Connect with us

تازه خبرونه

د مخابراتو د ‎پخواني وزیر دوه یمه محکمه هم بې پایلې پای ته ورسیده

Ariana News

خپور شوی

 په

(Last Updated On: July 21, 2018)

د مخابراتو او معلوماتي تکنالوژي پر پخواني وزیر وحیدي تور دی، چې ۱۶ میلیون افغانۍ یې بې ځایه لګولي او ۳۷ کسان یې په لنډمهال ډول استخدام کړي وه.

د محکمې په دوه یمه ناسته کې قضایي پلاوي یو ځل بیا د وحیدي دوسیه پرانیسته.

د قضیې څارنوال وایي؛ د ښاغلی وحیدي په کاري چارو کې نیمګړتیاوې شته، چې باید عدالت ته ورسیږي.

د دوسیې د څېړنې پلاوي غړی حکمت الله ناصري څرګنده کړې، چې: نوموړي په یاد وزارت کې ریال تایم سیستم تر خپل انحصار لاندې رامنځته او د عامه دارایۍ ورکیدو ته یې زمینه برابره کړې ده.   

د مخابراتو پخوانی وزیر د دغې ادعا له ردولو سره وایي، د کریدت کارتونو پیسې د مالیې وزارت په همکارۍ ټولې شوي او د مالیې پخوانی وزیر هم باید د ده تر څنګ وای او ځواب یې ورکړی وای.

ښاغلی عبدالرزاق وحیدي په ډاګه کړې؛ هیڅ داسې سند نشته، چې د ده فساد ثابت کړي او په خبره یې د حکومت د دسیسو قرباني شوی دی.         

په دې ناسته کې، چې نږدې څلور ساعته روانه وه؛ قضایي پلاوي ویلي، چې دغه دوسیه دې نوره  هم وڅېړل شي.

د قضایي پلاوي رییس محمد زمان سنګري وایي: دوسیه بشپړه شوې نده په بله ناسته کې به پرې خبرې وشي.       

دا لومړی ځل دی، چې د کابینې یو پخوانی وزیر محاکمه کیږي؛ خو دا، چې محکمه به څه پرېکړه کوي، تر دې دمه نه ده څرګنده.

خبریاله: یلدا درویشي

تازه خبرونه

تهران او اسلام آباد دې د سولې له بهیره ملاتړ وکړي – روسیه

Ariana News

خپور شوی

په

توسط

(Last Updated On: June 23, 2021)

د روسیې دفاع وزیر سرګې شویګو د چارشنبې پر ورځ د چنګاښ ۲ ویلي، چې په افغانستان کې سوله او ثبات د ایران او پاکستان له ملاتړ پرته ناشوني دي.

د روسیې دفاع وزیر سرګې شویګو د نړیوال امنیت په اړه د مسکو نهم کنفرانس ته د وینا پر مهال څرګنده کړې، چې د افغانستان روان وضعیت د ګاونډ هېوادونو او نړیوالو سازمانونو ځانګړې پاملرنې ته اړتیا لري.

نوموړي زیاته کړې؛  په تېرو ۲۰ کلونو کې د امریکا او ناټو سرتېرو ونکړای شول، چې د دې هېواد په اړه رښتینې پایلې ترلاسه کړي.

هغه خبرداری ورکړ، چې د بهرنيو سرتېرو له وتلو وروسته به په افغانستان کې د کورنۍ جګړې د رامنځته کېدو شونتیا ډېره شي.

پخواني ولسمشر حامد کرزي هم د دې کنفرانس ګډونوالو ته په وینا کې له روسیې، چین، پاکستان او د سیمې له نورو هېوادونو وغوښتل، چې د افغانستان د سولې له بهیره خپل ملاتړ نور هم ډېر کړي.

هغه ویلي؛ د کابل د لویدیځ د سیدالشهدا د نجونو پرښوونځي وروستي بریدونه، چې په کې له ۸۰ ډېر زدکوونکي ووژل شول د افغانانو د درد او کړاو یوه روښانه بېلګه ده.

حامد کرزي زیاته کړې: دا د افغانستان د خلکو حق دی، چې باثباته راتلونکی جوړ کړي؛ خو دوی دا کار د روسیې په ګډون د نورو ځواکمنو هېوادونو له مرستې پرته نشي ترسره کولی.

دی زیاتوي؛ د افغانستان خلکو درې کاله مخکې د زړه له کومي د سولې له بهیره ملاتړ وکړ؛ خو نن حالات مخ پر خرابیدو دي. مونږ باور لرو، چې له پاکستان سره د روسیې او چین ګډون به د سولې لپاره د پام وړ وي.

هغه وایي: مونږ هیله من یو، چې ایران به هم له دې بهیر سره یوځای شي.

کرزي د وروستۍ ترویکا په ګډون د سولې له بهیره د ګوندونو د یوځای کولو په اړه د روسیې له همکاریو ملاتړ څرګند کړ او پدې اړه وایي؛ سوله او ثبات په افغانستان کې له یوې با ثباته او سوکالې سیمې سره تړلي دي.

د نوموړي د څرګندونو له مخې؛ افغانستان د دې سیمې په زړه کې دی … او د افغانستان خلک د سیمې په زړه کې دي.

حامد کرزی وایي؛ زه هیله من یم، چې تاسې به دې (سولې ) ته د رسیدو لپاره له مونږ سره ونډه او ګډون ولرئ. مونږ غواړو پخپلو پښو ودریږو او تکیه مو پر نور هېوادونو نه وي.

Continue Reading

تازه خبرونه

له ۵۰ سلنې ډېرو امریکایي سرتېرو افغانستان خوشې کړی

Ariana News

خپور شوی

په

توسط

(Last Updated On: June 23, 2021)

د امریکا مرکزي قومندانۍ (سینټکام) په ډاګه کړې، چې له افغانستان څخه د امریکايي ځواکونو د وتلو بهیر له ۵۰ سلنې ډېر بشپړ شوی دی.

سینټکام په ډاګه کړې؛ د جوبایډن له پرېکړې وروسته، چې له افغانستان څخه امریکایي سرتېري وباسي؛ دفاع وزارت لږ تر لږه د بویینګ سي – ۱۷ الوتکو ۷۶۳ پر تجهیزاتو بار الوتنې له افغانستان څخه تر سره کړي او۱۴۷۹۰ قطعې نور تجهیزات به د دې هېواد د لوژستیک دفاع ادارې ته وسپارل شي.

امریکا تر دې دمه د شپږ پوځي اډو مسوولیت افغان ځواکونو ته سپارلی دی.

په دې خبرپاڼه کې راغلي: مونږ په راتلونکي کې د نورو امنیتي اډو او تاسیساتو لیږد ته هم سترګې پر لار یو؛ ځکه دا به له افغان امنیتي او دفاعي ځواکونو سره مرسته وکړي، چې د خپلو خلکو د ثبات او دفاع لپاره هڅې کوي.

سینټکام اټکل کړی، چې مونږ د وتلو د پړاوونو له ۵۰ سلنې ډېر بشپړ کړي.

Continue Reading

تازه خبرونه

پاکستان د افغانستان پر روان وضعیت اندېښمن دی

Ariana News

خپور شوی

په

توسط

(Last Updated On: June 23, 2021)

د پاکستان د بهرنیو چارو وزیر شاه محمود قریشي په افغانستان کې د تاوتریخوالي پر ډېرېدو اندېښنه څرګنده کړې او وایي، چې د ځواک پر زور د واک خپلول د افغانستان په ګټه ندي.

هغه په دې اړه ویلي: نړۍ دې پایلې ته رسیدلې، چې د افغانستان د روان جنګ لپاره پوځي حل نشته او د زور له لارې پر افغانستان  برلاسي کېدل د هغه هېواد په ګټه ندي.

قریشي زیاته کړې: هلته به جګړه او ویېدنې وي او مونږ د افغانستان زیانمنېدل نه، بلکې ښه راتلونکې یې غواړو.

هغه ویلي: زما پر اند؛ کله، چې ما د افغانستان له خلکو سره ولیدل، هغو سوله غواړي او له جګړې ستړي شوي دي.

د پاکستان د بهرنیو چارو وزیر وايي، چې افغانستان یو داسې مشر ته اړتیا لري، چې سولې ته یې د رسولو مشري وکړي.

حهه په ډاګه کړې؛ نن که طالبان ټینګار کوي، چې اسلامي امارت غواړي او اشرف غني وایي، چې  جمهوري او هوکړې ته سره ونه رسیږي. د افغانستان راتلونکې به څه شي؟! افغانان د خپل د خپل نن په اړه فکر کوي.

هغه یو ځل بیا ټینګار وکړ، چې پاکستان به له افغانستان څخه د بهرنیو ځواکونو له وتلو وروسته د امریکا د اډو کوربتوب ونکړي.

هغه وایي: دا مسله تړل شوې او د اسلام آباد دریځ روښانه دی؛ مونږ به د سولې لپاره همکاري کوو، نه په جګړه کې.

نوموړي زیاته کړې؛ د دې (مسلې) وخت تېر شوی، دا پای ته رسیدلې او دا په ډاګه شوې او یوه پالیسي ده.

Continue Reading

Trending

آریانا نیوز: ټول حقونه خوندي دي