Connect with us

تازه خبرونه

د میدان وردګ په دایمرداد کې د وژل شویو سرتېرو جسدونه وراسته شوي-خلک

Ariana News

خپور شوی

 په

(Last Updated On: September 13, 2018)

د وژل شویو سرتېرو د کورنیو غړي وايي؛ د میدان وردګ په دایمیرداد ولسوالۍ کې د وژل شویو افغان سرتېرو مړي له یوې اوونۍ ډېر د جګړې په ډګر کې پاتې ول، چې جسدونه یې شړیدلي او پړسیدلي دي.

د وژل شويو سرتېرو خپلوان په کابل کې د پولیسو د درې سوه بستریز روغتون مخې ته راټول شوي، چې د وژل شویو سرتېرو جنازې واخلي.

راغلي کسان وايي؛ د سرتېرو جسدونه یې له یوې اوونۍ ډېر د جګړې په ډګر کې پاتې شوي، چې نن له دایمرداد ولسوالۍ کابل ته را لیږدول شوي دي.

عطاالحق حق‌جو د وژل شوي سرتېري خپل د دایمرداد ولسوالۍ د خونړۍ جګړې تیاره اړخونه روښانه کړي او وایي، چې د وژل شویو سرتېرو جسدونه نن کابل ته راوړل شويدي.

هغه زیاتوي، چې زیاتره جسدونه خراب او پړسیدلي دي.

د وژل شوي سرتېري یو بل خپل عبدالرقیب وایي، خپل مې د پورته کولو ندی؛ غوښه یې شړیږي. په ډېر زحمت مو راپورته کړ او اوبه مو پرې تېرې کړې.

نصیر احمد وايي، چې ورور یې خالد، په دایمیرداد ولسوالۍ کې د امنیه قومندان مرستیال و، چې په جګړه کې وژل شوی دی.  

هغه زیاتوي، مونږ دا ولسمشر نه غواړو؛ که غږ مو اوري د دغو خلکو پوښتنه دې وکړي.

د وژل شوي سرتېري خپل الله میر وايي، چې د میدان وردګ په دایمیرداد ولسوالۍ کې شاوخوا اته اویا افغان سرتېري وژل شوي، چې تر اوسه د یوه جسد هم خپلو کورنیو ته نه دی سپارل شوی.

د کورنیو چارو وزارت د ویاند مرستیال نصرت رحیمي هم مني، چې په دایمیرداد ولسوالۍ کې د وژل شویو سرتېرو جسدونه درې څلور ورځې د جګړې په ډګر کې پاتې شوي وه.

هغه زیاتوي، په دایمیرداد ولسوالۍ کې مو اویا وسلوال مخالفان وژلي او ۳۵ نور مو ټپیان کړي دي؛ خو په خواشینۍ، چې د امنیتي ځواکونو ۹ کسانو هم خپل ژوند له لاسه ورکړی دی.

د دایمیرداد ولسوالۍ اوسیدونکي وايي؛ ولسوالي د وسلوالو طالبانو په ولکه کې ده، خو پولیس دا ادعاوې ردوي او څرګندوي، چې د دغې ولسوالۍ اداره د دوی په لاس کې ده.

 

تازه خبرونه

د ښځو پر وړاندې تاوتریخوالی ۱۱ سلنه لږ شوی – د بشري حقونو کمیسیون

Ariana News

خپور شوی

په

توسط

(Last Updated On: November 26, 2020)

د افغانستان بشري حقونو خپلواک کمیسیون د پنجشنبې پر ورځ( د لیندۍ ۶) په یوه تویت کې څرګنده کړې، چې د ښځو پروړاندې تاوتریخوالی د تېر کال په پرتله ۱۱ سلنه لږ شوی دی.

د دوی د څرګندونو له مخې، د ۲۰۲۰ کال په تېرو ۱۰ میاشتو کې د ښځو پروړاندې د تاو تریخوالي ۳۴۷۷ پېښې ثبت شوې دي.

دغه بنسټ زیاته کړې، چې په ۲۰۱۹ کال کې د ښځو پروړاندې د تاوتریخوالي ۳۹۱۰ پېښې ثبت شوې وې، چې د روان کال د شمېر په پرتله ۱۱ سلنه لږوالی ښیي.

د بشري حقونو کمیسیون څرګنده کړې، چې دغه لږوالی کېدی شي د بېلابېلو فاکتورونو؛ عدلي او قضایي بنسټونو ته د میرمنو د نه لاسرسي، په هېواد کې د ناامنیو خپریدل او پر تګ راتګ محدودیتونه له کبله وي.

دا په داسې حال کې ده، چې  د ښځو چارو وزارت چارواکو پرون ویلي وه، چې د ښځو پر وړاندې تاوتریخوالی په ټول هې واد کې ډېر شوی دی.

Continue Reading

تازه خبرونه

افغانستان د نړیوالې ترهګرۍ په نوملړ کې لومړی شو

Ariana News

خپور شوی

په

توسط

(Last Updated On: November 26, 2020)

افغانستان د ترهګرۍ د قرباني شویو هېوادونو په نړیوال نوملړ کې لومړی مقام خپل کړ.

په ۲۰۲۰ کال کې د ترهګرۍ د نړیوال شاخص له مخې؛ د ترهګریزو بریدونو د ټولو مرګونو ۴۱ سلنه یې په افغانستان کې رامنځته شوي، چې د نړیوال نوملړ له مخې یې لومړی مقام ګټلی دی.

راپور په ډاګه کړې، چې په ۲۰۱۹ کال کې د تېرو درې کلونو په څېر بیا هم افغانستان د ترهګرۍ لوی قرباني هېواد دی، چې له ټولو نورو هېوادونو دغلته ډېرې ترهګریزې پېښې رامنځته شوې دي.

پر ۲۰۱۹ کال له ترهګرۍ بریدونو ۱٣ زره ٨٢٦  کسان وژل شویو، چې ۵۷۲۵  یې افغانان دي.

د ترهګرۍ د نړیوال شاخص له مخې؛ په ۲۰۱۹ کال کې د نړۍ له شل خونړیو پېښو اووه یې په افغانستان کې رامنځته شوي، چې طالبانو تر سره کړي دي.

د ترهګرۍ په نړیوال شاخص کې راغلي؛ الشباب، طالبان، داعش او بوکو حرام په ترتیب سره څلور خونړۍ ډلې پېژندل شوي، چې طالبانو په کې دوه یم ځای لري.

د دغه نوملړ له مخې، له افغانستان وروسته په نیجریه کې ډېرۍ ترهګریزې پېښې رامنځته شوې دي.

د ترهګرۍ نړیوال شاخص، چې هر کال د نړۍ په ۱۶۳ هېوادونو کې د ترهګرۍ اغېزې څېړي؛ د اقتصاد او سولې نړیوالې موسسې لخوا  چمتو کیږي.

بشپړ راپور دلته   وګورئ.

Continue Reading

تازه خبرونه

په افغانستان کې د یو شمېر آسترالیایي سرتېرو قراردادونه فسخه شول

Ariana News

خپور شوی

په

توسط

(Last Updated On: November 26, 2020)

د آسترالیایي رسنیو د څرګندونو له مخې؛ د دې هېواد حکومت په افغانستان کې د ملکي وګړیو او بندیانو پر وژلو تورن لس سرتېري له دندې ګوښه کړي دي.

آسترالیايي رسنیو په ډاګه کړې؛ له باوري شواهدو له خپرېدو وروسته دې هېواد په افغانستان کې د لږ تر لږه لس ځانګړیو سرتېرو تړونونه د ملکي وګړیو د ناقانونه وژنې له کبله فسخه کړي دي.

تېره اوونۍ د آسترالیا حکومت یو لړ باوري شواهد وموندل، چې آسترالیایي ځواکونو په افغانستان کې ملکي وګړي او بندیان وژلي دي.

د ای بي سي سرچینې د څرګندونو له مخې؛ هغه ملکي افغانان، چې د کورنۍ غړي یې د آسترالیا ځانګړيو ځواکونو وژلي؛ اوس هم د عدالت، تاوان او غرامت غوښتنه کوي.

په دې راپور کې راغلي؛ د آسترالیا ۱۹ سرتېري د ملکي افغانانو د وژنې پر تور محاکمه کیږي، چې  تر دې دمه یې ۹ پېژندل شوي او قضایي بنسټونو ته سپارل شوي دي.

راپور دا هم په ډاګه کړې، چې له دغو تورنو سرتېرو څخه ۱۰ یې په رسمي بڼه له دندې ګوښه شوي دي.

په افغانستان کې د قربانیانو کورنیو ویلي، چې د ملکي وګړیو د وژنې عاملین دې د قانون منګولو ته وسپارل شي.

د روزګان ولایت د سرخوم کلي اوسیدونکی عبدالطیف، چې د استرالیايي ځواکونو د عملیاتو پرمهال یې خپل پلار له لاسه ورکړی؛ یادې رسنۍ ته ویلي: زه عدالت غواړم. همدارنګه هغه دردونه، چې دوی ماته رسولي؛ زه یې د جبران غوښتونکی یم.

عبدالطیف زیاته کړې: د اسلامي قانون له مخې دې عدالت رامنځته شي؛ ځکه، چې جرمونه په افغانستان کې شوي او دا سرتېري باید پر اسلامي قانون محاکمه شي. که دوی پر آسترالیایي قانون محاکمه کیږي؛ نو د ژوند تر پايه باید په بند کې وي. مونږ عدالت او تاوان دواړه غواړو.

په راپور کې دا هم راغلې؛ که داسې کره شواهد تر لاسه شي، چې آسترالیايي ځواکونو د افغانانو په وژلو کې ښکېل وي؛ بیا، نو د آسترلیا حکومت باید د قربانیانو کورنیو ته ژر تر ژره تاوان او غرامت هم ورکړي.

آسترلیایي کارپوهانو ويلي؛ دا به بېسارې وي، چې په بهر کې د آسترالیا اتباع محاکمه کړي.

دوی زیاته کړې: د آسترالیا لپاره یوازې یوه لار پاتې ده، چې له پخپل خوندیتوب سترګې پټې کړي؛ خو دا به د قانوني ستونزو لامل شي.

Continue Reading
Advertisement

Trending