Connect with us

تازه خبرونه

د پاکستان پوځ او د کوټې شورا طالبانو ته پروګرامونه جوړوي-امرالله صالح

Ariana News

خپور شوی

 په

(Last Updated On: وږی ۹, ۱۳۹۸)

د پاکستان پوځ او د کوټې شورا طالبانو ته پروګرامونه جوړوي او دا ډله له افغان حکومت سره د مخامخ خبرو اترو واک هم نلري.

که څه هم د امریکا او طالبانو د سولې خبرې روانې دي؛ خو دولت جوړوونکې ټاکنیزې ډلې مشران وایي، چې د دې ډلې بېواکي د دې سبب شوې، چې له حکومت سره مخامخ خبرو ته حاضر نشي.

دولت جوړونکې ټاکنیزه ډله پدې ټکي د ټینګار تر څنګ زیاتوي؛ دا ډله په پرانیستې ولسي فضا کې له خلکو سره جنګیږي او خلکو ته هیڅ لاسته راوړنه نلري.

ولسمشر غني ټینګار کړی، چې امنیتي او دفاعي ځواکونو لاسته راوړنې به کله هم د سولې خبرو قرباني نشي او ځواکونه به له پخوا ډېر ملاتړ تر لاسه کړي.

نوموړي ویلي، چې ښارونه له تازه ګواښونو سره مخ شوي او امنیتي ځواکونه له خلکو څخه د دفاع دنده تر سره کوي. دغه ځواکونه به د سولې په خبرو کې له معاملې سره مخ نشي.

د دولت جوړونکې ټاکنیزې ډلې لومړی مرستیال امرالله صالح ویلي، چې د طالبانو اصلي ملاتړی پاکستان دی او خلکو ته هیڅ لاسته راوړنه  نلري.

د نوموړي د څرګندونو له مخې؛ طالبان له مونږ سره په جګړه کې دي او خبرې نکوي. په داسې حال کې، چې تر شا یې یو سیکولار پاکستان ولاړ دی او دا، چې یو نظام یوې ډلې ته، چې په کې ۶ باسوادان یوځای شوي؛ څرنګه غاړه کیدي. د طالبانو ژبه د کوټې شورا او مغز یې د پاکستان اردو ده.

ښاغلی صالح طالبان یوه یاغي ډله یادوي او وایي، دا ډله په پرانیستې ولسي فضا کې جنګیږي او تېرو ۲۵ کلونو کې یې حتا خلکو ته یو جومات، ښوونځی او یو واټ هم ندی جوړ کړی.

په همدې حال کې دولت جوړونکې ټاکنیزه ډله وایي؛ که څه هم سوله د  ټولو خلکو غوښتنه ده؛ خو حکومت هغه سوله غوره بولي، چې په کې لاسته راوړنې، اساسي قانون او د خلکو حقونه خوندي شي. پرته له دې به  د سولې په بهیر کې هر ډول معامله ناوړه پایلې ولري.

تازه خبرونه

د افغانستان، ترکمنستان او آذربایجان مشران پر اقتصادي اتصال وغږیدل

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د افغانستان، ترکمنستان او آذربایجان مشرانو په یوه ویدیوي ناسته کې د سوداګریزو اړیکو او لیږد را لیږد پر پراختیا او د یوې ګډې جرګه ګۍ د جوړیدا په اړه، چې وکړای شي، سیمه ییز اقتصادي اتصال، د اورګاډي پټلۍ د پراختیا، نوري فایبر او ترانسپورتي چارو خبرې وکړي.

په دې ناسته کې ولسمشر اشرف غني، د هغه ترکمن او آذري سیالانو؛ قربان قلي بیردي محمدوف او الهام علي اف ګډون کړی و.

درې واړو مشرانو د آذربایجان د ولسمشر په وړاندیز سلا شول، چې د درې واړو هېوادونو د ترانسپورت وزیرانو او نورو اړوند چارواکو په شتون کې به یو ګډ پلاوی جوړیږي.

په دې ناسته کې د ترکمنستان ولسمشر د آقینه او تورغنډۍ بندرونو له لارې د سوداګریزو مالونو د لا ښه لېږد له طرحې ملاتړ وکړ.

 

ولسمشر غني د آذربایجان د ولسمشر له وړاندیزه ملاتړ وکړ او څرګنده یې کړه او په افغانستان کې دننه یې د اورګاډي پټلۍ له پراختیا خبر ورکړ او څرګنده یې کړه: د اقتصادي پراختیا لپاره له څلور تر ۶ زره کیلو متره د اورګاډي پټلۍ ته اړتیا ده او نړیوالو همکارانو په دې لار کې د همکاري لپاره ټټر ډبولی دی.

اشرف غني زیاته کړې؛ مونږ به په افغانستان کې اته وچ بندرونه معیاري کړو او په دې اړه امریکا، اروپایي ټولنې او د آسیا پراختیایي بانک د مرستې لپاره مالي تضمین ورکړی دی.

ترکمنستان له افغانستان سره د سوداګریزو اړیکو د پراختیا لپاره د اورګاډي پټلۍ له آقینې تر توغنډۍ  غزولې او افغان حکومت ورته معیاري بندرونه جوړوي.

په تېرو څو کلونو کې د افغانستان  سوداګریزه راکړه ورکړه تر ډېره د پاکستان د کراچۍ له بندر سره تړلې وه . د چابهار بندر له پرانیستو سره او د نویو بندرونو له لارې افغانستان په وروستیو کلونو کې نه یوازې له پاکستانو بلکې د منځنۍ آسیا له هېوادونو، ایران، او ټولې نړۍ سره منظمې سوداګریزې اړیکې لري.

 

Continue Reading

تازه خبرونه

د افغانانو د خپلمني خبرو په پیلولو کې ځنډ او خنډ راوستل بې ګټې دي- خلیلزاد

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د افغانستان د سولې لپاره د امریکا ځانګړی استازی زلمی خلیلزاد  ټینګار کوي، چې د افغانانو د خپلمنځي خبرو په پیل کې ځنډ؛ د دې بهیر ویجاړوونکیو ته د خنډ زمینه برابروي.

خلیلزاد ویلي؛ له غني او عبدالله سره یې په خبرو کې ټینګار کړی، چې د خبرو د پیل لپاره پاتې شوي کارونه باید ژر تر ژره تر سره شي.

داسې  ښکاري، چې اوس هم د افغانانو د خپلمنځي خبرو د پیل لپاره زمینه نده برابره شوې او زلمی خلیلزاد په دې برخه کې پر شته خنډ او ځنډ اندېښنه ښیي.

د کابل اوسیدونکی صابر ابدالي په دې اړه څرګنده کړې، چې خپلمنځي خبرې باید له ځنډ پرته پیل شي.

یو بل هېوادوال ولی الله ساپي څرګنده کړې؛ خلک نور د ناامنیو او وژنو زغم نلري. د حکومت او طالبانو مشران باید سولې ته لومړیتوب ورکړي.

د افغانانو د خپلمنځي خبرو د پیل په وړاندې یو اختلافي مورد د ځینو طالب بندیانو له خلاصون سره د افغان حکومت مخالفت او دغه راز د طالبانو لخوا په بریدونو کې زیاتوالی دی.

د طالبانو د پخوانی غړی سید اکبر آغا وایي: له ځنډ او خنډ پرته باید بندیان خوشې او خپلمنځی خبرې پیل شي.

د  امریکا د ولسي جرګې د پوځي خدمتونو جرګه ګۍ یوه لایحه تصویب کړې، چې له افغانستان څخه د امریکایي ځواکونو وتل مشروطوي.

ځینو پخوانیو امریکایي چارواکو هم ویلي، چې دونالد ترمپ د خپلې ولسمشرۍ دورې تر پایه په افغانستان کې خپل څلور زره سرتېري ساتي.

تمه ده، چې د افغانانو خپلمنځي خبرې د همدې میاشتې په بهیر کې د دوحې پر کوربتوب پیل شي؛ خو ټاکل شوې، چې مخکې له دې به د افغانستان د سولې په اړه شاوخوا شل هېوادونه یوه ناسته جوړه کړي.

Continue Reading

تازه خبرونه

د امریکا استخباراتي مشرانو طالبانو ته د روسیې له ډالیو پرده پورته کړې

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د امریکا د مرکزي او ملي استخباراتو رییسان په دې خاطر کانګریس ته ور بلل شوي، چې په افغانستان کې د هر امریکایي سرتېري د وژلو لپاره ډالۍ ټاکل کیږي.

نیویارک ټایمز څو ورځې مخکې ویلي وه، چې روسیې طالبانو ته د امریکایي ځواکونو د وژلو په بدل کې ډالۍ ټاکلي دي.

په همدې تړاو د امریکا کانګریس د استخباراتو جګپوړي چارواکي د توضیحاتو په خاطر وغوښتل.

د امریکا د ولسي جرګې مشرې د روسیې پر استخباراتي او دفاعي سازمانونو د بندیزونو لګولو غوښتنه وکړه؛ خو د روسیې د بهرنیو چارو وزارت ویلي، دوی یوازې د افغانستان له قانوني حکومت سره مرسته کړې ده.

د امریکا د مشرانو جرګې او ولسي جرګې رییسانو او نورو غړیو له استخباراتي چارواکو څخه پدې تړاو د بندو دروازو تر شا د سپیناوي غوښتنه وکړه.

د امریکا د ولسي جرګې مشرې پر روسیې د بندیزونو لګولو غوښتنه وکړه. په داسې حال کې، چې ځینې نور بیا د روسیې پر وړاندې د ټرمپ ادارې پر سخت چلند بې باوره دي.

د امریکا د ولسي جرګې مشره نانسی پلوسي وایي: مونږ د امریکا له ولسمشره تمه لرو،چې له خپلو ځواکونو ساتنې ته لومړیتوب ورکړي او مونږ په دې خاطر، چې داسې ندي شوي؛ ناهیلي یو او زه په دې اړه د روسیې پر استخباراتو د بندیزونو غوښتنه لرم.

مخکې له دې طالبانو او روسیې دا راپو رد کړی و؛ خو اوس د روسیې د بهرنیو چارو وزارت ویاندې ویلي، دوی یوازې د افغانستان مشروع حکومت ته مرسته برابروي.

د روسیې د بهرنیو چارو وزارت ویانده ماریا زخارووا وایي: روسیې یوازې د افغانستان قانوني حکومت ته وسلې برابرې کړي او دا پوره روښانه ده. که امریکایي همکاران غواړي بحث ولري؛ ښه به دا وي، چې په افغانستان کې له داعشه د امریکا د ملاتړ په تړاو پر خپرو شویو اطلاعاتو خبرې وشي.

امریکایي چارواکو د روسیې د دې تازه دریځ په اړه تر دې دمه څه ندي ویلي؛ خو مخکې په افغانستان کې امریکایي او افغان چارواکو دا ادعاوې بې بنسټه بللې وې او ویلي یې ول، چې د داعش ځپلو ته ژمن دي او ورسره مبارزه روانه ساتل شوې ده.

Continue Reading

Trending