Connect with us

تازه خبرونه

د ناامنیو له کبله به د رایو نور مرکزونه هم وتړل شي

Avatar

خپور شوی

 په

(Last Updated On: وږی ۸, ۱۳۹۷)

د ټاکنو خپلواک کمیسیون خبرداری ورکوي، چې که ناامني همداسې روانه وي او ځینې نورې ساحې وسلوال لاندې کړي؛ د ټاکنو پر ورځ به  د رای ورکولو ډېر نور مرکزونه هم بند پاتې شي.

د ټاکنو لپاره څه باندې اووه زره مرکزونه په نښه شوي؛ خو څه باندې دوه زره یې د ناامنیو له کبله تړلي پاتې دي. اوس په ګردیز، میمنې، سرپل او څو نورو ساحو کې د ناامنیو له پراختیا سره دا وېره پیدا شوې، چې کیدی شي د رای ورکولو نور مرکزونه هم وتړل شي.

د ټاکنو خپلواک کمیسیون وایي، د هرې ساحې سقوط په هغه سیمه کې د ټاکنو د تر سره کیدو مخه نیسي.

د ټاکنو خپلواک کمیسیون د دارالانشا رییس سید حفیظ الله هاشمي وایي:  له ۵۰۶۲ مرکزونو څخه، چې نن تاسې ترې خبر شوئ؛ که جګړې پراخه او سیمې سقوط وکړي؛ نو شمېر یې نور هم راټیټدی شي.

د کمیسیون د څرګندونو له مخې؛ دا مهال په دوه دېرش ولسوالیو کې ټاکنې ډېرې ستونزمنې دي او ان په ځینو ساحو کې حتا ناشونې ښکاري.

د ټاکنو څارونکي بنسټونه هم حالات ښه نه ګڼي. د دوی په باور؛ په دې وروستیو کې ناامنیو پراختیا موندلې او دا به د ټاکنو پر ورځ د رای ورکولو مرکزونه کم کړي.

د افغانستان د رڼو ټاکنو بنسټ رییس نعیم ایوب زاده وایي: که اوسنی امنیتي وضعیت ومنو، ټاکنې به ناشونې وي او که ترسره هم شي؛ سرتاسري به نه وي.

د ټاکنو امنیت خونديتوب په دې ورځو کې د کورنیو چارو وزارت د امنیتي ناستو د اجنډا مهمه مساله جوړوي؛ خو داسې ښکاري، چې د ناامنیو زیاتوالی د ټاکنو سراسري ترسره کیدل له ستونزو سره مخ کولی شي.

د کورنیو چارو وزارت د ویاند مرستیال نصرت رحیمي وایي: په کورنیو چارو وزارت کې د رای ورکولو د ټولو مرکزونو نومونه لیکل شوي او د امنیتي تدابیرو سپارښتنه هم شوې ده.

د ناامنیو له کبله د ټاکنیزو مرکزونو د تړل کیدو تر څنګ په غزني کې امنیتي ستونزې د دې سبب شوې ، چې په دې ولایت کې د ولسي جرګې او ولسوالیو شوراګانو ټاکنې تر سره نشي. یعنې غزني به په نوې ولسي جرګه کې هیڅ نوی وکیل ونلري او خلک به یې د رایو ورکولو له حقه بې برخې وي.

داسې هم ویل کیږي، چې په نوې ولسي جرګه کې به د پخوانۍ ولسي جرګې استازي د غزني د استازیو په توګه پاتې وي؛ خکه، چې دا کار قانوني ګڼل شوی دی.

خبریال: باعث حیات

تازه خبرونه

په افغانستان کې د کوویډ-۱۹ پېښې ۱۲۴۵۶ ته پورته شوې

Avatar

خپور شوی

په

توسط

(Last Updated On: غبرګولى ۷, ۱۳۹۹)

د ۶۲۵ نویو پېښو له ثبتیدو سره، افغانستان کې د کرونا رنځ ټولټال شمیره ۱۲۴۵۶ ته لوړه شوې.

د عامې روغتیا وزارت د چهارشنبې پر ورځ وویل چې په تیرو ۲۴ ګړیو کې یې د کرونا ویروس ۶۲۵ مثبتې پېښې موندلي دي.

د یاد وزارت په وینا دغه نوې پېښې په لاندې ولایاتو ویشل شوي: کابل ۳۶۰ ، هرات ۱۰۸ ، بلخ ۵۰ ، پروان ۲۶ ، تخار ۲۴، کنر ۱۴،  پنجشیر ۹، بغلان ۹، غور ۸، لغمان ۸، ننگرهار ۵، بامیان ۲، فراه یو او قندز هم یو.

له دی سره په افغانستان کې پر کرونا رنځ د اخته کسانو شمیر ۱۲۴۵۶ ته رسیدلی.

دې وزارت ویلي چې په تیرو ۲۴ ګړیو کې ۷ کسانو د دغه رنځ له امله ساه ورکړې چې له دې سره اوسمهال د مړیو شمیر ۲۲۷ تنو ته رسیدلی.

تر دې دمه له دې ویروس څخه ۱۱۳۵ کسان روغ شوي هم دي.

د روغتیا وزارت مرستیال وحید مجروح وایي چې په تیرو ۱۲ ورځو کې د ککړو کسانو شمیر ۵۰ سلنه زیاد شوې چې لوی لامل یې له لارښوونو سرغړونه او د ګرځبندیز نه مراعاتول دي.

دی وايي چې ناورین افغانستان ته دننه شوې او ممکن تر ۱.5 میلیونه خلک په افغانستان کې په دې رنځ اخته شي.

Continue Reading

تازه خبرونه

په افغانستان کې پر کرونا د اخته کسانو شمېر ۱۱۸۳۱ ته لوړشو

Avatar

خپور شوی

په

توسط

(Last Updated On: غبرګولى ۷, ۱۳۹۹)

د عامې روغتیا وزارت ویلي؛ په تېرو څلیریشت ساعتونو کې ۱۱۵۲ شکمنې بېلګې وکتل شوې، چې ۶۵۸ یې مثبتې ثبت شوي او کابل د ۲۳۷ پېښو په لرلو د ولایتي نوملړ په سر کې بیا پاتې شو.

د دغه وزارت د څرګندونو له مخې؛ په هرات کې ۸۵، په بلخ کې ۷۷، په بغلان کې ۵۹، په بادغیس کې ۵۲، په فراه کې ۵۲ ، په فاریاب کې ۲۹، په ننګرهار کې ۲۷، په بامیان کې ۱۱، په پکتیا کې ۱۰،  په لوګر کې ۷، په کاپیسا کې ۶، په سرپل کې ۴، په تخار کې یوه او په سمنګان هو یوه مثبتې پېښې ثبت شوي، چې له دې سره په هېواد کې پر کرونا ویروس د ټولو پېښو شمېر ۱۱ زره او ۸۳۱ ته رسیدلی دی.

له تېرې یوې شپې او ورځ راپدیخوا په بلخ کې د کرونا ویروس یو ناروغ مړ شوی او ۳۱ نور روغ او له روغتونه رخصت شوي، چې ورسره په هېواد کې له کووید ۱۹ ناروغۍ د مړیو شمېر۲۲۰ او د روغو شویو کسانو شمېر یو ۱۱۲۸ ته رسیدلی دی.

د عامې روغتیا وزارت ټینګار کوي، چې له کرونا ویروس څخه د ژغورنې یوازنۍ لار روغتیایي سپارښتنې په پام کې نیول او په کور کې پاتې کیدل دي.

دا په داسې حال کې ده، چې کابل والي په دوه شفتونو ( سهار او ماسپښین) کې د حکومتي ادارو د کار له پیلدو خبر ورکړی دی.

Continue Reading

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Avatar

خپور شوی

په

توسط

(Last Updated On: غبرګولى ۵, ۱۳۹۹)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

Trending