Connect with us

تازه خبرونه

د حکمتیار وروستیو څرګندونو د مشرانو جرګې د غړیو غبرګونونه راوپارول

Ariana News

خپور شوی

 په

(Last Updated On: September 15, 2019)

د افغان ځواکونو او اتلانو په اړه د ګلبدین حکمتیار وروستیو څرګندونو د مشرانو جرګي د غړیو غبرګون راپارولی دی.

د ولسمشریزو ټاکنو نوماند ښاغلي حکمتیار تېره ورځ په خپل ټاکنیز کمپاین کې خپلو پلویانو ته ویلي وه، چې امنیتي ځواکونه  د جګړې لوري ته له سپیڅلې انګیزې سره نه ځي، بلکې فقر او بیکاري ده، چې خلک د امنیتي ځواکونو لیکو ته راکاږي.  

ښاغلي حکمتیار دا هم په ډاګه کړې وه، چې نه (امان الله خان) اتل دی او نه ( احمدشاه مسعود) قهرمان….

د (افغان ځواکونو او اتلانو) په اړه د ولسمشرۍ ټاکنو د نوماند ګلبدین حکمتیار دغو څرګندونو د مشرانو جرګي یو شمېرغړي احساساتي کړل او ان لفظي شخړې ته وهڅیدل.

د ولسي جرګې لومړي مرستیال محمد علم ایزدیار ویلي؛ سره له دې، چې د خبرو آزادي د ټولو حق دی؛ خو هغه پاروونکې څرګندونې، چې نه یوازې یې پخپل زیان دي، بلکې نور خلک هم پاروي؛ باید ویل شوې نه وای.  

د مشرانو جرګې غړي رحمت الله اڅکزي ویلي؛ د حکمتیار موخه څه ده؟ هر څه ، چې کوي؛ خلک یې ویني. د ضیاالحق زوی یې پر اوږه چپن اچولې او له دې ښکاري، چې هغو ته وفاداره دی.

د مشرانو جرګې غړي غیرت بهیر د اڅکزي د څرګندونو په غبرګون کې څرګنده کړه، چې د اڅکزي خبرې ناسمې دي او باید بښنه وغواړي.

دغه مهال د مشرانو جرګي رییس فضل هادي مسلمیار د مشرانو جرګې له غړیو وغوښتل؛ حق نلرئ، چې د ولسمشریزو ټاکنو تر پایه د کوم نوماند په ګټه یا زیان خبرې وکړئ.

دا څرګندوني په داسي حال کی راپورته کیږي، چې ولسمشرۍ ماڼۍ هم د حکمتیار څرګندونې غیرمسوولانه نومولي او وایي، چې وینا یې امنیتي ځواکونو ته ښکاره سپکاوی دی.

تازه خبرونه

په غزني کې د موتربم برید پلانوونکی د هوایي برید ښکار شوی

Ariana News

خپور شوی

په

توسط

(Last Updated On: November 30, 2020)

ملي دفاع وزارت نن (دوشنبه د لیندۍ ۱۰) څرګنده کړې، چې په غزنی ولایت کې د تېرې ورځې د ترسره شوي موتر بم برید پلانوونکی له خپلو ملګرو سره د هوایي ځواکونو د عملیاتو پر مهال وژل شوی دی.

د وزارت د خبر پاڼې له مخې: حمزه وزیرستاني نومي، چې په غزنی کې د پروني موتربم برید پلانوونکی دی؛ له خپلو اووه ملګرو سره وژل شوی دی.

حمزه وزیرستانی تېره شپه د غزني ولایت د ګیرو ولسوالۍ د علی شېرخېل کلي په اړوند سیمه کې د هوایي ځواکونو د هدفي برید ښکار شوی دی.

خبرپاڼې  د دغه برید په اړه نور جزئیات ندي ورکړي.

د یادونې ده، چې پرون سهار مهال یوه ځانمرګي برید کوونکي له چاودېدونکيو توکو ډک هاموی د عامه نظم کنډک ته نږدې چولی، چې د ولایتي روغتون د څرګندونو له مخې په کې ۳۱ امنیتي ځواکونه وژل شوي او له شل ډېر نور ټپیان دي او  طالبانو هم په دې برید کې لاس لرل رد کړي .

Continue Reading

تازه خبرونه

په تېرو۲۰ کلونو کې د برښنا تنظیمولو لپاره بشپړ کار ندی شوي – برښنا شرکت

Ariana News

خپور شوی

په

توسط

(Last Updated On: November 30, 2020)

د افغانستان برښنا شرکت مسوولینو ویلي، چې په تېرو ۲۰ کلونو کې د برښنا تنظیمولو لپاره بشپړ کار ندی شوي او دا هېواد د درې سوه میګاوټه برښنا له لږوالي سره مخ شوی او اوس ستونزه پر پرچاویو حلوو.

د افغانستان برښنا شرکت مسوولینو زیاته کړې؛ له ازبکستان څخه د پېنځه سوه کیلو ولت برښنا لین پروژې  نه بشپړیدو له کبله د هېواد کې د برښنا ستونزې ډېرې شوې دي.

د افغانستان د برښنا شرکت له خلکو غوښتي، چې د پرچاویو په اړه ورسره همکاري وکړي.

دوۍ دغه راز څرګندوي، چې د صنعتي  پارکونو د برښنا ستونزه یې هم  حل کړې ده.

د افغانستان برښنا شرکت عملیاتي مرستیال سلیم سلیمي وایي: مونږ د افغانستان د صنعت کارانو د ستونزې د حل لپاره اقدام کړی؛ مونږ ژمن یو، چې د کورنیو تولیداتو د ملاتړ لپاره برښنا برابره کړو اوس هم  دولس ساعته برښنا لري.

د افغانستان د صنایعو او کانونو خونې مسوولینو ویلي، چې اوس هم  د کورنیو تولیداتو د برښنا ستونزه نده حل شوې؛ ځکه، چې د ورځي پېنځه ساعته برښنا لري هغه هم  له پر چاوي سره ملګرې ده.

د صنایعو او کانونو خونې مرستیال سخي احمد پيمان ویلي: مونږ همدا اوس په فابریکه کې برښنا نلرو او په دې اړه برښنا شرکت همکاری نکوي. په داسې حال کې، چې صنعت برښنا ته اړتیا لري؛ خو برښنا نشته.

د اوسپنې ویلې کولو ټولنې اجرائیه مشر عبد النصیر رشتیا وایي: مونږ؛ خو تر اوسه د اړتیا وړ برښنا نده لیدلي. حیران یم، چې دوۍ دا برښنا چاته ورکوي. د برښنا د نشتون له کبله کارخونې هم تړل شوې دي.

د افغانستان برښنا شرکت مسوولینو ویلي، چې د تېر کال په پرتله په کابل کې ۴۵۰ میګا وات برښنا ته اړتیا ده، چې۴۸۰ میګاوته ته لوړه شوې.

د برښنا شرکت د څرګندونو له مخې؛ دمګړۍ د هېواد پېنځه ویشت ولایتونه برښنا نښلولي او راتلونکی کال به درې نور ولایتونه هم  له برښنا شبکې سره ونښلول شي.

Continue Reading

تازه خبرونه

په هېواد کې د سولې لپاره نوي جوړښت ته اړتیا ده ـ ګیلاني

Ariana News

خپور شوی

په

توسط

(Last Updated On: November 29, 2020)

 د ملي محاذ ګوند مشر سید حامد ګیلاني وړاندیز کړی، چې په هېواد کې د سولې د ټينګښت لپاره باید یو نوی جوړښت رامنځته شي.

د ملي محاذ مشر سید حامد ګیلاني، چې له آریانا نیوز سره یې خبرې کولې په ډاګه کړې، چې اوس په افغانستان کې د سولې د ټینګښت لپاره د نوې جوړښت یا نوې ادارې د رامنځته کیدو اړتیا لیدل کیږي.

هغه آریانا نیوز ته زیاته کړې: اوس د ټولو اړخونو په خوښه د سولې داسې جوړښت باید رامنځته شي، چې سولې ته لار پرانیزي او ولسمشر غني هم باید د خپلې پېنځه کلنې دورې پر بشپړولو ټینګار ونکړي.

د ملي محاذ مشر سید حامد گیلاني وایي:  یو داسې بدلون ته اړتیا ده، چې یو نوي جوړښت ترې رامنځته او هرڅه تنظیم شي. یو درېیم حالت باید رامنځته شي، چې ټولو ته د منلو وي.

سید حامد ګیلاني څرګندوي، چې په هېواد کې روان حالت د دې ارزښت نلري، چې د ساتلو لپاره یې هره ورځ تر درې سوه پورې کسان ووژل شي.

نوموړي څرګنده کړې: اشرف غني په کومه بیه ۵ کاله پوره کوي او پر چا یې بشپړوي. ورځنی ځاني زیان مو تر ۳۰۰ کسانو پورې رسیږي؛ انسانان او افغانان دي.

سید حامد ګیلاني دا ټینګار هم کړی؛ دولت او طالبانو دواړو ته په کار ده، چې د سولې د ټینګښت لپاره ريښتوني ګامونه پورته کړي.

دا په داسې حال کې ده، چې اروپایي اتحادیې او د امریکا سفارت د ملي پخلاینې عالي شورا د جوړښت ګړندي کول وښتي او ویل شوي، چې دا به د افغانستان د سولې په پروسه کې مهم رول ولوبولی شي.

Continue Reading
Advertisement

Trending