Connect with us

تازه خبرونه

د اوبو شبکو جوړولو د ۳۱ پروژو تړونونه لاسلیک شول

Avatar

خپور شوی

 په

(Last Updated On: وری ۲۷, ۱۳۹۸)

د کرنې او مالدارۍ وزارت مسوولین وايي، د هېواد اوبه د کرنې په پراختیا کې مهم رول لري او په روان کال کې به د اوبو د مدیریت پروژو ته لومړیتوب ورکړو.

د کرنې وزارت له خوانه دهېواد په اووه ولایتونو کې د اوبو د شبکې یو دېرش پروژو د جوړولو تړونونه لاسلیک شول.

د کرني او مالدارۍ وزیر نصیر احمد درانی وايي؛ ټول هغه شرکتونه، چې اړوند تړونونه ورسره لاسلیک شوي باید خپلي پروژې پر ټاکلي وخت تر سره کړي.

د دغو پروژو مالي لګښت ۴۷۱ میلیون افغانۍ کیږي،  چې د کرنې د پراختیا نړیوال بنسټ له لوري ورکول کیږي.

ښاغلی درانی زیاتوي؛ د اوبو مدیریت راته خورا مهم دی او هغه شرکتونه، چې ور سره تړونونه کیږي؛ باید د تړون له مخي خپل اړوند کارو نه بشپړ کړي.

د پروژو پلي کوونکي شرکتونه بیا وايي، چې د کرنې وزارت سروې شوي کارونه او پلانونه په عمل کې توپیر لري.

د خصوصي شرکت غړی حشمت الله وایي؛ هغه پروژه، چې وزارت دیزاین کړې له عملي برخي سره خورا بشپړ واټن لري.

د نوموړي د څرګندونو له مخې؛ په نقشه او ساحه کې اړینه ده، چې توپیرونه رامنځته شي.

دهېواد بزګران، چې دغې غونډې ته راغلي وايي، چې د دغو پروژو له بشپړیدو سره به مو د اوبو د کمښت ستونزه حل شي.

بزګر شاولي نومی وایي، چې لدې کار سره به زمونږ د اوبو د ضایع کیدو مخنیوی وشي او هم به مو د  کښت په کچه کې ډېروالی راشي.

وحید الله نومی یو بل بزګر وایي؛ مونږ د پروژو له پلي کوونکیو شرکتونو پخپل وخت د کار خلاصولو هیله کوو، چې کرنه مو ورسره پراخه شي.

د کرنې وزارت وايي، په په دغو یودېرش پروژو کې به ۲۷۲۷ جریبه ځمکه خړوبه او په اووه ولایتونو کې به ۲۵ سلنه د اوبو د ضایع کیدو مخنیوی وشي.

خلریال: اسلم حجاب

تازه خبرونه

په بدخشان کې د سړک غاړې ماین چاودنې ۱۱ سیمه ییز پولیس وژلی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د بدخشان ولایت امنیتي چارواکو ویلي، چې د سړک غاړې د ماین چاودنې په پایله کې ۱۱ سیمه ییزو پولیسو ساه ورکړې ده.

د دې ولایت د پولیسو ویاند ثنا الله روحاني ویلي، چې دا پېښه تېره شپه ۱۱ بجې د دې ولایت د خان ولسوالۍ د درخوان په اړوند سیمه کې رامنخته شوې ده.

د نوموړي د څرګندونو له مخې په دې پېښه کې د سیمه  ییزو پولیسو قومندان مزاري له خپلو ۱۰ ساتونکیو سره وژل شوی دی.

روحاني دا هم ویلي، چې د قومندان مزاري موټر هغه مهال له دې چاودنې سره مخ شو، چې غوښتل یې د امنیتي ځواکونو له یوې پوستې سره مرسته وکړي.

د بدخشان د پولیسو ویاند زیاته کړې، چې په درخوان ولسوالۍ کې د طالبانو او سیمه ییزو پولیسو له نښتې خاش ولسوالۍ ته د طالبانو نومول شوی ولسوال حمید الله له خپلو دوه ساتونکیو سره وژل شوی دی.

طالبانو تر دې دمه په دې اړه څه ندي ویلي.

ویل کیږی، چې بدخشان د هېواد یو له ناامنو ولایتونو څخه دی، چې په یو شمېر ولسوالیو کې یې طالبان داعش او القاعده پراخې هڅې تر سره کوي.

Continue Reading

تازه خبرونه

د افغانستان د سولې بهیر د چتکولو لپاره سیمې ته خلیلزاد سفر پیل کړی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

 امریکا ویلي، چې د افغانستان د سولې لپاره د امریکا ځانګړي استازي زلمي خلیلزاد د سیمې هېوادونو ته خپل کاري سفر پیل کړی دی.

د امریکا بهرنیو چارو وزارت په ډاګه کړې، چې خلیلزاد تېره ورځ دوحې، اسلام آباد او کابل ته روان شوی دی.

یاد وزارت دا هم څرګنده کړې، چې د خلیلزاد له دې سفره موخه په افغانستان کې د ښکېلو لوریو تر منخ د سولې راوستلو لپاره پر خپلمنځي خبرو هوکړه ده.

د دغو څرګندونو له مخې به خلیلزاد په کابل کې د امریکا او طالبانو د سولې راوستو د هوکړې او د واشنګټن او کابل د اعلامیې او دغه راز د اورکم او طالب بندیانو د خوشې کولو په اړه له ټولو لوریو سره خبرې اترې ولري.

دا په داسې حال کې ده، چې امریکایي ځواکونو د پنجشنبې پر ورځ د طالبانو پر سنګرونو دوه هوایي بریدونه کړي دي.

په افغانستان کې د امریکایي ځواکونو ویاند ساني لګیت په خپل یوه ټویټ کې څرګنده کړې، چې د اختر له اوربند وروسته امریکایي ځواکونو له افغان ځواکونو څخه د ملاتړ په موخه د طالبانو پر سنګرونو هوایې بریدونه کړي دي.

د نوموړي د څرګندونو له مخې؛ د امریکا هوایي ځواک په فراه کې پر ۲۵ جنګیالیو هوایي برید کړی او دغه راز په کندوز ولایت کې هغه وسلوال طالبان بمبارد شویو، چې پر افغان خواکونو یې د برید هڅه کوله.

Continue Reading

تازه خبرونه

په افغانستان کې د رسنیو ډېر کارکوونکي پر کرونا اخته دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د بې سرحده  خبریالانو ټولنې په ډاګه کړې، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته شوی دي.

یادې ټولنې د رسنیو مسلکي کارکوونکي ( د مړینې نوملړ ته څه له بریدونو او څه هم د کرونا له ډګره ورزیاتیږي ) تر سرلیک لاندې ګزارش خپور کړی، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته ښودل شوي دي.

دې راپور دا هم په ډاګه کړې، چې په افغانستان کې تر دې دمه پر کرونا اخته د رسنیو دوه کارکوونکيو خپل خوږ ژوند له لاسه ورکړی دی.

د خبریالانو دې ټولنې ویلي، چې د آریانا نیوز او آریانا تلویزیونونو ډریور سلیمان یوسفي او د ننګرهار ملي رادیو ټلویزیون خبریال نصیر احمد ساپی د رسنیو هغه کارکوونکی دي، چې له دې ویروسه یې خپل خواږه ځانونه له لاسه ورکړی دي.

دغه راز د بې سرحده خبریالانو ټولنې ویلي، چې په افغانستان کې پر کرونا اخته خبریالان نه د درملنې او نه هم له مالي امکاناتو برخمن دي.

Continue Reading

Trending