تازه خبرونه
د کابل او اسلام آباد ترمنځ د اړیکو د ښه والي لپاره اقتصادي هوکړې وشوې
د سوداګرۍ وزارت وایي، د کابل او اسلام آباد ترمنځ د اړیکو د ښه والي لپاره اقتصادي هوکړه لیکونه لاسلیک شول، چې له مخې به یې د افغانستان پر صادارتي توکو تکس او مالیه کمیږي، د قرنطین سرتیفیکت هم لغوه او د مالوچو صادرات به له سره پیل شي.
د افغانستان او پاکستان ترمنځ په سوداګریزو اړیکو کې له جنجالونو وروسته اوس مهال دواړو هېوادونو اقتصادي پرېکړه لیکونه لاسلیک کړل، چې پربنسټ به یې تر یوه حده ستونزې حل شي.
د افغانستان پر صادراتي توکو د تکس او ماليې کموالی، د قرنطین د تصدیق نامې او د هغې د سختو شرایطو لغو کیدل او د مالوچو د صادراتو له سره پیل له هغو مواردو څخه دي، چې دواړو هېوادونو پرې هوکړې وکړې.
د سوداګرۍ وزارت له دغه اقدام هرکلی کوي او د افغانستان او پاکستان ترمنځ د ترانزیټي ستونزو د حل غوښتنه کوي.
د سوداګری وزارت ویاند مسافر قوقندي دا هم څرګندوي، چې د اړیکو بیا رغول د افغانستان له پاره یوه ستره لاسته راوړنه ده.
ددغو ستونزو حل کولی شي د دواړو هېوادونو ترمنځ د راکړې ورکړې ترڅنګ د صادراتو کچه هم لوړه کړې؛ خو د سوداګرۍ خونې بیا له پاکستان سره د ترانزیتې ستونزو پر حل ټینګار کوي.
د سوداګری او صنایعو خونې مرستیال خانجان الکوزی وایي: یو شمېر سرحدي- تخنیکي ستونزې وې، چې ګمرک باید په تورخم، بولدک او غلام خان بندرونو کې ۲۴ ساعته کار وکړي، چې په دې اړه کار شوی او پاکستان اوس تورخم خلاص کړي دي.
د افغانستان او پاکستان ترمنځ وروستۍ جنجالونه د دواړو هېوادونو سوداګریزه راکړه ورکړه اغېزه کړې ده.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه15 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ14 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی14 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ