Connect with us

تازه خبرونه

د سولې مشورتې جرګه به د ۱۸ بنسټونو په نه ګډون جوړه شي

Ariana News

خپور شوی

 په

(Last Updated On: April 27, 2019)

د سولې مشورتي لویه جرګه به دوه ورځې وروسته د نږدې لس سترو سیاسي ګوندونو، اته ټاکنیزو ډلو د استازیو او یو شمېر نورو بنسټونو د استازیو په نشتون کې جوړه شي.

 هغه جرګه، چې غواړي د سولې په بهیر کې اجماع را منځته کړي؛ خو همداوس د جمیعت، جنبش، وحدت، ملي محاذ، د افغانستان متحد ملت ګوند او د افغانستان د نوي اساس ګوند په دې جرګه کې د نه ګډون پرېکړه کړې ده.

د مشورتي لویې جرګې د چمتووالي کمیسیون وایي، له هغو سیاستوالو سره خبرې روانې دي، چې جرګه یې تحریم کړې ده.

هغه سیاسیون، چې په مشورتي لویه جرګه کې برخه نه اخلي وایي، لویه جرګه ناقانونه ده او موخې یې هم ګونګې دي.

د اجرائیه رییس دوه یم مرستیال محمد محقق له آریانا نیوز سره په خبرو کې وایي؛ ولسمشر غني د دې جرګې له لارې غواړي، چې خپله کاري دوره تمدید کړي، ټاکنیز کمپاین وکړي او د سولې روان بهیر کږې لارې ته وروتمبوي.        

عبدالله عبدالله، محمد حنیف اتمر، احمد ولي مسعود، عبداللطیف پدرام، شهاب حکیمي، رحمت الله نبیل، فرامرز تمنا او نورالحق علومي د ولسمشریزو ټاکنو هغه نوماندان او ټاکنیزو ډلو مشران دي، چې په مشورتي جرګه کې یې د نه ګډون پرېکړه کړېده.

د سولې په مشورتي لویه جرګه کې د سولې عالي شورا رییس او ځينې مرستیالان او د پخلاینې عالي شورا ځينې غړي هم ګډون نکوي.

حامد کرزي د یوې اعلامیې په ترڅ کې له ولسمشر غني غوښتي، چې د سولې مشورتي جرګه وځنډوي او ده ته نږدې سیاسي څېرو هم جرګه تحریم کړې ده.

د ملي امنیت پخوانی سلاکار محمد حنیف اتمر هم ټینګار کوي، چې د سولې مشورتي لویې جرګې پرېکړې به مشروعیت ونلري.  

د مشورتي  لویې جرګې د چمتووالي کمیسیون مرستیال ضیا الحق امرخېل وایي؛ د خوښۍ ځای دی، چې له ډېرو سره هوکړې ته رسیدلي یو او په مشورتي لویه جرګه کې به ګډون وکړي. هیله من یم، چې سیاسیون په جرګه کې ګډون وکړي.           

په دې ترتیب جرګه د ځینو جګپوړیو دولتي چارواکو، ځینو ګوندونو او سیاسیونو په نه حضور کې جوړیږي، کومه جرګه، چې په پای کې یې حکومت غواړي له طالبانو سره د خبرو اډانه رامنځته کړي.

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

تازه خبرونه

د جمهوریت تر چتر لاندې ټول افغانان برابر دي – اشرف غني

Ariana News

خپور شوی

په

توسط

(Last Updated On: January 24, 2021)

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.

ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.

غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.

ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.

غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.

نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.

د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.

د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.

Continue Reading

تازه خبرونه

طالبان دې اوربند او پر ژمنو عمل وکړي – اتمر

Ariana News

خپور شوی

په

توسط

(Last Updated On: January 24, 2021)

د افغانستان د بهرنیو چارو وزیر حنیف اتمر ویلي؛ که غواړي، چې په افغانستان کې د ورستیو بریدونو له مسوولیته اوږې سپکې کړي؛ نو اوربند دې ومني.

له الشرق الاوسط ورځپاڼې سره په مرکه کې حنیف اتمر ویلي، چې طالبان باید له امریکا سره د تړون د لاسلیک پرمهال شوې ژمنې پوره کړي.

نوموړي زیاته کړې، چې افغان حکومت د طالبانو غوښتنه منلې او پخپلو کړیو ژمنو یې عمل کړی او له ۶۰۰۰ ډېر بندیان یې خوشې کړي دي.

حنیف اتمر ټینګار کړی؛ اوس د دې وخت رارسیدلی، چې طالبان په افغانستان کې د سولې راوستو لپاره خپل نیت څرګند کړي. د افغانستان خلکو او نړیوالې ټولنې ته ثابته کړي، چې دوی خپلې کړې ژمنې پوره کوي.

Continue Reading

Trending

Copyright © 2021 Ariana News. All rights reserved!