تازه خبرونه
د سولې هوکړه لیک باید د افغان ښځو له حقونو ملاتړ وکړي- خلیلزاد
د افغانستان د سولې امریکایي استازی ټینګار کوي، چې د سولې هوکړه لیک باید د افغان ښځو له حقونو ملاتړ وکړي.
په قطر کې د تړلیو دروازو شاته د مبهمو خبرو په لړ کې د افغانستان د سولې امریکایي استازي زلمي خلیلزاد ویلي، د سولې هوکړه لیک باید د ښځو حقونه خوندي کړي او ښځې باید د افغانستان دننه د سولې خبرو یوه نه بېلیدونکې برخه وي.
د تازه خبرو له پیل مخکې، د افغانستان د سولې لپاره د امریکا ځانګړي استازي زلمي خلیلزاد په خپل تویت کې لیکلي؛ د یوه افغان مشر(عبدالعلي مزاري) د تلین پر مراسمو برید، چې قربانیان یې ملکیان ول، ښيي، چې د سولې یو جامع تړون باید تضمین وکړي، چې ترهګري د افغانستان په راتلوونکې کې هیڅ ځای نلري.
په قطر کې د طالبانو او امریکایي چارواکو تر منځ خبرې لس ورځنۍ شوې؛ خو تر اوسه دواړو لوریو د کوم پرمختګ په اړه څه ندي ویلي.
د افغانستان د سولې پېنځم پړاو خبرې له نهو ورځو بحثونو وروسته پرون جمعه ودرول شوې؛ خو طالبان وایي، نن شنبه( د کب ۱۸) له یوې ورځنۍ دمې وروسته بېرته پیل شوې. دغه خبرې تېره دوشنبه( دکب ۱۳) پیل شوې دي.
طالبانو ته نږدې سرچینو ویلي؛ خبرې اترې له افغانستان څخه د بهرنیو ځواکونو د وتلو د مهالوېش پر څرنګوالي ورانې شوي او ممکن شپږم پړاو ته ورننوځي.
د طالبانو پخوانی غړی سید اکبر آغا وایي، چې طالبان او امریکایان د ځواکونو د ویستو پر مهالوېش کار کوي؛ خو تر دې دمه هوکړې ته ندي رسیدلي او کیدی شي روانې خبرې شپږم پړاو ته وردننه شي.
که څه هم طالبان خوشبین دي، چې د خبرو اترو په دې پړاو کې ښایي وروستۍ هوکړې ته لاسرسی ومومي؛ خو طالبانو ته نږدې سرچینو ویلي، چې د همدې اوونۍ په دننه کې د دوحې خبرې پای مومي، او ښایي شپږم پړاو خبرې هم د مارچ په وروستیو کې تر سره شي.
سیاسي فعال صدیق پتمن وایي؛ امریکایان غواړي په افغانستان کې لومړی له طالبانو سره خپل حساب او کتاب تر سره او بیا د ځواکونو د وتو پر مهالوېش او د طالبانو او حکومت پر خبرو هوکړې ولري.
د نوموړي په خبره؛ طالبان او حکومت باید د بهرنیو ځواکونو پر وتو یوې ګډې هوکړې ته ورسیږي، چې امریکایي ځواکونه ډادمن له افغانستان څخه ووځي.
د طالبانو او امریکایانو د خبرو اترو پېنځم پړاو په پای کې ټاکل شوې وه، چې په دوحه کې د طالبانو او افغانانو تر منځ هم خبرې وشي؛ خو سرچینو ویلي، چې د افغانانو تر منځ د مذاکراتو د ځنډیدو احتمال هم شته.
سیاسي مخکښ شهزاده مسعود وایي؛ خبرې به هغه وحت غوره پایلې ته ورسیږي، چې د حکومت په ګډون ټول افغانان په خپلو کې کیني او پرېکړه وکړي.
داسې ښکاري، چې د قطر په روانو خبرو کې د افغانستان د ۱۸ کلنې جګړې لپاره حل لار موندل له کږلیچونو ډکه او ډېره ستړې کوونکې ده.
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ21 hours ago
امريکا او متحدین یې پر ايران د نورو بنديزونو لګولو هڅې کوي