Connect with us

تازه خبرونه

د بندیانو د تبادلې په اړه د طالبانو او حکومت لومړنی ویډیو کنفرانس جوړ شو

Ariana News

خپور شوی

 په

(Last Updated On: March 23, 2020)

په لومړي ځل حکومت او طالب استازي د ویدیو کنفرانس له لارې د بندیانو د تبادلې پر څرنګوالي وغږیدل.

د افغانستان د سولې لپاره د امریکا ځانګړي استازي زلمي خلیلزاد ویلي، دا خبرې د پام وړ او اړینې وې، چې د امریکا او قطر استازیو یې آسانتیا برابره کړې وه.

 که څه هم د ملي امنیت شورا دفتر د ویډیو کنفرانس له لارې د حکومت او طالبانو له لومړنۍ اړیکې خبر ورکړ، چې دواړو لوریو څه باندې دوه ساعته د بندیانو پر خلاصون، د تاوتریخوالي پر کمي، د افغانانو پر خپلمنځي خبرو او اوربند بحث او خبرې اترې کړي؛ خو طالبانو ویلي، چې د زندانیانو مسوول یې په دې ناسته کې یوازې د بندیانو د خوشې کولو پر څرنګوالي خبرې اترې کړي دي.

 د ملي امنیت شورا ویاندجاوید فیصل ویلي: په دې ویډیوي لیدنه کې د تاوتریخوالي پر ټولو اړخونو، خپلمنځي خبرو او په هېواد کې پر اوربند خبرې اترې شوې دي. په دې دوه نیمو ساعتونو کې پر تخنیکي کړنو اندونه وړاندې شول، چې د بندیانو د خلاصون لپاره ډاډمنې هڅې تر سره شي.

په قطر کې د طالبانو سیاسي دفتر په ډاګه کړې، چې په دې خبرو اترو کې د دوی لخوا د بندیانو اړوند تخنیکي ډلې حضور درلود او د بندیانو د خلاصون له مسالې پرته پپر نورو موضوعاتو خبرې ندي شوي.

پخواني طالب چارواکي سید اکبر آغا ویلي: په دې خبرو اترو کې یوازې د بندیانو پر خلاصون بحث شوی دی.

د افغانستان د سولې لپاره د امریکا ځانګړي استازي په یوه ټویټ کې له دې خبرو هرکلی کړی او څرګندوي، چې دواړو لوریو د بندیانو د خلاصون پر مسالې جدي او تخنیکي بحثونه کړي دي.

زلمی خلیلزاد وایي، دواړو خواوو د تاوتریخولي د کمي، د افغانانو د خپلمنځي خبرو او سراسري اوربند په تړاو کلکه ژمنه کړې او د نن ورځې څه باندې دوه ساعته تخنیکي بحث اړین او بشپړ و. زه له ټولو خواوو مننه کوم. ټول په څرګنده پوهیږي، چې د کرونا ویروس ګواښ د بندیانو د خلاصون اړتیا زیاتوي او ټولو لوریو د تاوتریخوالي د کمي، د افغانانو د خپلمنځي خبرو او هر اړخیز اوربند ته کلکه ژمنه اعلان کړې ده.

دغه راز د قطر بهرنیو چارو وزارت په یوه اعلامیه کې دا خبرې اترې رغنده ګڼلي او څرګندوي، دواړو خواوو د بندیانو پر نوملړ او د آزادېیونکیو د سپارلو د ځای په اړه بحث وکړ.

د قطر بهرنیو چارو وزارت په اعلامیه کې راغلي: دا خبرې ګټورې او رغنده وي او دواړو خواوو په کې د بندیانو پر نوملړ او د خلاصون پر څرنګوالي، د هغوی د خوشې کولو پر ځای او لېږد بحث کړی دی. دواړو خواوو د تاوتریخوالي د کمي، د افغانانو پر خپلمنځي خبرو او د سولې ټولګډونه خبرو په تړاو، چې په  څو ورځو کې به له سره پیل شي؛ خپله ژمنه ښکاره کړه.

له دې مخکې طالبانو د حکومت له استازیو سره هر ډول خبرې اترې رد کړې وې او د تماس له شپږ کسیزې ډلې سره یې، چې څه موده مخکې دوحې ته تللې وه، خبرې نه وې کړې.

تازه خبرونه

په تېرو ۵۰ ورځو کې طالبانو ۲۶۱ ملکي وګړي وژلي

Ariana News

خپور شوی

په

توسط

(Last Updated On: October 31, 2020)

کورنیو چارو وزارت ویلي؛ طالبانو د ۵۰ ورځو راپدیخوا په یو شمېر ولایتونو کې تاوتریخوالی او وسلوال بریدونه ډېرکړي؛ ۲۶۱ملکي وګړي یې وژلي او ۶۰۲ نور ټپيان دي.

د کورنیو چارو وزارت د ویاند طارق آرین د څرګندونو له مخې؛ په دې پنځوس ورځو کې د افغان ځواکونو په متقابلو بریدونو کې طالبانو ته هم درانده ځاني زیانونه اوښتي دي. 

د ملي اردو چارواکو ویلي، د هلمند لپاره د طالبانو د پوځي کميسیون مرستیال وژل شوی.

پو ځي کارپوه جاوید کوهستانی وایي؛ د طالبانو دا تحرکات د سولې بهیر ته شا اړول او د دوحې له هوکړې څخه سرغړاوی دی او د سولې او جګړې معادله یې بدله کړې ده.

طالبانو تر اوسه د کورنیو چارو او ملي دفاع وزارتونو خبرو ته غبرګون ندی ښودلی؛ خو په تېرو کې یې دا ډول ادعاوې رد کړې دي.

دا په داسې حال کې ده، چې د ولسمشر دوه یم مرستیال ویلي؛ طالبانو په دوحه کې د سولې خبرې له ځنډ سره مخ کړي؛ د تاوتریخوالي د کموالو او د خبرو د پرمختګ لپاره یې خپله یوه ژمنه هم پلې کړې نده

Continue Reading

تازه خبرونه

د کندهار په ارغنداب کې روانه جګړه ۵ ورځنۍ شوه

Ariana News

خپور شوی

په

توسط

(Last Updated On: October 31, 2020)

د کندهار په اړغنداب ولسوالۍ کې له تېرو پېنځه ورځو راپدیخوا د پیل شوې جګړې دواړه لوري د خپلو پرمختګونو، د درندو وسلو د وارونو او یو بل ته د درندې مرګ و ژوبلې ادعاوې کوي.

د جګړې له وېرې رابېځایه شوې کورنۍ په ډاګ کوي، چې له کورونو او باغونو یې د جګړې سنګرونه جوړ شوي او د بېرته ژر ورتګ هیله یې نشته.

د ارغنداب له جګړې بېځایه شويو ويلي، دلته د ژوند سختې شېبې تېروي او تر اوسه یې هیڅ مرستندویه ادارې لاسنیوی ندی کړی.

له دغې جګړې بېځایه شوي کورنۍ وايي، د ژوند سختې شیبې تېروې او تر اوسه یې هیڅ مرستندویه ادارې لاسنیو نه دی کړی.

امنیتي ځواکونو ويلي، ځمکنۍ جګړه د هوايي ځواک له ملاتړه برخمنه ده او لسګونه وسلوالو ته یې مرګ ژوبله اړولې.

د کندهار د پولیسو ویاند جمال ناصر بارکزي ويلي، هوايي ځواکونو يې مرسته کړې او په ارغنداب، میوند او ژړۍ ولسوالۍ کې يې ۷۵ طالبان وژلي دي.

د ارغنداب تر څنګ تازه په پنجوايي او ژړۍ ولسواليو کې هم سلګونه طالبانو پر امنیتي پوستو بریدونه کړي او ځينې سيمې یې له حکومتي ځواکونو نيولي دي.

له تېري یوې میاشتي راپدیخوا د کندهار په گاونډ ولايتونو هلمند او روزګان کې هم وسلوالو طالبانو بريدونه پيل کړي دي.

د راپورونو له مخې، په دواړو ولایتونو کې د دغو بریدونو له کبله په زرګونه کسان له خپلو کورونو بېځایه شوي او تر شنه آسمان لاندې د بېوسۍ سختې شېبې  تېروي.

Continue Reading

تازه خبرونه

په یونان او ترکیه کې زلزلې لږ تر لږه ۲۶ کسان مړه کړي

Ariana News

خپور شوی

په

توسط

(Last Updated On: October 31, 2020)

د جمعې پر ورځ د لړم ۹ د رښتر ۷ درجې زلزلې د ترکیې لویدیځ ساحل ازمیر او د یونان ساموس ټاپوګان ولړزول، چې د مالي زیانونو تر څنګ په کې ۲۶ کسان مړه  شوي او سلګونه نور ټپیان دي.

د شنبې پر ورځ، د ژغورنې کارمندانو د ویجاړو شویو ودانیو له خاورو څخه ژغورل شوي او د ژغورونکو هڅې روانې دي.

د ترکیې د ناورین او بېړنیو حالاتو ادارې د شنبې پر سهار په یوه خپره شوې اعلامیه کې څرګنده کړې ، چې په ترکیه کې ۲۴ کسان مړه شوي دي.

د ترکیې دفاع وزارت ویلي، له زلزلې وروسته پر نورو مرستو سربېره چورلکې هم پر کار ګمارل شوي، چې د لټون او ژغورنې په عملیاتو کې برخه واخلي.

د ترکیې ولسمشر رجب طیب اردوغان له خپلو خلکو سره د تویت له لارې خواخوږي ښودلې او د ازمیر ایالت له مشر سره یې تیلیفوني اړیکه نیولې ده.

دغه راز پر ترکیې سربېره د یونان چارواکو هم ویلي، چې زلزله د یونان په ساموس بندر کې احساس شوې، چې له کبله یې ځینې ودانۍ اغېزمنې شوې دي.

یوناني چارواکو ویلي، چې د یونان په ساحلي ښار ساموس کې دوه ماشومان مړه شوي دي.

په یونان کې رسنیو راپور ورکړی، چې د ساموس او نورو ټاپوګانو اوسیدونکي له خپلو کورونو تښتیدلي او اوسنی حالت یې کوچنی سونامي نوولی دی.

امریکایي ځمکپوهانو ويلي، چې د ترکیې ازمیر ایالت ۷ درجې سختې زلزلې وهلی دی. په داسې حال کې چې ترکیې د زلزلې درجه ۶.۶ ښودلی ده.

Continue Reading
Advertisement

Trending