تازه خبرونه
د مسکو درې اړخیزه ناسته د یوې ګډې اعلامیې پر خپرولو پای ته ورسیده
د مسکو د درې اړخیزې ناستې په اعلامیه کې له افغانستان څخه د بهرنیو ځواکونو پر مسوولانه وتلو او همدارنګه د افغانستان د سولې په بهیر کې د لومړنۍ هڅې په توګه د اوربند پر اعلام ټینګار شوی دی.
د امریکا، روسیې او چین درې اړخیزه ناسته د جمعې پر ورځ( د غویی ۶) د یوې ګډې اعلامیې پر خپرېدو پای ته ورسیده. په دې اعلامیه کې درې واړو هېوادونو د افغانستان د سولې په بهیر کې یو لړ هوکړو ته لاسرسی موندلی دی.
د دې اته ماده یي اعلامیې په یوه برخه کې، چې د روسیې د بهرنیو چارو وزارت له آدرسه خپره شوې راغلي:
- درې واړه خواووې د افغانانو په مشرۍ د سولې له بهیر سره مرسته او ترې ملاتړ کوي او افغان طالبان هڅوي، چې په دوحه کې له ټول منلي افغان پلاوي سره خبرې اترې وکړي.
- درې واړه لوري له افغانستان څخه په منظم او مسوولانه ډول د بهرنیو ځواکونو د وتلو غوښتنه لري.
- درې واړه لوري له ټولو خواوو غواړي، چې د سولې په خبرو کې د لومړني ګام په توګه پر یوه اوربند سلا شي.
- درې واړه خواوې د طالبانو لدې ژمنې ملاتړ کوي، چې له داعش سره مبارزه او له نړیوالو ترهګرو ډلو سره اړیکې پرې کوي.
په دې اعلامیه کې ویل شوي، چې د افغانستان د سولې په تړاو درېیمه درې اړخیزه ناسته به په پکن کې تر سره شي او له نورو هېوادونو هم غوښتنه شوې، چې لدې ناستې ملاتړ وکړي.
زلمي خلیلزاد، چې په دې ناسته کې ګډون کړی و؛ دغه ناسته ګټوره ګڼلې او په خپل یو تویت کې یې هم د پاکستان د لومړي وزیر عمران خان له خبرو هرکلی کړی دی.
نوموړي څرګنده کړې، چې پاکستان د افغانستان په چارو کې لاسوهنه نکوي.
تر اوسه افغان حکومت د مسکو ناستې د اعلامیې په اړه غبرګون ندی ښودلی؛ خو د پنجشنبې پر ورځ د بهرنیو چارو وزارت سرپرست دا ناسته د افغانستان د سولې په اړه د سیمه ییزې او نړیوالې اجماع په جوړیدو کې ارزښتناګه ګڼلې ده.
پخواني ولسمشر حامد کرزي هم د افغانستان د جګړې په پای کې د ځواکمنو هېوادونو پر رغنده رول ټینګار کړی دی.
پخوانی ولسمشر حامد کرزی وایي؛ ښکېل هېوادونه باید هڅه وکړي، چې د افغانانو خپلمنځي خبرې تر سره شي او لدې خبرو پرته د پرمختګ لپاره بله لار نشته. په افغانستان کې سوله، امنیت او ثبات د نړۍ د سترو هېوادونو له همکارۍ او خپلمنځي خبرو پرته ناشونی شوی او دواړه باید سره ګډ شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ