Connect with us

تازه خبرونه

د نورالحق علومي په مشرۍ د افغانستان د خلکو ملي جبهه رامنځته شوه

خپور شوی

د

(Last Updated On: لړم ۲, ۱۴۰۱)

د کورنیو چارو د پخواني وزیر نورالحق علومي په مشرۍ د افغانستان د خلکو ملي جبهه رامنځته او د اپوزیسون په کتار کې ودریده او ملي وحدت حکومت یې د چارو په تنظیم کې پاتې ونوماوه.

د افغانستان د خلکو د ملي جبهې رییس نور الحق علومي ویلي، چې د دغه ګام په پورته کولو مو د افغانستان د ژغورلو غوره بدیل رامنځته کړ او افغانستان به د روانو حالاتو په ګرداب کې له ډوبیدو وژغوري.       

هغه زیاته کړې، چې د نړۍ ځینې هېوادونه په افغانستان کې د خپلو شخصي ګټو د پاللو په لټه کې دي.

په وروستیو کې امنیتي وضعیت خراب شوی او سیاسي ناندریو هم خلک اندېښمن کړي دي.

خلک له حکومته غواړي، چې پخپلو مسوولیتونو عمل وکړي.

تورن جنرال نورالحق علومي پر١٣٢٠ لمريز کال زېږېدلى او د افغانستان د خلق دموکراتيک ګوند د پرچم غړی و.

علومي پر ۱۹۷۲ زېږدي کال په امريکا کې د ارکانحرب تر کچې د پوځي دوکتورا معادل تحصيلات کړي، خو بیا یې د شوروي اتحاد په مسکو کې خپلې زدکړې نوې کړې.

جنرال نورالحق علومي د داکتر نجیب په وړاندې له کودتا کوونکیو سره ملګری و. د کودتاه کوونکیو نور کسان دا ول : د وطن ګوند د مرکزي کمیتې د منشي مرستیال او د سیاسی بيرو غړی فرید احمد مزدک، د وطن ګوند د مرکزي کمیتې د سیاسی بیرو غړی محمود بریالی، د وطن ګوند د مرکزي کمیتې د سیاسی بیرو غړی نجم الدین کاویانی، د بهرنیو چارو وزیر عبدالوکيل، د دفاع وزیر مرستیال او د کابل گارنیزون قومندان ستر جنرال محمد نبي عظیمي، د ۵۳ فرقې قومندان جنرال عبدالرشید دوستم ، جنرال عبدالحق علومي(اوس مړ شوی دی) تورن جنرال محمد عزیز حساس، جنرال آصف دلاور، د ځانگړي گارد قومندانجنرال سید عظم سید ، جنرالامیر محمد ، د دولتي امنیت وزارت مرستیالان جنرال یار محمد او جنرال باقر فرین ، د وطن ګوند د مرکزی کمیتې غړی شفیق توده یي، داکتر ضمیر، انجنیر نعمت، ادینه سنګین او ځینې نور .

دوی د ۱۳۷۱ (۱۹۹۲ ز) کال د وري په میاشت کې د داکتر نجیب د حکومت پرضد کودتاه ترسره کړه او په دې ډول يې د ملګرو ملتو د سولې پروگرام له ناکامۍ سره مخ کړ او په پایله کې مجاهدین نه یوازې واک و ځواک ته ورسیدل، بلکې واک وځواک ته د نظار شورا مشرانو په راتګ د هېواد په بېلابېلو ښارونو او سیمو کې د کورنۍ جگړې د اور لمبې نورې هم پسې ډېرې شوې او هر څوک خپلو قومي سیمو ته وکوچیده او په کابل کې تنظیمي حکومتونه جوړ شول .

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!