Connect with us

تازه خبرونه

د سولې پر وړاندې د فشار منونکی نیم- ولسمشر غني

خپور شوی

د

(Last Updated On: لړم ۲, ۱۴۰۱)

ولسمشر محمد اشرف غني ویلي، د سولې پر وړاندې هیڅ ډول فشارنه مني؛ ځکه، چې په دې اړه سیمه ییزه او نړیواله اجماع رامنځته شوې ده.

ولسمشر اشرف غني د یکشنبې پر ورځ( د چنګاښ ۱۰) جلال آباد ښار ته د خپل دوه ورځني سفر سفر پر مهال په شپږمه ناحیه کې د ختیځ زون زر بستریز روغتیایي کمپلکس د ډبرې له ایښودلو وروسته یې په یوه ولسي غونډه کې ګډون وکړ او ویې ویل، چې د سولې د مخنیوي په برخه کې هیڅ ډول فشار نه مني.

ولسمشر په ډاګه کړه، چې د سولې امکان ډېر دی؛ ځکه د جګړې لپاره هیڅ اسلامي مجاز نشته او د سولې په اړه یې ملي، سیمه ییزه او نړیواله اجماع رامنځته کړې ده.

ولسمشر په شفاف ډول د ټاکنو په ترسراوي هم ټنګار وکړ او خبرداری یې ورکړ، چې که هر دولتي مسوول په ټاکنو کې مداخله وکړي د ګوښه کولو ترڅنګ به عدلي ادارو ته وروپېژندل شي او سخت به یې مجازات کړي.

ولسمشر د ننګرهار په اړه په څرګندونو کې وویل، دغلته د پولیسو بنسټونه بریالي نه دي.

هغه والي ته سپارښتنه وکړه، چې د ټولو ملکي او نظامي ادارو مسوولین وارزوي او هغه، چې ناکاره دي؛ د کوښه کولو نوملړ دې ده ته وروسپاري. د غصب د مخنیوي لپاره یې والي ته د یوه باصلاحیته کمیسون د جوړولو امر هم وکړ.

ولسمشر د ننګرهارد ناامنیو په اړه وویل، په امنیتي برخه کې یې پراخ بدلونونه راوستي او نویو مسوولینو ته یې درې میاشتې وخت ورکړی، چې که بریالي نه شول له دندو به یې ګوښه کړي.

هغه د پروژو په اړه والي ته سپارښتنه وکړه؛ د نیمګړیو او هغو پروژو، چې ورته اړتیا ده یو نوملړدې له جزیاتو سره ارګ ته وسپاري.

ولسمشر به د دوشنبې د ورځې تر پایه په ننګرهارکې وي او دغلته به د بېلابېلو اقشارو سره غونډې او لیدنې ولري.

د یادونې وړده، چې ننګرهار ته د ولسمشر غني د لومړۍ ورځې د سفر پر مهال له غرمې وروسته په پښتونستان واټ کې ځانمرګي برید ګر لږ تر لږه ۳۵ کسانو ته مرګ و ژوبله اړولې ده.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!