تازه خبرونه
د ناټو سرمنشي او متیس له افغانستان سره خپلې ژمنې څرګندې کړې
د ناټو سرمنشي او د امریکا دفاع وزیر په کابل کې له افغانستان سره خپلې ژمنې څرګندې کړې.
د افغانستان په هکله د امریکا د تګلارې تر اعلام وروسته د لومړي ځل لپاره د ناټو سرمنشي او د امریکا دفاع وزیر یو ځای کابل ته را ورسېدل.
ولسمشر اشرف غني د ناټو له سرمنشي ینس ستولتنبرګ او د امریکا له دفاع وزیر جیمز متیس سره په ګډ خبري کنفرانس کې وویل، د امریکا د نوې تګلارې په اعلام سره د افغانستان او سیمې برخلیک روښان شو.
ښاغلی غني وویل: “اوس چې د افغانستان لپاره د امریکې او ناټو تګلاره روښانه شوې ده او جنرال متیس تصمیم نیولی چې نور سرتیري افغانستان ته واستوي، هیله لرم چې د ناټو نورغړي هیوادونه هم در افغان ځواکونو د ملاتړ او روزنې لپاره مثبت ځواب ولري.”
ولسمشر غني هغه رپوټ هم رد کړ چې وایی امریکا په قطر کې ترې د طالبانو د دفتر د تړلو غوښتنه کړې ده. هغه وایی، طالبان له ملکیانو د سپر په توګه کار اخلي او دغه ډله اوس دوه لارې کې ده.
هغه وویل چې که د سولې بهیر د طالبانو سره پای ته ورسیږي، د نړیوال تروریزم په وړاندې جګړه به اغیزمنه وي.
ولسمشر زیاته کړه چې طالبان اوس دوه لارې غوره کوی شي، د بهرنیانو او نړیوال تروریزم سره خدمت کولو ته دوام ورکړي او یا دا چې د جګړې او تاوتریخوالي د پای ته رسولو پرېکړه وکړي او خپل هیواد ته سوله او سوکالۍ راولي.
د ناټو سرمنشي افغانستان ته خپل سفر له افغانانو سره د دې تړون د دوامداره ژمنو ښودونکی بولي خو د هغو ستونزو خبره کوي چې لا هم افغانستان ور سره مخامخ دی او له کابل غواړي چې خپلې ژمنې عملي کړي.
ینس ستولتنبرگ وویل: “زیات پرمختګونه شوي دي خو لا هم تاوتریخوالی، بې ثباتي او زیات فساد شتون لري زمونږ د وتلو بیه د حضور له بیې څو ځله ډېره ده، که د ناټو ځواکونه ژر افغانستان پریږدي، د دې خطر شته چې افغانستان د ګډوډي په میدان بدل شي او یو ځل بیا نړیوالې ترهګرۍ ته پټنځای شي.”
هغه زیاته کړه:”مونږ د افغانستان په دولت حساب کوو چې په خپلو ژمنو عمل وکړي د ښې حکومت داري، د قانون د حاکمیت، سمونونو، له فساد سره د مبارزې، د ښځو او نجونو په ګډون د خلکو له حقونو د ساتنې په برخه کې.”
د امریکا دفاع وزیر وایی چې نوې تګلارې نوی فرصت برابر کړی چې په وینا یې له ترهګرۍ سره مبارزه کې افغانانو ته ښه ملاتړ دی.
جیمز متیس وویل: “د آسیا په سویل کې بې ثباتي او بنسټ پالنه ټول هېوادونه او د افغانستان خلک ګواښي. مونږ په نوې تګلارې سره دغلته یو چې مونږ ته یې نوی فرصت راکړی نوې تګلاره له ترهګرۍ سره مبارزه کې د ملاتړ په شرایطو ولاړه ده او دا به ښه فرصت برابر کړي.
د ناټو سرمنشي او د امریکا دفاع وزیر وایی، طالبان نه شي کولی د جګړې په ډګر کې بریالي شي او یواځینۍ لار له سولې سره د هغوي یو ځای کېدل دي.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
تازه خبرونه
کابل ته راغلي مالیزیایي پلاوي له افغانستان سره په بېلابېلو برخو کې د همکاریو ډاډ څرګند کړ
کابل ته راغلي د مالیزیا هېواد د بهرنیو چارو، دفاع، کورنیو چارو وزارتونو استازو، د مالیزیا صدراعظم د دفتر سلاکارانو او د افغانستان لپاره د مالیزیا ځانګړي استازي د اسلامي امارت بهرنیو چارو له وزیر امیر خان متقی سره وکتل.
د اسلامي امارت د بهرنیو چارو وزارت د څرګندونو له مخې؛ کابل ته د راغلي مالزیایي پلاوي ځانګړې استازې میرمن داتو دوکتور شازلینا د افغانستان سیاسي وضعیت مثبت ارزولی او له افغانستان سره یې په بېلابېلو برخو کې د همکاریو د پراحتیا ډاډ څرګند کړ.
هغې ویلي، چې په نږدې راتلونکي کې به د مالیزیا یو سوادګریز پلاوی هم افغانستان ته سفر وکړي.
میرمن داتو دوکتور شازلینا زیاته کړې: مالیزیا هوډ لري، چې د افغان ډیپلوماټانو لپاره د لنډ مهاله روزنیزو پروګرامونو د تنظیم، د معلوماتي ټکنالوجۍ په برخه کې د روزنیزو پروګرامونو، د افغان ملکي خدمتونو د کارکوونکیو لپاره د محاسبې او پراختیا او په دې برخه کې د مسلکي پروګرامونو د تنظیم په اړه له افغانستان سره همکاري وکړي.
د اسلامي امارت د بهرنیو چارو وزیر په یادو برخو کې یې له افغانستان سره د مالیزیا له لیوالتیا او همکاریو د مننې تر څنګ ویلي، چې افغانستان په سیاسي او اقتصادي ډګر کې متوازن او اقتصاد محوره بهرنی سیاست تعقیبوي او له نړيوالې ټولنې سره د افغانستان اړيکې مخ پر پراخېدو دي او له ګاونډ او سيمه ييزو هېوادونو سره يې ښې اړيکې ټينګې کړې دي.
هغه وایي: په بېلابېلو برخو کې د سوداګرۍ او پانګونې لپاره د فرصتونو له شتوالي ډاډ څرګند او زیاتوي، چې افغانستان د جنوب ختیځې آسیا له هېوادونو سره د اړیکو پراخولو ته لیواله دی.
د بهرنیو چارو وزیر مولوي امیر خان متقي د افغانستان او مالیزیا د ولسونو او حکومتونو ترمنځ شته ډیپلو ماټیکي، دیني، کلتوري او اقتصادي اړیکو د پراخوالي په حال کي وبللې او د تاریخ په اوږدو کې له افغانستان سره د مالیزیا د ښه نیت، د بشري مرستو په ځانګړي ډول د هرات د وروستۍ زلزلې له قربانیانو سره د مالیزیا هېواد له مرستو مننه وکړه.
نوموړي د مالیزیا له حکومت څخه د هغو ۳۰۰۰ افغانانو لپاره، چې اوسمهال په مالیزیا کې ژوند کوي، د روغتیا او زدهکړو د زمینې او اسانتیاوو برابرولو غوښتنه وکړه.
دا په دایې حال کې ده، چې د ریاست الوزراء سیاسي مرستیال د مالیزیا له دولتي پلاوي سره په لیدنه کې ډاډ څرګنده کړې، چې اسلامي امارت په اقتصادي او سیاسي برخو کې لاسته راوړنې لري او د سیمې په ګډون نړۍ د افغانستان په اړه اندېښمنه نده.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ1 day ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري