Connect with us

تازه خبرونه

د جمعیت اسلامي د والي عبدالکریم خدام د لیرې کولو فرمان رد کړ

Ariana News

خپور شوی

 په

(Last Updated On: February 19, 2018)

د جمعیت اسلامي افغانستان رهبرۍ شورا په یوه اعلامیه کې د دوشنبې پر ورځ( د سلواغې ۳۰) د ملي وحدت حکومت هغه فرمان رد کړ، چې له مخې یې عبدالکریم خدام د سمنګان د ولایت له مقامه لیرې شوی او پر ځای یې عبداللطیف ابراهیمې دغه مقام ته ټاکل شوی دی.

د دغه حزب په اعلامیه کې راغلي، چې د سمنګان د والي لیرې کولو دغه فرمان د تاوتریخوالي د ډېرولو لپاره  یو نامناسب او بې وخته پورته شوی ګام دی، چې د ملي وحدت حکومت له سیاسي هوکړې ښکاره سرغړونه ده.

په اعلامیه کې راغلي، چې د دې حزب رهبري شورا د سمنګان والي عبدالکریم خدام په پلوۍ د دغه ولایت د خلکو او ترک توکمو غوښتنې ډاډمنې بولي او د ده د لیرې کولو فرمان ردوي.  

د تېرې شنبې پر ورځ ( د سلواغې ۲۸) د ملي وحدت حکومت د ولسمشر د فرمان له مخې د سمنګانو والي عبدالکریم خدام د ولایت له مقامه لیرې کړ او پرځای یې عبداللطیف ابراهیمي وټاکه .

د سمنګان پخواني والي عبدالکریم خدام د یکشنبې پر ورځ(د سلواغې ۲۹) یوې خبري ناستې ته ویلي وه، چې د سیمه ییزو ارګانونو ادارې پرېکړه نه مني او د سمنګان د والي په توګه به پر خپل مقام پاتې وي.

هغ دا هم ویلي؛ ملي وحدت حکومت دا صلاحیت نلري، چې والیان له دندې ګوښه او یا یې پر ځای بل څوک وټاکي.

د ده د وینا له مخې؛ ده ته د ولایت مقام  جمعیت اسلامي او ترک توکمو سپارلی او تر هغې به دنده تر سره کوي، چې دوی لیرې کړی نه وي.    

د جمعیت اسلامې د رهبرۍ شورا مشر او د بهرنیو چارو سرپرست وزیر صلاح الدین رباني تېره ورځ ویلي وه؛ د سمنګان والي جناب عبدالکریم خدام د درناوي وړ، د جمعیت اسلامې د رهبرۍ غړی او د ترکمنو د محترم قوم پوه او تجربه لرونکی شخصیت دی.

د سمنګان د پخواني والي عبدالکریم خدام مرستیال ضیاءالدین ضیاء هم ګواښ کړی، چې که حکومت د پوځي مداخلې په فکر کې شي؛ نو سخت ځواب به وويني. دی هم د ولسمشر لخوا ګوښه شوی و؛ خو اجرائیه رییس بېرته ټاکلی دی.

عبدالکریم خدام تېر کال د سمنګان د والي په توګه ټاکل شوی و، چې تېره ورځ له دندې ګوښه او پر ځای یې د ولسي جرګې د رییس عبدالرووف ابراهیمي وراره عبدالطیف ابراهیمي د سمنګان والي په توګه وټاکل شو.

دا د جمعیت اسلامي دوه یم والي دی، چې د دې ادارې پرېکړه ردوي.

دوه میاشتې وړاندې ارګ د بلخ والي عطاء محمد نور هم له واکه ګوښه کړی؛ خو د دوه میاشتو په تېرېدو بیا هم نوموړی تراوسه د بلخ والي دی او د بلخ لپاره نوي ټاکل شوي والي انجینر داود ته د کار موکه نه ده ورکړشوې.

دا په داسې حال کې ده، چې د سیمه ییزو ارګانونو د خپلواکې ادارې ویانده منیره یوسفزاده د والي لیرې کول او پر دنده ګومارل د ولسمشر واک بولي او وایي،  د دې ولایت نوی والي به ژر کار پیل کړي.

قتیل زوی

تازه خبرونه

په بغلان ولایت کې څلور پولیس وژل شوي

Ariana News

خپور شوی

په

توسط

(Last Updated On: November 24, 2020)

د بغلان پولیس وايي، چې د مرکزي بغلان ولسوالۍ د پلخمري د خواجه الوان او د لقه یي د کلیو د پولیسو پر پوستو د وسلوالو طالبانو په برید کې ۱۰ وسلوال وژل شوي او ۱۲ نور ټپیان دي.

د بغلان د پولیسو د رسنیو خبرپاڼې تائید کړې، چې په دې پېښو کې څلور سرتېري وژل شوي او درې نور ټپیان دي.

د بغلان د ولایتي شورا غړې میرمن شاجان ایوبي څرګنده کړې، چې د طالبانو په بریدونو کې شپږ امنیتي سرتېري وژل شوي او څلور نور ټپیان دي.

طالبانو پر اړوند سیمو د برید مسوولیت ته غاړه ایښې ده.

Continue Reading

تازه خبرونه

د امرالله صالح پر وروستیو څرګندونو د ولسي جرګې یو شمېر غړیو غبرګون څرګند کړ

Ariana News

خپور شوی

په

توسط

(Last Updated On: November 24, 2020)

ولسي جرګې نن (سې شنبه د لیندۍ ۴) د ولسمشر د لومړي مرستیال امرالله صالح د وروستیو څرګندونو په غبرګون کې د نوماند وزیرانو د پروګرام اوریدل وځنډول.

د ژنیو ۲۰۲۰ کنفرانس په څنډه کې امرالله صالح په ډاګه کړې، چې د ولسي جرګې یو شمېر غړي په فساد کې ښکېل دي.

نوموړي په دې اړه ویلي وه، چې: د ولسي جرګې د ځینو غړیو تر منځ فساد ډېر دی. تر دې دمه افغانستان  بریالی شوی ندی، چې د پارلمان غړي محکمې ته راکاږي.

امرالله صالح زیاته کړې: دا یو هېر شوی کار دی. تر دې دمه وزیران، جنرالان، مشران او یو شمېر سیاستوال پر فساد تورن شوي؛ خو د پارلمان غړيو په فساد کې د ښکېلتیا له کبله کومه بیه نده پرې کړي.

د ولسي جرګې غړیو ګواښ کړی؛ تر هغې، چې د ولسمشر لومړی مرستیال په دې اړه سپیناوی ونکړي؛ د نوماند وزیرانو د پلانونو د اوریدو عمومي غونډه او د راتلونکي کال د بودجې تصویب به هم ځنډېدلی وي.

Continue Reading

تازه خبرونه

پاکستان په افغانستان کې د خپلو بندیانو له خوشې کیدو هرکلی وکړ

Ariana News

خپور شوی

په

توسط

(Last Updated On: November 24, 2020)

په کابل کې د پاکستان سفارت د خپلو یو شمېر بندیانو د خوشې کولو په اړه د ولسمشر غني له سپارښتنې او ښه نیته هرکلی کړی دی.

په افغانستان کې د پاکستان سفیر منصور احمد خان تېره شپه (دوشنبه د لیندۍ ۳) په یوه تویت کې د پاکستانیو زندانیانو خوشې کولو مننه کړې او دا کار یې بشردوستانه عمل وباله.

هغه ویلي: مونږ د ولسمشر غني د یو شمېر هغو پاکستانيو بندیانو د خوشې کولو له حکمه هرکلی کوو، چې خپل بند یې بشپړکړی؛ خو د جریمې په ورکولو کې پاتې راغلي او همدارنګه هغه بندیان، چې بند یې د بشپړېدو په حال کې دي.

د پژواک خبري آژانس د ولسمشر د فرمان یوه کاپي خپره کړې، چې په کې ولسمشر اشرف غني د پاکستانيو بندیانو د خوشې کیدو امر کړی او دا کار یې د دوه اړخیزو اړیکو پیاوړتيا لپاره ارزښتمن بللې.

د فرمان په لومړۍ ماده کې راغلي؛ هغه پاکستاني بندیان، چې د بند سزا یې پوره کړې باید د یوې میاشتې په دننه کې خوشې شي.

د دغه فرمان د دوه یمې مادې له مخې: هغه پاکستاني بندیان، چې جریمه شوي او جریمه یې نده ورکړې او له همدې کبله په بند کې پاتې دي؛ باید خوشې شي.

 د دې فرمان په درېیمه ماده کې راغلي؛ د بندیانو په چارو کې د ولسمشر د فرمانونو د پلي کولو کمیسیون باید دغه فرمان پلی کړي.

د راپورونو له مخې، د بندیانو د خوشې کولو سپارښتنه د پاکستان د لومړي وزیر عمران خان په مشرۍ کابل ته د لوړپوړي پلاوي له راتګ وروسته په ډاګه شوې، چې د چارواکو د څرګندونو له مخې به د نومبر پر شلمه د پلې کیدو وړ شي.

دا په داسې حال کې ده، چې یو شمېر پاکستانيان د بېلابېلو جرمونو په تور افغان حکومت بندیان کړي؛ خو بشپړ شمېر یې ناڅڅرګند پاتې دی.

Continue Reading
Advertisement

Trending