسیني وایي: مونږ جوبایډن ته پیغام لرو، چې امریکا باید د افغانستان په اړه خپلو سیاستونو کې د بشري حقونو ارزښتونه او انساني کرامت ته پام راواړوي. هغو تړونونو ته، چې له مونږ سره لاسلیک شوي؛ ډونالد ترمپ ورته پاملرنه ونکړه او اړوند مادې یې پلې نشوې، پلې کړي او د افغانستان لپاره پر روان سیاست بیا کتنه وکړي.  

د مشرانو جرګې غړې انارکلي هنریار هم پر جوبایډن د لاسنیوي غږ کړی او وایي: د امریکا نوی حکومت باید د افغانستان د سولې لپاره هڅې وکړي؛ ځکه له طالبانو سره د دې هېواد د هوکړې له متنه سرغړونې شوي او بیا کتنې ته اړتیا لري.   

د مشرانو جرګې بل غړي سید صفي الله هاشمي هم له امریکا ورته غوښتنه لري او وایي: په افغانستان کې د ډېرو ننګونو عامل امریکا ده او نوی حکومت باید د افغانستان په اړه نرم سیاست غوره کړي، چې امنیت او ثبات ته ورسیږي.

د مشرانو جرګې مشر فضل هادي مسلم یار ويلي، چې امریکا یوازې خپلې ګټې پاللې او ورته په کار ده، چې افغانان په دې حساسو شرایطو کې یوازې پرینږدي او د امنیتي تړون له مخې عمل وکړي.

د مشرانو جرګې غړي په دې باور دي، چې که امریکا وغواړي طالبان سولې اته قانع او پر ملاتړیو یې فشار هم راوستلی شي.

Continue Reading

تازه خبرونه

د کندهار – سپین بولدک د دوه یم سړک کار مخ پر بشپړېدو دی

Ariana News

خپور شوی

په

توسط

(Last Updated On: January 19, 2021)

د ټولګټو وزارت چارواکو ویلي، چې د کندهار – سپين بولدک د دوه یم سړک د جوړولو کار مخ پر بشپړیدو دی او ډېر ژر به ګټې اخیستنې ته پرانستل شي.

دغه سړک ۴۰ کیلو متره اوږدوالی لري او له یو میلیارډ افغانیو ډېرې پرې لګېدلي دي.

د سړک جوړونې دې پروژې په ټوله کې ۷۹ اعشاریه ۶ کیلو مټره اوږده درلود؛ لومړۍ برخه یې پخوا بشپړه شوې، چې ۳۹ اعشاریه ۶ کیلو مټره اوږدوالی لري.

دغه سړک د حکومت یوه اړینه پروژه ده؛ سویل لویدیځ ولایتونه د ډیورنډ په فرضي کرښه کې له چمن سره نښلوي، چې د سیمې د سوداګرۍ، ترانزیت او لرې پرتو سیمو په نښلولو کې بنسټیز ارزښت لري.

همدارنګه د دوشنبې پر ورځ د پاکستان لومړي وزیر عمران خان څرګنده کړې؛ چارواکو ته سپارښتنه شوې، چې د کاري فرصتونو د لوړولو او د قاچاق د مخنیوي لپاره افغانستان او ایران ته نږدې بازارونه جوړ کړي.

عمران خان ویلي؛ د دې بازارونو جوړول د بلوچستان او خیبر پښتونخوا په ګډو سیمو کې د مېشتو خلکو د هوساینې لپاره یو ډېر اړین کار دی.

د تېر ۲۰۲۰ کال په سپتمبر کې د عمران خان حکومت د کاري فرصتونو او سولې د رامنځته کېدو لپاره د دغو بازارونو د جوړولو پرېکړه کړې وه.portunities and help curb smuggling.

 
 
Continue Reading

Trending

آریانا نیوز. کلیه حقوق محفوظ است