Connect with us

تازه خبرونه

د پکتیکا په اورګون کې یو ښوونځی سوځول شوی

Ariana News

خپور شوی

 په

(Last Updated On: مرغومی ۸, ۱۳۹۷)

د پکتیکا په ارګون ولسوالۍ کې تېره شپه ناڅرګندو کسانو د هلکانو او نجونو یو ښوونځی سوځولی.

 د پکتیکا د پوهنې ریاست تدریسي مرستیال محمد نسیم واجد آریانانیوز ته ویلي، چې د سیمې د خلکو په خبره د شپې دری بجې یاد ښوونځي ته اور اچول شوی دی.

 ښاغلي واجد زیاته کړې، چې ښوونځی بشپړ سوځیدلی او یوازې دیوالونه یې پاتې دي.

د دغه ښوونځي د سوڅولو پړه تر دې دمه هیچا پر غاړه نده اخیستې.

Continue Reading
Advertisement

تازه خبرونه

وسلوال مخالفان دې په لارو کې ماین ښخونه ودروي – ولسمشرغني

Ariana News

خپور شوی

په

توسط

(Last Updated On: زمری ۲۳, ۱۳۹۹)

د سولې د خبرو په درشل کې، ولسمشر غني له وسلوالو مخالفانو وغوښتل، چې د سړک غاړې ماین ښخونه ودروي او د د سولې مشورتې جرګې غوښتنو ته دې غاړه کیدي.

ولسمشر محمد اشرف غني د پنجشنبې پر ورځ په کندهار کې د سړک غاړې ماین چاودنه وغندله او له وسلوالو طالبانو یې وغوښتلو چې له تاوتریخوالي لاس واخلي او د ماینونو ښخولو عمل پای ته ورسوي.

ارګ په ډاګه کړې، چې د کندهار ولایت د پنجوایي ولسوالۍ په زلخان سیمه کې نن د طالبانو لخوا  د ځای پر ځای شوي ماین په چاودنه کې د یوې ماشومې او څو ښځو په ګډون زمونږ یو شمېر هېوادوالو ته ځاني او ماي زیانونه ورسیدل.

 ولسمشرغني دغه پېښه تروریستي بولي او وایي، چې طالبان دې له حکومت سره د مخامخ مذاکراتو د پیلېدو او سولې په درشل کې له تاوتریخوالي په ځانګړي ډول په لویو لارو کې د ماینونو اېښودلو څخه، چې د ملکي تلفاتو عمده لامل کېږي، ډډه وکړي؛ تلپاتې او باعزته سولې ته د رسېدو لپاره دې د ولس، حکومت او سولې مشورتي لویې جرګې غږ ته لبیک ووایي.

دا په داسې حال کې ده، چې د یکشنبې پر ورځ هم د دې ولایت ۸ عام وګړي د سړک غاړې  ماین چاودنې وژلي دي.

Continue Reading

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

Trending