Connect with us

تازه خبرونه

د ټاکنو کمیسیون اداري او تخنیکي چارې پڅې روانې دی- ټاکنڅاري بنسټونه

Ariana News

خپور شوی

 په

(Last Updated On: September 20, 2019)

ټاکنڅارو بنسټونو ویلي، چې د ټاکنو لپاره یوه اوونۍ پاتې ده، خو اوس هم د ټاکنو خپلواک کمیسیون تخنیکي او اداري چارې بشپړې شوې ندي.

د ولسمشریزو ټاکنو تر سره کیدو ته یوه اوونۍ پاتې ده او د ټاکنو خپلواک کمیسیون د ټاکنو د ورځې لپاره دوه سوه زره کارکوونکیو ته اړتیا لري، چې تر اوسه یې سم نیم ندي ګومارل شوي او د روزنې چارې يې هم پاتې دي.

څارونکي بنسټونه وايي، چې وخت کم او د کارکوونکیو د استخدام او روزنې چارې پڅې دي.

د افغانستان د رڼو ټاکنو بنسټ رييس نعیم ایوب زاده ویلي، چې مونږ خپلې اندېښنې لرو؛ خو له ټاکنو پرته بل بدیل نشته او باید ټاکنې تر سره شي.

د افغانستان د آزادو او عادلانه ټاکنو د بنسټ د پروګرامونو مسوول نعیم اصغري ویلي، چې پاتې  څو ورځو ته په کتنه که ټاکنیزې چارې سمې تر سره نشي، مونږ به د تېرو درغلیو لیدونکي وو.

دغه راز د امریکا د بهرنیو چارو وزیر هم ویلي، چې باید د افغانستان ولسمشریزې ټاکنې رڼې تر سره شي.

د امریکا د بهرنیو چارو وزیر مایک پمپیو په افغانستان کې د ولسمشریزو ټاکنو تر سره کول د امریکا د ماموریت یوه برخه بولي او وایي، چې مونږ د آزادو او عادلانه ټاکنو غوښتونکي یو. مونږ له دغه بهیر څخه خپل ملاتړ څرګند کړی او افغانان هم له دغه بهیره ملاتړ کوي. دا زمونږ د ماموریت یوه برخه هم وه، مونږ ټول یو ځای کار کوو، چې په افغانستان کې ښې ټاکنې تر سره کړو.

د افغانستان امنیتي بنسټونو ویلي، چې د ټاکنو پر ورځ به د ټاکنو شاوخوا پېنځه زره مرکزونه پرانیستي وي او دوی به یې امنیت خوندي کړي.

د ټاکنو خپلواک کمیسیون د دارالانشاُ ريیس حبیب الرحمن ننګ د امنیتي بنسټونو دا ارقام نیمګړي ګڼي او وایي؛ مونږ ژمنه کوو، چې د تلې پر ۶ به د افغانستان خلکو ته رڼې او بې پرې ټاکنې تر سره کړو.

ټاکل شوې، چې ولسمشریزې ټاکنې د تلې پر شپږمه ترسره شي؛ ناامنيو او د ټاکنو خپلواک کمیسیون د چارو د نااغیزمنتوب په اړه راپورته شویو پوښتنو او غوښتنو ته په کتو به څرګنده شي، چې دا ټاکنې به د خلکو او نوماندانو لپاره د منلو وړ وي او که نه؟

تازه خبرونه

په هرات کې د طالبانو موټربم برید ۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: April 20, 2021)

د هرات اوسیدونکیو آریانا نیوز ته ویلي، چې د دې ولایت په غوریان ولسوالۍ  کې طالبانو د پاڅونوالو پر پوسته موټر بم برید کړی؛ د دغو ځواکونو دوه کسان وژل شوي او څلور نور ټپیان دي.

د دغه ولایت اوسیدونکیو زیاته کړې، چې دغه موټربم برید نږدې کورونو او دکانونو ته هم مالي زیانونه اړولي دي.

د هرات والي سید وحید قتالي څرګنده کړې، چې تېره شپه  لومړی یو موټر بم  برید د سیمه ییزو پاڅونوالو پوستې او د پولیسو مرکز ته نږدې چاودنه کړې وروسته د طالبانو او پولیسو او اړوند ځواکونو ترمنځ سختې نښتې وشوې.

د قتالي د څرګندونو له مخې؛ دغه موټر، چې له چاودیدونکیو توکو ډک و؛ موخې ته له رسیدو مخکې د امنیتي ځواکونو لخوا له پېژندلو وروسته پر نښه شوی دی.

د هرات والي وايي: په دې نښتو کې ۱۵ طالبان وژل شوي او درې نور ټپیان دي.

د چارواکو د څرګندونو له مخې، د افغانستان هوایي ځواک هم له امنیتی ځواکونو ملاتړ ته پورته شول.

طالبانو تر دې دمه پدې اړه څه ندي ویلي.

طالبانو په دې وروستیو کې د هرات پر امنیتي پوستو خپل بریدونه ډېر کړي دي.

Continue Reading

تازه خبرونه

د طالبانو په برید کې د بدخشان ولایت اته پولیس وژل شوي

Ariana News

خپور شوی

په

توسط

(Last Updated On: April 20, 2021)

د بدخشان سیمه ییزو چارواکي منلې، چې د دوشنبې پر شپه (د وري ۳۰) د طالبانو په ډله ییز برید کې اته پولیس وژل شوي دي.

د بدخشان د ولایتي شورا غړي عبدالله ناجي نظري ویلي، چې دغه پولیس د دې ولایت په زیباک ولسوالۍ کې له وسلوالو طالبانو سره له نښتې وژل شوي دي.

د نظري د څرګندونو له مخي؛ طالبانو د پولیسو مرکز ته اور اچولی او ټولې وسلې او مهمات یې له ځان سره وړي دي.

د بدخشان پولیس پېښه تائیدوي؛ خو د تلفاتو په اړه جزئیات نلري.

طالبانو پدې اړه څه ندي ویلي.

طالبانو تر دې دمه د پسرلني عملیاتو اعلان ندی کړی؛ خو کارپوهانو ويلي، چې طالبانو له اعلان پرته عملیات پیل کړې دي.

په بغلان ولایت کې د دوشنبې پر ورځ طالبانو دوه پولیس وژلي وه او شپږ نور ټپیان دي.

Continue Reading

تازه خبرونه

په کابل کې د اردو یو افسر وژل شوی

Ariana News

خپور شوی

په

توسط

(Last Updated On: April 20, 2021)

سرچینو آریانا نیوز ته ویلي، چې د اردو یو افسر پرون (سې شنبه د وري ۳۰) په کابل کې د ناڅرګندو وسلوالو لخوا وژل شوی دی.

د سرچینو د څرګندونو له مخې؛ دغه پېښه د کابل ښار د دولسمې ناحیې د احمدشاه بابا مېنې په اړوند سیمه کې رامنځته شوې ده.

سرچینې زیاته کړې، چې د دغه اردو افسر موټر چلوونکی هم وژل شوی دی.

پولیسو تر دې دمه رسنیو ته څه ندي ویلي او د وژل شویو کسانو هویت تر اوسه ندی معلوم.

تر دې دمه هیچا د برید مسوولیت ندی منلی.

پدې وروستیو کې تاوتریخوالی په ځانګړي توګه هدفي وژنې یو ځل بیا ډیرې شوې دي.

Continue Reading

Trending

آریانا نیوز: ټول حقونه خوندي دي