Connect with us

تازه خبرونه

د ټاکنو کمیسیون اداري او تخنیکي چارې پڅې روانې دی- ټاکنڅاري بنسټونه

Ariana News

خپور شوی

 په

(Last Updated On: وږی ۲۹, ۱۳۹۸)

ټاکنڅارو بنسټونو ویلي، چې د ټاکنو لپاره یوه اوونۍ پاتې ده، خو اوس هم د ټاکنو خپلواک کمیسیون تخنیکي او اداري چارې بشپړې شوې ندي.

د ولسمشریزو ټاکنو تر سره کیدو ته یوه اوونۍ پاتې ده او د ټاکنو خپلواک کمیسیون د ټاکنو د ورځې لپاره دوه سوه زره کارکوونکیو ته اړتیا لري، چې تر اوسه یې سم نیم ندي ګومارل شوي او د روزنې چارې يې هم پاتې دي.

څارونکي بنسټونه وايي، چې وخت کم او د کارکوونکیو د استخدام او روزنې چارې پڅې دي.

د افغانستان د رڼو ټاکنو بنسټ رييس نعیم ایوب زاده ویلي، چې مونږ خپلې اندېښنې لرو؛ خو له ټاکنو پرته بل بدیل نشته او باید ټاکنې تر سره شي.

د افغانستان د آزادو او عادلانه ټاکنو د بنسټ د پروګرامونو مسوول نعیم اصغري ویلي، چې پاتې  څو ورځو ته په کتنه که ټاکنیزې چارې سمې تر سره نشي، مونږ به د تېرو درغلیو لیدونکي وو.

دغه راز د امریکا د بهرنیو چارو وزیر هم ویلي، چې باید د افغانستان ولسمشریزې ټاکنې رڼې تر سره شي.

د امریکا د بهرنیو چارو وزیر مایک پمپیو په افغانستان کې د ولسمشریزو ټاکنو تر سره کول د امریکا د ماموریت یوه برخه بولي او وایي، چې مونږ د آزادو او عادلانه ټاکنو غوښتونکي یو. مونږ له دغه بهیر څخه خپل ملاتړ څرګند کړی او افغانان هم له دغه بهیره ملاتړ کوي. دا زمونږ د ماموریت یوه برخه هم وه، مونږ ټول یو ځای کار کوو، چې په افغانستان کې ښې ټاکنې تر سره کړو.

د افغانستان امنیتي بنسټونو ویلي، چې د ټاکنو پر ورځ به د ټاکنو شاوخوا پېنځه زره مرکزونه پرانیستي وي او دوی به یې امنیت خوندي کړي.

د ټاکنو خپلواک کمیسیون د دارالانشاُ ريیس حبیب الرحمن ننګ د امنیتي بنسټونو دا ارقام نیمګړي ګڼي او وایي؛ مونږ ژمنه کوو، چې د تلې پر ۶ به د افغانستان خلکو ته رڼې او بې پرې ټاکنې تر سره کړو.

ټاکل شوې، چې ولسمشریزې ټاکنې د تلې پر شپږمه ترسره شي؛ ناامنيو او د ټاکنو خپلواک کمیسیون د چارو د نااغیزمنتوب په اړه راپورته شویو پوښتنو او غوښتنو ته په کتو به څرګنده شي، چې دا ټاکنې به د خلکو او نوماندانو لپاره د منلو وړ وي او که نه؟

تازه خبرونه

په ایران کې د طالبانو د انځور او رپي لیږدوونکي نیول شوي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ایران چارواکو په یوه پارک کې هغه افغانان نیولي، چې د اختر پر ورځ یې له طالبانو څخه د ملاتړ په موخه سپین رپي پورته کړي وه.

ایراني چارواکو سیمه ییزو سرچینو ته ویلي، چې دغه کسان د یو لړ عملیاتو په بهیر کې نیول شوي دي.

دوی زیاته کړې، چې دغه کسان د تهران په ملت پارک کې د طالبانو د انځورونو او رپو د لرلو په تړاو نیول شوي دي.

د ایران پولیسو هغه مهال د طالبانو د دغو ملاتړیو افغانانو نیول پیل کړل، چې په ټولنیزو رسنیو کې د طالبانو انځورونه او رپي د ایرانیانو له غبرګړنونو سره مخ شول.

د ایراني پولیسو دا کار په داسې وخت کې تر سره کیږي، چې د افغانستان غربي تړونوال ایران د سولې په بهیر کې په زړه نا زړه توب تورنوی؛ خو ایران له دې هېواده د سولې لپاره خپل ملاتړ نوی کړی او د هغه تورونه یې رد کړي دي.

د ایران ولسمشر حسن روحاني د شنبې پر ورځ په افغانستان کې سوله او ثبات د سیمې لپاره اړین ګنلي او له افغان ولسمشر اشرف غني سره یې په تیلیفوني خبرو کې ویلي، چې ایران د سولې په اړه تل د افغانستان د خلکو او حکومت ملاتړ کړی او تر څنګ یې ولاړ دی.

Continue Reading

تازه خبرونه

په ننګرهار زندان کې له روان بریده تر دې دمه ۲۱ کسان وژل شوي او ۴۳ نور ټپیان دي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار پر محبس په روان وسلوال برید کې تردې دمه ۲۱ کسان وژل شوي او ۴۲ ټپیان دي.

د ننګرهار له زندان څخه له ۱۴ ګړیو وروسته هم د سپکو او درندو وسلو ډزې اوریدل کېږي. د دې ولایت د والي ویاند عطاالله خوږیاڼی ويلي؛ تراوسه د دې برید له کبله ۲۱ مړي او ۴۳ ټپیان روغتونو ته لیږدول شوي.

نوموړي زیاته کړې؛ بریدګرو په محبس او ورته مخامخ په شرق نومې پلازه کې سنګرونه نیولي دي.

هغه  وايي، تراوسه ۷۰۰ تښتیدلي زندانیان، د امنیتي ځواکونو له خوا بېرته نیول شوي او خوندي ځایونو ته لیږدول شوي دي.

له محبس څخه راوتلی اسلام الدین نوم آریانانیوز ته ویلي؛ شپږ بریدګر، چې پر سرونو یې تورې ټوټې تړلې وې او ژوندی دې وي اسلامي خلافت چغې یې وهلې؛ زندان ته را د ننه شول.

تښتیدلي بندي دا هم ویلي، چې بریدګرو د امنیتي ځواکونو لباس اغوستی و او زندانیانو ته یې ویل، ژر له زندان څخه ووځي کنې وبه وژل شئ.

د ننګرهار د عامې روغتیا ریاست ویاند ظاهرعادل ويلي؛ د ښار په روغتونو کې بېړنی حالت اعلان شوی.

هغه وايي، تراوسه ورته ۵۰ ټپیان وروړل شوي، چې د ۱۳ هغو روغتیايي حالت د اندېښنې وړ دی. په قربانیانو کې امنیتي سرتېري، زندانیان او ملکي وګړي شته او  ځېنې کسان په کورونو کې هم ژوبل شوي.

د برید له کبله د تښتېدلیو زندانیانو شمېر خورا مهمه ده؛ خو تر دې دمه کره شوی ندی.

د ننګرهار والي ویاند عطاالله خوږیاڼی تائيدوي، چې یوشمېر زندانیان تښتېدلي  خو وايي کره شمېره یې نه ده معلومه.

یوې امنیتي سرچینې د نوم د نه ښودلو پر شرط آریانانیوز ته ویلي، چې سلګونه زندانیان پر تېښته بریالي شوي، چې په کې وسله وال طالبان، د دعش اړوند جنګیالي، انسان تښتوونکي او نور جنايي بندیان شته.

داعش د دې برید مسوولیت پرغاړه اخیستی او څرګندوي، چې د برید له کبله د دوی یو شمېر کسان پر تېښته بریالي شوي دي.

د محبس د ننه یو شمېر بند پاتې زندانیان وايي، بریدګر پر اردو ژبه خبرې کوي او ښه مجهز دي.

کورنیو چارو وزارت تېر ماښام په ډاګه کړې، چې مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره په نښته کې ښکېل شوي دي.

 د یادونې ده، چې داعش دغه برید د عبدالله اورکزي له ږژنې یوه ورځ وروسته پیل کړی .

Continue Reading

تازه خبرونه

د ننګرهار پر زندان د داعش د برید پر مهال ۵۰ بندیان تښتیدلي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار ولایت د جلال آباد پر زندان د داعش جنګیالیو د برید پر مهال لږ تر لږه ۵۰ بندیان  تښتیدلي دي.

د یو شمېر سرچینو د څرګندونو له مخې؛ ۱۵ تښتیدلي بندیان بېرته نیول شوي دي.

کورنیو چارو وزارت منلې، چې نن ماښام یو شمېر وسلوالو بریدګرو د ننګرهار ولایت پر محبس برید کړی دی.

د یاد وزارت د خبرپانې له مخې؛ نن مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره یې نښته وکړه.

د ننګرهار والي ویاند عطاالله خوږیاڼي ویلي، چې په دې پېښه کې دوه تنه وژل شوي او ۲۴ نور ټپیان دي او روغتونونو ته لیږدول شوي دي.

داعش د برید مسوولیت منلی دی.

دا په داسې حال کې ده، چې د افغانستان ملي امنیت عمومي ریاست ځانګړيو ځواکونو پرون جلال آباد ښار ته نږدې د عبدالله اورکزي په نوم د داعش ډلې یو پوځي مشر وژلی دی.

Continue Reading

Trending