Connect with us

تازه خبرونه

د پکتیکا په ۱۷۴ټاکنیزو مرکزونو کې امنیتي ځواکونه ګمارل شوي

خپور شوی

 په

(Last Updated On: تله ۵, ۱۳۹۸)

د پکتیکا ولایت چارواکو ويلي، د ولسمشریزو ټاکنو لپاره يې په مرکز او ولسوالیو کې امنیتي تدابیر نیولي او خلک کولی شي په ډاډه زړه د ولسمشرۍ په ټاکنو کې د خپلې خوښې نوماند ته رایې ورکړي.

د پکتیکا والي مجیب الرحمان څمکني زیاته کړې، چې په ټوله پکتیکا کې دوه سوه څلوېښت د ټاکنو مرکزونه دي، چې د یو شمېر ناامنه ولسوالیو په  ۶۴ مرکزونو کې یې ټاکنې بیخي نکېږي او د پاتې یو سلو څلوراویا لپاره يې امنیتي ځواکونه ګمارلي او خلک به په کې پراخ ګډون وکړي.

د پکتیکا ولایت اوسیدونکي بیا په ټوله کې د دې ولایت امنیتي وضیعت سم نه بولي او وايي، چې د مرکز ښرنې په ګډون په ډېرو ولسوالیو کې به د وسلوالو طالبانو د شتون له کبله خلک ونشي کولی په ټاکنو کې برخه واخلي.

دوی وايي، د ټاکنو د ښه تر سره کیدو لپاره باید له وړاندې په ښه ډول امنیت تامین شوی وای.

وسلوالو طالبانو له عامو خلکو غوښتي، چې په دې بهیر کې ګډون ونکړي او دا يې يوه جعلي پروسه ياده کړې ده.

د شنبې پر ورځ( د تلې ۶) به په ټول هېواد کې د ولسمشرۍ ټاکنو لپاره دولس نوماندان سیالي وکړي د ټاکنو خپلواک کمیسیون ویلي، دا ځل د ولسمشرۍ ټاکنو ته ۹،۶ میلیون رای ورکوونکیو نوملیکنه کړې ده.  

خبریال: فریدالله احمدزی

تازه خبرونه

پاکستان د افغانستان په سوله او ثبات کې اړینې هڅې کړي – عارف علوي

خپور شوی

په

توسط

(Last Updated On: مرغومی ۳۰, ۱۴۰۰)

د پاکستان ولسمشر عارف علوي ویلي؛ پاکستان په افغانستان کې د سولې او ثبات په برخه کې اړینې هڅې ترسره کړي او اسلام آباد ډاډ شوی، چې کابل یوازی ندی.

عارف علوي له رسنیو سره په مرکه کې ویلي، چې د اقتصادي همکاریو ټولنې یا اکو د وروستۍ سرمشریزې غړیو ته یې ویلي، چې پاکستان افغانستان له انزوا ژغورلی دی.

هغه دا هم ویلي، چې د پاکستان په پلازمېنه اسلام آباد کې د ډسمبر د میاشتې د اسلامي هېوادونو همکارۍ ټولنې د بهرنیو چارو وزیرانو په ځانګړې غونډه کې پاکستان د جنګ ځپلي افغانستان  رښتینی انځور وړاندې کړ.

هغه دا هم څرګنده کړې، چې نړۍ د لومړي وزیر عمران خان نوښتونه پر رسمیت پېژندلي دي.

Continue Reading

تازه خبرونه

په کابل کې پر یوه کور د امریکا د بې پیلوټه الوتکې د ناسم برید ویډیو خپره شوه

خپور شوی

په

توسط

(Last Updated On: مرغومی ۳۰, ۱۴۰۰)

د امریکا مرکزي قومندانۍ د چارشنبې پر ورځ د امریکا د بې پیلوټه الوتکې د پټ برید هغه ویډیو خپره کړې، چې له وتلو مخکې یې د اګست په میاشت کې د ۷ ماشومانو په ګډون لس افغان ملکي وګړي ووژل.

رویټرز په ډاګه کړې، چې دا ویډیوګانې اطلاعاتو ته د لاسرسي پر قانون د نیویارک ټایمز له اندېښنې ښکاره کولو وروسته خپرې شوې دي.

د یاد هوایي برید په اړه پنټاګون د ۲۰۲۱ کال په ډسمبر میاشت کې څرګنده کړې وه، چې له تر سره شوي هوایي الوتکې بریده به مو کوم پوځي پرسونل ځواب ورکوونکی او مسوول نه وي.

د امریکا د هوایي ځواک عمومي پلټونکي د خپلو څېړنو له مخې ویلي وه، چې د اګست د ۲۹ برید د ناسمو معلوماتو له مخې و، چې له ځانګړیو څرګندونو او اړیکو ملاتړ کوي.

دغه راز امریکایي ځواکونو دا برید یوه غمجنه تېروتنه هم نومولې وه.

پنټاګون له دې مخکې ویلي وه، چې په دې برید کې یې د اسلامي دولت (داعش) یو ځانمرګی بریدګر په نښه کړی، چې په هوايي ډګر کې د امریکا تر مشرۍ لاندې بهرنیو پوځیانو ته شونی ګواښ نومول شوی و.

هغه مهال داسې راپورونه هم خپاره شول، چې د کابل نړیوال هوايي ډګر د لویدیځې څنډې د یوه کور پر انګړ د بې پیلوټه الوتکې په برید کې د ماشومانو په ګډون ملکي کسان وژل شوي دي. د پېښې په وخت کې یوې ویډیو د یوې ودانۍ د انګړ څو موټره ټوټه ټوټه ښودلي وه.

دا برید درې ورځې وروسته له هغه تر سره شوی، چې ویل کیږي؛ د اسلامي دولت یا داعش  یوه ځانمرګي بریدګر ۱۳ امریکايي پوځیان او په لسګونه هغه ملکي افغانان ووژل، چې د هوايي ډګر له دروازو څخه ننوتلو او په الوتکو کې د څوکیو نیولو او بهر ته د الوتنې لیواله ول.

له برید وروسته د امریکا مرکزي قومندانۍ دې پایلې ته ورسېده، چې موټر چلوونکي له داعش سره هیڅ تړاو نه درلود.

زمري احمدي نومي موټر چلوونکي د تغذیې او پوهنې په نړیوال انستیتیوت کې کار کاوه. دا یوه غیر انتفاعي موسسه ده، چې مرکزي دفتر یې په امریکا کې دی.

بیا د امریکا دفاع وزارت د مې پر ۲۴ اعلان وکړ، چې د کابل د اګست میاشتې د بې پیلوټه الوتکې په برید کې د وژل شویو ۱۰ کسانو کورنیو ته به تاوان ورکړي.

د پنټاګون ویاند جان کربي په یوه بیان کې ویلي وه؛ پنټاګون د امریکا د بهرنیو چارو له وزارت سره کار کوي، چې له بریده د دې کورنۍ ژوندي پاتې شوي کسان امریکا ته ولېږدوي.

ویل کیږي، چې دا ګډوډي د زمري له څلیریشتمې او د اګست له پېنځلسمې وروسته هغه وخت رامنځته شوه، چې د امریکا لخوا روزل شوي افغان ځواکونه له منځه ولاړل او پخوانی حکومت راوپرځېده او مشرانو یې بریالۍ تېښته وکړه.

Continue Reading

تازه خبرونه

ترکیې افغانستان ته د ۷۰۰ ټنو بشري مرستې له لېږلو خبر ورکړ

خپور شوی

په

توسط

(Last Updated On: مرغومی ۳۰, ۱۴۰۰)

د ترکیې ولسمشر افغانستان ته د ۷۰۰ ټنو خوراکي توکو، جامو او روغتیايي بېړنیو تجهیزاتو له بار شوي ریل ګاډي له استولو خبر ورکړ.

د اناتولي خبري آژانس د راپور له مخې؛ د ترکیې ولسمشر رجب طیب اردوغان د انقرې په بش تپه کمپلکس کې د کابینې له غونډه وروسته خلکو ته په خطاب کې وویل: مونږ چمتو یوو، چې ۷۰۰ ټنه خوراکي توکي، جامې او روغتیايي بیړني تجهیزات افغانستان ته ولېږدوو.

هغه زیاته کړې؛ دغه د اړتیا وړ توکي، چې د نادولتي موسسو او زمونږ وګړیو لخوا برابرېږي، د دولتي ریل ګاډي له لارې به افغانستان ته ولېږدول شي.

اردوغان د ترکیې او افغانستان اوږدمهاله تاریخي او فرهنګي اړیکو ته په نغوته کې ویلي، چې ترکیه نشي کولی د افغانستان ستونزې له پامه وغورزوي.

نوموړي څرګنده کړې: زمونږ په میليونونو افغان وروڼه د کورنيو جګړو، د بهرنيو مرستو د کمښت، وچکالۍ او د هوا د سختو شرايطو له کبله په ډېر سخت حالت کې دي. د افغانستان د ۱۳ میلیون ماشومانو په ګډون نږدې ۱۹ میلیون وګړي د خواړو له کمښت سره مخ دي. مونږ هوډ لرو، چې خپل دغه وروڼه یوازې نه پریږدو.

Continue Reading

Trending

Copyright © 2022 Ariana News. All rights reserved!