Connect with us

تازه خبرونه

د سولې مشورتي جرګې له تحریموونکیو سره خبرې پیل شوي

خپور شوی

 په

(Last Updated On: غویی ۶, ۱۳۹۸)

د  سولې مشورتي جرګې د چمتووالي کمیسیون له هغو کسانو سره د خبرو لپاره یو پلاوی ټاکلی، چې د سولې مشورتي جرګه یې تحریم کړې ده.

د سولې مشورتي جرګې جوړیدو ته چمتوالی بشپړ شوی؛ خو ځینو دولتی چارواکو او سیاسیونو جرګه تحریم کړې، چې په کې اجرائیه رییس، د ولسمشر لومړی مرستیال، د سولې عالي شورا رییس او د دې شورا ځینې مرستیالان هم راځي.

یاد کمیسیون وایي؛ هغو سیاسي څېرو، چې جرګه تحریم کړې یو شمېر یې اوس حاضر شوي، چې په دې جرګه کې برخه واخلي؛ ځکه، نو لدې سره به د مذاکراتو په تړاو د سیاسیونو تر منځ اجماع رامنځته شي.

د مشورتي جرګې د چمتوالي کمیسیون وایي؛ له هغو سیاسیونو سره خبرې پیل شوي، چې جرګه یې تحریم کړې ده. دوی به په دې جرګه کې ګډون وکړي او له طالبانو سره د مذاکراتو پر څرنګوالي هم اجماع رامنځته کیږي.

د سولې مشورتي  لویې جرګې د چمتوالي کمیسیون غړی سریر احمد برمک وایي؛ له یوشمېر سیاسیونو سره، چې مونږ خبرې کړي په جرګه کې د ګډون ډاډ راکوي. هغو جبهو، چې خپل ګډون په کې تحریم کړی؛ درې– څلور کسان یې چمتو شوي، چې ګډون وکړي؛ خو له نورو سره به هم خبرې د جرګې تر ترسره کیدو روانې وي.            

ډلې ډلې کسان له بېلابېلو ولایتونو څخه په جرګه کې د ګډون لپاره کابل ته راغلي او راروان دي؛ تر اوسه شاوخوا زر تنه را رسیدلي او د نورو د رالیږدولو چارې هم روانې دي.

دوی له طالبانو سره د مذاکراتو په تړاو یو لړ وړاندیزونه هم له ځان سره لري.

د مشورتي لویې جرګې غړی جنت خان څمکنی وایي، چې هرچا له ځان سره خپل پروګرام او وړاندیزونه راوړي او هیله من یو، چې په پای کې زمونږ وړاندیزونه ومنل شي.   

د مشورتي لویې جرګې غړي په بېلابېلو کمیتو کې د درې ورځو لپاره له طالبانو سره د مذاکراتو په تړاو مشورې کوي او پایلې یې له دولت سره شریکوي.

دغه راز د مشورتي جرګې ځینې غړي وايي؛ تمه لري چې د جرګې په پای کې یې وړاندیزونه د حکومت او طالبانو لخوا ومنل شي.

د مشورتي لویې جرګې غړی محمد امیر ویلي؛ مونږ په دې تمه یو، چې که طالبان په رښتیا ځان افغان بولي باید د لویې جرګې پایله ومني.               

د ملي شورا له پرانیستل کیدو سره د ولسي جرګې نويو وکیلانو ته هم په مشورتي جرګه کې د ګډون بلنه ورکول کیږي، چې له طالبانو سره د مذاکراتو د څرنګوالي اډانه جوړه کړي.

ولسمشر محمد اشرف غني وایي، چې مونږ د جګړې د پای ته رسولو لپاره د سولې مشورتي لویه جرګه تر سره کوو.         

مشورتي لویه جرګه ځینې له طالبانو سره د افغانانو د خپلمنځي خبرو لپاره د زمینې برابرونکې ګڼې؛ خو ځینې نور بیا وایي، چې تر سره کول یې بې ځایه لګښت دی.

خبریال: باعث حیات

تازه خبرونه

بیات بنیاد په ننګرهار کې سلګونه اړمنو کورنیو ته خوراکي توکي ورکړل

خپور شوی

په

توسط

(Last Updated On: ليندۍ ۱۷, ۱۴۰۰)

د بیات بنیاد مسوولینو ويلي، د ننګرهار ولایت سلګونه کورنۍ د دغه بنسټ له ژمنیو مرستو برخمنې شوې.

په دې وروستیو کې د ننګرهار له یو شمېر ولسوالیو هغه خلک هم جلال آباد ښارته راکډه شوي، چې د تېر حکومت پرمهال جګړو، بېوسیو او ناوړه اقتصادي حالت د کورونو پریښودلو ته اړ کړي دي.

له همدې کبله بیات بنیاد له دغو اړمنو کورنیو سره د ژمنیو مرستو په لړ کې د جلال آباد ښار دغو اړمنو کورنیو ته د اوړو او وریجو په ګډون د مرستو یوه لویه ټولګه ولیږدوله.

د بيات بنياد مرستیال حاجي محمد اسمعیل خان وايي، چې پر جلال آباد  سربېره یې په هرات، بلخ، خوست، کندوز، کندهار او باميان ولايتونو کې هم له اړمنو کورنيو سره مرستې کړي دي.

 د دوی د څرګندونو له مخې؛ د مرستو موخه یې د اړمنو کورنیو لاسنیوي دی، چې په یو شمېر نورو ولایتونو کې به هم دغه لړۍ دوام ولري.

 د بیات بنیاد مسوولین  زیاته وي: د ژمي په دې ساړه موسم کې دا بشري مرستې نورو ولایتونو ته هم غزوي؛ ځکه، چې خلک ورته سخته اړتیا لري.

هغو اړو او مستحقو کورنیو، چې د بیات بنیاد مرستې ترلاسه کړې خوښ دي او له نورو مرستندویه بنسټونو غواړي، چې له اړو کورنیو سره مرستې وکړي.

په ننګرهارکې د کار او ټولنیزوچارو ریاست مسوولین هم د بیات بنیات له دغو مرستو خوښ دي او وايي؛ هغه بنسټونه، چې په دې برخه کې کارکوي ترې غوښتنه کوو، چې د بیات بنیات پر پل پل پورته کړي او هغو بېوزله هېوادوالو ته مرسته ورسوي، چې په لرې پرتو سیمو کې له بېوزلۍ او بېوسۍ سره مخ دي.

دا لومړی ځل ندی، چې بیات بنیات په جلال آباد ښار کې د خوراکي توکو مرسته کوي. له دې مخکې هم بیات بنیاد د هېواد په ختیځ کونړ، لغمان نورستان ولایتونو کې بېوزلو هېوادوالو ته مرسته رسولې.

یاده دې وي، چې بیات بنیات د دې ترڅنګ، چې د هېواد په یوشمېر نورولایتونو کې خلکو ته د څښاک د پاکو اوبو برابرولو، د جوماتونو، روغتیايي مرکزونو او ښوونځيو جوړولو په برخو کې هم ډېر کار کړی دی.

Continue Reading

تازه خبرونه

ا.ا په کابل کې د انډونیزیا له ډیبلوماټیکو هڅو پیلولو هرکلی کوي

خپور شوی

په

توسط

(Last Updated On: ليندۍ ۱۷, ۱۴۰۰)
د ا.ا.ا د انډونیزیا له هغې هڅې، چې په کابل کې یې د سفارت د بیا پرانستلو لپاره پیل کړې هرکلی کوي.

د انډونیزیا د بهرنیو چارو وزارت چارواکو ویلي، چې ډېر ژر به په کابل کې خپل سفارت پرانیزي.

د سې شنبې پر ورځ، د انډونیزیا د بهرنیو چارو وزارت یوه چارواکي څرګنده کړې، چې جاکارتا به ډېر ژر په کابل کې خپل سفارت بېرته پرانیزي او له اسلامي امارت سره به “رغنده ښکېلتیا” پیل کړي.

د چارشنبې پر ورځ د اسلامي امارت د ویاند مرستیال حمدالله وثیق څرګنده کړه: د انډونیزیا حکومت په کابل کې خپلې ډیبلوماټیکې هڅې بیا پیلوي. مونږ د انډونیزیا د حکومت له دې اقدامه هرکلی کوو او دا به د دواړو هېوادونو ترمنځ مثبتې اړیکې نورې هم پیاوړې کړي.

د آسیا، آرام سمندر او آفریقا په چارو کې د انډونیزیا عمومي مشر عبدالقادر جیلاني ویلي؛ زمونږ موخه د بشري مرستو په ګډون له ښځو سره مرستې، ښوونیز پوهنتوني بورسونه او له اسلامي امارت سره رغنده ښکېلتیا ده.

د جاکارتا ګلوب د راپور له مخې، په افغانستان کې د انډونیزیا ډیپلوماټیک ماموریت د امریکا د پوځ له وتلو او د پخواني حکومت له ړنګېدو راپدیخوا په پاکستان کې د دغه هېواد د سفارت له خوا پرمخ وړل کېږي.

د تېر حکومت له نسکورېدو سره امریکا او ښکېلو هېوادونو ۲۰ کلنه جګړې پای ته ورسوله، خپل سرتېري، ملکي وګړي او افغان همکاران یې ووېستل او ډیپلوماټیکې اړیکې یې ودرولې؛ خو د افغانستان بهرنۍ شتمنۍ یې کنګل او له دې هېواد سره د نړیوالو موسسو نغدي مرستې وځنډېدې. دې وضعیت د خلکو اقتصاد تر سیوري لاندې راوست او اوس افغانان له سختو اقتصادي ستونزو سره مخ دي.

Continue Reading

تازه خبرونه

یونیسف د افغانستان لپاره تاریخي مرسته وغوښته

خپور شوی

په

توسط

(Last Updated On: ليندۍ ۱۷, ۱۴۰۰)

د ملګرو ملتونو ټولنې د ماشومانو ملاتړ ادارې یونیسف په خپل تاریخ کې د یوه هېواد لپاره د بل هر وخت پرپر تله د دوه میلیارډ ډالرو تاریخي مرستې غوښتنه کړې ده.

یونیسف په یوه اعلامیه کې په ډاګه کړې؛ له ۲۴ میلیون افغانانو سره یې، چې نږدې نیمايي یې ماشومان دي، د بشري مرستو لپاره د دوه میلیارډ ډالرو بسپنې غوښتنه کړې ده.

د یونیسف مسوولین اټکل کوي، چې مناسبو خواړو، پاکو اوبو او د نظافت کافي وسایلو ته د نه لاسرسي له کبله به په ۲۰۲۲ زېږدیز کال کې له هرو دوه افغان ماشومانو یو پر خوارځواکۍ اخته وي.

د یونیسف د افغانستان استازې الیس اکونګا هیله منه ده، چې د مرستې دغه دوه میلیارډ ډالر به په افغانستان کې د ماشومانو او کورنیو لپاره د روغتیا، خوراک، نظافت او زدکړو په برخو کې د خدمتونو لړۍ له سملاسي ویجاړېدو وژغوري.

د ملګرو ملتونو چارواکو وېره څرګنده کړې، چې دا مهال میلیونونه افغان ماشومان د لوږې او ان مړینې له خطر سره مخ دي.

د اټکل له مخې له هرو لس افغانانو څخه ۸ یې باکتریالوژیکي ککړې اوبه څښي او که د ښوونکیو معاشونه ورنکړ شي او د بېوزلۍ کچې دوام ومومي، ۱۰ میلیون ماشومان به له ښوونځيو څخه د وتلو له خطر سره مخ شي.

یونیسف په پام کې لري، چې دا بودیجه د یو میلیون ماشومانو پر درملنه ولګوي او په دې اړه به د خدماتو برخه پراخه او د بېسارې خوارځواکۍ مخه پرې ونیسي. دغه راز  لس نیم میلیون ماشومان د شری پر وړاندې واکسین کیږي، یوولس نیم میلیون خلکو ته پاکې اوبه برابریږي او دا ډاډ به ترلاسه شي، چې اغووه نیم میلیون ماشومان زدکړې ته لاسرسی ومومي.

دغه ټولنه به د ډېرو زیان منونکیو کورنیو او ماشومانو د لومړنیو اړتیاوو د پوره کولو لپاره د بشري نغدو پیسو لیږد هم پراخ کړي.

اکونګا زیاته کړې: یونیسف په کلکه له بسپنه ورکوونکیو څخه غوښتنه کوي، چې د بشري مرستو د غوښتنې له لارې د افغانستان د ماشومانو ملاتړ وکړي.

دا په دایسې حال کې ده، چې دې ټولنې له نړیوالې ټولنې غوښتي، چې له مونږ سره اوږه پر اوږه ودریږي، چې د افغانستان ماشومان د هغه ژوند او راتلونکي خاوندان شي، چې د دوی حق دی.

Continue Reading

Trending

آریانا نیوز: ټول حقونه خوندي دي