Connect with us

تازه خبرونه

د سولې خبرو ته ملي پلاوي جوړیږي- عبدالله عبدالله

Ariana News

خپور شوی

 په

(Last Updated On: وری ۱۲, ۱۳۹۸)

د اجرائیه ریاست د څرګندونو له مخې؛ اجرائیه رییس د وزیرانو شورا په ناسته کې د لنډمهاله حکومت د جوړیدو ګونګوسو ته په نغوته کې ویلي، چې لنډمهاله حکومت د لنډمهاله موخې لپاره د افغانستان د خلکو په ګټه ندی او ان پدې اړه بحث او خبرې هم ندي شوي.

د حکومت اجرئیه رییس د سولې لپاره د یوه پراخ ملي پلاوي جوړول یوه اړتیا بولي او وایي، چې د یاد پلاوي جوړول به له دغه بهیر سره پوره مرسته وکړي.

ښاغلي عبدالله عبدالله زیاته کړې؛ که څه هم د سولې هڅې له اندېښنو ډکې دي، خو خلک د تلپاتې سولې غوښتونکي دي او په دې اړه باید همغږي رامنځته شي.

د ښاغلي عبدالله عبدالله د څرګندونو له مخې؛ سیاسي شخصیتونه باید د سولې په خبرو کې په ګډه له اسلامي نظام او د خلکو له غوښتنو استازیتوب وکړي.

دغه راز نوموړی سوله او ټاکنې دوه بېلابېل بهیرونه بولي او وایي، چې که دواړه بهیرونه همهاله د ټینګار وړ وګڼل شي؛ ګټه به مو کړې وي. پرته لدې کیدی شي له دواړو بې برخې شو.

ښاغلي عبدالله پر ولسمشریزو ټاکنو ټینګار څرګند کړی او له ټولو بنسټونو یې وغوښتل، چې د آزادو او عادلانه ټاکنو لپاره له ټاکنیزو کمیسیونونو سره همکاري وکړي.

د نوموړي په وینا؛ ټاکنیز بهیر به؛ ځکه ډاډمن وي، چې نوماندان به په کې له کوم خنډ سره مخ نشي او نه به څوک له دولتي آسانتیاوو څخه د ځان په ګټه کار واخلي.

دا په داسې حال کې ده، چې د افغانستان د سولې لپاره د امریکا ځانګړی استازی زلمی خلیلزاد له یو شمېر اروپایي چارواکو سره له خبرو وروسته کابل ته رارسیدلی او غواړي د سولې د یوه ملي پلاوي پر جوړیدو د حکومت له مشرانو او یو شمېر سیاسي شخصیتونو سره بحث او خبرې وکړي.

تازه خبرونه

سوله به خصوصي سکتور ته د پانګونې ډېر فرصتونه رامنځته کړي

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان خصوصي سکتور ویلي، چې د سولې له هغې کړنې هرکلی کوي، چې کیدی شي په کې ځایی او نړیوالو سوداګریو ته د پانګونې پراخ فرصتونه چمتو، اقتصادي وده، پرمختګ او پراختیا رامنځته کړي.

د سوداګرۍ او پانګونې خونې چارواکو زیاته کړې، چې د سولې د راتلو لپاره هیلې زیاتې شوي او د دې بهیر پراختیا کولی شي د هېواد ر اقتصادي پراختیا مثبت اغېز ولري.

دوی په ډاګه کوي، چې ښکېلې غاړې باید له دې فرصته ګټه پورته کړي.

د خصوصي سکتورغړيو څرګنده کړې؛ د لوې جرګې د پرېکړې له مخې د سولې عملي  پروګرام  ته لار اواره شوې او د سولې له راتلو سره به په هېواد کې د پانګونې او اقتصادي هڅو لړۍ  پيل شي.

د سوداګرۍ او پانکونې خونې غړی خانجان الکوزی وایي: د لویې جرګې هغه پرېکړه، چې د زندانیانو د آزادی په اړه رامنځته شوه؛ د هېواد پر اقتصاد به مثبته اغېزه ولري.

د صنایعو او کانونو خونې مسوولین وایي؛ ښکېلې خواوې باید په هېواد کې د جګړې لړۍ ودروي او د سولې په راتلو او د امنیت له خوندي کیدو سره به په هېواد کې سترې پانګونې تر سره شي.

د صنایعو او کانونو خونې مرستیال سخي احمد پيمان ویلي؛ د بندیانو له خوشي کیدو مو هیله داده، چې سم دلاسه د سولې خبرې پيل او پانګونې ته زمینه برابره شي.

د کرنې او مالدارۍ  خونه او ځمکني  ترانسپورت د تولنې مسوولینو ویلي، په ېواد کې د سولې له راتلو سره به په لوړه کچه د کار زمینه  برابره او د فقر کچه به  تر خپلې  وروستۍ کچې را ټيټه شي.

د ځمکني ترانسپورت د تولنې مرستیال نظير احمد خلیل څرګنده کړې؛ د سولې لپاره تر ټولو اړینه  شېبه  رامنځته شوې، چې باید ګټه ترې پورته شي. مونږ باید نور له سیاسي او اقتصادي بحرانه خلاص شو.

د کرنې او مالدارۍ خونې مرستیال میرویس حاجې زاده ویلي؛ باورې یم، چې د سولې له راتلو سره به په  هېواد کې  د کرنې او مالدارۍ ترڅنګ په بېلا بېلو برخو کې افغان پانګوال پانګونه تر سره کړي، چې له دې سره به کارونه هم رامنځته شي.

د اقتصادي چارو کار پوهان هم په دې باور دي، چې د سولې په برخه کې له رامنځته شوي فرصته پوره واخلو، چې اقتصادي خوځښتونه پراخهیا و مومي.

د اقتصادي چارو کارپوه حکیم الله صدیقي وایي، چې د جګړی دواړه خواوې باید د افغانستان د ثبات او اقتصادي پر مختګ لپاره کار وکړي؛ ځکه، چې په امنیت کې کار اواقتصادي وده دواړه خوندي دي.

د خصوصي سکتور غړي وایي که امنیت رامنځ ته شي؛ نو د هېواد په کانونو، کرنې، خدماتو، د انرژۍ  د تولید په ګډون په نورو برخو کې هم په لوړه کچه پانګونې کیدی شي.

Continue Reading

تازه خبرونه

ناتو په افغانستان کې د سولې له بهیره ملاتړ ته چمتوالی څرګند کړ

Ariana News

خپور شوی

په

توسط

(Last Updated On: زمری ۲۱, ۱۳۹۹)

د ناتو لوی منشي ینس ستولتنبرګ د سولې له پلان شویو خبرو اترو څخه د هرکلی تر څنګ څرګندوي، چې مونږ له دې بهیره ملاتړ ته په افغانستان کې خپل شتون چمتو کوو.

د ناتو لویمنشي په خپل یوه تویت کې څرګنده کړې: ما له ولسمشر غني او د ملي پخلاینې عالي شورا له مشر عبدالله عبدالله سره خبرې کړي او د افغانانو تر منځ له راتلونکیو خبرو هرکلی کړم. ټولې خواوې باید د سولې لپاره دا تاریخي فرصت وکاروي. ناتو د ترهګرۍ پروړاندې په مبارزه کې له افغانستان سره ولاړ ده؛ ځکه، چې مونږ د سولې له بهیره ملاتړ ته خپل شتون چمتو کوو.

دا په داسې حال کې ده، چې تېره شپه ولسمشر اشرف غني د طالبانو د ۴۰۰ ناندریزو بندیانو د خوشې کولو فرمان لاسلیک کړ.

ولسمشرۍ ماڼۍ د طالب بندیانو د خوشې کیدو د فرمان لاسلیک کیدل منلې او وایي، چې د لاسلیک د مراسمو پر مهال یو شمېر افغان مشران هم حاضر ول.

د یکشنبې پر ورځ د سولې مشورتي لویې جرګې ولسمشر ته وړاندیز وکړ، چې ۴۰۰ طالب بندیان  دې خوشې شي. که څه هم تر منځ یې د خونړیو بریدونو د ترسره کولو مشران هم شته دی.

حکومت ویلي؛ د یکشنبې پر ورځ په دوحه کې د افغانانو خپلمنځي خبرې ترسره کیدونکې دي او ټاکل شوې، چې د حکومت مرکچي پلاوی د چارشنبې پر ورځ له کابله د قطر پر لوري روان شي.

Continue Reading

تازه خبرونه

د افغان سکهانو دوه یمه ډله د چارشنبې پر ورځ له هېواده وځي

Ariana News

خپور شوی

په

توسط

(Last Updated On: زمری ۲۱, ۱۳۹۹)

ټاکل شوې د افغانستان د سکهانو دوه یمه ۱۸۰ کسیزه ډله هم د چارشنبې پر ورځ له هېواده هند ته ولاړه شي.

هندي رسنیو په ډاګه کړې؛ کیدی شي دوی په کابل کې د داعش د هغه ځانمرګي برید او چاودنو د قربانیانو خپلوان وي، چې تېر مارچ د دوی پر درمسال ترسره شو او لږ تر لږه یې ۲۵ افغان سکهان ووژل.

د هندي سکهانو ټولنې ورسره د همکارۍ ژمنه کړې او تر دې دمه یې ۱۱ سکهان له افغانستان څخه ایستلي دي.

د سکهانو لومړۍ ډلې د نیدان سینګ ساچوا په ګډون، چې په جون کې له پکتیا تښتول شوې و، تېره میاشت له کابل څخه ووت.

د دهلي د درمسالونو د مدیریت کمیتې مشرماجندر سینګهـ سیرسا یوې سنګاپوري رسنۍ ته څرګنده کړې وه؛ مونږ به د دوی له کورنیو سره له خپلې وسې سره سمې مرستې وکړو. مونږ د هغوی د ماشومانو په ښوونه او روزنه کې هم همکاري کوو.

دغه راز د سکهانو ټولنې اجرائیوي مشر جاګدیپ سینګهـ تایمز اف انډیا ته په ډاګه کړې، چې دغه ټولنه له هغو افغان سکهانو او هندوانو سره مرسته کوي، چې غواړي د ډاډمنو اسنادو له مخې افغانستان پریږدي.

هغه زیاته کړې، چې دې ټولنې تر دې دمه د افغان سکهانو او هندوانو ۳۵۰ غوښتنلیکونه تر کار لاندې نیولي، چې هند ته یې راولیږدوي.

تر ۱۹۸۰ لسیزې پورې په افغانستان کې له ۸۰۰۰۰ ډېرو سکهانو او هندوانو د هېواد په بېلابېلو سیمو کې ډاډمن ژوند کاوه؛ خو ډېري یې په ۱۹۹۲ زېږدیز کال کې د وخت د شوروي اتحاد له ړنګیدو وروسته له هېواده کډې بار کړې او ووتل.

ځینو یې ​​د طالبانو او په ځانګړي توګه د نوي نظام له رامنځته کیدو سره د آرام ساه واخیسته او بېرته هېواد ته راستانه شول او حکومت هم افغان سکهان بېرته راستنولو ته وهڅول؛ خو په وروستیو کلونو کې د داعش لخوا پرې بریدونه ترسره شول او اوس په هېواد کې له ۷۰۰ لږ سکهان ژوند کوي.

Continue Reading

Trending