Connect with us

تازه خبرونه

د جمعیت ګوند یو شمېر غړیو د ولسمشر د کار د دوام په اړه ګواښونه کړي

Ariana News

خپور شوی

 په

(Last Updated On: June 2, 2019)

د جمعیت اسلامي ګوند ځینو لوړپوړیو غړیو خبرداری ورکړی، چې د ولسمشر د کار دوام به ناوړه پایلې ولري. 

د ولسمشر سیاسي مخالفان د غبرګولي له لومړۍ راوروسته ناقراره شوي او هره ورځ په دې او هغه ځای کې له ولسمشره د واک پریښودل غواړي.

په دې مخالفانو کې یو هم د جمعیت ګوند غړي دي، چې له ولسمشره د واک پریښودو غوښتنه کوي.

د ولسمشریزو ټاکنو نوماند احمد ولي مسعود وایي، غني دې له خلکو بښنه وغواړي او نور دې خپل کار نه غزوي.

هغه پوښتي، چې ولې پېنځه میاشتې په واک کې پاتې شي؟ په پېنځه کلونو کې دې کار ونشو کولی په پاتې پېنځه میاشتو کې به له درغلیو او د ټاکنو لپاره د خپلو کسانو له ګومارنې پرته به نوره څه موخه ولرې.

د جمعیت ګوند ځینې غړي وايي، ولسمشر د دې لپاره پر دندې پاتې دی، چې ټاکنې پخپله خوښه مدیریت کړي. نور یې د کار دوام د منلو ندی او د دې حالت دوام کولی شي، ډېرې ناوړه پایلې ولري.

د جمعیت ګوند د سیاسي کمیتې رییس عبدالستار مراد وایي: د افغانستان د جمعیت اسلامي ګوند په دې اند دی، چې نور د ملي وحدت حکومت پېر پای ته رسیدلی؛ مخکې لدې، چې ناوخته شي، باید خپل کار ته د پای ټکی کیدي.               

دغه راز د ولسمشریزو ټاکنو نوماند ابراهیم الکوزی وایي، چې په تېرو څلور کلونو کې دې خلک د نړۍ د متفکر په نوم وغولول. نور خلک نه غولیږي او حکومت پریده. وروره! شخړې مه رامنځته کوه، خلک دې پر وړاندې دریدلي او نور دې واک پای ته رسوي.                

د اساسي قانون له مخې؛ د ولسمشر د کار وخت د پېنځم کال د غبرګولي پر لومړۍ پای مومي؛ خو دا، چې ټاکنې ونه شوې او ټاکل شوې د روان کال د تلې پر شپږمه تر سره شي، نو سترې محکمې د اساسي قانون په تفسر کې ویلي، چې ولسمشر کولی شي ترټاکنو خپله دنده روانه وساتي.

خبریال: روهید اندیشمند

تازه خبرونه

د خوست ولایت د ځاځي میدان ولسوال په لوګر کې ووژل شو

Ariana News

خپور شوی

په

توسط

(Last Updated On: October 20, 2020)

د خوست ولایت د ځاځي میدان ولسوال عبدالحی ځاځی نن له غرمې وروسته د لوګر ولایت د التمور په اړوند سیمه کې د ناڅرګندو وسلوالو لخوا تر برید لاندې راغلی او له خپل ساتونکي سره وژل شوی دی.

پېښه د پکتيا او لوګر ولايتونو مسوولينو تائيد کړې ده.

د سیمه ییزو چارواکو د څرګندونو له مخې؛ پېښه په اړوند سیمه کې هغه مهال رامنځته شوه، چې دی له خپل ساتونکي سره کابل ته پر لاره و.

د پکتیا والي ویاند عبدالرحمن منګل ویلي، چې په دې پېښه کې د هغه یو ساتونکی هم وژل شوی او یو بل ملکي وګړی ټپي دی.

ویل کیږي، چې وژل  شوي کسان او ټپي د پکتیا حوزوي روغتون ته لیږدول شوي دي.

د پېښې پړه تر دې دمه چا پر غاړه نده اخیستې.

Continue Reading

تازه خبرونه

ناتو تر ۲۰۲۴ کال پورې له افغان ځواکونو د مالي ملاتړ ډاډ بیا تکرار کړ

Ariana News

خپور شوی

په

توسط

(Last Updated On: October 19, 2020)

د دوشنبې پر ورځ په یوه خپره شوې اعلامیه کې ناتو څرګنده کړې، چې د افغانستان د ملي اردو د وجهي صندوق بورد په خپله عمومي غونډه کې له افغان امنیتي ځواکونو څخه د مالي ملاتړ پر پلي کولو بیاکتنه کړې ده.

د دوی د څرګندونو له مخې؛ د دې سازمان غړیو د ۲۰۲۱ کال لپاره له افغان ځواکونو سره پخپلې مالي مرستې بحث او خبرې وکړې او د ۲۰۲۴ کال پورې به له افغان امنیتي ځواکونو سره د مالي مرستې چمتو کولو په اړه خپلې ژمنې تکرار کړي.

د ناتو عمومي منشي ینس ستولتنبرګ په دې ناسته کې ویلي؛ د نن ورځې ژمنې هغه ډاډ پیاوړی کړو، چې  له ۲۰۲۰ کال وروسته به له افغان امنیتي ځواکونو سره زموږ مالي ملاتړ هم روان وساتل شي.

نوموړي زیاته کړې؛ له افغان ځواکونو سره د نړیوالې مرستې د وجهي صندوق د جوړیدو له ورځې د ۲۰۲۰ کال تر اکتوبر تر ۵ ټوله مرسته ۳.۲ میلیارد ډالرو ته رسيږي.

د ناتو تر مشرۍ لاندې د افغانستان د ملي اردو وجهي صندوق په ۲۰۰۷ کال کې جوړ شوی دی. دې مرستو د تمویل، تجهیز او وړتیاوو د رامنځته کولو په ګډون د افغان ځواکونو په مسلکي روزنې، سواد او پوځي زدکړو او اړوند نورو هڅو د تمویلولو او د افغان امنیتي ځواکونو په اغیزمنتوب، ودې او پایښت کې بنسټیز رول لوبولی دی.

دغه  وجهي صندوق د نړیوالې ټولنې لخوا د مرستې لپاره خلاص شوی دی.

دا د هغو درې تمویل کوونکیو څخه یو دی، چې د نړیوالې ټولنې لخوا د افغانستان امنیتي ځواکونو او بنسټونو ته د مالي مرستې ورکولو لپاره کارول کیږي.

نور دوه بنسټونه د افغانستان لپاره د قانون او نظم وجهي صندوق (ال او تی اف ای) د ملګرو ملتونو پراختیايي پروګرام او بل د افغانستان لپاره د امریکا د امنیتي ځواکونو وجهي صندوق ( ای اس اف اف) دی.

Continue Reading

تازه خبرونه

په نړۍ کې پر کرونا د اخته کسانو شمېر له ۴۰ میلیون پورته شو

Ariana News

خپور شوی

په

توسط

(Last Updated On: October 19, 2020)

رویترز څرګنده کړې؛ داسې ښکاري، چې د ژمي له راتلو سره په شمالي نیمه کره کې د کورونا ویروس یو ځل په چټکۍ مخ پر خپریدو شوی دی.

کارپوهان پدې باور دي، چې په ځینو هېوادونو کې که څه هم د مړینې او ناروغیو د پوره آزموینې او بشپړ راپور  ناشونی دیګ خو بیاهم یې شمېر خورا ډېر دی.

د رویترز موندنې ښیي، چې دغه ناروغي چټکه خپریږي؛ ځکه، چې په ۳۲ ورځو کې پر دې ویروس د اخته کسانو شمېر له ۳۰ میلیون څخه ۴۰ میلیون ورسیده. په داسې حال کې، چې په ۳۸ ورځو کې له ۲۰ میلیون څخه ۳۰ میلیون ته، له ۱۰ میلیون څخه تر ۲۰ میلیونو پورې په ۴۴ ورځو کې او د چین په اوهان ښار کې د دفه ویروس له رامنځته کیدو درې میاشتې وروسته پر دغه ویروس د اخته کسانو شمېر ۱۰ میلایون ته رسیدلی دی.

امریکا، هندوستان او برازیل اوس هم په نړۍ کې ترټولو اغېزمن شوي هېوادونه دي.

Continue Reading
Advertisement

Trending