Connect with us

تازه خبرونه

د دوحې خبرې امریکا ته د طالبانو برخلیک په ډاګه کوي- امرالله صالح

Avatar

خپور شوی

 په

(Last Updated On: وږی ۲, ۱۳۹۸)

د دولت جوړونکې ټاکنیزې ډلې لومړي مرستیال د اسلامي جمعیت د انسجام شورا د ملاتړ په غونډه کې ویلي، چې په قطر کې د طالب استازیو او امریکایانو خبرې یوازې د طالبانو برخلیک ټاکي او د افغانستان د خلکو لپاره به اجرائیوي پایله ونلري او نه به نوییمې لسیزې ته ور وګرځي.

له جمعیت اسلامي څخه بېلې شوې د جمعیت اسلامي د انسجام شورا د شنبې پر ورځ( د وږي ۲) د اشرف غني په مشرۍ له دولت جوړونکې ټاکنیزې ډلې ملاتړ څرګند کړ.

د سولې خبرې هم پدې کمپایني ناستې سیوری غوړولی؛ د دولت جوړونکې ټاکنیزې ډلې لومړی مرستیال امرالله صالح وایي، په قطر کې د طالبانو او امریکایانو خبرې د افغانستان له خلکو سره اړیکه نلري او یوازې د امریکا او طالبانو تر منځ معامله ده او پایله به یې د افغانستان خلکو ته هم د منلو نه وي.

هغه وزیاته کړې؛ په راتلوونکیو ورځو کې به د افغانستان خلک د سترو خبرونو شاهد وي، خو په خبره یې د خبرو اترو له څرنګوالي باید وېره ونشي.

د اسلامي جمعیت د انسجام شورا رییس سید اکرام معصومي ویلي، چې زمونږ مخکنی جمعیت د همدې جمعیت یوه برخه وه او د همدې جمعیت برخه ده او له همدې ځایه له دولت جوړوونکې ډلې خپل ملاتړ اعلاموو.

دا خبرې په داسې حال کې راپورته کیږي، چې د ځینو سرچینو د څرګندونو له مخې؛ ټاکل شوې له دوه تر درې ناستو وروسته د طالب استازیو او امریکایانو خبرې  هم وروستۍ شي.

خبریال: سمیع جهش

تازه خبرونه

په افغانستان کې پر کرونا ویروس د اخته کسانو شمېر ۱۶۵۰۹ کسانو ته پورته شو

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د عامې روغتیا وزارت یو ځل بیا خلکو ته خبرداری ورکړ، چې که له کرونا ویروس سره په مبارزه کې همکار نشي؛ د افغانستان ټولې کورنۍ به پرې اخته شي.

د عامې روغتیا وزارت مرستیال وحید الله مجروح ویلي؛ په وروستیو څلیریشت ګړیو کې له ۱۳۲۲ کتل شویو بېلګو څخه ۷۵۹ یې مثبتې ثبت شوې دي.

د نوموړي د څرګندونو له مخې؛ په هېواد کې د کرونا پراختیا بهیر ډېر اندېښمنوونکی دی، چې اوس پرې د اخته شویو کسانو شمېر ۱۶ زره پېنځه سوه نهه کسانو ته رسیدلی، چې دوه ترې رغیدلي او پېنځه مړه دي.

هغه دا هم په ډاګه کړې، چې په مرکز او ولایتونو کې د کرونا تازه مثبتې پېښې دادي: کابل ۲۶۶، هرات ۲۱۲، بلخ ۳۹، ننګرهار ۳۴، پکتیا ۶۶، بغلان ۲۷، بامیان ۲۱، غزني ۱۸، تخار ۱۷، فاریاب ۱۸، خوست ۲۵، پروان ۴، کاپیسا ۷، سمنګان ۲ او بدخشان ۳ .

د عامې روغتیا وزارت ټینګار کړی، چې له کرونا سره د مبارزې کیلي د هر هېوادوال په لاس کې ده او که خلک همکاري وکړي؛ د غوره تغذیې او له ګڼه ګوڼې څخه د ډډې کولو په صورت کې به ځان او ټولنه د دې ویروس له زیانه خوندي کړو.

د عامې روغتیا وزارت دا ټینګار هم کوي، چې پر کرونا د اخته کیدو پېښې د خلکو د بې پامیو پایله ده او که په خبره یې روغتیایي سپارښتنې رعایت نشي؛ ناوړه انساني پایلې به رامنځته شي.

Continue Reading

تازه خبرونه

غني او پمپیو د افغانستان د سولې بهیر د راتلونکیو هڅو په اړه خبرې کړي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د افغانستان ولسمشر اشرف غني او د امریکا بهرنیو چارو وزیر مایک پمپیو د سولې بهیر د راتلونکیو هڅو او کړنو په اړه ګدې خبرې کړې دي.

ولسمشرۍ په داګه کړې، چې دواړو لوریو تېره ورځ د وډیو کنفرانس له لارې د افغانستان د سولې پر بهیر خبرې اترې تر سره کړې دي.

په دې وډيو کنفرانس کې د ولسمشر دواړو مرستیالانو؛ امرالله صالح او سروردانش، د ملي پخلاینې شورا مشر عبدالله عبدالله، د افغانستان د سولې لپاره د امریکا ځانګړي استازي زلمي خلیلزاد، د پرېکنده ملاتړ ماموریت ځواکونو عمومي قومندان سکاټ میلر، د امریکا سفارت شاژدافیر راس ویلسن هم برخوال ول.

په دې کنفرانس کې د امریکا بهرنیو چارو وزیر ویلي؛ د امریکا موخه د دواړو هېوادونو ترمنځ د اوږد مهاله او ستراتیژیکو اړیکو په چوکاټ کې د متحد، خپلواک، ډیموکراټ او باثباته افغانستان رامنځته کول دي، چې له حکومت سره ورته په ګډه کار کوو.

د ارګ د څرګندونو له مخې؛ دا ویډیو کنفرانس د سولې پر بهیر، د سولې پر راتلونکيو ګامونو، د بندیانو پر خوشې کولو، د خبرو اترو پر موقعیت او د سولې اړوند پر نورو هڅو راڅرخیدلی دی.

همدارنګه دواړو لوریو د خبرو اترو پر پیل او په اړه یې د همکاریو پر اړتیا ټینګار څرګند کړی دی.

دغه راز څرګنده شوې، چې په راتلونکیو څو ورځو کې به د سولې بهیر پر جزئیاتو کار وشي او په ځانګړي ډول د افغان حکومت لخوا د نااعلان شوي اوربند پر میکانیزم ټینګار وشو، چې د سولې بهیر پوره روښانه کړي.

دا په داسې حال کې ده، چې د طالب بندیانو د خوشې کولو تخنیکي پلاوی اوس هم په کابل کې دی او د بندیانو پر تبادلې او خوشې کولو خبرې روانې دي او تر دې دمه نږدې ۳۰۰۰ طالب بندیان او لږ تر لږه ۴۰۰ حکومتي بندیان د دواړو لوریو خوشې شوي دي.

Continue Reading

تازه خبرونه

طالبانو په بدخشان کې څلور عام وګړي وژلي – چارواکي‎

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د بدخشان ولایت سیمه ییز چارواکو ویلي، چې وسلوالو طالبانو په دې ولایت کې پر ۴ ملکي وګړیو ډزې کړې او هغه یې وژلي دي.

د بدخشان والي ویاند نیک محمد نظري ویلي، چې وسلوالو طالبانو د دوشنبې پر ورځ ماښام مهال د دې ولایت د ارغنجخوا په اړوند سیمه کې څلور ملکي وګړي پر ډزو وژلي دي.

نظري زیاته کړې، چې د پېښې قربانیان دوه سړي او د دوی دوه زامن دي.

هغه دا هم ویلي، چې تر دې دمه د پېښې لامل په ډاګه شوی ندی؛ خو پېښه هم د طالبانو تر څار لاندې سیمه کې رامنځته شوې ده.

طالبانو تر دې دمه پدې اړه څه ندي ویلي.

بدخشان یو له ناامنو ولایتونو څخه دی، چې له پاکستان، چین او تاجکستان سره ګډه لري، چې په یو شمېر ولسوالیو کې یې د طالبانو په ګډون القاعده او داعش ډلې پراخې هڅې تر سره کوي.

Continue Reading

Trending