Connect with us

تازه خبرونه

د ولایتي رایو بیا شمېرنه باید ودرول شي-داکتر عبدالله

Ariana News

خپور شوی

 په

(Last Updated On: لړم ۱۹, ۱۳۹۸)

د ثبات او همپالنې ډلې مشر داکتر عبدالله عبدالله د یکشنبې پر ورځ(د لړم ۱۹) یوې راببل شوې ناستې ته په ډاګه کړه، چې زمونږ د رایو بیا شمېرنه باید ودرول شي؛ ځکه، چې په دې اړه له ښکېلو بنسټونو سره خبرې روانې دي او مونږ غواړو دا بهیر له درغلیو وژغورو.

د ولسمشریزو ټاکنو دې نوماند د لویې جرګې په خیمه کې د ولایتي رایو بیا شمېرنه(ناقانونه) ونوموله او ګواښ کوي، چې که دا بهیر ونه درول شي؛ نو په اړه به یې نور ګامونه پورته شي او دا به بشپړ سوله ییز وي.

د دغې ډلې رهبر عبدالله عبدالله خپلو پلویانو ته د خبرو پر مهال ډاډ ورکړ، چې دا ځل به هیڅ جوړجاړی ونکړي او د خلکو له پاکو رایو به دفاع کوي؛ ځکه له دې مخکې کمیسیون پرېکړه کړې وه، چې رایې د بایومتریک له مخې شمېرل کېږي؛ نو اوس له دغو رایو پرته نورې د منلو نه دي.

ښاغلي عبدالله په نننۍ ناسته کې څرګنده کړه، چې د ټاکنو خپلواک کمیسیون دې لومړی د رایو د بیا شمېرنې په اړه  او هم د ۳۰۰ زره رایو د برخلیک په اړه خلکو ته ځواب ووایي.

نوموړي د خپلې ډلې له ناظرانو وغوښتل، چې د ټاکنو د رایو د بیا شمېرنې په بهیر کې دې ګډون نه کوي.

د ښاغلي داکتر عبدالله عبدالله د څرګندونو له مخې؛ تقلبي رایې باید له سیستمه ویستل شي.

هغه خپلو پلویانو ته د خبرو پر مهال وویل؛ افغانستان له انتخاباتي بحران سره مخ کیدونکی دی، چې په وینا یې عامل به یې د اشرف غني په رهبرۍ دولت جوړوونکې ډله وي.

دولت جوړوونکې ډلې د عبدالله دغه څرګندونې د مسولیتونو څخه د هغه تېښته ګڼي او د ټاکنو له خپلواک کمیسیون څخه د عدالت غوښتنه کوي.

د دولت جوړوونکې ډلې لومړي مرستیال امرالله صالح د عبدالله عبدالله دغو څرکندونو ته په غبرګون کې ویلي؛ عبدالله عادت لري، چې د مسوولیتونو څخه اوږه خالي کړي. په داسې حال کې، چې د ټاکنو خپلواک کمیسیون د غړیو په ټاکلو کې یې مهم رول درلود.

د ټاکنو خپلواک کمیسیون ویاند میرزا محمد حقپرست  د داکترعبدالله عبدالله د څرګندونو په غبرګون کې ويلي، چې نوماندان دې په تمه وي او که کمیسیون عدالت رامنځته نکړ بیا دې اعتراض وکړي.

د ټاکنو خپلواک کمیسیون تېره ورځ د ۸۲۵۵ محلونو د رایو بیا شمېرنه پیل کړه او له ټاکنڅارو یې وغوښتل، چې په ټاکلي وخت د بیا شمېرنې بهیر وڅاري. په داسې حال کې، چې د کمیسیون له دې پرېکړې وروسته د عبدالله عبدالله، ګلبدین حکمتیار او رحمت الله نبیل ټاکنیزو ډلو د رای شمېرنې بهیر تحریم کړ.

تازه خبرونه

پر ننګرهار زندان د برید سمبالوونکی په کونړ کې ونیول شو

Ariana News

خپور شوی

په

توسط

(Last Updated On: زمری ۱۵, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

تازه خبرونه

په افغانستان کې پر کرونا ۱۰ میلیون کسان اخته شوي- روغتیا وزارت

Ariana News

خپور شوی

په

توسط

(Last Updated On: زمری ۱۵, ۱۳۹۹)

د عامې روغتیا وزارت د موندنو له مخې؛ په ټول افغانستان کې پر کرونا ویروس لس میلیون کسان اخته شوي دي.

د عامې روغتیا وزارت ویلي؛ د ولسمشر د لارښوونې له مخې په هېواد کې یې پر کرونا ویروس د اخته کسانو د شمېر پیداکولو په موخه سروې ترسره کړه، چې ښیي د هېواد ۳۱ اعشاریه پېنځه سلنه اوسیدونکي پر کرونا اخته شوي دي.

د عامې روغتیا وزارت چارسمبالي زیاته کړې؛ په دې سروې کې د هېواد څلور دېرش ولایتونه پر نهه زونونو وېشل شوي، چې په دې کې د کابل ۵۳ سلنه اوسیدونکي، د ختیځو ولایتونو ۴۲،۹ سلنه، په مرکزي ولایتونو کې ۳۶،۳ سلنه، په لودیځو ولایتونو کې ۳۴،۱ سلنه او په شمال ختیځو ولایتونو کې ۳۲،۴ سلنه اوسیدونکي پر کرونا ویروس اخته شوي دي.

د عامې روغتیا وزارت چارسمبالي ویلي، چې دا سروې په ۹ زونونو او څلور دېرش ولایتونو کې پر ۱۱ زره او ۵۰۰ کسانو شوې، چې ښیي د هېواد یو دېرش اعشاریه پېنځه سلنه اوسیدونکي پر دغه ویروس اخته شوي دي.

د عامې روغتیا وزارت د څرګندونو له مخې؛ په ښارونو کې پر کرونا ویروس د اخته کسانو سلنه اووه  دېرش او په کلیو کې اووه ویشت ده.

په دې کې ۳۲ سلنه ښځې او ۲۹ سلنه نرینه دي.

 د عامې روغتیا وزارت چارسمبالی احمد جواد عثماني وایي: ترسره شوې سروې د منګ او عمر له مخې په دوه برخو کې شوې، چې په لومړۍ برخه کې پر له ۵ تر ۱۷ کلنو ماشومانو آزموینه شوې او په دوه یمه برخه کې له ۱۸ کلونو پر پورته عمر لرونکیو کسانو، چې پر کرونا د ټولو اخته کسانو له ډلې ۳۵،۲ سلنه د لوړ عمر کسان  او ۲۵،۳ سلنه ماشومان دي. همدا راز د خپرو شویو معلوماتو له مخې په لویانو کې ۳۳،۹ سلنه نرینه او ۳۷،۲ سلنه ښځې پر کرونا اخته شوې دي او په ماشومانو کې ۲۴،۲ سلنه هلکان او ۲۶،۸ سلنه نجونې پر کرونا ویروس اخته شوې دي.

نوموړي زیاته کړې؛ د نړیوالو معیارونو له مخې که د یوه هېواد ۴۲ سلنه وګړي دا ناروغي تېره کړي کتلوي معافیت رامنځته کیږي، چې افغانستان دغه معیار ته ندی رسیدلی او جدي اړتیا ده، چې خلک روغتیایي سپارښتنې په پام کې ونیسي، چې د کرونا ویروس دوه یمه څپه په هېواد کې خپره نشي.

Continue Reading

تازه خبرونه

د ننګرهار پر محبس د موتربم بریدګر هندي داکتر و

Ariana News

خپور شوی

په

توسط

(Last Updated On: زمری ۱۵, ۱۳۹۹)

هندي چارواکو ویلي؛ د یکشنبې پر ورځ د ننګرهار ولایت پر مرکزي محبس د موتربم برید پر ترسره کولو درې هندیان تورن پېژندل شوي، چې یو یې داکتر و.

هندي رسنیو د هندي استخباراتو د څرګندونو له مخې په ډاګه کړې، چې دغه داکتر د ننګرهار زندان ته د ننوتلو پرمهال له چاودیدونکیو توکو ډک موتر ته چاودنه ورکړې ده.

هندوستان تایمز څرګنده کړې، چې داکتر ایجاس کلوکیتیا پوراییل د داعش ډلې یوغړی و، چې د هند د ملي تحقیقاتو ادارې (این آی ای) تر څارنې لاندې هم و.

پوراییل له هغې وروسته په برید کې د لاس لرونکي په توګه وپیژندل شو، چې داعش د ننګرهار پر زندان د ۱۱ بریدګرو انځورونه خپاره کړل.

د راپورونو له مخې؛ پوراییل په برید کوونکیو کې یوازنی هندي تبعه دی، چې مخ یې د داعش لخوا په خپرو شویو انځورونو کې پېژندل کیږي. دوه نور هندي اتباع ماسکونه لري.

د هند ملي څېړنو ادارې پوراییل یو تښتیدونکی تر څارنې لاندې نومولی دی.

پوراییل په ۲۰۱۶ کال کې د جنايي دسیسو، ناقانونه هڅو او د داعش د غړیتوب او ملاتړ په تور تر څارنې لاندې و.

اغلې رفیله پوراییل هم په ۲۰۱۶ کال کې له خپل کوچني ماشوم سره د داعش غړې شوه او هند یې د ننګرار په نیت پریښود.

ویل کیږي، چې میرمن رفیله اوس مهال د خپل پېنځه کلن زوی او یو ماشوم سره د کابل په محبس کې ده.

هندوستان تایمز راپور ورکوي، چې میرمن رافیله د تېر کال په نومبر کې له ۲۴ نورو هنديانو سره نیول شوې ده.

د ننګرهار محبس له خونړي برید وروسته داعش په ډاګه کړه؛ دغه برید ۱۱ کسانو تر سره کړ، چې په کې څلور تاجکان، درې هنديان، درې افغانان او یو پاکستاني ونډه لرله.

دغه برید د یکشنبې پر ماښام د ننګرهار محبس په دروازه کې د یو موتربم پر چاودنه پیل او ۱۸ ګړۍ روان پاتې شو، په کې د برید کوونکیو په ګډون ۴۱ کسان ووژل شول او د ولسي جرګې د یوه غړي د څرګندونو له مخې ۸۰۰ بندیان ترې په تېښته بریالي ووتل.

د ولسي جرګې غړي عبدالکریم کریمي د څرګندونو له مخې: د برید پرمهال په زندان کې ۱۷۰۰ بندیان ول، چې ټولو د تېښتې هڅه کړې وه. ۵۰۰ بندیان په زندان کې پاتې دي، ۸۰۰ نور د طالب، داعش او مجرمینو په ګډون تښتیدلي او پاتې نور نیول شوي دي.

Continue Reading

Trending