Connect with us

تازه خبرونه

د امریکا نوې تګلاره پر زور او جبر ولاړه ده- روسیه

خپور شوی

د

(Last Updated On: لړم ۲, ۱۴۰۱)

د روسیې د بهرنیو چارو وزیر په افغانستان کې د امریکا نوې تګلاره د خپګان وړ بللې او وایي، چې د ولسمشر ټرمپ اعلام شوې تګلاره بې ګټې او پر زور او جبر ولاړه ده ده.

د روسیې د بهرنیو چارو وزیر سرگي لاروف په ډاګه کړې؛ مونږ خفه یو، چې د امریکا د نوې تګلارې اصلي تمرکز پر زور او جبر ولاړ دی.

د نوموړي په وینا؛ د  ټرمپ لخوا دغه اعلام شوې طرحه بې ګټې ده.

د پاکستان خلاف د  ولسمشر ترمپ توند دریځ  پاکستاني چارواکي هم اندیښمن کړي او د بهرنیو چارو وزیر یې هم نه مني، چې ترهګر دې د پاکستان په خاوره کې پټ شوي وي.

د پاکستان د بهرنیو چارو وزیر خواجه آصف ویلي؛ پاکستان یې نشي منلی، چې د افغانستان د جګړې ډګر دې وي. په دې باید پوه شو، چې پاکستان ډال ګرځول، د افغانستان له ثبات سره هیڅ مرسته نه کوي. پاکستان به هیڅ ډلې ته اجازه ورنکړي، چې د افغان ملکیانو او امریکایانو خلاف د افغانستان په خاوره کې وجنګیږي. زمونږ هېواد خپله  د ترهګرۍ قرباني دي.

د نړیوالو اړیکو کارپوه عباس فراسو وایي، ګاونډ هېوادونه؛ ځکه توند غبرګونونه ښیي، چې د امریکا په نوې تګلاره کې منزوي شوي او پر وړاندې یې ښکاره غبرګون ښيي.

روسیه له وړاندې د امریکا لخوا له افغان طالبانو سره په تار ځغلولو تورنه شوې او د امریکا د نوې تګلارې په وړاندې یې تازه غبرګون د وضعیت د حساسوالي ښودنه کوي.

افغانستان لپاره د روسيې د ولسمشر ویلاديمير پوټين ځانگړي استازي ضمير کابلوف د افغانستان او سويلي آسيا په تړاو د امریکا د ولسمشر دونلد ترمپ نوې تگلاره ناسمه بللې او وایي، چې پر پاکستان به د فشارونو زیاتوالی د دې لامل شي، چې افغانستان نور هم ناامنه او د گډوډۍ ښکار شي.

باور کیږي، چې ممکن دغه هېوادونه بیا په یوې سیالي کې ښکېل شي؛ خو امریکا بیا وایي، چې هیڅکله به د افغانستان جګړه ونه بایلي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!