Connect with us

تازه خبرونه

د ولسمشریزو ټاکنو د ترسره کیدو برخلیک معلوم ندی

خپور شوی

د

(Last Updated On: لړم ۳, ۱۴۰۱)

د ولسمشریزو ټاکنو یو شمېر نوماندان ټاکنزې منډې تړې؛ ځکه پیکه بولي، چې د تلې پر شپږمه د ولسمشریزو ټاکنو د ترسره کیدو برخلیک معلوم ندی.

د ولسمشریزو ټاکنو یو شمېر نوماندان وایي؛ سوله او ټاکنې د یو بل پر وړاندې واقع شوې دي.

دغه نوماندان وایي، د سولي خبرو پر ټاکنو سیوری غوړولی او دا شاید ټاکنې د تلي له ۶ مې وځنډوي.

د ولسمشریزو ټاکنو نوماند شهاب حکیمي وایي، چې د سولي په خبرو اترو کې پرمختګ او د حکومت او وسلوالو طالبانو ترمنځ د سولي د هوکړه لیک له لاسلیک کیدو سره به ولسمشریزې ټاکنې وځنډیږي.

د نوموړي د څرګندونو له مخې؛ مونږ، ځکه خپلو ټاکنیزو هڅو ته پوره پاملرنه کړې، چې که سوله وشي ټاکنو ته بیړه په کار نده او یو لنډمهاله به راجوړ او عادلانه ټاکنو ته به زمینه برابره شي.

د ځینو کسانو په باور که حکومت د تلي پر شپږمه ولسمشریزې ټاکنې ترسره کړي؛ اوسنۍ جګړه به په بله بڼه د پېنځه کلونو لپاره په افغانستان کې روانه وي.  

د ثبات او همپالنې ټاکنیزې ډلې غړی انوارالحق احدي وایي، چې  که سوله ژر شونې نه وي؛ مونږ نشو کولی، چې د سولې هوکړې ته کلونه په تمه وو. ټاکنې اړینې دي او باید تر سره شي.               

حکومت ټینګار کوي، چې ټاکنې به د تلي پر شپږمه سل په سلو کې ترسره شي.

د ولسمشرۍ ماڼۍ ویاند صدیق صدیقي وایي، چې ټاکنې به پخپل وخت تر سره شي؛ سوله او ټاکنې دواړه د خلکو غوښتنې او د حکومت لومړیتوبونه دي.

که څه هم د سولي خبرې چټکې روانې دي؛ خو آیا د ټاکنو کمیسیون کولي شي، ټاکنې پخپل وخت ترسره کړي؟

د ټاکنو خپلواک کمیسیون رییسه هوا علم نورستانۍ هم د ولسمشریزو ټاکنو د ترسره کیدو لپاره د تلې شپږمه سره کرښه یادوي او وایي، چې د ټاکنو تر سره کولو ته بشپړ چمتووالی نیول شوی او کمیسیون هم اړ دی، چې د تلې پر شپږمه ولسمشریزې ټاکنې تر سره کړي.

که څه هم د ټاکنو پر ترسره کیدو ټینګار کیږي؛ خو تراوسه روښانه نده، چې ټاکنې ترسره کیږي او کنه؟ د دغه وضعیت مسوول څوک دی؟ سیاسي ګوندونو په ځلونو ویلي، چې غني د سولې له لړۍ څخه سیاسي او ټاکنیزه ګټه پورته کوي.

همدا دلیل دی، چې ولسمشر غني او د واک شریک یې عبدالله عبدالله په ټاکنیزو هڅو کې بوخت دي. په داسې حال کې، چې پاتې نور نوماندان یا کمپاین نکوي یا هم په وقفه یي ډول کمپاین پر مخ وړې.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!