Connect with us

تازه خبرونه

د محقق په کور کې عبدالله او حامد کرزي د سولې نوې طرحه وړاندې کړه

Ariana News

خپور شوی

 په

(Last Updated On: سلواغه ۵, ۱۳۹۸)

د عبدالله عبدالله او حامد کرزي په ګډون یو شمېر سیاسي څېرو او بهیرونو په کابل کې د سولې لپاره د نوې طرحې د وړاندې کولو په اړه یوه مشورتي ناسته تر سره کړې.

سیاسیون د سولې خبرو په تړاو طرحې او نظریې لري او هڅه کوي د سولې خبرو لپاره نوې طرحه جوړه کړي.

عبدالله عبدالله په دې ناسته کې ګواښ کړی، چې هیڅوک د خپلو شخصي ګټو لپاره نشي کولی د سولې خبرو اترو خنډ شي.

په دې ناسته کې سیاسي څېرو د تاوتریخوالي کمښت د سولې د خبرو اترو لپاره ښه غوراوی وباله.

د پخواني ولسمشر مرستیال محمد یونس قانوني ویلي: هغه طرحه، چې د افغانستان سیاسیون یې غواړي جوړه کړي؛ دا به سولې ته د رسیدو لپاره د افغانستان د خلکو طرحه وي.

په دې ناسته کې، سیاسي مشرانو او د ګوندونو استازیو ټینګار وکړ چې په هېواد کې د سولې د ټینګښت لپاره باید له ټولو فرصتونو ګټه واخیستل شي او تر یوې اوونۍ دې له طالبانو سره د خبرو طرحه نهایي شي.

د سولې عالي شورا رییس محمد کریم خلیلي وایي؛ د سولې لپاره د تاوتریخوالي د کمښت طرحه د سولې ټولو خبرو ته زمینه برابروي، چې څنګه د خلکو دې غوښتنې ته ورو ورو ورورسیږو.

د نوموړي د څرګندونو له مخې؛ دا هغه طرحه ده، چې طالبان او امرذیکایان پرې هوکړې ته رسیدلي دي.

د اجرائیه مشر دویم مرستیال او د دغې ناستې کوربه محمد محقق څرګنده کړې، چې که ولسمشر خبرې کوي او که د هغه ملګري؛ د  دوی ټینګار دادی، چې یا به د سولې لپاره د دولت وزیر خبرې کوي او یا د اشرف غي ځانګړي کسان.

د افغانستان د متحد اسلامي حزب رییس وحید الله سباوون ویلي، چې دا طرحه به له ولسمشر غني سره هم شریکه شي.

ښکاري، چې دا ناسته د ولسمشر غني د مزاج خلاف روانه ده؛ ځکه سیاسیون وایي، حکومت باید د سولې خبرو اترو یوه برخه وي، نه اصلي او ټول لوري.

د ناستې ګډونوالو پرېکړه کړې، چې په نږدې ورځو کې به د دوی طرحه له بېلابېلو مشرانو، استازیو او ټولنو سره له مشورو وروسته وروستۍ او د تلپاتې سولې لامل شي.

دا په داسې حال کې ده، چې تېره ورځ ولسمشرغني د سویس د داووس ښار په نړیواله اقتصادي ناسته کې ویلي وه، چې حامد کرزی او اجرائیه مشر د سولې لپاره هیڅ طرحه نلري او دا خبرې په کابل کې د سیاسیونو له توندو نیوکو سره مخ شوې.

تازه خبرونه

د ۴۰۰ طالب بندیانو د خوشې کولو فرمان لاسلیک کړ

Ariana News

خپور شوی

په

توسط

(Last Updated On: زمری ۲۱, ۱۳۹۹)

ولسمشر  اشرف غني په ولسمشرۍ ماڼۍ کې د دوشنبې پر ورځ د زمري ۲۰ ماښام مهال د سولې مشورتي لویې جرګې د پرېکړې له مخې د۴۰۰ طالب بندیانو خوشې کولو فرمان لاسلیک کړ.

د دغه فرمان د لاسلیک د مراسمو پر مهال د ولسمشر مرستیالانو، لوی درستیز، قاضي القضات، د سترې محکمې مشر، د ملي امنیت سلاکار، لوی درستيز، د چارو د ادارې عمومي مشر، د ولسمشرۍ د دفتر او د حکومت مرکچي پلاوي مشرانو حضور درلود.

ولسمشرۍ ماڼۍ په ډاګه کړې، چې ښاغلي غني د پوځي پرسونل په مجازاتو کې د تخفیف او بښنې فرمان هم لاسلیک کړی دی.

ولسمشر د افغانستان د اساسي قانون د ۶۴ مادې د ۱۸ فقرې حکم او په کابل کې د ۱۳۹۹ کال د زمري پر ۱۷ د جوړې شوې د سولې مشورتي لویې جرګې د غوښتنې پر بنسټ د هغو پوځي منسوبینو د مجازاتو تخفیف او بښنه منظور کړه، چې د محاکمو د قطعي او نهایي حکم پر اساس محکوم شوي دي.

د دې فرمان د لومړۍ مادې له مخې؛ د هغو نظامي منسوبینو د حبس مجازاتو پاتې موده، چې تر پېنځه کلونو پورې په بند محکوم شوي دي، د جزایي اجراآتو قانون د ۳۵۰ مادې او د ښځو پر وړاندې د تاوتریخوالي منع قانون د احکامو پر اساس، د هغوی د بند پاتې مودې ته له پام پرته، بښل شوي او له بند څخه دې خوشې شي.

د دې فرمان په دوه یمه ماده کې لیکل شوي، چې د دې فرمان د احکامو تطبیق د اشخاصو د حق العبدي دعوې د اقامې مخنیوی نکوي.

پرون، د سولې مشورتي لویې جرګې ولسمشر ته وړاندیز وکړ، چې ۴۰۰ طالب بندیان دې د هغو کسانوپه ګډون خوشې شي، چې په هېواد کې یې ان ستر خونړي بریدونه پلان کړي وه.

په دوحه کې د فبروري پر ۲۹ د امریکایانو او طالب استازیو ترمنځ د سولې رامنځته کولو یوه هوکړه وشوه، چې د طالب بندیانو خوشې کیدل د افغانانو ترمنځ د خپلمنځي خبرو اترو د پیل لپاره یو شرط دی.

طالبانو په وروستیو اوونیو کې څو ځله بشپر ټینګار کړی، چې دوی به د ۵۰۰۰  طالب بندیان له خوشې کیدو یوه اوونۍ وروسته له افغانانو سره خبرو ته راوړاندې شي.

حکومت ویلي، چې د افغانانو خپلمنځي خبرې به د راروانې اوونۍ د یکشنبې پر ورځ د قطر په دوحه کې ترسره شي.

ټاکل شوې، چې حکومتي  پلاوی د روانې اوونۍ د چارشنبه پر ورځ  له کابل څخه قطر ته روان شي.

Continue Reading

تازه خبرونه

نن د سولې دوشنبه ده ـ د امریکا سفارت چارسمبالی

Ariana News

خپور شوی

په

توسط

(Last Updated On: زمری ۲۱, ۱۳۹۹)

په کابل کې د امریکا د سفارت چارسمبالي راس ویلسن ویلي، چې نن د سولې دوشنبه ده.

نوموړي له ټولو هغو کسانو څخه مننه کړې، چې په تېرو پېنځه میاشتو کې یې د سولې په چارو کې هلې خلې کړې دي.

راس ویلسن زیاته کړې؛ هغه چا، چې په دې بهر کې ګډون کړی د هېواد او خلکو او د سولې په اړه یې خپل نیک نظر وړاندې کړی او د ښه نیت لپاره یې د افغانانو د روښانه راتلونکي لپاره ګامونه پورته کړي دي.

ویلسن په خپل ودیوي پیغام کې ویلي، چې د افغان مرکچي پلاوي لپاره یې د سولې د بهیر او د هغې د پایلو په اړه څرګندونې کړي.

ښاغلي ویلسن دوی ته په ډاګه کړې: امریکا پدې خبرو کې له دوه مهمو پایلو ملاتړ کوي؛ لومړی، امریکا له یو خپلواک، واحد او دیموکراتیک افغانستان څخه، چې له ګاونډ هېوادونو سره په سوله کې وي؛ ملاتړ کوي. دوه یم، د تېرو ۱۹ کلونو له سیاسي، اقتصادي او ټولنیزو لاسته راوړنو ساتنه کوي.

هغه ویلي، چې د امریکا سفارت به له ۲۰۰۱ کال راپدیخوا په افغانستان کې د رامنځته شويو پرمختګونو جزئیات خلکو ته وړاندې کړي.

هغه دا هم څرګنده کړې، چې امریکا له افغانستان سره په تلپاتي ګدون کې مرسته کوي او د راتلونکي لپاره به هم ځینې موخې په ډاګه کړي.

په هر حال هغه ټینګار کړی، چې د افغانستان خپلمنځي خبرې باید د افغانانو په واک او د افغانانو په مشرۍ وي. دا تاسې خپل کار دی، چې د خپل هېواد راتلونکی څرنګه ټاکئ

هغه ټولو افغانانو ته ډاډ ورکړ، چې امریکا به له افغانستان څخه ملاتړ کوي او له خلکو سره به وي.

دا په داسې حال کې ده، چې د یکشنبې پر ورځ د سولې مشورتي جرګې په یوه ډېر حساس وخت کې د افغان حکومت او وسلوالو طالبانو تر منځ د سولې خبرو اترو د پیلولو لپاره د ۴۰۰ طالب بندیانو د خوشې کولو مشروطه پرېکړه وکړه او ولسمشر اشرف غني یې د خوشې کیدو فرمان لاسلیک کړ.

حکومت په دې تمه دی، چې په راتلونکیو څو ورځو کې به خپلمنځي خبرې تر سره شي. د افغانستان ملي رادیو تلویزیون په ډاګه کړې، چې خپلمنځي خبرې به د اګست پر ۱۶ په دوحه کې تر سره شي.

Continue Reading

تازه خبرونه

نصرت حقپرست خپل امریکایي سیال مات کړ

Ariana News

خپور شوی

په

توسط

(Last Updated On: زمری ۱۹, ۱۳۹۹)

د افغانستان د آزادې هڅې لوبغاړي نصرت حقپرست خپل امریکايي سیال ته ماته ورکړه.

د یکشنبه پر سهار نصرت حقپرست، بریالی شو، چې د نړۍ د آزادو هڅو په تر ټولو لویه ټولنه (UFC) کې خپل امریکایي سیال الکس مونز له درې پړاویزې ماتې سره مخ کړي.

دا د آزادې مبارزې په سیالیو کې د نصرت حقپرست دولسمه یمه بریا ده.

نصرت حقپرست له سیربهادرزاده وروسته دوه یم افغان استازی دی، چې د افغانستان د رپی لاندې د نړۍ د آزادو هڅو په تر ټولو لویه ټولنه (UFC) کې لوبیږي.

Continue Reading

Trending