Connect with us

تازه خبرونه

د ولسمشریزو ټاکنو لومړنۍ پایلې به د لړم په ۲۳ اعلان نشي

خپور شوی

د

(Last Updated On: لړم ۳, ۱۴۰۱)

ټاکل شوې وه، چې ټاکنو خپلواک کمیسیون په ټولو ولایتونو کې د ځینو محلونو رایې بیا شمېرلې او د لړم پر ۲۳ یې د لومړنیو پایلو اعلان کړی وای؛ خو اوس د دې کمیسیون غړي وايي، تر اوسه د رایو بیا شمېرنه پیل شوې نده او لومړنۍ پایلې به پر ټاکلې نېټه اعلان نشي.

د ټاکنو خپلواک کمیسیون غړي مولانا عبدالله ویلي، چې د بیاشمېرنې بهیر تر دې دمه پیل شوی ندی او کارکوونکي مو هم ولایتونو ته نه دي لیږل شوي؛ ځکه ، نو د لړم پر ۲۳ د ټاکنو لومړنۍ پایلي ناشونې شوي او ځنډ په کې رامنځته کیږي.

د رایو د بیا شمېرنې په اړه د ثبات او همپالنې ټاکنیزه ډله څرګندوي؛ ترهغې، چې مشکوکې رایې له سیستم بهر شوې نوي د رایو بیا شمېرنه به پایله ونلري.

د ثبات او همپالنې ټاکنیزې ډلې څارونکی محمد یونس نواندیش ویلي، چې له یو لک و دېرش زره ډېرې رای مشکوکې دی او څرګنده نوه، چې  د چا لخوا کارول شوي دي. لومړی باید درغلي چان شي او بیا رایې وشمېرل شي.         

دا هغه وړاندیز دی، چې دولت جوړونکې ډله یې د کمیسیون په چارو کې یو ډول لاسوهنه بولي.

د دولت جوړونکې ټاکنیزې ډلې څارونکی اجمل هوډمن په ډاګه کړې؛ د ټاکنو خپلواک کمیسیون دې په دې اړه خپل مسوولیت تر سره کړي او هغه ډلې، چې بیا شمېرنه نه غواړي او له ارزونې وروسته یې د ترسره کولو غوښتنه کوي؛ دا پخپله د کمیسیون په چارو کې لاسوهنه ده او یوه ټاکنیزه ډله هم په دې بهیر کې د لاسوهنې حق نلري.               

د ګلبدین حکمتیار د اسلامي عدالت ټاکنیزې ډلې څارونکي فضل هادي احمدي ویلي، چې مونږ له ټاکنو خپلواک کمیسیون څخه د بل شي غوښتنه نه لرو؛ یوازې غواړو، چې د پاکو رایو له مخې پایله اعلان شي، چې په دې بهیر کې د لاسوهنې مخه پرې ونیول شي.         

د ولسمشریزو ټاکنو له تر سره کیدو وروسته ټاکنو خپلواک کمیسیون ویلي وه، چې لومړنۍ پایلې به د تلې پر ۲۷ اعلان شي؛ خو دا کار ونه شو او ټاکنیزو ډلو له کمیسیون سره د دې بهیر په وروستي کیدو خپلې اندېښنې شریکې کړي دي.

وبه کتل شي، چې دا کميسیون څه وخت کولی شي خلکو او ټاکنیزو ډلو ته د منلو وړ پایلې اعلان کړي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!