Connect with us

تازه خبرونه

د سولې پر لوري د زلمي خلیلزاد هڅې پڅې روانې دي- سیاستوال

Ariana News

خپور شوی

 په

(Last Updated On: لړم ۶, ۱۳۹۸)

ځینې سیاستوال وایي، د خلیلزاد هڅې پڅې پر مخ ځي؛ خو په دې مهال کې د سولې بهیر باید چټک پر مخ ولاړ شي.

د افغانستان د سولې په چارو کې د امریکا د ځانګړي استازي زلمي خلیلزاد درې ورځنی سفر اوس هم  له افغان چارواکو او سیاستوالو سره روان دي؛ خو هیڅوک نه پوهیږي، چې د افغانستان سولې لپاره د خلیلزاد پروګرام څه دی؟

ځینې سیاستوال د سولې هوکړې پر لوري د خلیلزاد هڅې ټکنۍ بولي.

د اسلامي نهضت ګوند رییس سید اسحاق گیلاني ویلي، چې د سولې خبرو ته د خلیلزاد هڅې ډېرې پڅې دي. اړتیاده، چې په اړه یې چټک ګامونه پورته او له سیاستوالو سره د خبرو پایله رامنځته شي.

غوښتنې دا دي، چې په چټکو هڅو کې له یوې خوا د امریکا او طالبان تر منځ د سولې هوکړه ژر لاسلیک او له بلې خوا د افغانانو خپلمنځي خبرې هم ژر پیل شي. هغه خبرې، چې افغانستان ته برخلیک ټاکوونکي ګڼل کیږي او پایلې یې د امریکا او طالبانو له هوکړې سره تړلې ده.

د مدني ټولنو د شبکې رییس عزیز رفیعي ویلي، چې تر دې دمه یې له مدني مخکښانو سره ندي لیدلي؛ د سولې په خبرو کې بېلابېل اندونه د سولې پر وړاندې د خنډونو کچه راټیټولی شي.

سیاستوالو ویلي، چې د بیجینګ ناسته د افغان دولت، طالبانو او سیاستوالو په حضور کې تر سره کیږي.

د بیجینګ کیدونکې ناستې برخوال حاجي دین محمد ویلي، چې په بیجینګ کې د افغانانو خپلمنځي ناسته کولی شي له یوې خوا د امریکا او طالبانو تر منځ د خبرو بیا پیل ته لار اواره کړي او له بلې خوا د افغانانو د خبرو د پیل لپاره ګټورې پریوځي.

د بیجینګ ناسته د ناڅرګندو عواملو له کبله ځنډیدلې؛ سیاستوالو ویلي، چې دا ځنډ د ارګ لخوا د ګډون کوونکيي پلاوي د نه مشخصیدو له کبله دی.

تازه خبرونه

Afghanistan Cricket Board lifts playing ban on Riaz Hassan

Ariana News

خپور شوی

په

توسط

(Last Updated On: چنګاښ ۲۴, ۱۳۹۹)

The Afghanistan Cricket Board (ACB) has announced that Riaz Hassan, Afghanistan U19 National Team player’s three-year ban has been lifted by ACB after almost 15 months.

The ACB Discipline Committee said that upon showcasing better ability, Hassan can participate in formal and informal games.

Riaz Hassan is a batsman in Afghanistan U19 National Team, who during a Tri-series with India and South Africa, was banned due to disciplinary violations in India.

“Riaz Hassan was banned for three years due to disciplinary violation. However, Hassan contacted ACB and sought mercy while expressing regret over his previous actions and violations. Taking that into consideration and based on section 30 of the principles of Discipline Committee, approved by CEO and endorsed by ACB Chairman, he was pardoned his remainder of the time,” read ACB Discipline Committee decision.

The Board further said that in addition to the HR principles, the Afghanistan Cricket Board also has disciplinary rules for player violations that apply to their intentional and unintentional mistakes.

Meanwhile, the ACB said Tuesday that all National Team players were tested for COVID-19 fortunately, “all players tested negative.”

The players were tested upon the completion of a recently concluded training camp as an added precautionary measure to fight the spread of the Coronavirus, the ACB tweeted.

Continue Reading

تازه خبرونه

د امریکا دفاع وزارت په افغانستان کې د یوه امریکایي سرتېري له مړنې خبر ورکړ

Ariana News

خپور شوی

په

توسط

(Last Updated On: چنګاښ ۲۴, ۱۳۹۹)

پنتاګون په یوه اعلامیه کې په ډاګه کړې، چې دغه سرتېری د روان کال د جولای پر۱۲ په کندهار ولایت کې له یوې ناپوځي پېښې مړ شوی دی.

په دې اعلامیه کې راغلي، چې مړ شوی ۲۴ کلن سرتېری جوسیف ترنت آلباګ د امریکا د کالیفورنیا اوسیدونکی دی.

د امریکا دفاع وزارت په ډاګه کړې، چې د دې پېښې په اړه څېړنې روانې دي.

دا په داسې حال کې ده، چې د روانې میاشتې له لومړیو راپدیخوا یو بل امریکایي سراتېری وینسنت سباستین ایبریا نومی  په کندهار ولایت کې له یوې ترافیکي پېښې مړ شوی و.

Continue Reading

تازه خبرونه

په افغانستان کې د ناتو له ملکي استازي ستیفانو پونتیکوروو سره د زمریالي اباسین ځانګړې مرکه

Ariana News

خپور شوی

په

توسط

(Last Updated On: چنګاښ ۲۴, ۱۳۹۹)

د ناتو ملکي استازي له آریانا نیوز سره په ځانګړې مرکه کې څر ګنده کړې، چې د طالبانو لخوا مخ پر زیاتیدونکی تاوتریخوالی د منلو وړ نه بولي او  د یو شمېر طالب زندانیانو د نه خوشې کولو په برخه کې د افغان دولت دریځ او اندېښنې مشروع ګڼي؛ خو وايي، چې دواړه خواوې باید سولې ته د رسیدو لپاره نرمښت وښيي.

له پونتیکوروو سره د زمریالي آباسین پوره مرکه:

آباسین: ښاغلی سفیر! ډېره مننه، چې دغې ځانګړې مرکې ته مو وخت راکړ. مونږ ډېر لیوال یو، چې له تاسې څخه ستاسې د ماموریت په اړه واورو او افغانستان ته د خپل نوي ماموریت په چوکاټ کې ښه راغلاست!

پونتیکورووالسلام علیکم. ډېره مننه! هغه افغانستان، چې ما په ۱۹۸۶کال کې پریښی؛ یو ځل بیا یې د لیدو فرصت تر لاسه شو. زه د هغه مهال، چې دلته وم روښانه خاطرې په ذهن کې لرم او له ځان سره د نورو خاطرو د وړلو هیله من هم یم.

آباسین: ډېره مننه! زه به خپله لومړۍ پوښتنه مطرح کړم؛ تاسې د افغانستان د سولې په بهیر کې روان پرمختګ څنګه ارزوئ؟

مونږ په دوحه کې د فبرورۍ ره نهه ویشتمه د امریکا او طالبانو ترمنځ د یوې هوکړې شاهدان وو، چې اوس د پرمختګ په حال کې ده او ان ځینې ګواښونه هم په مخ کې دي؛ خو هغه پرمختګ، چې تراوسه رامنځته شوی څنګه ارزوئ؟

پونتیکورووپه افغانستان کې له څلوېښت کلنې جګړې وروسته سولې ته رسېدل آسان کار ندی؛ خو د خپلمنځی خبر تر رسېدو ستر پرمختګ رامنځته شوی دی. ناتو د سفیر خلیلزاد د هغو هڅو ملاتړ کوي، چې دواړه لوري د خبرو مېز ته راکاږي. فکر کوم، چې په دې برخه کې ځانګړی حرکت شوی او دواړه لوري پر دې پوه شوي، چې دا جګړه هیڅ ډول پوځي حل لاره نلري. د افغانستان خلک سوله غواړي دوی به هغه کسان، چې د سولې پر وړاندې دریږي نه هېر کړي او نه به یې وبخښي؛ نو له همدې کبله زه فکر کوم، چې دغې موخې ته نږدې شوي یو.

آباسین: هغه بهیر، چې تاسې یې په اړه خبرې وکړې، له شک پرته، چې د سولې په ځانګړي توګه د افغانستان د سولې روان بهیر، چې له ۴ لسیزو خورا خونړی روان دی او له اوږدې جګړې وروسته به خورا حساسه او ستونزمنه وي، چې د خوښې وړ وضعیت ته ورسیږو؛ خو تاسې شته ګواښونه څنګه ګورئ؟

اوس هم یو شمېر ګواښونه او ستونزې د دې بهیر پر وړاندې شته او هغه ستونزې، چې په ځانګړي توګه د بین الافغاني مذاکراتو پر وړاندې پرتې دي. تاسې د حکومت، طالبانو او نورو لوریو لخوا ستونزې څنګه ارزوئ؟

پونتیکورووزه د دوه مسایلو په اړه اندېښنه لرم؛ لومړۍ دا، چې: شرایط د تاوتریخوالي له کچې کمولو پرته بشپړ شوي؛ طالبان باید وښيي، چې نه یوازې د سولې په اړه جدي دي، بلکې د تاوتریخوالي راکمولو هم زمینه برابرولی شي. پر افغان ملکي وګړیو بریدونه او ځاني زیانونه په هیڅ ډول د منلو وړ ندي. له همدې کبله باید دوی وښيي، چې د سولې په برخه کې ښه همکاري کولی شي.

هغه څه، چې له حکومت سره تړاو لري؛ د بندیانو د خوشې کولو مسله ده، چې سیاسي او حقوقي اړخونه لري. مونږ پر ټولو غاړو د نرمښت او انعطاف رامنځته کولو غږ کوو، چې د پېنځه زره بندیانو شمېر پوره کړي او زر نور یې د طالبانو لخوا بشپړ شي. باید له یاده ونه باسو، چې دا یوه دوه اړخیزه معامله ده. مونږ پوهیږو، چې په ځینو مواردو کې مونږ له بندون سره یو. د بندیانو آزادي له خنډ او خنډ سره روانه ده. مونږ غواړو، چې دا چاره یو څه ګړندۍ شي؛ خو ځینې مسایل د حکومت له لوري واقعي دي، چې د بندیانو د پاتې شمېر د خوشې کولو پورې تړاو لري.

آباسین: ستاسې وړاندیز حکومت ته څه دی؟ آیا د بندیانو د خوشې کولو لړۍ چټکه کړي؟

پونتیکوروو: فکر کوم مونږ ډېر مخکې راغلي یو؛ افغان حکومت دا خبره عامه کړې او مونږ ته یې هم ویلي، چې ځینې مسایل موجود دي. دغه راز د امریکا لوري ته، چې د دغه بهیر منځګړیتوب کوي هم ویل شوي، چې ځینې مسایل د رښتینو اندېښنو په توګه مطرح دي. له همدې کبله مونږ پر دواړو لوریو او دغه راز طالبانو د نرمښت ښودلو غږ کوو. په یو ډول ولسمشر غني هم دا روښانه کړې، چې ځینې مسایل او ستونزې موجود دي. حقوقي او د اساسي قانون له مخې ځینې ستونزې شته او دوی اراده لري، چې د بندیانو پېنځه زره شمېر بشپړ کړي، چې دوی یې تر پوښتنې لاندې راوستی. کله، چې یو نوملړ وي باید په پام کې ونیول شي. له همدې کبله مونږ موخې ته د رسېدو لپاره انعطاف ته اړتیا لرو. فکر کوم، چې افغان حکومت خپله اراده په واقعیت کې ښودلې او په حقیقت کې دوی غواړي، چې د پېنځه زره بندیانو شمېر پوره کړي او اوس یوازې د زر بندیانو د شمېر په اړه ستونزه پاتې ده او دا اړه باید ورښانه شي؛ دا مشروع اندېښنې دي او باید بې پاملرنې پاتې نشي.

آباسین:  ورته وخت کې کله، چې مونږ د ګواښونو په اړه خبرې کوو؛ نو سولې ته د وردننه کیدو او له جګړې وتل دی؛ تاسو ښه پوهېږئ، چې په دې اړه اجماع ته اړتیا لرو. مونږ د اجماع دوه جلا اړخونه هم وینو؛ خو لومړی به زه د افغان سولې په تړاو د افغانانو ترمنځ اجماع ته ورشم. تاسې دغه اجماع تراوسه څنګه ارزوئ؟ مونږ د ولسمشر غني او داکتر عبدالله ترمنځ د ګڼو ناندریو او ستونزو شاهدان وو او داسې ښکاري، چې دوی دواړه اوس هم د افغان سولې بهیر په اړه دوه جلا لیدلوري لري. لکه د سولې خبرې، د بندیانو آزادي او خپلمنځي خبرې. اوس څنګه کولی شو دغې اجماع ته ورسیږو او تاسې هغه څنګه ګورئ؟

پونتیکوروو: مونږ پدې اړه اندېښنه لرو او هیله لرو، چې دوی سره متحد شي او د مذاکراتو د مېز پر سر د افغانستان د ټولو خلکو استازیتوب وکړي. له همدې کبله باید ډلې سره یو شي او د یووالي لپاره د مشرۍ تر کچې یووالي ته اړتیا لرو. زه فکر کوم، چې وروستۍ سیاسي هوکړې ډېر پرمختګ رامنځته کړی. له هغه مهاله، چې دغه هوکړه لاسلیک شوې د عملي کېدو په حال کې ده او خپل وروستی عملي پړاو تېروي. مونږ پوهیږو، چې ګڼشمېر بندیان خوشې شوي؛ خو له افغان حکومت غواړو، چې د افغانستان د خلکو هغو هلو ځلو ته مثبت ځواب ووايي، چې په هراړخیزه توګه یې موخه سوله ده او سولې ته د رسېدو لپاره اړتیا د خپلمنځي خبرو پیل دی. زه فکر کوم دې موخې ته رسېدونکي یو.

آباسین: د افغانانو ترمنځ د اجماع ترڅنګ مونږ نړیوالې او سیمه ییزې اجماع ته هم اړتیا لرو. مونږ د ګڼو تضادونو شاهدان وو او نوې مسایل پدې برخه کې راولاړ شول؛ په ځانګړي توګه د واشنګټن او روسیې ترمنځ ناندریزې حرګندونې. هغه څه، چې مونږ غواړو پرې پوه شو په اړه یې ستاسې نظر غواړو. تاسې تراوسه نړیواله او سیمه ییزه اجماع څنګه ګورئ؟

پونتیکوروو: فکر کوم د افغان سولې په تړاو په سیمه او نړۍ کې په پراخه توګه اجماع رامنځته شوې او دا هغه موخه ده، چې ټول یې ملاتړ کوي. زه د بهرنیو چارو وزیر ښاغلي اتمر د هغه نوښت هرکلی کوم، چې سیمه ییزو او نړیوالو شریکانو ته یې چوکاټ جوړ کړ. پدې برخه کې د افغانانو ترمنځ د سولې هوکړې په موخه د خپلمنځي خبرو لپاره د رامنځته شوې اجماع ملاتړ کوو او دغې موخې ته باید هر څومره ژر، چې کیږي ورسیږو او د حکومت د دریځ ملاتړ وشي. د یو سوله ییز او سوکاله افغانستان رامنځته کېدو لپاره اړینه ده، چې د تېرو نولس کلونو لاسته راوړنې خوندي وساتل شي. مونږ نشو کولی دغه لاسته راوړنې له لاسه ورکړو؛ ځکه دا یوازنۍ لاسته راوړنې دي، چې افغان ټولنې او افغان وګړیو ترلاسه کړي دي او د افغانستان ثبات ډاډمنوي. مونږ ویاړو، چې د دغو لاسته راوړنو یوه برخه یو. مونږ هغه امنیتي وضعیت رامنځته کړی، چې په کې افغان امنیتي او دفاعي ځواکونه د هرې ورځې له تېرېدو سره ښه کیږي. تېر مهال وښوده، چې د افغانستان جګړه له پوځي لارې د ګټلو نده. مونږ ډاډمن یو، چې افغانان به د سولې په اړه د خپلمنځي خبرو له لارې حل لار ومومي.

آباسین: زه به خپله وروستۍ پوښتنه وړاندې کړم؛ د افغان ټولنې، دولت، چارواکو او بېلابېلو سیاسي اړخونو له حساسیتونو سره، ستاسو د تعامل تجربه تر اوسه څنګه وه؟ له شک پرته، چې دا ستونزمنه ده، چې له هر لوري سره تعامل وکړئ، د شخړو کچه او سیاسي ګوندونه پراخ دي؛ نو تاسې له دولتي چارواکو او نورو سیاسي څېرو سره خپله تجربه څنګه ارزوئ ؟

پونتیکوروو: له کابو یوې میاشتې راپدیخوا، چې دلته راغلی یم شاوخوا ۱۴۰ ناستې مې د حکومت د دواړو لوریو له مشرانو، چې پیل یې له جلالتماب ولسمشر وشو، دغه راز داکتر عبدالله او ټولې سیاسي څېرې، چې پدې هېواد کې دي ورسره مې وکتل. ما له بېلابېلو ډلو، ګوندونو، ښځو، ځوانانو او د رسنیو له استازیو سره کتنې وکړې او دې پایلې ته ورسېدم، چې دا یوه پېچلې ټولنه ده. دا هغه ټولنه ده، چې غوښتنه یې سوله، ثبات او د تېرو نولس کلونو لاسته راوړنو خوندي ساتل دي. له همدې کبله زه فکر کوم، چې ټول افغانان موخې ته د رسیدو لپاره ځانونه رسوي او دوی په بشپړه توګه چمتو دی، چې خپلمنځي خبرې پيل کړي. مونږ هیله من یو، چې دغه یووالی به رامنځته شي او رامنځته کیږي به؛ ځکه، چې یووالی د خبرو لپاره اړین دی.

آباسین: ښاغلی سفیر ستيفانو پونټیکوروو له دغې ځانګړې مرکې یوه نړۍ مننه!

پونتیکوروو: ډېره مننه ښاغلیه! زه په رښتیا نه یوازې هیله من یم، بلکې ډاډه هم یم، چې هر څه به یوې پایلې ته ورسیږي. افغانان به توپیرونه یوې خواته پرېږدي او لومړی به د افغانانو لپاره بیا د سیمې لپاره د یو با ثباته او سوکاله افغانستان د رامنځته کېدو په برخه کې بریالي شي. مننه!

آباسین: راځئ، چې د غوره پایلو لپاره هیله من پاتې شو او روښانه ده، چې پدې برخه کې به د ناتو او بل هر هغه لوري ملاتړ ته اړتیا ولرو، چې پدې بهیر کې ښکېل دي. یو ځل بیا ستاسو له وخت راکولو او هغو څرګندونو مننه کوم، چې د افغانستان له خلکو سره مو شریک کړل. په راتلونکیو ماموریتونو کې مو بریالیتوب غواړو.

پونتیکوروو: ډېره زیاته مننه! د وروستیو څرګندونو په توګه مونږ ژمن یو، چې د تل لپاره دلته نه پاتې کیږو؛ خو مونږ به د همکارۍ په موخه تر هغې، چې اړتیا وي شتون ولرو او د دې پرېکړه به هک افغان حکومت کوي. مننه!

Continue Reading

Trending