Connect with us

تازه خبرونه

د ټاکنو د لومړنۍ پایلې اعلان د منلو ندی- ټاکنډلې

Ariana News

خپور شوی

 په

(Last Updated On: December 22, 2019)

د ټاکنو خپلواک کمیسیون لخوا د ولسمشریزو ټاکنو د لومړنیو پایلو له اعلان سمدستي وروسته د ثبات او همپالنې ډلې خبر ورکړ، چې د ټاکنو د پایلو دا اعلان له قانون، کړنلارو او لوایحو ښکاره سرغړونه ده او دوی یې نه مني.

د لومړنیو پایلو له اعلان وروسته د ثبات او همپالنې ټاکنډلې په ګډون زیاترو ټاکنډلو د دغو پایلو مخالفت کړی؛ رحمت الله نبیل ویلي، چې کمیسیون د پایلو په اعلان کې ناپېیلتوب ندی ساتلی او ګلبدین حکمتیار هم د ټاکنو د لومړنیو پایلو اعلان فرمایشي ګڼلی دی.

له دریو میاشتو ځنډ وروسته د ټاکنو خپلواک کمیسیون د ولسمشریزو ټاکنو د لومړنیو پایلو پر اعلان بریالی شو.

د دولت جوړوونکې تاکنډلې زیاترو سیالو ډلو د کمیسیون لخوا د ټاکنو د لومړنیو پایلو پر اعلان غبرګون ښودلی او ویلي یې دي، چې دوی ته دغه پایلې د منلو ندي.

دوی وايي، چې کمیسیون د دوی غوښتنې په پام کې ندي نیولي او درې سوه زره جنجالي رایو ته یې اعتبار ورکړی دی.

د ثبات او همپالنې ټاکنډلې ویلي، چې د کمیسیون دا اعلان له قانون، کړنلارو او لوایحو سرغړونه ده او دوی یې نه مني.

د ثبات او همپالنې ډلې غړې فریده مومند وایي: ټولو ټاکنډلو، چې په ټاکنو کې برخه اخیستې؛ درغلیو ته یې نه ویلي او له درغلیو روتې پایله هم نه مني. دا، چې کمیسون د خلکو اټکل نسکوره او پایلې اعلام کړې، نو مونږ خلکو ته ډاډ ورکوو، چې له تقلبه راوتې پایله نه منو.  

د نوماندانو شورا، چې د کمیسیون پر چارو نیوکې کوي؛ د لومړنیو پایلو له اعلان وروسته یې ویلي، چې اوس د ملي مشارکت د حکومت د جوړښت وخت را رسیدلی دی.

د ولسمشریزو ټاکنو نوماند شهاب حکیمي وایي، چې د نوماندانو شورا له یوه ځواکمن دریځه په ډاګه کوي، چې: نه دا پایله مني اونه به هغه ومني، چې له دې وروسته اعلانیږي. مونږ د ملي مشارکت د حکومت پر جوړولو کار روان کړی او له ټولو لوریو سره په اړیکو کې یو. ډېر ژر به د هېواد د ټولو مشرانو په ګډون د ملي مشارکت حکومت جوړ شي.

د ولسمشریزو ټاکنو د نوماند انجنیر ګلبدین حکمتیار په مشرۍ د سولې او اسلامي عدالت ټاکنډلې ویلي، چې د ټاکنو خپلواک کمیسیون لخوا په فرمایشي توګه لومړنۍ پایلې اعلان شوې دي.

د حکمتیار دوه یم مرستیال مفتي حفیظ الرحمن نقي څرګنده کړې: د دوی له بحثونو او غوښتونو ښکاره وه، چې لیوني شوي او دا پایله یې فرمایشي ولوسته؛ ځکه، چې ددې پایلې اعلان له عقلي، قانوني او ټولنیز منطق سره هیڅ تړاو نلري.  

د رحمت الله نبیل په رهبرۍ د امنیت او عدالت ټاکنډلې هم ویلي، چې د ټاکنو د لومړنیو پایلو په اعلان کې ناپېیلتوب ته پاملرنه نده شوې. د دوی په باور دغه ډول پرېکړې به هېواد بحران ته یوسي او بیه به یې خلک پرې کړي.

تازه خبرونه

خلیلزاد د سولې خبرو د چټکولو لپاره د سفر نوی پړاو پیل كړی

Ariana News

خپور شوی

په

توسط

(Last Updated On: February 28, 2021)

د افغانستان د سولې لپاره د امریکا ځانګړي استازي ډاكتر زلمي خلیلزاد سیمې ته خپل سفر جرمني ته له رسېدو پیل کړی او تمه ده، چې قطر، افغانستان، پاکستان او عربي متحدو اماراتو ته هم سفرونه ولري.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی به له هغه هېواده قطر، افغانستان، پاکستان، عربي متحده اماراتو او ځينو نورو هېوادونو ته هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

زلمي خلیلزاد دا سفر په داسې حال کې پیل کړي، چې په دوحه کې د افغانانو خپلمنځي خبرې له یو څه ځنډ وروسته تېره اوونۍ بیا پیل؛ خو ډېرې ورو روانې دي.

د سولې په چارو کې د دولت وزارت مسوولين تمه ښيي، چې د خلیلزاد دا سفر به د افغان سولې د خبرو له چټکېدو سره مرسته وکړي.

د سولې په چارو کې د دولت وزیر سید سعادت منصور نادري څرګنده کړې؛ مونږ د امریکا د ځانګړي استازي له سفر هرکلی کوو او امریکا د افغانستان یوه غوره ستراتیژیکه همکاره ده. هیله من یو، چې دا سفر د سولې خبرو ته آسانتیاوې رامنځته کړي.

د افغانستان په روان کړکېچ کې ښکېل یو شمېر کورني او بهرني ارخونه پر طالبانو تورلګوي، چې تاوتریخوالی یي ډېر کړی.

افغان حکومت په دې تمه دی، د زلمي خلیلزاد دا سفر به په افغانستان تاوتریخوالی کم او اوربند ته لار اواره کړي.

د ولسمشر د ویاند مرستیال دوا خان مینه پال ویلي؛ د افغانستان حکومت او د نړۍ ډېر شمېر هېوادونه له طالبانو غواړي، چې پر خبرو ټینګار وکړي او تاوتریخوالی کم کړي. ټولو اسلامي هېوادونو طالبانو ته ویلي، چې جګړه یې د افغانستان د خلکو پر وړاندې مشروعیت نلري او باید له تاوتریخوالي ډډه وکړي.  

د افغانستان د بهرنیو چارو وزیر د روسیې د امنیت شوری له منشي سره په ناسته کې په طالبانو غږ کړی چې جدي خبرې پیل کړي.

د افغانستان د بهرنیو چارو وزارت ویاندګران هېواد څرګنده کړې؛  د روسیې د ملي امنیت شوری منشي د افغانستان د بهرنیو چارو له وزیر سره په خبرو کې ویلي، چې په افغانستان کې د طالبانو د امارت بیا واکمنیدل د منلو ور ندي او د ملګرو ملتونو د امنیت شوری له نوملړه د طالب مشرانو د نومونو ایستل بايد د سولې خبرو له پرمختګ سره وتړل شي.

دا په داسې حال کې ده، چې طالبانو له امریکا سره د سولې د رامنځته کېدو د تړون د لومړۍ کلیزې په څرګندونو کې له امریکا غوښتي، چې له لاسلیک شوي تړون سره سم خپلو اړوند ژمنو ته غاړه کېدي؛ پرته له دې به د سولې بهیر زیانمن شي.

Continue Reading

تازه خبرونه

امریکا دې د لاسلیک شوي تړون ژمنو ته غاړه کېدي – طالبان

Ariana News

خپور شوی

په

توسط

(Last Updated On: February 28, 2021)

طالبانو له امریکا غوښتي، چې له لاسلیک شوي تړون سره سم خپلو اړوند ژمنو ته غاړه کېدي؛ پرته له دې به د سولې بهیر زیانمن شي.

طالبانو په یوه اعلامیه کې د دوحې تړون د لومړۍ کلیزې( د کب ۱۰) په مناسبت ویلي؛ دوی په دې تړون کې راغلیو ټولو ژمنو ته ژمن پاتې دي او هغه د روان کړکیچ د حل او سولې ته د رسېدو یوازنۍ لار بولي.

په قطر کې د طالبانو د سیاسي دفتر مرستیال ملا عبدالغنی برادر ویلي؛ که د دوحې ټړون پلی شي، سوله به راشي او اسلامي حکومت به هم حاکم شي.   

طالبانو له واشنګټن غوښتي، چې امریکا دې په افغانستان کې د سولې راوستو د لاسلیک شوي تړون له مخې د طالبانو د پاتې بندیانو خوشې کول او له تورنوملړه د دوی د نومونو لرې کول له پامه نه غورزوي.

طالبانو ویلي؛ دغه تړون، چې یو کال مخکې د قطر په دوحه کې د افغانستان له حکومت له ګډون پرته د نړۍ د یوشمېر ښکېلو هېوادونو د استازیو تر څارنې لاندې د طالب او امریکایي استازیو تر منځ لاسلیک شو؛ سرغړونه ترې د سولې ټول بهیر له منځه وړي.

طالبانو څرګنده کړې؛ د افغانستان د خبرو اترو د روان بهیر ګړندي کولو لپاره باید عملي ګامونه پورته شي؛ ځکه د دوحې تړون افغانستان ته د سولې او امنیت د راوستو لپاره یو عملي چوکاټ رامنځته کړی او که کومه بله لاره د بدیل په توګه تعقیب شي، نو دا به د بهیر بریا نه، بلکې ناکامي وي.

طالبانو ادعا کړې، چې د دوحې تړون پربنسټ یې د عملیاتو په کچه کې د پام وړ کموالی رامنځته کړی؛ پر ولایتونو پراخ بریدونه ندي شوي؛ خو بلې خوا په دې برخه کې خپل مسوولیتونه ندي ترسره کړي، ځکه بمبارډ، ډرون بریدونه او ځانګړي عملیات روان ساتل شوي، چې تر ډېره د ملکي وګړیو د زیان او د تاوتریخوالي د کچې د لوړېدو لامل کیږي.

طالبانو د موخه ییزو بریدونو او وژنو مسوولیت ندی منلی؛ خو دغو بریدونو په تېرو څو میاشتو کې هېواد له ستر امنیتي کړکېچن سره مخ کړی دی.

د طالبانو اعلامیه یوازې درې ورځې وروسته له هغې خپریږي، چې د امریکا د مرکزي قومندانۍ مشر جنرال مک کینزي وویل؛ امریکا اوس هم د تاوتریخوالي کچه ګوري، چې ډېره لوړه ده.

هغه زیاته کړې: زه پر طالبانو تور پورې کوم، چې پر افغان چارواکو وژونکي بریدونه او موخه ییزې وژنې یې روانې دي؛ خو د تاوتریخوالي زیاتېدل د دې لامل شوي، چې حکومت د خپل ځان د ساتنې لپاره خپل دفاعي عملیات پیل کړي. په داسې حال کې، چې د تاوتریخوالی کچه دواړو لوریو ډیره لوړه کړې ده.

مک کینزي ټینګار کړی؛ داسې هیڅ نښه نشته، چې طالبانو له القاعده سره اړیکې پرې کړې وې. لکه څنګه، چې د امریکا او طالبانو په تړون کې یې غوښتنه شوې ده.

د سې شنبې پر ورځ( د کب ۵) د افغانستان لپاره د ملګرو ملتونو مرستندویه پلاوي (یوناما) ویلي، چې د سپټمبر په میاشت کې د سولې د خبرو له پیل راپدیخوا په افغانستان کې د ملکي وګړیو په وژلو او ټپي کیدو کې زیاتوالی راغلی دی.

طالبانو پر دغه راپور کلک غبرګون ښودلی او ویلي یې دي، چې: مونږ د ناسمو معلوماتو پراساس دا ډول نیمګړتیاوې نلرو او راپور یو اړخیز خپور شوی دی.

د یادونې ده، چې تېره اوونۍ طالبانو په خپلو لیکو کې پر بهرنیو جنګیالیو د بندیږ لګولو غږ وکړ او دا یې هم ویلي، چې بهرنیو جنیالیو ته پناه ورکوونکي به مجازات هم شي.  

Continue Reading

تازه خبرونه

د کندهار اتیا سلنه خلک د جګړو له کبله بېکاره شوي

Ariana News

خپور شوی

په

توسط

(Last Updated On: February 27, 2021)

د کندهار د کار او ټولنيزو چارو رياست مسوولینو ویلي، په دې ولایت کې د جګړو له وېرې خلک له خپلو سیمو بېځايه شوي، چې ورسره د خلکو د بېکارۍ کچه ۸۰  سلنه لوړه شوې ده.

د کندهار په ۷ ولسواليو کې له شاوخوا  څلورمياشتو راپدیخوا سختې جګړې رواني دي، چې له کبله یې څه نا څه شل زره کورنۍ له خپلو سيمو بېځايه شوي او د کندهار ښار ترڅنګ د دغه ولایت نسبتآ امن سيمو ته تللي دي.

بېکاره شوي کسان هم وایي، چې د خپلو کورنيو د لومړنیو اړتیاوو تر لاسه کول ورته ستونزمن شوي دي.

محمد داود او رضاخان د کندهار په معروف او ډنډ ولسوالیو کې د خپلو کورونو پرې ښودلو ته اړ شوي او ټوله ورځ د کندهار ښار کې د کار موندلو په تمه تېروي.

مسوولين وایي؛ هڅه کوي د نړيوالو بشري بنسټونو پر مرسته او همکارۍ د تازه بېکاره شویو او بېځايه شويو کورنیو سره مرستي ترسره کړي.

د کندهار د کار او ټولنيزو چارو مشر حبیب الله جیلاني وایي، د روانو جګړو له کبله د کندهار ۸۰ سلنه اوسېدونکي وزګار شوي، چې له ګڼو ستونزو سره مخ دي.

د کندهار ولایتي مسوولين په دې ولایت کې د روانو جګړو په اړه له خبرو کولو ډډه کوي؛ خو د هېواد د ملي امنیت شورا سلاکار حمدالله محب کندهار ته په خپل وروستي سفر کې ډاډ ورکړی و، چې د کندهار امنیت ته د دولت پام دی او د جګړو له کبله به له زيانمنو شویو کورنیو او خلکو سره د مرستي لپاره هم امکانات چمتو کړي.

Continue Reading

Trending

آریانا نیوز: ټول حقونه خوندي دي