تازه خبرونه
د تېرې یوې اوونۍ په جګړو کې له ۳۵۰ ډېر افغانان وژل شوي
د تېرې یوې اوونۍ په جګړو کې دوه سوه پنځوس افغان سرتېرو، له سل ډېرو ولسي وګړیو ژوند له لاسه ورکړی او دغه راز په ټولیزه توګه ژوبل شوي عام وګړي او سرتېري درې سوه ته رسیدلي دي.
پر افغانستان له تېرې جمعې راپدیخوا یو ځل بیا خونړۍ شپې او ورځې راغلې؛ په یوه اوونۍ کې وسلوالو طالبانو په غزني، بغلان، فاریاب او ځینو نورو ولایتونو کې بریدونه وکړل، چې شاوخوا دوه سوه پنځوس افغان سرتېري یې ووژل او لسګونه نور یې ټپیان کړل. د ملکیانو مرګ و ژوبله هم لوړه وه. کابو سل ولسي وګړي هم وژل شوي او لسګونه نور ټپیان دي. دغه راز په کابل کې پر یوه روزنیز مرکز په ځانمرګي برید کې پېنځه شپېته زدکوونکي ووژل شول او اویا نور ټپیان دي.
د غزني په څو ورځنۍ جګړه کې ۱۴۵ سرتېري او ۶۰ ولسي وګړي وژل شوي او له دوه سوه ډېر سرتېري او ولسي وګړي ټپیان شوي دي.
طالبانو په بغلان کې د علاوالدین په پوځي مرکز کې پېنځه څلوېښت افغان سرتېري ووژل او په قیصار کې یې د چینایانو په پوځي کمپ کې پر افغان سرتېرو برید وکړ او د یو سل و پنځوس سرتېرو ژوند یې واخیست.
پوځي مسوولین وايي، چې سرتېري د هېواد او خلکو د خونديتوب په لار کې هر ډول قربانۍ ته چمتو دي.
د دفاع وزارت د ویاند مرستیال محمد رادمنش د تېرې یوې اوونۍ د دغې مرګ و ژوبلې په اړه وایي، چې د هېواد امنیتي او دفاعي ځواکونه د هېواد او خلکو څخه د دفاع لپاره ځانونه قربانوي او تر وروستي څاڅکي وینې جنګیږي.
له دې مخکې داسې ګنګوسي وه، چې د کوچني اخترد اوربند په ورځو کې په ګڼ شمېر وسلوال طالبان ښارونو ته ننوتل او بېرته ونه وتل؛ خو پولیس بیا دا نه مني.
د کورنیو چارو وزارت ویاند نجیب دانش وایي، پر غزني برید زمونږ د کمزورۍ پر لامل نه و؛ له طالبانو سره حقاني ډلې، القاعده او نورو وسلوالو ډلو مرسته وکړه او دا برید یې تر سره کړ.
که څه هم جګړو زور اخیستی؛ مرګ و ژوبله لوړه شوې، خو پر دې سربېره ویل کیږي، چې حکومت او وسلوال طالبان ښايي د راتلونکي لوی اختر په ورځو کې بیا اوربند وکړي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ