تازه خبرونه
د سولې مشورتي جرګې ته د ګډونوالو د غوراوي لړۍ پیلیږي- احسان طاهري
د سولې عالی شورا څرګنده کړې، چې په څو راروانو ورځو کې به د سولې مشورتي جرګې ته د ګډونوالو د غوراوي لړۍ پیل او ترسره شي.
حکومت د سولې طرحې د پلي کولو لپاره د سولې په مشورتي جرګه کې د خلکو له استازیو نظر غواړي.
د سولې عالي شورا وایي، د ولایتونو او ولسوالیو په کچه به د خلکو رښتیني استازي په یوه روڼ بهیر کې وټاکل شي.
د سولې عالي شورا ویاند احسان طاهري وایي؛ کله، چې وایو په ولسوالیو او ولایتونو کې ټاکنې ترسره کیږي. دا پدې معنا ده، چې ولایتي شوراګانې او د ټاکنو ځانګړې کمیتې یې مدیریت کوي؛ خلک راټولیږي، څو کسان نوماندوئ او له ټاکلو وروسته ژر تر ژره اعلامیږي.
د ولسي جرګې ځینې غړي وایي، د دې لپاره، چې دا جرګه ګټوره پریوځي؛ باید سلیقوي او د چا د خوښې له مخې نه وي، ځکه د خلکو د استازیو د ټاکلو څرنګوالی په دې جرګه کې د بحث وړ مساله ده.
د ولسي جرګې د دارالانشا مرستیال عرفان الله عرفان وایي، چې که د سولې مشورتي جرګه فرمایشي وي؛ فکر نه کوم، چې خلک یې ومني یا خپل اغېز ولري. که داسې وي، نو حکومت به هم له نیوکو سره مخ کړي.
باور کیږي، چې که د جرګې د ګډونوالو په ټاکلو کې دقت وشي؛ دا به ګټور کار وي او د سولې راوستو لپاره به کارنده پریوځي.
د ولسي جرګې غړی سید علی کاظمي وایي؛ کله، چې جرګه جوړه شي، ګوندونه، ډلې او اپوزسیون هم پرېکړې وکړي او په جرګه کې هم پوره شتون ولري؛ نو هیله ده، چې حکومت رښتیني استازي راوغواړي.
د سولې عالی شورا له دې مخکې ویلي وه، چې د سولې مشورتي جرګه کې به له دوه زره ډېر استازي برخه ولري.
د سولې مشورتي جرګه، چې ټاکل شوې وه د کب په وروستیو درې ورځو کې جوړه شي؛ خو د سړې هوا او د یوې ټولیزې اجماع لپاره وځنډیده. اوس به ولیدل شي، چې دا جرګه د غویی پر نهمه تر سره کیږي او که نه.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ