Connect with us

تازه خبرونه

د مخابراتو د پخواني وزیر لومړنۍ قضايي غونډه پای ته ورسیده

Ariana News

خپور شوی

 په

(Last Updated On: چنګاښ ۱۱, ۱۳۹۷)

د موبایل کریدیت را ټولو په اړه د مخابراتو او معلوماتي تکنالوژۍ د پخواني وزیر عبدالرزاق وحیدي لومړنۍ قضايي غونډه بې پایلې پای ته ورسیده.

د ملي وحدت حکومت د کابینې د مخابراتو او معلوماتي تکنالوژۍ پخوانی وزیر عبدالرزاق وحیدي د عدالت میز ته ودرول شو. پر نوموړي تور دی، چې د موبایل کریدیت را ټولو لپاره یې تر پوښتنې لاندې تکنالوژي کارولې ده.

عبدالرزاق وحیدي د محکمې د ناستې په پیل کې وویل: تر هغې، چې لوی څارنوال د هغه صورت دعوا ونلولي؛ په غونډه کې به پاتې نشي؛ خو د قضایي پلاوي پر منځګړیتوب نوموړی له خپل شرطه تېر شو او څرګنده یې کړه، چې د ده په اړه د صورت دعوې متن دې د اداري فساد په وړاندې د مبارزې رییس حکمت ناصري ولولي.

هغه دا هم وویل، چې دغه محکمه سیاسي ده او د لګښت کارتونو د مالیاتو د راټولولو په اړه د مالیې وزارت د ګرځند غوږۍ باید ځواب ویونکې وي.

هغه زیاته کړې، چې: په ارګ کې یوه کړۍ شته. په مخابراتو وزارت کې هم د دوه کسانو کړۍ ده؛ د ښاغلي نجیب عزیزي او ویس پایاب او په ارګ کې د ولسمشر سلاکاران هر یو ښاغلی ملکزی او ښاغلی اکلیل حکیمي اصلي تورن کسان دي. که زه تورن وم، نو اکلیل حکیمي هم د جرم شریک دی.

د څېړنې پلاوي څرګنده کړه: ښاغلی وحیدي د لنډ مهاله ریال تایم سیستم پر لګولو او له دغه سیستمه څارنې ته د اجازې نه ورکولو، د ریال تایم سیستم د پېریدلو په غوښتنه، له واحدې سرچینې څخه د مخابراتي خدمتونو د لس سلنې په راټولولو، د ۱۲ میلیون افغانیو پر ارزښت د دغه سیتم د بشپړې پېرودنې، د ځانګړې ګټې لپاره د کریدت کارتونو د لس سلنې د راټولولو او په دې اړه د ۳۷ نا اړینو کارمندانو استخدام د تورونو ستره برخه جوړوي.

د ښاغلي وحیدي مدافع وکیل محمد علي فرهنګ وايي، چې د موبایل کردیدت کارتونو د مالیې را ټولولو وړاندیز د مالیې د وزیر په غوښتنه د ولسمشر لخوا لاسلیک شوی دی.

هغه زیاته کړې، چې دا تورونه ټول سیاسي دي؛ د څېړنې بهیر نامسلکي او د قانون خلاف تر سره شوی دی.

په پای کې د قضايي پلاوي رييس محمد زمان سنګري د ښاغلي وحیدي قضايي غونډه بي پایلې اعلان کړه.

اداري فساد لویه ستونزه ده، چې افغان حکومت یې په کابو کولو کې کمزوری دی او دغه راز حکومت تر دې دمه د هغو تورونو په اړه ، چې د اړوند ادارو پر ځینو اشخاصو ولګول شول، څه ندي ویلي.

تازه خبرونه

عبدالله عبدالله په راتلونکیو ورځو کې پاکستان ته د سفر نیت کړی

Ariana News

خپور شوی

په

توسط

(Last Updated On: تله ۲, ۱۳۹۹)

د ملي پخلاینې عالي شورا په ډاګه کړې، چې عبدالله عبدالله به په راتلونکیو ورځو کې اسلام آباد ته له حکومتي چارواکو سره د کتنې او په افغانستان کې د سولې او پخلاینې د خبرو په اړه یو رسمي سفر تر سره کړي.

د ملي پخلاینې عالي شورا مشر د سې شنبې پر شپه به انلاین بڼه د امریکا د بهرنیو اړیکو شورا ته څرګنده کړې: مونږ تمه لرو، چې په دوحه کې خپلمنځي تاریخي خبرې د څلور لسیزو روانه جنګ او وینې تویول پای ته ورسوي.

هغه زیاته کړې: له بده مرغه په ​​ورته وخت کې، چې د سولې خبرې پیل شوي؛ ورسره سم په هېواد کې د تاوتریخوالي کچه هم لوړه شوې او دا د افغانستان خلکو ته د منلو وړ نده.

د ملي پخلاینې عالي شورا مشر دا هم ویلي؛ د افغانستان خلک تمه لري، چې په روان تاوتریخوالي کې د پام وړ کم او په هېواد کې یو بشری اوربند رامنځته شي.

عبدالله عبدالله څرګنده کړې: په افغانستان کې سوله او ثبات د سیمې د ټولو هېوادونو په ګټه دی؛ ځکه، چې  د سیمې ټول هېوادونه د ترهګرو ډلو تر ګواښ لاندې وي.

هغه دا یادونه هم کړې، چې د نویو ارزښتونو په ځانګړي توګه د ښځو د حقونو، ټاکنو، د رسنیو آزادي او د مدني ټولنې ساتنه د سولې په خپلمنځی خبرو کې د حکومتي پلاوي اړین ارزښتونه دي.

د یادونې ده، چې دا له ۲۰۰۸ کال راپدیحوا پاکستان ته د عبدالله عبدالله لومړی سفر دی.

Continue Reading

تازه خبرونه

طالبانو پخپلو ژمنو پوره عمل ندی کړی- زلمی خلیلزاد

Ariana News

خپور شوی

په

توسط

(Last Updated On: تله ۲, ۱۳۹۹)

د افغانستان د سولې لپاره د امریکا ځانګړي استازي زلمي خلیلزاد د دې هېواد په ولسي جرګه کې د څارنې او سمون فرعي جرګه ګۍ ته په خپله وینا کې ویلي، چې طالبانو له امریکا سره د فبروري د تړون له مخې پخپلو ژمنو عمل ندی کړی.

د زلمي خلیلزاد د څرګندونو له مخې؛ طالبان اړ دي، چې د تړون د یوې برخې په توګه له القاعده سره اړیکې پرې کړي. که څه هم طالبانو په دې برخه کې یو څه پرمختګ کړی؛ خو ډېر نور کار ته هم اړتیا شته.

خلیلزاد ویلي، چې د تروریزم او القاعدې په اړه طالبانو د کړې ژمنې له مخې یو لړ مثبت ګامونه پورته کړي؛ خو بشپړ شوي ندي.

د امریکا په دفاع وزارت کې د هندي سمندر د امنیتي چارو مرستیال دیوید ایف هیلوي شاهدي هم اړوند فرعي جرګه ګۍ  ته وړاندې شوې. هغه دا هم ویلي، چې طالبانو اوس هم د دې هوکړې پای ندی بشپړ کړی او دوی په بشپړ ډول ورسره مطابقت نلري؛ نو، ځکه مونږ باید هلته کار ترسره کړو. زه فکر کوم، چې طالبانو دا حالت هم درک کړی دی.

د هوکړې د یو اړخ په توګه به امریکا د راتلونکي کال په اپریل کې خپل سرتېري وباسي او د فبرورۍ راپدیخوا یې په تدریجي ډول په افغانستان کې خپل شمېر هم را کم کړی دی.

دغه راز تمه ده، چې د نومبر تر میاشتې پورې به د سرتېرو شمېر ۴۵۰۰ ته راټیټ شي.

خلیلزاد او هیلوي دواړو ومنله، چې د افغانستان او طالبانو ترمنځ د دوامداره پخلاینې تړون به پیچلی وي  او د تاوتریخوالي لوړه کچه به د سولې په وړاندې یو خنډ پاتې شي.

خلیلزاد څرګنده کړې: پداسې حال کې، چې مونږ د امید دلایل لرو او د راتلونکیو ننګونو په اړه هیڅ شک نه لرو. په افغانستان کې جګړه په ځانګړي ډول پیچلې ده  او مذاکره کوونکي باید د شخصي ګټو او سیاسي توپیرونو مخه ونیسي. په داسې حال کې، چې د بېلابېلو حوزو نمایندګي کوي. مونږ تمه لرو، چې ستونزې او خنډونه به هم شتون ولري.

هغه دا هم وویل: که د سولې هوکړه نه وي، نو افغانان به زیانمن شي.

هیلوي په ډاګه کړې: د طالبانو تاوتریخوالی د اوږدې مودې لپاره د منلو وړ نه و.

هغه دا هم ویلي، چې تروریستي ډلې لکه د عراق او سوریې داعشیان او القاعده اوس هم د امریکا د ملي امنیت ګټو ته ګواښ متوجه کوي؛ نو اړتیا ده، چې د افغانستان ملي، دفاعي او امنیتي ځواکونه ځواکمن او وړ شي، ځکه د تروریستي ګواښونو په وړاندې مبارزه او د افغانستان د خلکو دفاع به د امریکا د ګټو د ملاتړ او دفاع لپاره ترټولو ښه چانس وي.

ولسي جرګې ته په خپله لنډه وینا کې خلیلزاد څرګنده کړې، چې د امریکا تګلاره دوه چنده ده.

د طالبانو ژمنې ته ژمن شئ، چې دوی د فبرورۍ د ۲۹ په تړون کې کړې؛ لومړی له نړیوالې ترهګرۍ سره مبارزه او د افغانستان د سولې په خپلمنځي خبرو کې پر دایمي او هر اړخیز اوربند بحث.

دوه یم، له افغانستان څخه له هوکړې او شرایطو سره سم زمونږ د ځواکونو وتل دي؛ مونږ په داسې لاره کې یو، چې د سرتېرو کچه له ۵۰۰۰ څخه تر ۴۰۰۰ پورې راکمه کړو او د شرایطو پر بنسټ نوره هم راکمه شي.

خليل زاد ټينګار کړی، چې په افغانستان کې جګړه په ځانګړي ډول پيچلې ده او مذاکره کوونکي بايد د بېلابېلو حوزو نمايندګۍ کولو پر مهال شخصي ګټې او سياسي توپيرونه له منځه يوسي.

د افغان سولې لپاره د امریکا ځانګړي استازي زلمي خلیلزاد یو ځل بیا خبرداری ورکړی، چې د خپلمنځي خبرو په ترڅ پرېکړه به له افغانستان سره د امریکا د مرستو راتلونکی څرګند کړي.

هغه وایي؛ مونږ نه غواړو په نورو نظام وتپو، خو مذاکره کوونکیو ته مو روښانه کړې، چې ستاسو پرېکړه به له افغانستان سره زمونږ د مرستو راتلونکی معلوم کړي.

نوموړي افغان مشرانو ته په نغوته کې ویلي؛ له رامنځته شوي فرصته د سولې لپاره ګټه پورته کړئ او د ۱۹۹۰ کلونو تېروتنې مه تکراروئ.

هغه دغه راز ټینګار کړی؛ که څه هم د د افغانانو تر منځ په خبرو کې ونډه نلرو؛ خو مونږ د ښځو له حقونو، قومي او مذهبي لږکیو، د بیان له آزادۍ، ټاکنو، د قانون له حاکمیت او د رسنیو له آزادۍ ملاتړ کوو.

خلیلزاد د ۲۰۱۸ کال په سپتمبر کې د افغانستان د سولې لپاره د امریکا د ځانګړي استازي په توګه وټاکل شو، چې د امریکا ترټولو اوږدې جګړې ته د پای ته رسولو دیپلوماتیک او سیاسي حل ومومي؛ د امریکا اردو او مالیه ورکوونکیو باندې بار کم کړي، امریکا او متحدینو ته له افغانستان څخه بیا ګواښ رامنځته نشي.

له ۱۸ میاشتو سختې دیپلوماسۍ وروسته، دوه پړاوه تر لاسه شوي؛ د فبرورۍ په میاشت کې د امریکا او طالبانو هوکړه او د سولې د خپلمنځی خبرو پیل، چې اوس مهال په دوحه کې روان دی.

TO READ AMBASSADOR KHALILZAD’S FULL SUMMARY CLICK HERE 

Continue Reading

تازه خبرونه

په کابل کې د دوه وهل شویو میرمنو په تړاو درې کسان لوی څارنوالۍ ته وروپېژندل شول

Ariana News

خپور شوی

په

توسط

(Last Updated On: تله ۱, ۱۳۹۹)

د کورنیو چارو وزارت د دوه پولیسو او یو امنیتي کارکوونکی، چې تېره اوونۍ یې د کابل ښار په یوه اړوند سړک کې دوه میرمنې وهلي او پولیسو د پېښې ننداره کوله؛ څارنوالۍ ته ورپېژندلي دي.

د کورنیو چارو وزارت په ډاګه کړې، چې د جرمونو د څېړلو عمومي ریاست د پېښې له څېړلو وروسته د امنیتي ځواکونو یو کارکوونکی، چې د پېښې اصلي مجرم دی او دوه بې پروا پولیس په ګوته کړي او د پوره څېړلو لپاره یې څارنوالۍ ته سپارلي دي.

تېره اوونۍ د امنیتي ځواکونو یو کارمند دوه مبرمنې د دوه پولیسو په مخ کې وهلي، چې انځوریزه ویدیو يې په ټولنیزو رسنیو کې خپاره شوې او د بشري حقونو د هڅاندو او خلکو له کلک غبرګون سره مخ شوی.

انځورونه دوه سرتېري او یو شمېر خلک ښیي، چې د پېښې ننداره کوي.

د یادونې ده، چې د حکومت او طالبانو تر منځ د سولې په روانو خپلمنځي خبرو کې د ښځو د بشري حقونو د ساتنې او پیاوړتیا په اړه اندېښنې راپورته شوي او د بشري حقونو ساتونکيو او د نړۍ مشرانو هم د تېرو ۱۹ کلونو د لاسته راوړنو پر خوندیتابه ټینګار څرګند کړی دی.

 

Continue Reading
Advertisement

Trending