Connect with us

تازه خبرونه

د ټاکنیزو شکایتونو کمیسیون د کابل د رایو د بیا شمېرنې بهیر ودراوه

Avatar

خپور شوی

 په

(Last Updated On: ليندۍ ۲۰, ۱۳۹۷)

د ټاکنیزو شکایتونو خپلواک کميسیون وایي، تر هغې، چې د ولسي جرګې د کابل ټاکنیزې حوزې ټول اړوند اسناد ورونسپارل شي، د کابل رایو د بیا شمېرنې اجازه به ورنکړ شي.

د کابل رایو بیا شمېرنه اتیا سلنه پر مخ تللې وه؛ خو د ټاکنیزو شکایتونو خپلواک کمیسیون دا بهیر ودراوه.

د ټاکنو خپلواک کمیسیون یوه پلاوي د ټاکنیزو شکایتونو خپلواک کمیسیون په مقر کې د کمیسیون غړیو ته ډاډ ورکړ، چې د ټولو اړتیا وړسندونو د سپارلو بهیر به ژر بشپړ کړي.

د ټاکنیزو شکایتونو خپلواک کمیسیون منشي وایي: تر هغې پورې، چې د کابل ټاکنیزې حوزې ټول اړوند اسناد ورنکړ شي؛ د کابل رایو د بیا شمېرنې اجازه نه ورکول کیږي.

 د ټاکنیزو شکایتونو د خپلواک کمیسیون منشي علیرضا روحاني وایي، د دې لپاره، چې د کابل رایو په بیا شمېرنه کې بیا کتنه او روڼتیا راشي؛ په دې اړه تخنیکي بحث روان دی.

د ټاکنو خپلواک کمیسیون د ویاند مرستیال عبدالعزیز ابراهيمي وایي، ټول اسناد د ټاکنیزو شکایتونو خپلواک کمیسیون ته سپارل شوي او په دې اړه نورې همکازۍ ته هم چمتو یو.

د ټاکنیزو کمیسیونونو تر منځ په چارو کې نه همغږي نوې خبره نده.

د افغانستان رڼو ټاکنو بنسټ رییس نعیم ایوب زاده په دې باور دي، چې که د کابل رایو بیا شمېرنه ودریږي؛ خلک به د دې بهیر په وړاندې نور هم شکمن شي.

د څار بنسټونه له ټاکنیزو کمییسونونو غواړي، چې د ټاکنو د اعلام لپاره ډېرې هڅې وکړي او له روانو ننګونو راروانې ولسمشریزې ټاکنې وژغوري.

تازه خبرونه

په وزیر اکبر خان جومات کې چاودنې د مولوي نیازي په ګډون دوه کسان وژلي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

نن ماښام مهال د وزیر محمد اکبر خان په جومات کې ځای پر ځای شويو چاودیدونکیو توکو چاودنې په د دې جومات د خطیب مولوي محمد ایاز نیازي په ګډون له دوه کسانو خوږ ژوند واخیست او درې نور ټپیان شول.

د کورنیو چارو وزارت ویاند طارق آرین د پېښې پخلی کړی او څرګندوي، چې دا پېښه نن ماښام ۷:۲۵ دقیقې د وزیر محمد اکبر خان په جومات کې دننه رامنځته شوې ده.

آرین زیاته کړې، چې د پېښې په ځای کې د پولیسو تخنیکي ډلې یوه اندازه چاودیدونکي توکي کشف او له منځه وړي دي.

ولسمشرۍ مانۍ دغه پېښه په کلکه غندلې او څرګندوي، چې پر جوماتونو، تکیه خانو، روغتونونو او ملکي سیمو بریدونه د افغانستان د دښمنانو کار دی.

 

تر دې دمه کومې ډلې د برید پړه نده منلې.

 

Continue Reading

تازه خبرونه

طالبان اوس هم له القاعده سره اړیکې لري – ملګري ملتونه

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

ملګرو ملتونو په یوه تازه راپور کې ویلي، القاعده په افغانستان کې په پټه د طالبانو په ملاتړ پوځي عملیات کوي او طالبانو د روان زیږدیز کال په لومړیو کې د القاعده له مشرانو سره د اړیکو د پوره پراختیا په موخه ناستې تر سره کړي دي.

د ملګرو ملتونو امنیت شورا په خپل تازه راپور کې په ډاګه کړې، چې القاعده او طالبان اوس هم نږدې او ژورې اړیکې پالي او له امریکا سره د سولې هوکړې پرې اغېز ندی کړی.

د دغه بنسټ د راپور په یوه برخه کې څرګنده شوې؛ القاعده د افغانستان په ۱۲ ولایتونو کې فعاله ده او شمېر یې له۴۰۰ څخه تر ۶۰۰ پورې رسیږي.

ملګرو ملتونو همدا راز ټینګار کړی، چې د القاعده مشرانو په تېرو ۱۲ میاشتو کې له طالبانو سره له ۶ ډېرې ناستې درلودې او د ملا عمر سلاکار ګل آغا اسحاق زي د القاعده مشرانو ته ډاډ ورکړی، چې طالبان په هیڅ ډول له القاعده سره خپلې ژورې او ارزښتناکه اړیکې نه پرې کوي. که د امریکا او طالبانو د سولې هوکړه لیک اجباري کړو، طالبان به هم دوه ټوټې شي؛ یوه به هغه ډله وي، چې د القاعده پلوي کوي او بله به یې پر ضد وي.

دغه راز په ډاګه شوې، چې الظواهري د ۲۰۲۰ کال د فبرورۍ په میاشت کې د حقاني شبکې له غړیو سره لیدلي او له امریکا سره یې د سولې بهیر په تړاو خبرې کړې دي.

د افغانستان د سولې په چارو کې د امریکا د بهرنیو چارو استازي ویلي؛ د سولې  رامنځته کولو د هوکړې له مخې امریکا د طالبانو د ژمنو له اجرایي کیدو څارنه کوي او د دې هوکړه لیک له مخې، طالبان به په هیڅ صورت د ترهګرو ډلو کوربتوب ونکړي او له  القاعده ډلې سره اړیکې هم پرې کوي.

په افغانستان کې د سولې د ټینګولو امریکایي استازي زلمی خلیلزاد څرګنده کړې؛ امریکا پر طالبانو پوره څارنه لري او د سولې د لاسلیک شوي هوکړه لیک له مخې؛ طالبانو ژمنه کړې، چې له القاعده سره به خپلې اړیکې پرې کوي.

پخوانی طالب سید اکبر آغا وایي؛  ملګري ملتونه غواړي خپله ناکامي پدې خبرو پټه کړي، چې طالبان او القاعده پټې اړیکې لري.

 هغه زیاتوي: زما په اند دوی د دغو اړیکو په اړه سند نلري او نه یې ثابتولی شي.

په دې راپور کې دا هم په ډاګه شوي، چې طالبانو له القاعده سره مشورې کړي او دوی ته یې ډاډ ورکړی، چې اړیکې به یې ور سره  روانې وي.

دا په داسې حال کې ده، چې افغان حکومت هم تل د طالبانو، داعش او نورو وسلوالو ډلو ان له القاعده سره پر اړیکو څرګندونې کړي او له طالبانو یې غوښتي، چې د جګړې د پای ته رسولو لپاره خپلې اړیکې له نورو ډلو سره پرې کړي.

Continue Reading

تازه خبرونه

په افغانستان کې پر کرونا ویروس ۱۶۵۰۹ کسان اخته دي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د عامې روغتیا وزارت یو ځل بیا خلکو ته خبرداری ورکړ، چې که له کرونا ویروس سره په مبارزه کې همکار نشي؛ د افغانستان ټولې کورنۍ به پرې اخته شي.

د عامې روغتیا وزارت مرستیال وحید الله مجروح ویلي؛ په وروستیو څلیریشت ګړیو کې له ۱۳۲۲ کتل شویو بېلګو څخه ۷۵۹ یې مثبتې ثبت شوې دي.

د نوموړي د څرګندونو له مخې؛ په هېواد کې د کرونا پراختیا بهیر ډېر اندېښمنوونکی دی، چې اوس پرې د اخته شویو کسانو شمېر ۱۶ زره پېنځه سوه نهه کسانو ته رسیدلی، چې دوه ترې رغیدلي او پېنځه مړه دي.

هغه دا هم په ډاګه کړې، چې په مرکز او ولایتونو کې د کرونا تازه مثبتې پېښې دادي: کابل ۲۶۶، هرات ۲۱۲، بلخ ۳۹، ننګرهار ۳۴، پکتیا ۶۶، بغلان ۲۷، بامیان ۲۱، غزني ۱۸، تخار ۱۷، فاریاب ۱۸، خوست ۲۵، پروان ۴، کاپیسا ۷، سمنګان ۲ او بدخشان ۳ .

د عامې روغتیا وزارت ټینګار کړی، چې له کرونا سره د مبارزې کیلي د هر هېوادوال په لاس کې ده او که خلک همکاري وکړي؛ د غوره تغذیې او له ګڼه ګوڼې څخه د ډډې کولو په صورت کې به ځان او ټولنه د دې ویروس له زیانه خوندي کړو.

د عامې روغتیا وزارت دا ټینګار هم کوي، چې پر کرونا د اخته کیدو پېښې د خلکو د بې پامیو پایله ده او که په خبره یې روغتیایي سپارښتنې رعایت نشي؛ ناوړه انساني پایلې به رامنځته شي.

Continue Reading

Trending