Connect with us

تازه خبرونه

د سولې د هڅو تر څنګ باید ټاکنو ته هم چمتووالی ونیول شي- خلیلزاد

خپور شوی

 په

(Last Updated On: غویی ۲۸, ۱۳۹۸)

د افغانستان د سولې لپاره د امریکا ځانګړي استازي ټینګار کړی، چې د سولې د هڅو تر څنګ باید ټاکنو ته هم چمتووالی ونیول شي.

د امریکا لومړیتوب سوله ده او که د افغانستان ولسمشریزې تاکنې؟! د دغې پوښتنې په تړاو د اندېښنو له پراختیا وروسته اوس د افغانستان د سولې لپاره د امریکا ځانګړي استازي زلمي خلیلزاد له څو ورځو چوپتیا وروسته خپل ځواب وړاندې کړ.

ښاغلي خلیلزاد په خپل یوه تویت کې څرګنده کړې؛ ځینو د نظر خاوندانو په دې ورځو کې داسې پوښتنې راپورته کړي، چې د امریکا لپاره څه لومړیتوب لري؟ سوله، چې هغه په هېواد کې د ثبات سبب شي، مونږ ته لومړیتوب لري؛ خو د سولې غوښتنه، د ټاکنو لپاره د افغانانو د چمتووالي مخه نشي نیولی. باید مخکې ولاړ شو؛ هماغسې سوله، چې افغانان یې وړ دي تعقیبوو او باید د رڼو ټاکنو لپاره پلان هم پر مخ ولاړ شي.

د نوموړي د څرګندونو له مخې؛ سوله، چې د افغانستان د جګړې د پای ته رسولو او ثبات لپاره د یوې سیاسي حل لارې سبب شي؛ د امریکا له لومړیتوبونو ده، خو سولې ته د رسیدو غوښتنه د ټاکنو لپاره د افغانانو د چمتووالي په وړاندې هم خنډ ندی.

د اجرائیه رییس د ویاند مرستیال فریدون خوځون وایي: مونږ ته سوله او ټاکنې دوه مهم بحثونه دي؛ ټاکنې د حکومت مشروعیت خوندي کوي او اړینه ده، چې دا بهیر تر سره شي او د سولې په اړه هم هڅې باید روانې وساتل شي او کله، چې چمتووالی رامنځته شو؛ سوله کوو.             

د ولسمشرۍ ځینو نوماندانو ویلي؛ سولې ته رسیدل وخت غواړي او له همدې کبله د ستونزو د حل لپاره پخپل وخت د ټاکنو پر ترسره کولو ټینګار کوي.

د ولسمشریزو ټاکنو نوماند فرامرز تمنا وایي، چې دواړه بهیره باید ترسره شي؛ خو دا، چې ټاکنو ته لاسرسی لرو او تر سره کول یې هم د افغانانو خپل کاردی؛ نو ښه به دا وي، چې د ټاکنو پر لوري ولاړ شو.

د ولسمشریزو ټاکنو نوماند شهاب حکیمي وایي، سوله ډېره اړینه ده او هیڅکله هم له ټاکنو تېریدلی نشو.         

دا، چې خلک په دې اړه څه غواړي؟ د کابل اوسیدونکې شکریه وایي، چې مونږ پخپل وخت د ولسمشریزو ټاکنو د ترسره کیدو غوښتونکي یو؛ ځکه، چې زمونږ د ستونزو د حل یوازنۍ لار همدا ده.

د کابل یو بل اوسیدونکي علی الله هم د ټاکنو پر ترسره کولو ټینګار کړی او وایي؛ ټاکنې د واک و ځواک د لیږد لپاره یوازنۍ لار ده، چې له کبله به یې د هېواد پر زخمونو مرحم کیښودل شي.          

لدې ټولو سره سره ټاکل شوې، چې د اته لس نوماندانو په ګډون ولسمشریزې ټاکنې د روان کال د تلې پر شپږمه تر سره شي.

تازه خبرونه

په افغانستان کې باید د اقتصادي سقوط مخه ونیول شي – انټوني گوترش

خپور شوی

په

توسط

(Last Updated On: وږی ۲۸, ۱۴۰۰)

د ملګرو ملتونو عمومي منشي د افغانستان د راتلونکې په اړه اندېښنه لري او وایي، چې میلیونونه افغانان سمدلاسه خوراکي توکو او درملو ته اړتیا لري.

له افغانستان څخه د اشرف غني له تېښتې او حکومت له سقوط راپدیخوا نړیوال په پرلپسې توګه د افغانستان پر بشري وضعیت، لوږه او انساني بحران اندېښنه ښيي.

د ملګرو ملتونو عمومي منشي انټوني ګوترش وایي: مونږ نه پوهیږو، چې څه به پېښیږي؛ خو که په تماس کې نه وو، ناسم تګلوري به ولرو. په افغانستان کې د ناورین د مخنیوي لپاره مهمه ده، چې مونږ بشري مرستې، خواړه او درمل برابر کړو.

په افغانستان کې د بحران له وېرې د نړۍ هېوادونه؛ ځکه اندېښمن دي، چې دې هېوادونو ته به د کډوالو سیلونه ور روان وي.

د ملګرو ملتونو ټولنې عمومي منشي ویلي، چې ملګري ملتونه په افغانستان کې د داسې حکومت د جوړېدو تمه لري، چې بشري او د ښځو حقونو ته درناوی وکړي.

د ملګرو ملتونو عمومي منشي ويلي، چې د افغانستان راتلونکی روښانه ندی او په اړه یې وړاندویېنه هم ناشونې ده.

که څه هم د طالبانو سرپرسته کابینه نیوکې شته؛ خو طالبان وايي، چې دا کابینه سرپرسته ده او ټولمنلي حکومت جوړولو ته ژمن دي.

نړیواله ټولنه په افغانستان کې داسې پراخ بنسټه حکومت غواړي، چې بشري او د ښځو حقونو ته درناوي وکړي او دا هېواد بیا د ترهګرو په مرکز بدل نشي.

د ملګرو ملتونو عمومي منشي زیاته کړې؛ دا ټولنه له افغانستان سره پدې شرط مرستې کوي، چې بشري او د ښځو حقونو ته درناوي وکړي.

داسې ښکاري، چې اروپايي هېوادونه د افغان کډوالو منلو ته زړه نه ښه کوي.

د یونان لومړی وزیر کیریاکوس میټسوټاکیس وایي:  مونږ خپلې پولې ساتلي او د اروپايي ټولنې پولې مو هم څارلي او دې کار ته دوام ورکوو. زه د یونان د لومړي وزیر په توګه له ترکیې سره د دې ستونزې د حل لپاره همکارۍ ته چمتو یم. ترکیه په دې برخه کې مهمه ونډه لري.

دغه راز د افغانستان د بشر حقونو خپلواک کمیسیون د دغه بنسټ د کار او هڅو په اړه اندېښنه ښودلې او څرګندوي، چې کاري زمینه ورته برابره شي.

دا په داسې حال کې ده، چې طالبانو د هېوادوالو د حقونو پر خوندي کولو ټینګار کړی او اوسنۍ کابینه هم چارسمبالې بولي او د ټولمنلې کابینې د جوړښت ډاډ وړاندې کوي.

Continue Reading

تازه خبرونه

د هند او عربستان بهرنیو چارو وزیران د افغانستان په اړه خبرې کوي

خپور شوی

په

توسط

(Last Updated On: وږی ۲۸, ۱۴۰۰)

د سعودي عربستان د بهرنیو چارو وزیر فیصل بن فرحان آل سعود هند ته په درې ورځني سفر تللی او ټاکل شوې، چې له هندي چارواکو سره د افغانستان په اړه بحث او خبرې وکړي.

د هند د بهرنیو چارو وزارت ویلي، چې آل سعود به نن (یکشنبه د وږي ۲۸ / د  سپټمبر ۱۹) د هند د بهرنیو چارو له وزیر ایس جی شنکر سره او د دوشنبې پر ورځ له لومړي وزیر نریندرا مودي سره خبرې وکړي.

باخبره سرچینې وايي؛ په دې لیدنو کې تمه کیږي، چې افغانستان د دواړو خواوو د بهرنیو چارو وزیرانو ترمنځ د خبرو اصلي تمرکز وي.

هند ته د سعودي د بهرنیو چارو وزیر سفر په داسې حال کې کیږي، چې د پاکستان لومړي وزیر عمران خان له طالبانو سره په حکومت کې د ټولو قومونو پر ونډه او واک خبرې کړي؛ خو طالبانو تر دې دمه په دې اړه څه ندي ویلي.

Continue Reading

تازه خبرونه

په پکتیا کې د څښاک اوبو رسولو شبکه پیل شوه

خپور شوی

په

توسط

(Last Updated On: وږی ۲۷, ۱۴۰۰)

د پکتیا ګردېز ښار په لومړۍ ناحیه کې د یونسیف ادارې له لوري د څه باندې پېنځه میلیون افغانیو پر لګښت د څښاک اوبو رسولو شبکې د یوې پروزې چارې پیل شوې.

د پکتیا ولایتي چارواکو ويلي؛ د یونسیف ادارې د څه باندې پېنځه میلیون افغانیو پر لګښت د څښاک د پاکو اوبو شبکې چارې پیل شوې، چې په څلور میایشتو کې به بشپړې او د ګردېز ښار د لومړۍ ناحیې دوه سوه کورنۍ به ترې برخمنې شي.

 د پکتیا ولایت مقام د دفتر مشر مولوي محمد ابراهيم وايي؛ اوسمهال به دوه سوه کورنۍ له دې پاکو اوبو برخمنې او چارې به یې په څلور میاشتو کې بشړې شي.

د سیمې خلک د اوبو رسولو د دې شبکې د کار پر پیل خوښ دي او وايي، چې له بشپړېدو سره به یې دوی پاکو اوبو ته لاس رسی ومومي.

د دې سیمې خلک له ولایتي مسوولینو غواړي، چې د پوهنې، روغتیا او بیارغونې په برخه کې هم ورته لا زیات پام وکړي.

د ګردېز ښار د لومړۍ ناحییې اوسېدونکي خوښ دې او وايي، چې دوی د اوبو د نشتون له کبله له ګڼو ستونزو سره مخ ول او زیاتوي، چې له دې سره به پاکو اوبو ته لاسرسی ولري.

د هېواد د یو شمېر نورو ولایتونو په ګډون پکتیا هم هغه ولایت دی، چې خلک یې د څښاک پاکو اوبو ته تر ډېره لاسرسی نلري او په دې برخه کې له ګڼو ستونزو سره مخ دي.

Continue Reading

Trending

آریانا نیوز: ټول حقونه خوندي دي