Connect with us

تازه خبرونه

د سولې جوړیدونکې مشورتي جرګه حقوقي او قانوني ارزښت نلري- د ولسمشرۍ ۱۲نوماندان

Ariana News

خپور شوی

 په

(Last Updated On: غویی ۸, ۱۳۹۸)

د ولسمشریزو ټاکنو دولس ټاکنیزو ډلو ولسمشر غني ته خبرداری ورکړي، چې که د سولې د مشورتي لویې جرګې پایلې د ولس له غوښتونو سره په ټکر کې وې؛ نو دوی به هم د خلکو لویه جرګه راوغواړي.

کابل ته د سولې مشورتي لویې جرګې لپاره سلګونه کسان د راټولیدو په حال کې دي؛ خو د ولسمشریزو ټاکنو دولس ډلو دغه جرګه تحریم کړې او نه یوازې یې د وخت او پیسو زیان بولي، بلکې ټينګار کوي، چې دغه جرګه د سولې د خبرو د ګډوډولو لپاره رابلل شوې ده.

د سولې او اعتدال ټاکنیزې ډلې مرستیال محمد یونس قانوني وایي، چې د سولې مشورتي لویه جرګه قانوني او حقوقي ارزښت نلري او موخه یې هم سوله نده. مونږ د جګړې پای ته رسول غواړو؛ خو دا جرګه د سولې د خبرو د ګډوډولو لپاره رابلل شوې ده.

د نوموړي د څرګندونو له مخې؛ د دغې جرګې رابللو ته هیڅ راز منطقي دلیل نشته. که د جرګې پرېکړې د خلکو له غوښتنو سره په ټکر کې وې؛ ټاکنیزې ډلې به د خلکو لویه جرګه راوغواړي.

دوی د سترې محکمې لخوا د غبرګولي له لومړۍ راوروسته د ولسمشر د واک غزول هم ناقانونه ګڼي.

دوی وايي، چې د سولې مشورتي لویه جرګه د جګړې د پای ته رسولو لپاره نده راغوښتل شوې، بلکې په باور یې حکومت پټې موخې په کې پالي.

د ولسمشریزو ټاکنو نوماند شهاب حکیمي وایي، چې حکومت نه غواړي راروانې ولسمشریزې ټاکنې تر سره کړي او نه دغه بهیر ته د زمینې جوړولو کومه هڅه کیږي. د غبرګولي له لومړۍ وروسته دا حکومت غیر قانوني دی او هره ورځ په هېواد کې بحران پراخیږي او دا جرګه د ځانګړیو ګټو لپاره ترسره کیږي.

د سولې مشورتي لویې جرګې د چمتوالي رییس عمر داوودزی وايي، چې دا جرګه به له وسلوالو طالبانو سره د حکومت د خبرو لپاره سرې کرښې معلومې کړي.

ټاکنیزې ډلې خبرداری ورکوي؛ لدې وروسته به اجازه ورنکړي، چې دولتي منابع په شخصي او ټاکنیزو کمپاینونو کې ولګول شي.

خبریال رفیع صدیقي

تازه خبرونه

پر ننګرهار زندان د برید سمبالوونکی په کونړ کې ونیول شو

Ariana News

خپور شوی

په

توسط

(Last Updated On: زمری ۱۵, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

تازه خبرونه

په افغانستان کې پر کرونا ۱۰ میلیون کسان اخته شوي- روغتیا وزارت

Ariana News

خپور شوی

په

توسط

(Last Updated On: زمری ۱۵, ۱۳۹۹)

د عامې روغتیا وزارت د موندنو له مخې؛ په ټول افغانستان کې پر کرونا ویروس لس میلیون کسان اخته شوي دي.

د عامې روغتیا وزارت ویلي؛ د ولسمشر د لارښوونې له مخې په هېواد کې یې پر کرونا ویروس د اخته کسانو د شمېر پیداکولو په موخه سروې ترسره کړه، چې ښیي د هېواد ۳۱ اعشاریه پېنځه سلنه اوسیدونکي پر کرونا اخته شوي دي.

د عامې روغتیا وزارت چارسمبالي زیاته کړې؛ په دې سروې کې د هېواد څلور دېرش ولایتونه پر نهه زونونو وېشل شوي، چې په دې کې د کابل ۵۳ سلنه اوسیدونکي، د ختیځو ولایتونو ۴۲،۹ سلنه، په مرکزي ولایتونو کې ۳۶،۳ سلنه، په لودیځو ولایتونو کې ۳۴،۱ سلنه او په شمال ختیځو ولایتونو کې ۳۲،۴ سلنه اوسیدونکي پر کرونا ویروس اخته شوي دي.

د عامې روغتیا وزارت چارسمبالي ویلي، چې دا سروې په ۹ زونونو او څلور دېرش ولایتونو کې پر ۱۱ زره او ۵۰۰ کسانو شوې، چې ښیي د هېواد یو دېرش اعشاریه پېنځه سلنه اوسیدونکي پر دغه ویروس اخته شوي دي.

د عامې روغتیا وزارت د څرګندونو له مخې؛ په ښارونو کې پر کرونا ویروس د اخته کسانو سلنه اووه  دېرش او په کلیو کې اووه ویشت ده.

په دې کې ۳۲ سلنه ښځې او ۲۹ سلنه نرینه دي.

 د عامې روغتیا وزارت چارسمبالی احمد جواد عثماني وایي: ترسره شوې سروې د منګ او عمر له مخې په دوه برخو کې شوې، چې په لومړۍ برخه کې پر له ۵ تر ۱۷ کلنو ماشومانو آزموینه شوې او په دوه یمه برخه کې له ۱۸ کلونو پر پورته عمر لرونکیو کسانو، چې پر کرونا د ټولو اخته کسانو له ډلې ۳۵،۲ سلنه د لوړ عمر کسان  او ۲۵،۳ سلنه ماشومان دي. همدا راز د خپرو شویو معلوماتو له مخې په لویانو کې ۳۳،۹ سلنه نرینه او ۳۷،۲ سلنه ښځې پر کرونا اخته شوې دي او په ماشومانو کې ۲۴،۲ سلنه هلکان او ۲۶،۸ سلنه نجونې پر کرونا ویروس اخته شوې دي.

نوموړي زیاته کړې؛ د نړیوالو معیارونو له مخې که د یوه هېواد ۴۲ سلنه وګړي دا ناروغي تېره کړي کتلوي معافیت رامنځته کیږي، چې افغانستان دغه معیار ته ندی رسیدلی او جدي اړتیا ده، چې خلک روغتیایي سپارښتنې په پام کې ونیسي، چې د کرونا ویروس دوه یمه څپه په هېواد کې خپره نشي.

Continue Reading

تازه خبرونه

د ننګرهار پر محبس د موتربم بریدګر هندي داکتر و

Ariana News

خپور شوی

په

توسط

(Last Updated On: زمری ۱۵, ۱۳۹۹)

هندي چارواکو ویلي؛ د یکشنبې پر ورځ د ننګرهار ولایت پر مرکزي محبس د موتربم برید پر ترسره کولو درې هندیان تورن پېژندل شوي، چې یو یې داکتر و.

هندي رسنیو د هندي استخباراتو د څرګندونو له مخې په ډاګه کړې، چې دغه داکتر د ننګرهار زندان ته د ننوتلو پرمهال له چاودیدونکیو توکو ډک موتر ته چاودنه ورکړې ده.

هندوستان تایمز څرګنده کړې، چې داکتر ایجاس کلوکیتیا پوراییل د داعش ډلې یوغړی و، چې د هند د ملي تحقیقاتو ادارې (این آی ای) تر څارنې لاندې هم و.

پوراییل له هغې وروسته په برید کې د لاس لرونکي په توګه وپیژندل شو، چې داعش د ننګرهار پر زندان د ۱۱ بریدګرو انځورونه خپاره کړل.

د راپورونو له مخې؛ پوراییل په برید کوونکیو کې یوازنی هندي تبعه دی، چې مخ یې د داعش لخوا په خپرو شویو انځورونو کې پېژندل کیږي. دوه نور هندي اتباع ماسکونه لري.

د هند ملي څېړنو ادارې پوراییل یو تښتیدونکی تر څارنې لاندې نومولی دی.

پوراییل په ۲۰۱۶ کال کې د جنايي دسیسو، ناقانونه هڅو او د داعش د غړیتوب او ملاتړ په تور تر څارنې لاندې و.

اغلې رفیله پوراییل هم په ۲۰۱۶ کال کې له خپل کوچني ماشوم سره د داعش غړې شوه او هند یې د ننګرار په نیت پریښود.

ویل کیږي، چې میرمن رفیله اوس مهال د خپل پېنځه کلن زوی او یو ماشوم سره د کابل په محبس کې ده.

هندوستان تایمز راپور ورکوي، چې میرمن رافیله د تېر کال په نومبر کې له ۲۴ نورو هنديانو سره نیول شوې ده.

د ننګرهار محبس له خونړي برید وروسته داعش په ډاګه کړه؛ دغه برید ۱۱ کسانو تر سره کړ، چې په کې څلور تاجکان، درې هنديان، درې افغانان او یو پاکستاني ونډه لرله.

دغه برید د یکشنبې پر ماښام د ننګرهار محبس په دروازه کې د یو موتربم پر چاودنه پیل او ۱۸ ګړۍ روان پاتې شو، په کې د برید کوونکیو په ګډون ۴۱ کسان ووژل شول او د ولسي جرګې د یوه غړي د څرګندونو له مخې ۸۰۰ بندیان ترې په تېښته بریالي ووتل.

د ولسي جرګې غړي عبدالکریم کریمي د څرګندونو له مخې: د برید پرمهال په زندان کې ۱۷۰۰ بندیان ول، چې ټولو د تېښتې هڅه کړې وه. ۵۰۰ بندیان په زندان کې پاتې دي، ۸۰۰ نور د طالب، داعش او مجرمینو په ګډون تښتیدلي او پاتې نور نیول شوي دي.

Continue Reading

Trending