Connect with us

تازه خبرونه

د سولې اوسنۍ خبرې د جګړې پای ته رسولو لپاره زمینه نه برابروي- سیماسمر

Ariana News

خپور شوی

 په

(Last Updated On: وری ۱۰, ۱۳۹۸)

د بشري حقونو خپلواک کمیسیون وايي، چې له وسلوالو طالبانو سره د سولې اوسنۍ خبرې په هېواد کې د جګړې پای ته رسولو لپاره زمینه نه برابروي.

د قطر پلازمېنه دوحه به د اپریل په میاشت کې د افغان سیاستوالو او طالب استازیو د خپلمنځي خبرو کوربه وي. دغو خبرو ته د خلکو هیلې ډېري او داسې انګیرنې کیږي، چې ښايي د سولې په اړه یوې هوکړې ته ورسیږي.

د افغانستان د بشري حقونو خپلواک کمیسیون ريیسه  سیما سمروايي، چې که افغان سیاستوال او طالبان د قطر په جوړیدونکې غونډه کې هوکړو ته هم ورسیږي، باید د سولې په اړه وروستۍ پرېکړه افغان حکومت وکړي؛ ځکه، چې یو اړخ طالبان او بل اړخ حکومت دی.

اغلې سیما سمر زیاتوي، چې د سولې په برخه کې انفرادي هڅو د جګړې د پای ته رسولو تصویر تت کړی دی.

د قطر غونډې ته د بشري حقونو له خپلواک کمیسیون څخه څوک ندي غوښتل شوي؛ نو، ځکه د دغه کمیسیون مسوولین وېره څرګندوي، چې ښايي له وسلوالو طالبانو سره د سولې په خبرو کې بشري ارزښتونه بابیزه وګڼل شي.

د هالیود هنرمنده او د ګډوالو په چارو کې د ملګرو ملتونو سفیره انجلینا جولي وایي، چې په افغانستان کې زرګونه ښځې عامو ډګرونو ته راووتې؛ ځانونه یې له خطرونو سره مخ کړي، چې د ښځو او ماشومانو حقونه د سولې په اوسنیو خبرو کې ډاډمنې شي؛ خو تر اوسه دوی په خبرو کې برخه نلري.

که څه هم د قطر خپلمنځي غونډه د مسکو د غونډې په دوام تر سره کیږي؛ خو اوس هم د دغې غونډې په باب ټول سیاستوال په یوه خوله ندي.

د حزب اسلامي ريیس عبدالهادي ارغندیوال وایي: مونږ پدې هیله یو، چې په کوم هېواد کې د سولې غونډې جوړیږي؛ خو دا هڅه نه کوو، چې د سولې هڅې پر ملي ګټو راوڅرخوو.

لدې مخکې د افغانستان لپاره د امریکا ځانګړي سرمفتش جان سپکو خبرداری ورکړی و، چې که په افغانستان کې د سولې له هوکړې وروسته له دغه هېواد سره نړیوالې مرستې بندې شي؛ په افغانستان کې به بیا ګډوډۍ پیل شي.

خبریال: باعث حیات

تازه خبرونه

په بغلان او بدخشان کې د یوه طالب قومندان په ګډون ۱۶ جنګیالي وژل شوي

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

امنیتي چارواکو ویلي، چې د بغلان – سمنګان پر لویه لار له امنیتي سرتېرو سره په نښته کې لږ تر لږه ۱۵ وسلوال طالبان وژل شوي دي.

د بغلان امنیه قومندانۍ په ډاګه کړې، چې تېره ورځ وسلوالو طالبانو د دغې لویې لارې په اوږدو کې پر امنیتي ځواکونو بریدونه کړي او دغه لویه لار یې د ترافیکو پر مخ تړلې وه.

د یادې قومندانۍ په خبرپاڼه کې راغلي، چې د ملي، دفاعي او امنیتي ځواکونو په هوایي او ځمکنیو ځوابي بریدونو کې طالب قومندان قاري جمعه ګل له خپلو جنګیالیو سره وژل شوی او د دوی بریدونه هم پر شاه تمبول شوي دي.

دغه راز د بدخشان ولایت د امنیه قومندانۍ ویاند ثنا الله روحاني ویلي، چې وسلوالو طالبانو د دې ولایت د یفتل ولسوالۍ پر پهندره سیمه بریدونه تر سره کړل؛ خو د امنیتي ځواکونو له ټینګار سره مخ او وسلوال طالبان یې شاتګ ته اړ کړل.

د روحاني د څرګندونو له مخې په دې نښته کې د طالبانو یو قاضي شمس الله نومی وژل شوی او دوه قومندانان ټپیان دي؛ خو امنیتي ځواکونو ته ځاني زیان ندی اوښتي.

وسلوالو طالبانو د دغو دواړو پېښو په اړه تر دې دمه څه ندي ویلي.

Continue Reading

تازه خبرونه

په ننګرهار کې موټربم برید د یوه قومندان په ګډون ۸ کسانو ته مرګ و ژوبله اړولې

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

د ننګر هار ولایت د ښیوې ولسوالۍ د سیمه ییزو پولیسو قومندان میرزمان په یو موتر بم برید کې ووژل شو.

د ننګرهار والي ویاند عطاالله خوږیاڼي ویلي؛ نن سهار د دې ولایت د ښیوې ولسوالۍ د سیمه ییزو پولیسو قومندان میرزمان له خپلو دوه ساتونکیو سره په یو ځانمرګي موتر بم برید کې ووژل شو.

د نوموړي د څرګندونو له مخې، په دې برید کې ۸ نور کسان هم ټپیان شوي او روغتون ته ولیږدول شول.

د دغه برید مسوولیت تر دې مه چا پر غاړه ندی اخیستی.

Continue Reading

تازه خبرونه

جاپان په سیلاب ځپلو سیمو کې له اورښتونو خبرداری ورکړی

Ariana News

خپور شوی

په

توسط

Photo credit: Reuters
(Last Updated On: چنګاښ ۱۷, ۱۳۹۹)

جاپان د سې شنبې پر ورځ د دغه هېواد د سویل لویدیځ د کیوشو جزیرې په اړوند سیمو کې د چټکو اورښتونو خبرداری ورکړی دي.

دا په داسې حال کې ده، چې د دې هېواد په سیلاب ځپلیو سیمو کې د دوشنبې پر ورځ د مړو شمېر لږ تر لږه ۵۰ کسانو ته رسیدلی او په لسګونه نور ورک او تریتم دي.

د جاپان د بهرنیو چارو وزیر یوشیدي سوګا په یوه خبري ناسته کې څرګنده کړې، چې له وړاندویېنې سره سم به اورښتونه د جولای تر ۹ روان وي او په سیلاب ځپلیو سیمو کې د جاپان له لویدیځ څخه تر ختیځ پورې د درندو بارانونو اټکل شوی دی.

سوګا له خپلو خلکو وغوښتل، چې د اړوند سیمو د امنیت خوندي کولو لپاره اړین ګامونه واخلي.

جاپان د دوشنبې پر ورځ د کیوشو په درې برخو؛ نګاساکي، ساګا او فوکووکا په ګډون له نیم میلیون څخه ډېرو خلکو ته له سیلابه خبرداری ورکړی و.

ساګا زیاته کړې، چې پولیس، دفاعي ځواکونه او ساحلي ساتونکي د لټون او ژغورنې هڅې تر سره کوي.

د جاپاني رسنیو لخوا خپاره شوي انځورونه ویجاړ سړکونه، کورونه او ځمکې ښویدنې ښیې. سرچینه: رویترز

Continue Reading

Trending