Connect with us

تازه خبرونه

د کابل په ریشخور سیمه کې ځانمرګي ۱۸ کسانو ته مرګ و ژوبله اړولې

Ariana News

خپور شوی

 په

(Last Updated On: April 30, 2020)

د کورنیو چارو وزارت د څرګندونو له مخې؛ د کابل ولایت د چارآسیاب ولسوالۍ اړوند د ریشخور په اړوند سیمه کې ادېرې ته نږدې پر ملکي وګړیو ځانمرګی برید شوی.

یادې سرچینې په ډاګه کړې، چې نن سهار څه نا څه ۸ بجې د چارآسیاب ولسوالۍ اړوند په ریشخور سیمه کې یو ځانمرګي بریدکوونکي ملکي وګړیو ته نږدې خپلو چاودیدونکي توکو ته چاودنه ورکړې؛ ۳ کسانو خپل خوږ ژوند له لاسه ورکړی او ۱۵ نور ټپیان دي.

د سیمې خلکو ویلي: ځانمرګي غوښتل ، چې د ځانګړیو ځواکونو د قول اردو له کارګرانو سره دغه پوځي مرکز ته وردننه شي؛ خو له پېژندلو وروسته یې چاودنه رامنځته کړه.

د کورنیو چارو وزارت ویاند طارق آرین ویلي، چې په دې ځانمرګي برید کې ۳ کسانو خپل ژوند له لاسهورکړی او ۱۵ نور ټپیان دي.

د نوموړي د څرګندونو له مخې تېر کال هم د همدې قول اردو مخې ته موتر بم چاودنه شوې وه، یو شمېر ملکي وګړي په کې زیانمن شوي وه.

اوس خلکو  له مسوولینو غوښتی؛ د قول اردو دروازه د استوګنې له سیمې لږ لیرې جوړه کړي، چې ځانونه په څه نا څه خوندي سیمه کې احساس کړي.

له دې مخکې د یاد قول اردو سرچینو ویلي وه، چې په پېښه کې درې کسانو ژوند له لاسه ورکړی او ۸ نور ټپیان دي. 

له دې چاودنې یوه ګړۍ وروسته د کابل د ۱۶ حوزې په اړوند سیمه کې یوې بلې چاودنې، چې له نښلیدونکي ماین رامنځته شوې؛ درې کسان ټپیان کړل.   

وسلوالو طالبانو تر دې دمه د دغې چاودنې په اړه څه ندي ویلې.

تازه خبرونه

امریکا به بیا خپل سرتېري افغانستان ته ونه لیږي – جاک سالیوان

Ariana News

خپور شوی

په

توسط

(Last Updated On: April 19, 2021)

د امریکا د ملي امنیت شورا سلاکار ویلي، چې امریکا به بیا خپل سرتېري افغانستان ته ونه لیږي.

 

د امریکا د ملي امنیت شوری سلاکار له افغانستان څخه د پوځونو د خوندي ایستلو لپاره د نورو سرتېرو د رالیږلو وروسته ویلي، چې امریکا به بیا افغانستان ته سرتېري ونلیږي او له دې هېواد سره به یوازې سفارتي اړیکي وپالي.

د سپینې ماڼۍ د ملي امنیت شوری سلاکار جک سالیوان وایي: مونږ باید یوازې پر افغانستان د تمرکز پر ځای یو شمېر نورو هېوادونو ته، چې د القاعدې او داعش له ګواښ سره مخ دی پام راواړوو. په افغانستان کې له سفارت پرته به هیڅ ډول پوځي حضور ونلرو.

د امریکا د بهرنیو چارو وزیر انټوني بلینکن ویلي، چې خپل امکانات او سرتېري به له افغانستان څخه د القاعده، داعش او نورو ترهګرو ډلو د احتمالي ګواښونو د مخنیوي لپاره وګوماري.

 انټوني بیلنکن وايي، چې له افغانستان څخه د سرتېرو ایستل له دې هېواد سره د اړیکو د پرې کولو معنا نلري او له فغانستان سره به بشري او مالي مرستې روانې ساتو.

نوموړي څرګنده کړې؛ مونږ په داسې وسایلو په افغانستان کې د ترهګرۍ خطرونه څارو، چې په بیړه کولی شو مخنیوی یې وکړو. مونږ به امکانات او سرتېري په کار واچوو او دا ډاډ به هم ترلاسه کړو، چې باالقوه ګواښ نه رامنځته کیږي.

د امریکا د بهرنیو چارو وزیر دا هڅې هم کوي، چې د افغان سولې مذاکرات مثبتې پایلې ته ورسوي.

Continue Reading

تازه خبرونه

مونږ باید خپل افغان کارمندان یوازې پرینږدو – جرمني

Ariana News

خپور شوی

په

توسط

(Last Updated On: April 19, 2021)

د راپورونو له مخې؛ د جرمني دفاع وزیرې ژمنه کړې، چې هېواد به یې خپل افغان کارمندان یوازې پرینږدي.

هغې ویلي، چې غواړي د آلماني سرتېرو له وتلو مخکې د خپلو افغان کارمندانو امنیت ډاډمن کړي.

د جرمني دفاع وزیرې میرمن انه ګریټ کرامپ کارنیاور د آلمان ډپي ای خبري سرچینې ته څرګنده کړې: فکر کوم افغان کارمندانو ته دا د آلمان یوه ستره ژمنه ده؛ کله، چې مونږ دا هېواد پریږدو، نو دا خلک به په بې دفاع حالت کې یوازې پاتې نشي.

هغې څرګنده کړې: مونږ د هغو خلکو په اړه خبرې کوو، چې له ډېرو کلونو راپدیخوا یې له امنیتي ګواښونوسره سره ګډې هڅې تر سره کړي. ان زمونږ ترڅنګ جنګېدلي او ونډه یې اخیستې ده.

داسې اندېښنو ته هم لمن وهل کیږي، چې افغانستان به د بهرنیو سرتېرو له وتلو وروسته کورنۍ جګړې ته وردننه شي.

د آلمان د دفاع وزیرې ویلي، چې دغه هېواد اوسمهال ۳۰۰ افغانان په بېلابېلو برخو کې پر دندو ګمارلي دي.

دا په داسې حال کې ده، چې آلمان ۸۰۰ افغانانو او د هغو ۲۵۰۰ کورنیو غړیو ته، چې د آلماني ځواکونو سره یې ګډ کار کړی و او امنیتيوېره یې لرله پناه ورکړې ده.

Continue Reading

تازه خبرونه

په بغلان کې وسلوالو طالبانو ۸ پولیسو ته مرګ و ژوبله اړولې

Ariana News

خپور شوی

په

توسط

(Last Updated On: April 19, 2021)

د بغلان ولایت سیمه ییزو چارواکو ویلي، چې تیره شپه (یکشنبه د وري ۲۹) د دغه ولایت د مرکزي بغلان ولسوالۍ  د قند فابریکې پر ښارګوټي د وسلوالو طالبانو په ډله ییز برید کې دوه پولیس وژل شوي او شپږ نور ټپیان دي.

د مرکزي بغلان ولسوال سید کمال وردګ د خبر د پخلي تر څنګ ویلي، چې جګړه تېره شپه دولس بجې د ولسوالۍ د پېنځمې امنیتي حوزې په اړوند سیمه کې پیل او د سهار تر ۵ بجو د بغلان امنیه قومندان او مرستندویه ځواکونو له راتګ سره روانه وه.

هغه زیاته کړې، چې د نښتې په بهیر کې د بغلان د حوزوي پولیسو یو هاموی (زغره وال ټانګ)  وسوځول شو او بل طالبانو ته پر لاس ورغلو.

د بغلان امنیه قومندان سید اشرف سادات هم له ولسوالۍ څخه لیدنه کړې ده.

د بغلان پولیسو په خبر پاڼه کې راغلي، چې د مرکزي بغلان ولسوالۍ د قند فابریکې په ښارګوټي کې د طالبانو د برید په دفاع کې شپږ وسلوال وژل شوي او اته نور ټپیان دي.

د بغلان پولیسو ویاند احمد جاوید بشارت ویلي، چې د طالبانو دغه برید د دې ولایت د امنیتي او دفاعي ځواکونو له درندو ګوزارونو سره مخ شوی دی.

جاوید بشارت زیاته کړې، چې په دې نښته کې د بغلان د حوزوي پولیسو دوه سرتېري وژل شوي او شپږ نور ټپیان دي.

طالبانو تر دې دمه په دې اړه څه ندي ویلي.

Continue Reading

Trending

آریانا نیوز: ټول حقونه خوندي دي