Connect with us

تازه خبرونه

د کندوز، وردک، بغلان او کوچیانو د پارلماني ټاکنو وروستۍ پایلې اعلام شوې

خپور شوی

د

(Last Updated On: لړم ۳, ۱۴۰۱)

د ټاکنو خپلواک کمیسیون نن (جمعه د غویی ۶) غرمه مهال د کابل او پکتیا د وروستیو پایلو له څرګندولو پرته د کندوز، وردک، بغلان ولایتونو او کوچیانو حوزې د پارلماني ټاکنو وروستۍ پایلې اعلام کړې.

د اعلام شویو پایلو له مخې؛ په میدان وردک ولایت کې۱- الحاج عبدالاحمد دراني ۲- عبدالرحمن وردک ۳- محمد مهدی راسخ ۴- حلیمه عسکری ۵- انجنیر حمیده اکبري ډېرې رایې خپلې کړي دي.

په کندوز ولایت کې۱- الحاج عبدالرووف ابراهیمي ۲- انجنیر کمال ساپی ۳- شاه خان شېرزاد ۴- انجنیر محمدالدین همدرد ۵- محمدالله بتاش۶- حاجی محمد عمر خان۷- فضل کریم ایماق ۸- نیلوفر جلالی کوفي ۸- داکتر فاطمه عزیز د ډېرو رایو لرونکي دي.

په بغلان ولایت کې۱- الحاج اسدالله شهباز۲- محمد عظیم محسني۳- عتیق رامین۴- الحاج مامور احمدزي ۵- داکتر محمد نسیم مدبر۶- الحاج استاد عبدالرزاق هاشمي۷- شکریه عیسی خېله ۸- نوریه حمیدي ګټونکي پېژندل شوي دي.

د کوچیانو په حوزه کې ۱- الحاج شاه وزیر تره خېل۲- حبیب الرحمن افغان ۳- میرویس حسین خېل۴-ننګیالی لونګ۵- حاجی پرویز عرب زاده۶- الحاج حیدر جان نعیم زوی۷- رسول خان کوچی۸- حمیده احمدزۍ۹- مریم سلیمان خېل۱۰- فرزانه کوچۍ بریالي شوي دي.

دا په داسې حال کې ده، چې نن له غرمې مخکې د کابل او پکتیا په ګډون د پېنځه ولایتونو او کوچیانو د حوزې د وروستیو پایلو له اعلام پرته د ملي شورا اووه لسمه دوره د ولسمشر اشرف غني، اجرائیه رییس عبدالله عبدالله، د ولسمشر د دوه یم مرستیال سروردانش او نورو لوړپوړیو دولتي او حکومتي مشرانو په ګډون پرانستل شوه.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!