Connect with us

تازه خبرونه

د حکومتي مشرانو اختلافونه حل شوي نه دي

Ariana News

خپور شوی

 په

(Last Updated On: May 5, 2018)

 د ملي وحدت حکومت مشران نه دي توانیدلي چې په ملي مسایلو کې د وروستیو درې کلونو اختلافونه پای ته ورسوي او دې اختلافونو د ملي کړکیچ له ودې سره مرسته کړې ده.  

د ۲۰۱۴ کال ولسمشریزې ټاکنې د دې سبب شوې، چې د ملي وحدت حکومت جوړ شي. په پیل کې هیلې دا وې، چې ممکن په دې حکومت کې چارې ښې تر سره شي؛ خو هسې ونه شول او د حکومتي مشرانو ډېر وخت پر ناندرو او لانجو تېر شو.

ځینې خبریالان او قانون جوړونکي وایي؛ حکومت په خپلو چارو کې، ځکه ناکام دی، چې حکومتي مشرانو هغسې، چې په کار وه چارې نه دي تر سره کړي.

خبریال پرویز کاوه وایي:  حکومتي مشران باید هڅه ونکړي، چې د خلکو ملي او سترې ګټې له خپل ځانګړي ټاکنیز بهیر، قومي او سمتي هڅو ځار کړي. دا کار درزونه رامنځته کوي، اختلافونه پیدا کوي او په پای کې د ملي بهیر د ناکامۍ لامل ګرزي.            

تر ټولو ستر اختلافونه، چې ملي بهیرونه یې له بندون سره مخ کړل او د خلکو تر منځ د ژور درز سبب شول د چارو کارپوهانو په باور دادي: د ملي وحدت حکومت وېشل، د حکومت د کابینې جوړول، چې تر اوسه نه ده بشپړه شوې، ټاکنیز سمونونه، چې تر اوسه پرې نیوکې کیږي، د اساسي قانون د تعدیل لویه جرګه، د اساسي قانون د تعدیل  لپاره د لویې جرګې جوړېدل او په تر ټولو تازه پېښه کې د برښنایي تذکرو وېش، چې دغه چاره د اجرائیه رییس له مخالفت سره مخ شوه.

د ولسي جرګې غړی قیوم سجادي وایي: همدا اوس د هېواد په سیاسي ځواک کې ولسمشر او اجرائیه رییس د ۵۰ سلنې واک غوښتونکي دي او تعارض او استطکاک غزوي. تاسې د ولس استازي باید دغه تعارض او تسطکاک نور ونه غزوئ.            

دې مواردو هم خلک اندښمن کړي او د هغوی پر ژوند یې سیوری غوړولی دی.

محصل حفیظ الله وایي: هغه خلک، چې په افغانستان کې دننه زدکړې کوي ډېر ناهیلې دی. په کابل پوهنتون کې دمګړۍ مونږ خپلې غوره راتلونکي ته هیڅ هیله من نه یو.                  

محصل احمد نایب وایي: د یوه رهبر دنده د خلکو نږدې کول دي، نه بېلول او کرکه رامنځته کول. د دغو مشرانو لومړنی کار د خلکو بېلول او تر منځ یې کرکه او اختلاف رامنځته کول دي.     

د اساسي قانون له مخې؛ د پېنځم کال د غبرګولي په میاشت کې د حکومت کاري موده پای ته رسیږي، چې د ځینو کارپوهانو او خبریالانو په باور حکومت د ځینو جنجالي پروګرامونو له وړاندې کولو سره یو ځل بیا غواړي په ټاکنو کې د خلکو رایې او زړونه تر لاسه کړي. 

خبریال: شاهپور فرهمند

تازه خبرونه

په بغلان کې وسلوالو طالبانو ۸ پولیسو ته مرګ و ژوبله اړولې

Ariana News

خپور شوی

په

توسط

(Last Updated On: April 19, 2021)

د بغلان ولایت سیمه ییزو چارواکو ویلي، چې تیره شپه (یکشنبه د وري ۲۹) د دغه ولایت د مرکزي بغلان ولسوالۍ  د قند فابریکې پر ښارګوټي د وسلوالو طالبانو په ډله ییز برید کې دوه پولیس وژل شوي او شپږ نور ټپیان دي.

د مرکزي بغلان ولسوال سید کمال وردګ د خبر د پخلي تر څنګ ویلي، چې جګړه تېره شپه دولس بجې د ولسوالۍ د پېنځمې امنیتي حوزې په اړوند سیمه کې پیل او د سهار تر ۵ بجو د بغلان امنیه قومندان او مرستندویه ځواکونو له راتګ سره روانه وه.

هغه زیاته کړې، چې د نښتې په بهیر کې د بغلان د حوزوي پولیسو یو هاموی (زغره وال ټانګ)  وسوځول شو او بل طالبانو ته پر لاس ورغلو.

د بغلان امنیه قومندان سید اشرف سادات هم له ولسوالۍ څخه لیدنه کړې ده.

د بغلان پولیسو په خبر پاڼه کې راغلي، چې د مرکزي بغلان ولسوالۍ د قند فابریکې په ښارګوټي کې د طالبانو د برید په دفاع کې شپږ وسلوال وژل شوي او اته نور ټپیان دي.

د بغلان پولیسو ویاند احمد جاوید بشارت ویلي، چې د طالبانو دغه برید د دې ولایت د امنیتي او دفاعي ځواکونو له درندو ګوزارونو سره مخ شوی دی.

جاوید بشارت زیاته کړې، چې په دې نښته کې د بغلان د حوزوي پولیسو دوه سرتېري وژل شوي او شپږ نور ټپیان دي.

طالبانو تر دې دمه په دې اړه څه ندي ویلي.

Continue Reading

تازه خبرونه

طالبان د جګړې غځولو لپاره نوره پلمه نلري – اشرف غني

Ariana News

خپور شوی

په

توسط

(Last Updated On: April 19, 2021)

د افغانستان ولسمشر محمد اشرف غني د یکشنبې پر ورځ له سي ان ان سره په مرکه کې د افغانستان او ویټنام د جګړې ورتوالی او هغه اندېښنې رد کړې، چې د امریکایي ځواکونو له وتلو وروسته به د افغانستان حکومت او دولت سقوط وکړي.

ولسمشر دا هم په ډاګه کړې؛ اوس هغه وخت رارسېدلی، چې افغانستان د امریکا او نړیوالې ټولنې له ۲۰ کلن شتون وروسته خپل ملي حاکمیت ترلاسه کړي.

نوموړی وایي: په تېرو دوه کلونو کې افغان ملي، دفاعي او امنیتي ځواکونو ۹۰ سلنه عملیات ترسره کړي دي.

اشرف غني څرګنده کړې، چې د امریکایي سرتیرو د وتلو له اعلان سره یوه لوبه بدله کړه؛ خو اوس هغه وخت رارسېدلی، چې طالبان او پاکستان هم غوراوي ولري.

اشرف غني پوښتي، چې: آیا دوی به د سولې لار او که د ګډوډۍ  او دښمنۍ هغه خپله کړي.

غني ویلي، چې طالبان نور د جګړې غځولو لپاره پلمې نلري. اوس نړیوال ځواکونه له افغانستان څخه وځي او دوی د جګړې لپاره هیڅ دیني جواز هم نلري.

هغه زیاته کړې، چې سیاسي جوړجاړی اړین دی؛ خو د لوبې توپ اوس د طالبانو په ډګر کې دی.

د نوموړي د څرګندونو له مخې؛ هغه هیڅکله د سولې خنډ شوی ندی؛ خو د ټرمپ ادارې د قربانی د پسه په توګه کارولی دی.

هغه ویلي، چې د سولې په لاره کې د یو خنډ پر تور هم تورن شوی دی.

هغه زیاته کړې؛ ده د ټرمپ له ادارې غوښتي وه، چې د سرتېرو د وتلو په اړه له افغان حکومت سره معامله وکړي، نه له طالبانو سره.

اشرف غني د طالبانو د راتلونکيو هڅو په اړه ویلي، چې طالبان باید رامنځته شوي پرمختګونه ومني، چې یو سیاسي جوړجاړي ته ورسیږي او د ټاکنو له لارې د سولې دولت رامنځته شي.

هغه دا هم په ډاګه کړې، چې د پاکستان مشرانو یوازې ویلي؛ دوی نه غواړي، چې طالبان حاکم شي  او هیله من دي، چې په افغانستان کې یو باامنه، با ثباته او ډیموکراټیک حکومت وګوري.

هغه زیاته کړې، چې افغانستان د دوی د هوساینې کونجي ده.

نوموړی وایي: پاکستان دوه غوراوي لري؛ د یو باثباته افغانستان په ګټه کې برخه اخیستل یا د ګډوډۍ غوره کول.

هغه ویلي؛ پاکستان هغه هېواد دی، چې په افغانستان کې به له کورنۍ جګړې ډېر اغېزمن شي.

غني د پاکستان په اړه ویلي، چې پاکستان د سیمه ییز ثبات پر مرکز بدلیدلی شي. د چین په اړه هغه ډاډمن دی، چې بیجینګ به په سیمه ییزه شخړه کې ښکېل نشي او وایي، چې افغانستان د امریکایي سرتېرو له وتلو وروسته ځایناستی نه غواړي.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې له افغانستان څخه به د ټولو بهرنيو سرتېرو وتل د روان کال د می له لومړۍ پیل او د سپټمبر پر ۱۱ بشپړ شي.

سپینه ماڼۍ ويلي، چې د نړیوالو سرتېرو له وتو وروسته د افغانستان د راتلونکي ضمانت هیڅوک هم نشي کولی.

د سپینې ماڼۍ د ملي امنیت سلاکار جک سالیوان وایي: دا ډاډ نشم ورکولی، چې د سرتېرو له وتو وروسته به په افغانستان کې څه پېښيږي. دا ضمانت هیڅوک نشي کولی.

تر سپتمبر میاشتې پورې له افغانستان څخه د ټولو نړیوالو پوځونو د وتو له اعلان وروسته د افغان سولې لپاره پیل شوې هڅې یو ځل بیا له ستونزو سره مخ شوې دي.

 طالبانو ويلي، چې د استانبول په غونډه کې ګډون نکوي؛ خو ملګري ملتونه او امریکا غواړي، چې د سرتېرو له ایستلو مخکې په افغانستان کې ښکېلې خواوې سیاسي جوړ جاړي ته ورسيږي.

Continue Reading

تازه خبرونه

پاکستان دې له دوستۍ او دښمنۍ، یو غوره کړي ـ اشرف غني

Ariana News

خپور شوی

په

توسط

(Last Updated On: April 18, 2021)

د افغانستان ولسمشر اشرف غني د یکشنبې پر سهار یوې امنیتي ناستې ته په ډاګه کړه؛ له تېرو څو لسیزو راپدیخوا دا لومړي ځل دی، چې د سولې یو رښتینی فرصت رامنځته شوی او افغانستان د بهرنیو ځواکونو وتلو ته پوره چمتووالی لري.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې د ټولو بهرنيو سرتېرو وتل به د روان کال د می له لومړۍ پیل او د سپټمبر پر ۱۱ نېټه افغانستان بشپړ شي.

ولسمشر غني د یکشنبې  پر ورځ په ارګ کې د کابل ښار د شپږنیمو بجو په امنیتي غونډه کې له افغانستان څخه د امریکایي ځواکونو د وتلو اعلان ته په نغوته کې څرګنده کړې: په اوسني تاریخ کې په لومړي ځل د افغانستان لپاره تر ټولو غوره فرصت برابر شوی؛ مونږ له دوه کلونو راپدیخوا دې ورځې ته بشپړ چمتوالی لرو او د هغوی د وتلو لپاره مو هر اړخیز پلان برابر کړی دی.

ولسمشر غني ویلي؛ مونږ د خپلې خاورې ساتنې ته بشپړ چمتوالی لرو او د دې وخت را رسېدلی، چې د افغانستان ملي حاکمیت په بشپړ ډول عملي او افغانستان خپل ناپېیلتوب ثابت کړي.

ولسمشر ویلي: یو د جمهوریت صف دی او بل د دښمن، هغوی، چې د جمهوریت په صف کې نه درېږي نور ورته په دولت کې ځای نشته.

د ولسمشر غني د څرګندونو له مخې؛ طالبان د جګړې د دوام لپاره هېڅ راز دیني مشروعیت نلري او د اسلامۍ نړۍ دیني علماوو په افغانستان کې جګړه غندلې ده.

ولسمشر غني له افغانستان سره سیمه ییزو اړیکو ته په نغوته کې څرګنده کړې: نن د پاکستان لپاره د پرېکړې ورځ ده؛ که زمونږ هېواد نارامه وي، د دوی هېواد به هم ناارامه وي او که زمونږ هوساینه غواړي، دوی به هم هوسا شي.

غني زیاته کړې؛ د دوستۍ او دښمنۍ غوراوی د دوی په لاس کې دی؛ د دوستۍ په اړه افغانستان له پاکستان، سیمې او نړۍ سره همکارۍ ته چمتو دی.

دغه راز ولسمشر غني په ډاګه کړې: زمونږ لیدلوری ملي حاکمیت، جمهوریت، ولسواکي، آباد، آزاد او خپلواک افغانستان دی؛ که طالبان په دې چوکاټ کې سوله کوي زمونږ غېږ ورته پرانېستې ده او له دې پرته بل هر انتخاب د جګړې د دوام لپاره د طالبانو پلمه ده.

هغه زیاتوي؛ مونږ د ډار نه، د ټینګې ارادې خلک یو.

همدارنګه نوموړي د یکشنبې د ورځې په امنیتي ناسته کې د لومړۍ امنیتي حوزې ۱۶ منسوبینو ته د بریال دوه یمې درجې دولتي مډالونه هم پر سینه وټومبل.

د ولسمشر لومړي مرستیال امرالله صالح د ستاینو او ویاړلو وروسته د شپږنیموغونډو د لاسته راوړنو په اړه د معلوماتو ورکولو پرمهال وویل: د ژمنو تعقیب پر یو اصل بدل شوی او د دوامداره هڅو په نتیجه کې د جرمونو ګراف په بېساري توګه راټیټ شوی او له دولتي خدمتونو د خلکو د رضایت کچه لوړه شوې ده.

ولسمشر اشرف غني د شپږنیموغونډو لاسته راوړنې وستایلې او وایي: تاسو د ګروپي مدیریت په پایله کې مثبت تغییرات راوستي؛ ظرفیت لرئ، دوام ورکړئ او زه ستاسو بشپړ ملاتړی یم.

Continue Reading

Trending

آریانا نیوز: ټول حقونه خوندي دي